2 Timoteo 4:11 - Triqui de San Juan Copala

¹¹ Da̱j o̱rúnꞌ síí cuꞌna̱j Lucas nicunꞌ ga̱ ꞌu̱nj nihánj cuano̱ na̱nj ado̱nj. Ni̱caj so̱ꞌ man síí cuꞌna̱j Marcos caꞌna̱ꞌ so̱ꞌ á. ꞌO̱ se vaa ndoꞌo suun qui̱ꞌyáá ꞌu̱nj, ne̱ ra̱cuíj soꞌ manj, raj a.

2 Timoteo 4:11 ပူးပေါင်းရင်းမြစ်များ

San Mateo 19:30

Tza̱j ne̱ queꞌe̱e̱ uxrá nij síí guun chij ndoꞌo rihaan chumii̱ nihánj roꞌ, gu̱un nij soꞌ síí noco̱ꞌ, ne̱ queꞌe̱e̱ uxrá nij síí ne gu̱un chij rihaan chumii̱ nihánj roꞌ, gu̱un chij nij soꞌ, quiꞌya̱j Yaꞌanj vaa güii na̱nj ado̱nj.

San Mateo 20:16

’Veé da̱nj gu̱un rej rihaan níꞌ a. Nij síí noco̱ꞌ ndoꞌo cuano̱ roꞌ, gu̱un nij soꞌ síí gu̱un chij, ne̱ nij síí uun chij cuano̱ roꞌ, gu̱un nij soꞌ síí noco̱ꞌ, quiꞌya̱j Yaꞌanj vaa güii na̱nj ado̱nj ―taj Jesús a.

San Lucas 13:30

Ni̱ꞌyaj soj á. Nij síí noco̱ꞌ ndoꞌo cuano̱ roꞌ, gu̱un nij soꞌ síí gu̱un chij, ne̱ nij síí uun chij cuano̱ roꞌ, gu̱un nij soꞌ síí noco̱ꞌ, quiꞌya̱j Yaꞌanj vaa güii na̱nj ado̱nj ―taj Jesús rihaan nij yuvii̱ yoꞌ a.

Hechos 12:12

Dan me se quisíj guun ya̱ ya̱ rá soꞌ, ga̱a ne̱ caꞌanj soꞌ veꞌ tucuá chana̱ cuꞌna̱j Mariá nii Juan síí tucuꞌnáj nii Marcos a. Ne̱ veꞌ yoꞌ me rej a̱j nuu chre̱ꞌ queꞌe̱e̱ yuvii̱, ne̱ achíín niꞌya̱j nij soꞌ rihaan Yaꞌanj a.

Hechos 12:25

Ne̱ Bernabé ga̱ Saulo me se quisíj suun caxríj ro̱j soꞌ saꞌanj ston nij síí uun chij rihaan nij síí noco̱ꞌ man Jesucristó ya̱nj chumanꞌ Jerusalén, ne̱ canica̱j ro̱j soꞌ, quinanꞌ ro̱j soꞌ chumanꞌ Antioquía, ne̱ caꞌanj síí cuꞌna̱j Juan ga̱ ro̱j soꞌ, quiꞌyaj ro̱j soꞌ a. Ne̱ ꞌó se‑chuvi̱i Juan me Marcos a.

Hechos 15:37

Tza̱j ne̱ Bernabé roꞌ, guun rá soꞌ se vaa caꞌa̱nj uún síí cuꞌna̱j Juan ne̱ ꞌó se‑chuvi̱i soꞌ me Marcos ga̱ ro̱j soꞌ a.

Hechos 15:39

Cheꞌé dan guun vi̱j nana̱ caꞌmii ro̱j soꞌ, ne̱ cheꞌé dan caꞌanj yaníj ro̱j soꞌ, ne̱ Bernabé roꞌ, nica̱j Marcos, ne̱ cavii ro̱j soꞌ rihoo chéé rihaan na, ne̱ caꞌanj ro̱j soꞌ estadó Chipre a.

Hechos 16:10

Ga̱a ne̱ nu̱ꞌ naquiꞌyaa rasu̱u̱n yoꞌ rihaan Pabló, ne̱ nu̱ꞌ quiꞌyaj chuvi̱i núj caꞌa̱nj núj estadó Macedonia a. ꞌO̱ se cachríj rá ya̱ núj se vaa Yaꞌanj me síí caꞌneꞌ suun rihaan núj nata̱ꞌ núj nana̱ sa̱ꞌ cheꞌé Jesucristó rihaan nij síí ya̱nj estadó Macedonia yoꞌ a.

Colosenses 4:10

A̱j neꞌen soj man síí cuꞌna̱j Aristarco uún a. Cuano̱ nihánj me se ꞌni̱j soꞌ tagaꞌ ga̱ ꞌu̱nj, ne̱ me rá soꞌ se vaa veꞌé cuma̱n soj a. Ne̱ vaa síí cuꞌna̱j Marcos tinúú tachru̱u̱ síí cuꞌna̱j Bernabé a. Veé da̱nj veꞌé cuma̱n soj, rá soꞌ uún a. A̱j cuchiꞌ nana̱ rihaan soj cheꞌé Marcos, se vaa sese cuchi̱ꞌ soꞌ chiháán soj, ne̱ veꞌé caꞌmi̱i̱ soj ga̱ soꞌ á.

Colosenses 4:14

Síí naquiꞌyaj conoꞌó man yuvii̱ cuꞌna̱j Lucas síí ꞌe̱e̱ ndoꞌo rá núj me se me rá soꞌ se vaa veꞌé cuma̱n soj uún a. Ne̱ da̱nj na̱nj síí cuꞌna̱j Demas uún, ne̱ me rá soꞌ se vaa veꞌé cuma̱n soj a.

2 Timoteo 1:15

A̱j neꞌén so̱ꞌ se vaa cunuda̱nj nij síí noco̱ꞌ man Cristó ya̱nj estadó Asia roꞌ, tanáj nij soꞌ manj, ne̱ canocoꞌ nij soꞌ ꞌó tucuáán a. Vi̱j tuviꞌ nij soꞌ me síí cuꞌna̱j Figelo do̱ꞌ, síí cuꞌna̱j Hermógenes do̱ꞌ a.

2 Timoteo 2:21

Dan me se sese gu̱un yaníj ꞌo̱ soꞌ ga̱ nij yuvii̱ tuꞌva rmaꞌa̱n yoꞌ, ne̱ ase vaa xruj sa̱ꞌ doj roꞌ, da̱nj ga̱a̱ maꞌa̱n soꞌ rihaan nij yuvii̱ a. Dan me se ina̱nj suun sa̱ꞌ doj quiꞌya̱j soꞌ cheꞌé Yaꞌanj, ne̱ gu̱un nucua̱j soꞌ quiꞌya̱j soꞌ nu̱ꞌ suun sa̱ꞌ cheꞌé Yaꞌanj á.

Filemón 1:24

Ne̱ síí cuꞌna̱j Marcos do̱ꞌ, Aristarco do̱ꞌ, Demas do̱ꞌ, Lucas do̱ꞌ, me rá uún se vaa veꞌé ca̱yáán so̱ꞌ a. Ta̱ranꞌ nij soꞌ me síí ꞌyaj se‑su̱u̱n Cristó ga̱ ꞌu̱nj ado̱nj.

1 Pedro 5:13

Dan me se xꞌneꞌ nij tinúú níꞌ síí ma̱n chumanꞌ nihánj chumanꞌ cuꞌna̱j Babilonia roꞌ, me rá nij soꞌ se vaa veꞌé cuma̱n soj a. Narii Yaꞌanj man nij soꞌ ga̱ soj canoco̱ꞌ ta̱ranꞌ nij soj man Yaꞌanj, ne̱ vaa tinúꞌ Marcos, ne̱ ase vaa ꞌo̱ taꞌníj roꞌ, vaa soꞌ rihanj, ne̱ veꞌé ca̱yáán soj, rá soꞌ uún a.