2 Timoteo 4:2 - Triqui de San Juan Copala

² se vaa caꞌmi̱i̱ natáj so̱ꞌ nana̱ sa̱ꞌ á. Taj se ꞌyaj sese vaa yaꞌnúj rihaan so̱ꞌ do̱ꞌ, sese ne vaa yaꞌnúj rihaan so̱ꞌ do̱ꞌ, taj se ꞌyaj maꞌ. Ma̱an se caꞌmi̱i̱ natáj yá so̱ꞌ á. Cata̱j xnaꞌanj so̱ꞌ rihaan yuvii̱ cheꞌé cacunꞌ tumé nij yuvii̱, ne̱ cata̱j so̱ꞌ se vaa nij ndoꞌo ꞌyaj nij soꞌ, ne̱ nago̱ꞌ so̱ꞌ chrej nucua̱j man nij soꞌ quiꞌya̱j nij soꞌ ina̱nj se sa̱ꞌ á. Tza̱j ne̱ se̱ gaa raꞌya̱nj rá so̱ꞌ caxri̱i̱ yuva̱a̱ so̱ꞌ man nij yuvii̱ maꞌ. Tana̱nj ꞌo̱ ga̱a̱ ina̱j nimán so̱ꞌ, ne̱ veꞌé tu̱cuꞌyón so̱ꞌ man nij soꞌ á.

2 Timoteo 4:2 ပူးပေါင်းရင်းမြစ်များ

San Lucas 7:23

Ne̱ cata̱j uún ro̱j so̱j rihaan Juan se vaa cavi̱i̱ sa̱ꞌ soꞌ quiꞌya̱j Yaꞌanj, sese se̱ guun naꞌa̱j soꞌ ni̱ꞌyaj soꞌ manj a. Da̱nj caꞌmi̱i̱ ro̱j so̱j rihaan Juan ado̱nj ―taj Jesús rihaan ro̱j síí tucuꞌyón snana̱ Juan a.

San Lucas 7:4

Dan me se cuchiꞌ nij síí uun chij yoꞌ rihaan Jesús, ga̱a ne̱ cachíín niꞌya̱j uxrá nij soꞌ rihaan Jesús, cataj nij soꞌ a: ―Síí sa̱ꞌ me tanuu capitán yoꞌ, ne̱ cheꞌé dan vaa cheꞌé ya̱ qui̱ꞌyáá so̱ꞌ da̱nj cheꞌé soꞌ ado̱nj.

San Lucas 9:60

Tza̱j ne̱ cataj Jesús rihaan soꞌ a: ―Caꞌne̱ꞌ rá so̱ꞌ cachi̱nꞌ maꞌa̱n nij síí caviꞌ nimán man tuviꞌ soꞌ xnangá á. Ne̱ caꞌa̱nj so̱ꞌ, caꞌmi̱i̱ natáj so̱ꞌ cheꞌé da̱j vaa uun chij Yaꞌanj á ―taj Jesús rihaan soꞌ a.

Hechos 13:5

Ga̱a ne̱ ga̱a cuchiꞌ ro̱j soꞌ chumanꞌ Salamina, ne̱ nataꞌ ro̱j soꞌ snana̱ Yaꞌanj rá nij veꞌ nuu chre̱ꞌ nij yuvii̱ israelitá tu̱cuꞌyón nij soꞌ stucua̱nj Moisés, ne̱ síí cuꞌna̱j Juan Marcos me síí va̱j ra̱cuíj man ro̱j soꞌ a.

Hechos 16:13

Ne̱ ꞌo̱ güii naránj rá nij yuvii̱ israelitá curiha̱nj núj taꞌyaa xi̱j rej atúj yuvii̱ chumanꞌ yoꞌ, ne̱ caꞌanj núj tuꞌva ꞌo̱ chráá a. ꞌO̱ se guun rá núj se vaa rej yoꞌ me rej uꞌyón nij yuvii̱ israelitá nuu chre̱ꞌ nij soꞌ cachíín niꞌya̱j nij soꞌ rihaan Yaꞌanj a. Dan me se caꞌanj ca̱yáán núj rihaan yoꞌóó, ne̱ caꞌmii núj ga̱ nij chana̱ cunuu chre̱ꞌ rej yoꞌ a.

Hechos 20:7

Dan me se güii cotungó me se ga̱a cunuu chre̱ꞌ ta̱ranꞌ núj cuxra̱ꞌ taꞌa̱j núj rachrúún, ne̱ caꞌmii natáj Pabló nana̱ rihaan ꞌó nij tinúú níꞌ a. ꞌO̱ se guun rá soꞌ cavi̱i̱ soꞌ ranga̱ꞌ ꞌó güii caꞌa̱nj soꞌ níchrej, ne̱ cheꞌé dan ꞌo̱ caꞌmii soꞌ nda̱a guun nii̱ ya̱nꞌ a.

Hechos 28:16

Ne̱ ga̱a quisíj catúj núj chumanꞌ Romá, ne̱ tacuachén tanuu capitán ꞌni̱j raꞌa cientó tanuu man nij síí ꞌni̱j tagaꞌ rihaan ꞌó tanuu uun chij doj a. Tza̱j ne̱ caꞌvej rá nij síí nica̱j suun cara̱nꞌ Pabló rá ꞌo̱ veꞌ ca̱yáán o̱rúnꞌ soꞌ ga̱ tanuu tumé man soꞌ a.

Romanos 10:15

Ne̱ asa̱ꞌ cuchi̱ꞌ síí aꞌmii natáj rihaan yuvii̱, sese se̱ caꞌnéé nii man soꞌ ga̱an. Dan me se aꞌmii uún Danj Yaꞌanj, taj yoꞌ a: “Veꞌé ndoꞌo ꞌyaj síí ꞌanj caꞌmi̱i̱ natáj nana̱ sa̱ꞌ ado̱nj.” Da̱nj taj Danj Yaꞌanj a.

Romanos 12:12

Cheꞌé se uun ya̱ rá soj se vaa vaa güii cavi̱i̱ sa̱ꞌ ndoꞌo soj, quiꞌya̱j Yaꞌanj, ne̱ cheꞌé dan ga̱a̱ niha̱ꞌ uxrá rá nimán soj á. Caꞌne̱j nucuaj soj nimán soj ga̱a ranꞌ soj sayuun, ne̱ se̱ caꞌneꞌ rá soj ga̱ suun achíín niꞌya̱j rihaan Yaꞌanj maꞌ.

Gálatas 6:6

Dan me se síí tucuꞌyón snana̱ Yaꞌanj roꞌ, me se no̱ xcúún soꞌ rque̱ soꞌ taꞌa̱j nu̱ꞌ se sa̱ꞌ riꞌ soꞌ man síí tihaa̱n snana̱ Yaꞌanj nana̱ sa̱ꞌ rihaan soꞌ a.

Colosenses 1:25

Síí ꞌyaj se‑su̱u̱n Yaꞌanj cheꞌé nij soj si̱j noco̱ꞌ man Cristó mej, ne̱ Yaꞌanj me síí cuneꞌ mán ꞌu̱nj nata̱ꞌ ꞌu̱nj cunuda̱nj snana̱ Yaꞌanj rihaan nij soj a.

Colosenses 4:3

Dan me se cachi̱nj niꞌya̱j uún soj rihaan Yaꞌanj cheꞌé núj se vaa ga̱a̱ yaꞌnúj rihaan núj caꞌmi̱i̱ núj snana̱ Cristó nana̱ sa̱ꞌ yuve̱ tihaa̱n naca̱ Yaꞌanj rihaan níꞌ á. Cheꞌé nana̱ yoꞌ me ꞌnij ꞌu̱nj tagaꞌ nihánj cuano̱ ado̱nj.

1 Tesalonicenses 1:6

Ne̱ ase quiꞌyaj gue̱e̱ núj do̱ꞌ, ase ꞌyaj gue̱e̱ Síí ꞌNi̱j Raꞌa man níꞌ do̱ꞌ, da̱nj quiꞌyaj gue̱e̱ soj chugua̱nj. Dan me se nda̱ꞌ se quiranꞌ soj sayuun quiꞌyaj nij yuvii̱ ne nocoꞌ man Cristó, tza̱j ne̱ ꞌo̱ canocoꞌ soj snana̱ Yaꞌanj, ne̱ guun niha̱ꞌ rá soj, quiꞌyaj Nimán Yaꞌanj ado̱nj.

1 Tesalonicenses 5:14

Ne̱ cuano̱ nihánj me rquee̱ núj man soj se vaa nago̱ꞌ soj chrej nucua̱j man nij síí rmi̱i̱ se vaa quiꞌya̱j suun nij soꞌ, tinu̱j, nocoj. Sese vaa síí chuꞌviꞌ nimán, ne̱ caꞌmi̱i̱ soj nana̱ sa̱ꞌ rihaan soꞌ, ne̱ nari̱ꞌ nucuaj nimán soꞌ, quiꞌya̱j soj á. Ra̱cuíj soj man nij yuvii̱ ninaj nimán, ne̱ ga̱a̱ ina̱j nimán soj ni̱ꞌyaj soj man cunuda̱nj yuvii̱ á.

1 Tesalonicenses 5:20

Se̱ nachriꞌ soj man nana̱ cata̱j xnaꞌanj naca̱ Nimán Yaꞌanj rihaan soj maꞌ.

1 Timoteo 4:13

Nda̱a güii cuchi̱ꞌ ꞌu̱nj rej tiꞌyaj roꞌ, ꞌo̱ naya̱a̱ so̱ꞌ snana̱ Yaꞌanj cuno̱ nij soꞌ do̱ꞌ, ꞌo̱ narque̱ so̱ꞌ chrej nucua̱j man nij soꞌ do̱ꞌ, ꞌo̱ tu̱cuꞌyón so̱ꞌ man nij soꞌ do̱ꞌ á.

1 Timoteo 5:20

Sese vaa ꞌo̱ síí tumé sa̱ꞌ rihaan Yaꞌanj man nij síí noco̱ꞌ man Cristó quiꞌyaj ndoꞌo cacunꞌ, ne̱ caꞌne̱ꞌ so̱ꞌ cacunꞌ cheꞌé soꞌ queneꞌe̱n nu̱ꞌ xꞌneꞌ nij síí noco̱ꞌ man Cristó, ga̱a ne̱ cuchuꞌvi̱ꞌ ꞌó nij síí ata̱ suun cheꞌé Yaꞌanj ne̱ se̱ quiꞌyaj maꞌa̱n nij soꞌ cacunꞌ uún maꞌ.

2 Timoteo 2:21

Dan me se sese gu̱un yaníj ꞌo̱ soꞌ ga̱ nij yuvii̱ tuꞌva rmaꞌa̱n yoꞌ, ne̱ ase vaa xruj sa̱ꞌ doj roꞌ, da̱nj ga̱a̱ maꞌa̱n soꞌ rihaan nij yuvii̱ a. Dan me se ina̱nj suun sa̱ꞌ doj quiꞌya̱j soꞌ cheꞌé Yaꞌanj, ne̱ gu̱un nucua̱j soꞌ quiꞌya̱j soꞌ nu̱ꞌ suun sa̱ꞌ cheꞌé Yaꞌanj á.

2 Timoteo 2:25

ne̱ veꞌé ti̱haa̱n soꞌ chrej sa̱ꞌ man nij síí me rá cano̱ tuviꞌ ga̱ soꞌ uún a. ꞌO̱ se xcaj soꞌ cuentá se vaa xraj ne̱ caꞌve̱e ra̱cuíj Yaꞌanj man nij soꞌ, ne̱ nuchra̱nꞌ nimán nij soꞌ cheꞌé cacunꞌ tumé nij soꞌ, ne̱ nari̱ꞌ nij soꞌ nana̱ ya̱ a.

2 Timoteo 3:10

Ne̱ xa̱ꞌ ma̱ꞌán so̱ꞌ, tza̱j ne̱ xcaj ndoꞌo so̱ꞌ cuentá cheꞌé tucuáán tucuꞌyón ꞌu̱nj man yuvii̱ do̱ꞌ, cheꞌé da̱j nocóꞌ ꞌu̱nj tucuáán yoꞌ do̱ꞌ, cheꞌé se vaa guun raj qui̱ꞌyáj rej rihaan níꞌ do̱ꞌ á. Neꞌén so̱ꞌ se vaa nucua̱j ndoꞌo raj man Yaꞌanj do̱ꞌ, se vaa na̱j rá ꞌu̱nj caxri̱i̱ yuva̱a̱ ꞌu̱nj man yuvii̱ do̱ꞌ, se vaa ꞌe̱e̱ raj man tinúj do̱ꞌ, se vaa ꞌo̱ nucua̱j rá ꞌu̱nj rihaan sayuun do̱ꞌ ado̱nj.

Tito 1:13

Ne̱ dan me se ya̱ uxrá cataj soꞌ cheꞌé nij tuviꞌ soꞌ na̱nj ado̱nj. Cheꞌé dan sca̱ꞌ ina̱nj cata̱j xnaꞌanj so̱ꞌ cheꞌé se‑cacu̱nꞌ nij soꞌ rihaan nij soꞌ, ga̱a ne̱ caꞌve̱e ca̱nica̱j nimán nij soꞌ canoco̱ꞌ nij soꞌ stucua̱nj níꞌ si̱j amán rá niꞌya̱j man Cristó, ne̱ ga̱a̱ sa̱ꞌ nimán nij soꞌ ado̱nj.

Tito 2:15

Nana̱ nihánj me chrej sa̱ꞌ ya̱ nago̱ꞌ so̱ꞌ rihaan nij tinúú níꞌ, ne̱ sca̱ꞌ ndoꞌo caꞌmi̱i̱ so̱ꞌ, caꞌne̱ꞌ so̱ꞌ suun rihaan nij soꞌ, ga̱a ne̱ caꞌne̱ꞌ rá nij soꞌ ga̱ se chiꞌi̱i̱ á. Ne̱ da̱nj qui̱ꞌyáá so̱ꞌ do̱ꞌ, da̱nj caꞌmi̱i̱ so̱ꞌ do̱ꞌ, ga̱a ne̱ daj chiha̱a̱ míj se̱ guun cata̱j yuvii̱ se vaa taj yuꞌvee nó so̱ꞌ do̱ꞌ, nana̱ aꞌmii so̱ꞌ do̱ꞌ a̱ maꞌ.

Hebreos 13:22

Cuano̱ nihánj me se rqueé ꞌu̱nj man soj se vaa veꞌé cuno̱ soj nana̱ nihánj, tinu̱j, nocoj. ꞌO̱ se chrej nucua̱j narqué ꞌu̱nj man soj me nana̱ nihánj, ne̱ do̱j vaa nana̱ nihánj nana̱ cachrón ꞌu̱nj rihaan yanj cartá nihánj naya̱a̱ soj á.

Apocalipsis 3:19

Dan me se ꞌu̱nj roꞌ, narqué ꞌu̱nj chrej nucua̱j man nu̱ꞌ nij síí ꞌe̱e̱ raj man, ne̱ qui̱ꞌyáj sayuun man nij soꞌ sese se̱ cuno nij soꞌ rihanj chugua̱nj. Cheꞌé dan gu̱un niha̱ꞌ rá soj cuno̱ soj rihanj, ne̱ ca̱nica̱j nimán soj canoco̱ꞌ soj chrej sa̱ꞌ á.