Apocalipsis 5:14 - Triqui de San Juan Copala

¹⁴ Ga̱a ne̱ cataj caꞌa̱nj nij xcuu yoꞌ a: ―Veé da̱nj ga̱a̱ ya̱ ado̱nj ―taj nij xoꞌ a. Ga̱a ne̱ cayáán ru̱j nij síí uun chij, ne̱ caráj gue̱e̱ nij soꞌ a.

Apocalipsis 5:14 ပူးပေါင်းရင်းမြစ်များ

1 Corintios 14:16

Da̱nj quiꞌya̱j soj cheꞌé se asa̱ꞌ nuu chre̱ꞌ soj cachi̱nj niꞌya̱j soj rihaan Yaꞌanj, ne̱ ꞌnaꞌ nij síí ataa nari̱ꞌ sa̱ꞌ snana̱ Yaꞌanj a. Ne̱ sese ina̱nj nimán so̱ꞌ cata̱j so̱ꞌ guun niꞌya̱j níꞌ rihaan Yaꞌanj do̱ꞌ, sese ina̱nj nimán so̱ꞌ cata̱j se vaa sa̱ꞌ vaa Yaꞌanj do̱ꞌ, ne̱ asa̱ꞌ caꞌve̱e cuno̱ síí ꞌnaꞌ naca̱ nana̱ caꞌmi̱i̱ so̱ꞌ ga̱. Asa̱ꞌ caꞌve̱e cata̱j soꞌ “Ya̱ da̱nj vaa ado̱nj” cheꞌé nana̱ caꞌmii so̱ꞌ ga̱.

Apocalipsis 19:4

Ga̱a ne̱ ico̱ caꞌa̱nj (24) nij síí uun chij do̱ꞌ, caꞌa̱nj nij xcuu do̱ꞌ, quinij ru̱j nda̱a canó rihaan rihaan yoꞌóó rihaan Yaꞌanj si̱j ta̱j rihaan chruun xlá sa̱ꞌ yoꞌ, ne̱ caráj gue̱e̱ nij soꞌ rihaan soꞌ, cataj nij soꞌ a: ―Veé da̱nj ga̱a̱ ya̱ ado̱nj. Cara̱a̱ gue̱e̱ níꞌ rihaan Yaꞌanj á ―taj nij soꞌ a.

Apocalipsis 4:4

Ne̱ nu̱ꞌ anica̱j chruun xlá sa̱ꞌ yoꞌ roꞌ, nicunꞌ ꞌó ico̱ caꞌa̱nj (24) chruun xlá sa̱ꞌ, ne̱ ta̱j ico̱ caꞌa̱nj síí uun chij rihaan nij chruun xlá sa̱ꞌ yoꞌ, ne̱ nu̱u̱ nij síí uun chij yatzíj catzi̱i̱, ne̱ nu̱u̱ raa̱ nij soꞌ cachriin agaꞌ oró míí a.

Apocalipsis 4:6

Ne̱ rej rihaan chruun xlá sa̱ꞌ yoꞌ roꞌ, nu̱u̱ ꞌo̱ na yaꞌa̱nj, tza̱j ne̱ né na ya̱ me yoꞌ maꞌ. Ma̱an scura̱a̱n ina̱nj me yoꞌ, ne̱ ase vaa yahij cristal da̱nj vaa yoꞌ a. Ne̱ nu̱ꞌ anica̱j chruun xlá sa̱ꞌ yoꞌ ne̱ tanu̱u̱ ꞌó nij chruun xlá me se nicunꞌ caꞌa̱nj xcuu, ne̱ nu̱ꞌ anica̱j man nij xcuu mán rlij rihaan nij xoꞌ a.

Apocalipsis 5:11

Ga̱a ne̱ queneꞌen uún ꞌu̱nj, ne̱ cunó ꞌu̱nj snana̱ queꞌe̱e̱ millón se‑mo̱zó Yaꞌanj nicu̱nꞌ nu̱ꞌ anica̱j chruun xlá sa̱ꞌ do̱ꞌ, nij xcuu do̱ꞌ, nij síí uun chij do̱ꞌ a.

Apocalipsis 5:6

Ga̱a ne̱ queneꞌén ꞌu̱nj se vaa tanu̱u̱ nij chruun xlá sa̱ꞌ do̱ꞌ, tanu̱u̱ caꞌa̱nj nij xcuu do̱ꞌ, tanu̱u̱ nij síí uun chij do̱ꞌ, nicunꞌ ꞌo̱ soꞌ, ne̱ Matzinj Leꞌe̱j me soꞌ, ne̱ ruviꞌ soꞌ ase vaa matzinj a̱j ticaviꞌ nii man asi̱j rque̱ a. Ne̱ chi̱j cúú ta̱j raa̱ soꞌ, ne̱ chi̱j nij rlij rihaan soꞌ, ne̱ nij rlij rihaan soꞌ roꞌ, nij yoꞌ me Nimán Yaꞌanj síí nica̱j chi̱j ya̱ se nucua̱j síí a̱j caꞌnéé Yaꞌanj rihaan nu̱ꞌ chumii̱ a.

Apocalipsis 5:8

Ne̱ ga̱a taꞌaa soꞌ yanj, ne̱ quinij ru̱j caꞌa̱nj nij xcuu do̱ꞌ, ico̱ caꞌa̱nj (24) nij síí uun chij do̱ꞌ, rihaan Matzinj Leꞌe̱j yoꞌ a. Ne̱ nica̱j ꞌo̱ ꞌo̱ nij soꞌ yaꞌánj arpá do̱ꞌ, coꞌoo agaꞌ oró míí caraa squíí xlá rque do̱ꞌ, ne̱ squíí xlá yoꞌ roꞌ, me nij nana̱ achíín niꞌya̱j nij síí noco̱ꞌ man Yaꞌanj rihaan maꞌa̱n Yaꞌanj a.

Apocalipsis 7:12

Ne̱ cataj nij soꞌ a: Veé da̱nj ga̱a̱ ya̱ ado̱nj. No̱ xcúún Taꞌanj níꞌ caꞌmi̱i̱ sa̱ꞌ ta̱ranꞌ níꞌ cheꞌé soꞌ do̱ꞌ, cata̱j níꞌ se vaa niꞌndaj ya̱ sa̱ꞌ veꞌé vaa soꞌ do̱ꞌ, ni̱caj ndoꞌo soꞌ cuentá do̱ꞌ, cata̱j níꞌ guun niꞌya̱j ndoꞌo níꞌ rihaan soꞌ do̱ꞌ, cara̱a̱ cochro̱j níꞌ rihaan soꞌ do̱ꞌ, gu̱un chij ndoꞌo soꞌ do̱ꞌ, gu̱un nucua̱j ndoꞌo soꞌ do̱ꞌ, nu̱ꞌ cavii nu̱ꞌ caꞌanj ado̱nj. Veé da̱nj ga̱a̱ ya̱ ado̱nj, taj nij soꞌ niꞌya̱j nij soꞌ Yaꞌanj a.