Apocalipsis 17:18 - Triqui de San Juan Copala

¹⁸ Ne̱ maꞌa̱n chana̱ queneꞌén so̱ꞌ roꞌ, noꞌ me chumanꞌ noco̱o ꞌni̱j raꞌa man nij síí nica̱j suun rey uun chij rihaan chumii̱ a ―taj se‑mo̱zó Yaꞌanj rihanj a.

Apocalipsis 17:18 ပူးပေါင်းရင်းမြစ်များ

San Lucas 2:1

Ma̱an yoꞌ caꞌngaa Juan roꞌ, cayáán síí cuꞌna̱j Augusto síí nica̱j suun emperador, ne̱ caꞌneꞌ soꞌ suun rihaan nij síí ma̱n ta̱ranꞌ nij chumanꞌ rii taꞌngaꞌ soꞌ rihaan se vaa me rá soꞌ na̱xcaj soꞌ ꞌo̱ yanj documento no̱ se‑chuvi̱i ꞌo̱ ꞌo̱ nij yuvii̱ a.

Apocalipsis 11:8

Ga̱a ne̱ cúú man ro̱j soꞌ roꞌ, quina̱j u̱u̱n yoꞌ rá callé caxra̱ꞌ rque chumanꞌ noco̱o a. Ne̱ sese caꞌmi̱i̱ cachrón níꞌ, ne̱ Sodoma do̱ꞌ, Egiptó do̱ꞌ, cuꞌna̱j chumanꞌ noco̱o yoꞌ a. Ne̱ yoꞌ me rej cachrón nii rihaan rcutze̱ man maꞌa̱n Síí ꞌNi̱j Raꞌa man ro̱j síí nataꞌ yoꞌ asi̱j rque̱ doj a.

Apocalipsis 12:4

Ne̱ taneꞌ xoꞌ me se cuxuun yoꞌ ꞌo̱ yatiꞌ rihaan da̱j a̱ vaꞌnu̱j nij yatiꞌ ma̱n rej xta̱ꞌ, ne̱ cayuu nij yatiꞌ rihaan yoꞌóó, quiꞌyaj xoꞌ a. Ne̱ canicunꞌ xcuáá tuꞌvi̱i yoꞌ rihaan chana̱ cuchru̱j neꞌej, cheꞌé rej cha̱ nu̱ꞌ xoꞌ man neꞌej cuchru̱j chana̱ yoꞌ a.

Apocalipsis 16:19

Dan me se quixraꞌ taꞌa̱j chumanꞌ xi̱j noco̱o yoꞌ, ne̱ cunuu vaꞌnu̱j taꞌa̱j chumanꞌ xi̱j yoꞌ, ne̱ canee ꞌó nij chumanꞌ na̱j rihaan chumii̱, quiꞌyaj yuún a. Dan me se nanuj rá Yaꞌanj chumanꞌ noco̱o cuꞌna̱j Babilonia, ne̱ rqué soꞌ ꞌo̱ copá nu̱u̱ na vinó coꞌo̱ chumanꞌ yoꞌ a. Ne̱ na vinó yoꞌ roꞌ, me sayuun quira̱nꞌ chumanꞌ yoꞌ, cheꞌé se uyanj rá Yaꞌanj niꞌya̱j Yaꞌanj man chumanꞌ yoꞌ a.

Apocalipsis 18:2

Ga̱a ne̱ nucua̱j ndoꞌo caguáj soꞌ, cataj soꞌ a: ―Canee nu̱ꞌ chumanꞌ noco̱o cuꞌna̱j Babilonia, ne̱ guun chiha̱nj nana̱ chre̱e man yoꞌ, ne̱ tagaꞌ nu̱u̱ nij nana̱ qui̱j do̱ꞌ, yachrúú ga̱ da̱j a̱ nij xtâj canique̱ nachriꞌ níꞌ do̱ꞌ, me yoꞌ ya̱j ado̱nj.