Colosenses 1:2 - Triqui de San Juan Copala

² ꞌYaj rój yanj nihánj caꞌne̱j rój rihaan nij soj xꞌneꞌ nij síí noco̱ꞌ man Yaꞌanj amán rá niꞌya̱j man Cristó ya̱nj chumanꞌ Colosas a. Cheꞌé se amán rá soj niꞌya̱j soj man Cristó roꞌ, cheꞌé dan nuu tinu̱j níꞌ, ne̱ nucua̱j rá rój neꞌen rój man soj cuano̱, tinu̱j, nocoj. Me rá rój quiꞌya̱j Rej níꞌ Yaꞌanj se lu̱j cheꞌé soj, ne̱ me rá rój ga̱a̱ xe̱j nimán soj, quiꞌya̱j Yaꞌanj uún ado̱nj.

Colosenses 1:2 ပူးပေါင်းရင်းမြစ်များ

Hechos 9:13

Ga̱a ne̱ cataj Ananías rihaan Síí ꞌNi̱j Raꞌa man níꞌ a: ―Señor, tza̱j ne̱ a̱j cataj xnaꞌanj ndoꞌo nii rihanj cheꞌé síí nihánj a. ꞌO̱ se a̱j quiꞌyaj chiꞌi̱i̱ ndoꞌo soꞌ man nij síí noco̱ꞌ mán so̱ꞌ nij síí ya̱nj chumanꞌ Jerusalén,

Romanos 1:7

Dan me se ꞌyáá ꞌu̱nj yanj nihánj caꞌne̱j ꞌu̱nj rihaan nij soj xꞌneꞌ yuvii̱ ya̱nj chumanꞌ Romá si̱j ꞌe̱e̱ ndoꞌo rá Yaꞌanj man, ne̱ dan me se canacúún Yaꞌanj man soj gu̱un soj síí nuu sa̱ꞌ nimán, ne̱ me raj quiꞌya̱j Rej níꞌ Yaꞌanj quiꞌya̱j Jesucristó Si̱j ꞌNi̱j Raꞌa man níꞌ quiꞌya̱j se lu̱j cheꞌé soj, ne̱ ga̱a̱ xe̱j nimán soj, quiꞌya̱j uún ro̱j soꞌ ado̱nj.

1 Corintios 1:2

ne̱ ꞌyaj núj yanj nihánj caꞌne̱j núj rihaan nij soj xꞌneꞌ nij síí noco̱ꞌ man Yaꞌanj ya̱nj chumanꞌ Corinto a. Dan me se narii Yaꞌanj man soj canoco̱ꞌ soj man Cristó Jesús, ne̱ canacúún Yaꞌanj man soj gu̱un soj síí nuu sa̱ꞌ nimán a. Ne̱ veé yanj nihánj caꞌne̱j cuchi̱ꞌ rihaan cunuda̱nj ꞌó nij síí ya̱nj me rej maꞌa̱n síí ataꞌ tuꞌva̱ se‑chuvi̱i Jesucristó Si̱j ꞌNi̱j Raꞌa man níꞌ a. Dan me se Síí ꞌNi̱j Raꞌa man nij soꞌ ne̱ Síí ꞌNi̱j Raꞌa man maꞌa̱n ya̱ níꞌ me ya̱ soꞌ a.

1 Corintios 4:17

Cheꞌé dan caꞌne̱j ꞌu̱nj man síí cuꞌna̱j Timoteo cuchi̱ꞌ soꞌ rihaan soj, ne̱ síí noco̱ꞌ man Síí ꞌNi̱j Raꞌa man níꞌ me soꞌ ga̱ ꞌu̱nj, ne̱ cheꞌé dan ase vaa taꞌníj vaa soꞌ a. ꞌE̱e̱ raj man soꞌ, ne̱ nucua̱j raj man soꞌ na̱nj ado̱nj. Cata̱j xnaꞌanj uún soꞌ rihaan soj nu̱ꞌ tucuáán noco̱ꞌ ꞌu̱nj cheꞌé Cristó Jesús, ne̱ ꞌo̱ cuya̱a̱n vaa nana̱ tu̱cuꞌyón soꞌ ga̱ nana̱ tucuꞌyón ꞌu̱nj rihaan cunuda̱nj nij xꞌneꞌ nij síí noco̱ꞌ man Cristó ma̱n cunuda̱nj nij chumanꞌ rej va̱j ꞌu̱nj a.

Gálatas 1:3

Dan me se me rá núj quiꞌya̱j ndoꞌo Rej níꞌ Yaꞌanj do̱ꞌ, Jesucristó Si̱j ꞌNi̱j Raꞌa man níꞌ do̱ꞌ, se lu̱j cheꞌé nij soj, ne̱ me rá núj ga̱a̱ xe̱j nimán soj quiꞌya̱j ro̱j soꞌ ado̱nj.

Gálatas 3:9

Dan me se cuchumán rá Abraham niꞌya̱j soꞌ Yaꞌanj, ne̱ quiꞌyaj Yaꞌanj se lu̱j cheꞌé soꞌ, ne̱ ase vaa quiꞌyaj Yaꞌanj cheꞌé Abraham roꞌ, da̱nj quiꞌya̱j uún Yaꞌanj cheꞌé ta̱ranꞌ nij síí cuchuma̱n rá ni̱ꞌyaj man soꞌ, ne̱ quiꞌya̱j Yaꞌanj se lu̱j cheꞌé nij soꞌ uún ado̱nj.

Efesios 1:1

Síí cuꞌna̱j Pabló mej, ne̱ cuneꞌ Cristó Jesús mán ꞌu̱nj caꞌa̱nj nata̱ꞌ ꞌu̱nj snana̱ soꞌ rihaan nij yuvii̱, cheꞌé se da̱nj me rá Yaꞌanj qui̱ꞌyáj a. ꞌYáá ꞌu̱nj yanj cartá nihánj caꞌne̱j ꞌu̱nj rihaan nij soj xꞌneꞌ yuvii̱ noco̱ꞌ man Yaꞌanj ya̱nj chumanꞌ Éfeso si̱j ꞌo̱ amán rá niꞌya̱j man Cristó Jesús a.

Efesios 6:21

Cata̱j xnaꞌanj tinúú níꞌ síí cuꞌna̱j Tíquico rihaan soj nu̱ꞌ se vaa quiránꞌ ꞌu̱nj a. Síí ꞌe̱e̱ ndoꞌo rá níꞌ man me soꞌ, ne̱ veꞌé ndoꞌo nuû soꞌ rihaan Síí ꞌNi̱j Raꞌa man níꞌ chugua̱nj.

Filipenses 1:1

Síí cuꞌna̱j Pabló ga̱ síí cuꞌna̱j Timoteo me rój, ne̱ síí nu̱u̱ rihaan Cristó Jesús me rój, ne̱ nihánj me se ꞌyaj rój yanj cartá nihánj caꞌne̱j rój rihaan cunuda̱nj nij soj xꞌneꞌ yuvii̱ noco̱ꞌ man Cristó Jesús soj si̱j ya̱nj chumanꞌ Filipos a. Me rá rój naya̱a̱ nij soj do̱ꞌ, nij síí tumé sa̱ꞌ rihaan Yaꞌanj man soj do̱ꞌ, nij síí nica̱j suun rihaan Yaꞌanj ra̱cuíj man soj do̱ꞌ, yanj cartá nihánj a.

1 Pedro 1:2

Asi̱j naá queneꞌen Rej níꞌ Yaꞌanj se vaa canoco̱ꞌ soj man soꞌ, ne̱ cheꞌé dan narii soꞌ man soj, ga̱a ne̱ guun cheꞌe̱ soj canocoꞌ soj man o̱rúnꞌ Yaꞌanj, quiꞌyaj Nimán Yaꞌanj, cheꞌé se me rá soꞌ cuno̱ soj rihaan soꞌ, ne̱ me rá soꞌ cunu̱u sa̱ꞌ nimán soj quiꞌya̱j ton cayanj man Jesucristó ga̱a caviꞌ soꞌ cheꞌé níꞌ a. Me rá ꞌu̱nj quiꞌya̱j ndoꞌo Yaꞌanj se lu̱j cheꞌé soj, ne̱ ga̱a̱ xe̱j ndoꞌo nimán soj quiꞌya̱j Yaꞌanj a.

2 Pedro 1:2

Me rá ꞌu̱nj ya̱ queneꞌe̱n soj man Yaꞌanj do̱ꞌ, man Jesús Si̱j ꞌNi̱j Raꞌa man níꞌ do̱ꞌ, ga̱a ne̱ caꞌve̱e quiri̱ꞌ ndoꞌo soj se lu̱j ne̱ ga̱a̱ xe̱j nimán soj, quiꞌya̱j ro̱j soꞌ ado̱nj.

Judas 1:2

Me raj doj a̱ ga̱a̱ ꞌe̱e̱ ndoꞌo rá Yaꞌanj man soj do̱ꞌ, ga̱a̱ xe̱j nimán soj quiꞌya̱j Yaꞌanj do̱ꞌ, ga̱a̱ ꞌe̱e̱ ndoꞌo rá soj tuviꞌ soj quiꞌya̱j Yaꞌanj do̱ꞌ a.

Apocalipsis 1:4

Dan me se ꞌu̱nj si̱j cuꞌna̱j Juan me síí ꞌyaj yanj nihánj, caꞌne̱j ꞌu̱nj rihaan cunu̱ꞌ chi̱j ya̱ xꞌneꞌ nij soj si̱j ma̱n estadó Asia si̱j noco̱ꞌ man Cristó a. Dan me se me rá ꞌu̱nj quiꞌya̱j ndoꞌo Yaꞌanj quiꞌya̱j ndoꞌo Nimán Yaꞌanj quiꞌya̱j ndoꞌo Jesucristó quiꞌya̱j ndoꞌo se lu̱j ga̱ nij soj, ne̱ me rá ꞌu̱nj ga̱a̱ xe̱j nimán soj, quiꞌya̱j nij soꞌ ado̱nj. Ne̱ Yaꞌanj roꞌ, me síí nicu̱nꞌ ya̱j do̱ꞌ, síí nicu̱nꞌ asi̱j naá do̱ꞌ, síí caꞌna̱ꞌ do̱ꞌ ado̱nj. Ne̱ Nimán Yaꞌanj roꞌ, vaa gue̱e̱ ina̱nj, ne̱ chi̱j ya̱ se nucua̱j nica̱j soꞌ, ne̱ nicu̱nꞌ soꞌ rihaan xrúún Yaꞌanj chruun xlá rej rii taꞌngaꞌ Yaꞌanj ado̱nj. Ne̱ dan me se Jesucristó me síí nataꞌ nana̱ ya̱ rihaan níꞌ, ne̱ soꞌ me síí cunuu iꞌna̱ꞌ uún asino ya̱a̱n rihaan cunuda̱nj nij síí caviꞌ síí cunu̱u iꞌna̱ꞌ uún vaa güii, ne̱ uun chij soꞌ rihaan cunuda̱nj nij síí nica̱j suun rey ma̱n rihaan chumii̱ nihánj ado̱nj. Ne̱ Jesucristó me síí ꞌe̱e̱ rá man níꞌ, ne̱ a̱j tinanii soꞌ man níꞌ rihaan cacunꞌ tumé níꞌ cheꞌé ton cayanj man soꞌ ga̱a caviꞌ soꞌ a.