Colosenses 1:9 - Triqui de San Juan Copala9 Cheꞌé dan asi̱j cuno núj nana̱ cataj soꞌ rihaan núj, ne̱ niga̱nj achíín niꞌya̱j núj rihaan Yaꞌanj cheꞌé soj se vaa rque̱ Nimán Yaꞌanj nana̱ sa̱ꞌ cu̱u nimán soj, ne̱ xca̱j soj cuentá da̱j me rá Yaꞌanj quiꞌya̱j soj, အခန်းကိုကြည့်ပါ။ |
Colosenses 1:9
35 ပူးပေါင်းရင်းမြစ်များ
Se̱ quiꞌyaj soj nda̱a vaa tucuáán noco̱ꞌ nij yuvii̱ ma̱n chumii̱ nihánj maꞌ. Tana̱nj caꞌve̱j rá soj cunu̱u sa̱ꞌ nimán soj quiꞌya̱j Yaꞌanj, ne̱ xca̱j naca̱ soj cuentá da̱j quiꞌya̱j soj ga̱a yáán soj rihaan chumii̱ nihánj, ga̱a ne̱ nari̱ꞌ soj da̱j me rá Yaꞌanj quiꞌya̱j soj, ne̱ xca̱j soj cuentá me se me se sa̱ꞌ niꞌya̱j Yaꞌanj á. Dan me se xca̱j soj cuentá me suun sa̱ꞌ me rá Yaꞌanj quiꞌya̱j soj ado̱nj.
Ne̱ se̱ quiꞌyaj mozó yoꞌ se vaa ꞌyaj nij síí vaa qui̱j nimán maꞌ. Dan me se nij síí vaa qui̱j nimán roꞌ, me rá nij soꞌ cara̱nꞌ rá se‑ruꞌve̱e̱ nij soꞌ ni̱ꞌyaj soꞌ man nij soꞌ, tza̱j ne̱ ina̱nj ga̱a niꞌya̱j ruꞌvee man nij soꞌ ꞌyaj suun nij soꞌ, tza̱j ne̱ se̱ guun quiꞌya̱j soj da̱nj maꞌ. Tana̱nj ꞌo̱ caꞌne̱j nimán soj quiꞌya̱j suun soj, ne̱ gu̱un rá soj se vaa se‑mo̱zó Cristó me soj, ne̱ quiꞌya̱j soj nu̱ꞌ se vaa me rá Yaꞌanj quiꞌya̱j soj á.
Dan me se a̱j cuchiꞌ nana̱ sa̱ꞌ nihánj rihaan cunuda̱nj nij yuvii̱ ma̱n rihaan chumii̱, ne̱ doj a̱ doj a̱ vaa nij yuvii̱ cuchumán rá nana̱ sa̱ꞌ yoꞌ a. Ne̱ ꞌo̱ cuya̱a̱n quiꞌyaj nij soj ga̱ ꞌó nij síí cuno nana̱ yoꞌ, ne̱ dan me se ga̱a cuchiꞌ nana̱ nihánj rihaan soj, ne̱ cuno soj, ne̱ xcaj soj cuentá cheꞌé se lu̱j ꞌyaj Yaꞌanj cheꞌé níꞌ, ne̱ cuchumán rá soj ado̱nj.
Cu̱nuû uxrá snana̱ Cristó nimán soj, ne̱ cavi̱i̱ nana̱ sa̱ꞌ cu̱u raa̱ soj, ne̱ tu̱cuꞌyón soj nana̱ sa̱ꞌ rihaan tuviꞌ soj, ne̱ nago̱ꞌ soj chrej sa̱ꞌ man tuviꞌ soj á. Cachra̱a̱ soj chraꞌ salmó do̱ꞌ, chraꞌ nataꞌ cheꞌé Yaꞌanj do̱ꞌ, chraꞌ rqué Nimán Yaꞌanj do̱ꞌ, ne̱ cata̱j soj guun niꞌya̱j níꞌ rihaan Yaꞌanj na̱nj á.
Dan me se ꞌo̱ nuû rá núj rihaan Rej níꞌ Yaꞌanj se vaa caꞌnéé uxrá nimán soj cuchuma̱n rá soj ni̱ꞌyaj soj man Jesucristó do̱ꞌ, se vaa ꞌo̱ ꞌyaj soj se‑su̱u̱n Jesucristó cheꞌé se ꞌe̱e̱ ya̱ rá soj man yuvii̱ do̱ꞌ, se vaa ꞌo̱ xraan naꞌvi̱j soj cavi̱i̱ sa̱ꞌ soj quiꞌya̱j Jesucristó Si̱j ꞌNi̱j Raꞌa man níꞌ do̱ꞌ ado̱nj.
Cheꞌé dan niga̱nj achíín niꞌya̱j núj rihaan Yaꞌanj cheꞌé soj se vaa caꞌve̱e quisi̱j soj gu̱un soj nu̱ꞌ nda̱a vaa me rá Yaꞌanj gu̱un soj ga̱a canacúún Yaꞌanj man soj canoco̱ꞌ soj man soꞌ a. Ne̱ achíín niꞌya̱j núj se vaa ra̱cuíj ndoꞌo Yaꞌanj man soj quiꞌya̱j soj nu̱ꞌ suun sa̱ꞌ me rá soj quiꞌya̱j soj, cheꞌé se si̱j amán rá niꞌya̱j man Cristó me soj a.
gu̱un nucua̱j soj quiꞌya̱j soj nu̱ꞌ suun sa̱ꞌ, ne̱ quiꞌya̱j soj nu̱ꞌ se vaa me rá Yaꞌanj quiꞌya̱j soj, quiꞌya̱j maꞌa̱n Yaꞌanj chugua̱nj. Ne̱ dan me se gu̱un níꞌ se niha̱ꞌ rihaan Yaꞌanj, quiꞌya̱j maꞌa̱n Yaꞌanj cheꞌé Jesucristó ado̱nj. Ne̱ nu̱ꞌ cavii nu̱ꞌ caꞌanj cata̱j níꞌ se vaa niꞌndaj ya̱ sa̱ꞌ veꞌé vaa soꞌ ado̱nj. Veé da̱nj ga̱a̱ ya̱ ado̱nj.
Sese ꞌo̱ tuviꞌ maꞌa̱n soj me rá nari̱ꞌ nana̱ cu̱u sa̱ꞌ, ne̱ cachi̱nj niꞌya̱j soꞌ rihaan Yaꞌanj, ne̱ rque̱ Yaꞌanj nana̱ cu̱u sa̱ꞌ yoꞌ man soꞌ chugua̱nj. ꞌO̱ se né si̱j nachriꞌ man síí achíín niꞌya̱j me Yaꞌanj maꞌ. Tana̱nj niha̱ꞌ rá soꞌ ga̱a achíín níꞌ man soꞌ, ne̱ rqué soꞌ nu̱ꞌ se sa̱ꞌ man cunuda̱nj yuvii̱ ado̱nj.
Tza̱j ne̱ síí nica̱j tucuáán sa̱ꞌ cavii rihaan Yaꞌanj me se ꞌo̱ vaa sa̱ꞌ nimán soꞌ, ne̱ cheꞌé dan ꞌo̱ chij yáán soꞌ, ne̱ ne unuꞌ soꞌ ga̱ yuvii̱ maꞌ. ꞌO̱ lu̱j aꞌmii soꞌ ga̱ tuviꞌ soꞌ, ne̱ ne naquiꞌyaj soꞌo̱ soꞌ xréé soꞌ ga̱a aꞌmii tuviꞌ soꞌ ga̱ soꞌ maꞌ. ꞌE̱e̱ uxrá rá soꞌ niꞌya̱j soꞌ tuviꞌ soꞌ, ne̱ ina̱nj se sa̱ꞌ ꞌyaj soꞌ, ne̱ ꞌo̱ cuya̱a̱n veꞌé ꞌyaj soꞌ rihaan nu̱ꞌ nij yuvii̱, ne̱ ꞌyaj soꞌ nu̱ꞌ nda̱a vaa taj soꞌ a. Veé síí ꞌyaj nu̱ꞌ nihánj me síí nica̱j ya̱ tucuáán sa̱ꞌ cavii rihaan Yaꞌanj chugua̱nj.
Ne̱ neꞌen níꞌ se vaa a̱j caꞌnaꞌ Taꞌníí Yaꞌanj, ne̱ caꞌvee xcaj níꞌ cuentá cheꞌé Yaꞌanj ya̱ quiꞌyaj Taꞌníí Yaꞌanj, ne̱ neꞌen níꞌ se vaa me níꞌ síí noco̱ꞌ man maꞌa̱n ya̱ Taꞌníí soꞌ Jesucristó, ne̱ Jesucristó roꞌ, maꞌa̱n Yaꞌanj ya̱ me soꞌ, ne̱ soꞌ me síí quiꞌya̱j ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.
ကြော်ငြာတွေ