Apocalipsis 6:17 - Triqui de San Juan Copala

¹⁷ ꞌO̱ se a̱j quisíj güii noco̱o güii cuya̱nj rá ro̱j soꞌ, ne̱ se̱ guun nucua̱j núj canicu̱nꞌ núj rihaan sayuun yoꞌ a̱ maꞌ ―taj nij soꞌ rihaan quij do̱ꞌ, rihaan yuvej do̱ꞌ a.

Apocalipsis 6:17 ပူးပေါင်းရင်းမြစ်များ

San Lucas 21:36

Cheꞌé dan ꞌo̱ ni̱ꞌyaj soj, ne̱ xca̱j soj cuentá da̱j a̱ güii, ne̱ ina̱nj cachi̱nj niꞌya̱j soj rihaan Yaꞌanj se vaa caꞌve̱e nani̱i̱ soj rihaan nu̱ꞌ sayuun nihánj asa̱ꞌ gu̱un da̱nj rihaan chumii̱ nihánj a. Ga̱a ne̱ caꞌve̱e canicu̱nꞌ soj rihaan ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ á ―taj Jesús a.

Romanos 2:5

Tza̱j ne̱ veé dan me se naꞌvej uxrá rá so̱ꞌ ta̱náj so̱ꞌ chrej noco̱ꞌ so̱ꞌ, ne̱ naꞌvej rá so̱ꞌ nuchra̱nꞌ nimán so̱ꞌ ca̱nocóꞌ so̱ꞌ man Yaꞌanj maꞌ. Ne̱ vaa güii caꞌne̱ꞌ Yaꞌanj cacunꞌ cheꞌé yuvii̱, ne̱ caꞌmi̱i̱ ya̱ Yaꞌanj, ne̱ cuya̱nj rá Yaꞌanj ni̱ꞌyaj Yaꞌanj man cunuda̱nj nij síí tumé cacunꞌ, ne̱ dan me se cuya̱nj rá Yaꞌanj ni̱ꞌyaj Yaꞌanj man ma̱ꞌán so̱ꞌ uún ado̱nj.

Judas 1:6

Ne̱ a̱j neꞌen soj se vaa taꞌa̱j nij se‑mo̱zó Yaꞌanj roꞌ, ne caꞌve̱j rá nij soꞌ ca̱ta̱ nij soꞌ suun caꞌneꞌ Yaꞌanj rihaan nij soꞌ a. Tana̱nj curiha̱nj nij soꞌ rej guun rá Yaꞌanj cuma̱n nij soꞌ, ne̱ cheꞌé dan numíj nii man nij soꞌ, ne̱ ꞌo̱ veé da̱nj ga̱a̱ numi̱i nij soꞌ ca̱yáán nij soꞌ rej rmi̱ꞌ nda̱a se quisi̱j güii gue̱e̱ güii caꞌne̱ꞌ Yaꞌanj cacunꞌ cheꞌé nij soꞌ, ne̱ daj chiha̱a̱ míj se̱ caꞌvee nani̱i̱ nij soꞌ maꞌ.

Apocalipsis 11:18

Dan me se cuyanj rá nij síí ma̱n da̱j a̱ nij yoꞌóó noco̱o niꞌya̱j nij soꞌ mán so̱ꞌ, ga̱a ne̱ caꞌnáꞌ so̱ꞌ, ne̱ qui̱ꞌyáá so̱ꞌ sayuun man nij soꞌ a. Ne̱ quisíj güii caꞌne̱ꞌ so̱ꞌ cacunꞌ cheꞌé nij síí caviꞌ, ne̱ na̱ruꞌvee so̱ꞌ rihaan nij síí nu̱u̱ rihaan so̱ꞌ nij síí caꞌmii natáj snana̱ so̱ꞌ do̱ꞌ, rihaan nij síí noco̱ꞌ mán so̱ꞌ do̱ꞌ, rihaan nij síí aráj cochro̱j rihaan so̱ꞌ do̱ꞌ a. Dan me se caꞌve̱e se síí noco̱ꞌ me nij soꞌ do̱ꞌ, caꞌve̱e se síí chij me nij soꞌ do̱ꞌ, tza̱j ne̱ na̱ruꞌvee so̱ꞌ rihaan nij soꞌ a. Ne̱ ti̱ríꞌ so̱ꞌ man nij síí tiriꞌ chumii̱ a, taj ico̱ caꞌa̱nj (24) nij síí uun chij rihaan Yaꞌanj a.

Apocalipsis 16:14

ꞌO̱ se nana̱ chre̱e me nij soꞌ, ne̱ va̱j nij soꞌ ꞌyaj nij soꞌ suun noco̱o neꞌen nij yuvii̱, ne̱ dan me se cavii nij soꞌ caꞌanj nij soꞌ rej ya̱nj nij síí nica̱j suun rey uun chij rihaan nu̱ꞌ nij yuvii̱ ma̱n rihaan chumii̱ a. Ga̱a ne̱ cunu̱u chre̱ꞌ cunuda̱nj nij síí nica̱j suun rey, quiꞌya̱j nij nana̱ chre̱e, cheꞌé rej cunu̱ꞌ nij síí nica̱j suun rey yoꞌ ga̱ Yaꞌanj asa̱ꞌ quisíj güii noco̱o güii quira̱nꞌ nij síí ta̱j riꞌyunj man Yaꞌanj sayuun quiꞌya̱j Yaꞌanj Si̱j Uun Nucua̱j ꞌYaj Cunuda̱nj a.