Cheꞌé se vaa queneꞌen núj, cheꞌé dan doj a̱ amán rá núj nana̱ cachrón nij síí nataꞌ snana̱ Yaꞌanj ga̱a naá chugua̱nj. Ne̱ sa̱ꞌ quiꞌya̱j soj, sese xca̱j maꞌa̱n soj cuentá cheꞌé nana̱ caꞌmii nij soꞌ ado̱nj. ꞌO̱ se ase vaa yaꞌan chuguu̱n racuíj man nij síí ya̱nj rej rmi̱ꞌ roꞌ, da̱nj vaa snana̱ nij soꞌ, racuíj yoꞌ man níꞌ ga̱a yáán níꞌ chumii̱ nihánj ado̱nj. Snana̱ nij soꞌ me se racuíj yoꞌ man níꞌ nda̱a neꞌen níꞌ man Cristó, ne̱ ase vaa yatiꞌ xtaꞌngaa chuguu̱n ga̱a nichrunꞌ rá ranga̱ꞌ roꞌ, da̱nj vaa soꞌ ado̱nj.
Apocalipsis 2:28 - Triqui de San Juan Copala28 Dan me se ase vaa uun chij ma̱ꞌanj quiꞌyaj Réj Yaꞌanj roꞌ, da̱nj ga̱a̱ gu̱un chij soꞌ, ne̱ rque̱ ꞌu̱nj yatiꞌ xtaꞌngaa uriha̱nj rej nichrunꞌ rá ranga̱ꞌ rihaan soꞌ ado̱nj. အခန်းကိုကြည့်ပါ။ |
Apocalipsis 2:28
5 ပူးပေါင်းရင်းမြစ်များ
Tinu̱j, nocoj, cuano̱ nihánj me se taꞌni̱j Yaꞌanj me níꞌ, ne̱ ataa xca̱j níꞌ cuentá da̱j si̱j ga̱a̱ níꞌ quiꞌya̱j Yaꞌanj vaa güii ado̱nj. Ma̱an se neꞌen níꞌ se vaa asa̱ꞌ caꞌnaꞌ Cristó, ne̱ ase vaa soꞌ roꞌ, da̱nj ga̱a̱ maꞌa̱n níꞌ uún ado̱nj. ꞌO̱ se queneꞌe̱n níꞌ man soꞌ, ne̱ xca̱j ya̱ níꞌ cuentá da̱j vaa xa̱ꞌ soꞌ na̱nj ado̱nj.
Dan me se cataj uún Jesús a: ―ꞌO̱ se ꞌu̱nj Jesús roꞌ, caꞌnéé ꞌu̱nj se‑mo̱zó ꞌu̱nj cuchiꞌ soꞌ rihaan nij soj nata̱ꞌ soꞌ nana̱ nihánj rihaan soj, cheꞌé rej caꞌa̱nj soj cata̱j xnaꞌanj soj nana̱ nihánj rihaan nij xꞌneꞌ nij síí noco̱ꞌ manj ya̱nj ꞌo̱ ꞌo̱ chumanꞌ ado̱nj. ꞌU̱nj roꞌ, me taꞌníí taꞌnij siꞌno̱ rey cuꞌna̱j David síí cayáán ga̱a naá, ne̱ noco̱ꞌ xnaꞌanj tuvi̱ꞌ soꞌ ga̱j ado̱nj. Ne̱ ase vaa yatiꞌ xtaꞌngaa avii nichrunꞌ rá ranga̱ꞌ roꞌ, vaa ꞌu̱nj rihaan chumii̱ ado̱nj ―taj Jesús a.
ကြော်ငြာတွေ