2 Timoteo 2:8 - Triqui de San Juan Copala

⁸ ꞌO̱ cu̱nuû rá so̱ꞌ man Jesucristó se vaa cunuu iꞌna̱ꞌ uún soꞌ ga̱a caviꞌ soꞌ do̱ꞌ, se vaa noco̱ꞌ xnaꞌanj tuvi̱ꞌ soꞌ ga̱ rey cuꞌna̱j David síí cayáán ga̱a naá do̱ꞌ á. Nihánj me nana̱ sa̱ꞌ aꞌmii natáj ꞌu̱nj ado̱nj.

2 Timoteo 2:8 ပူးပေါင်းရင်းမြစ်များ

San Mateo 1:1

Yanj nihánj me taj xnaꞌanj cheꞌé nij xi̱i Jesús Si̱j Caꞌnéé Yaꞌanj Ti̱nanii man Yuvii̱ rihaan Sayuun a. Veé xi̱i Jesús me rey cuꞌna̱j David síí cayáán ga̱a naá, ne̱ xi̱i David me síí cuꞌna̱j Abraham ado̱nj.

San Lucas 24:46

ne̱ cataj soꞌ rihaan nij soꞌ a: ―Veé da̱nj taj Danj Yaꞌanj se vaa xa̱ꞌ ꞌu̱nj Si̱j Caꞌnéé Yaꞌanj Ti̱nanii man Yuvii̱ rihaan Sayuun, tza̱j ne̱ vaa cheꞌé quira̱nꞌ ma̱ꞌanj sayuun, ne̱ cavi̱ꞌ ꞌu̱nj, ne̱ cache̱n vaꞌnu̱j güii, ga̱a ne̱ cunu̱u iꞌna̱ꞌ uún ꞌu̱nj a.

Hechos 13:23

’Ne̱ scaꞌnúj nij taꞌníí taꞌnij siꞌno̱ David roꞌ, rqué Yaꞌanj Síí Tinanii man Yuvii̱ rihaan Sayuun man níꞌ si̱j israelitá, nda̱a vaa cataꞌ tuꞌva Yaꞌanj asi̱j naá, ne̱ Jesús me soꞌ a.

Hechos 2:24

Tza̱j ne̱ cunuu iꞌna̱ꞌ uún soꞌ, quiꞌyaj Yaꞌanj, ne̱ tinanii Yaꞌanj man soꞌ rihaan sayuun se vaa caviꞌ soꞌ a. ꞌO̱ se ne caꞌve̱e yu̱u̱n cheꞌe̱ cavi̱ꞌ soꞌ daj chiha̱a̱ míj a̱ maan ado̱nj.

Hechos 2:30

Tza̱j ne̱ síí nataꞌ snana̱ Yaꞌanj me David, ne̱ neꞌen soꞌ da̱j cataꞌ tuꞌva Yaꞌanj se vaa scaꞌnúj taꞌníí taꞌnij siꞌno̱ soꞌ roꞌ, naxuma̱a̱n Síí Caꞌne̱j Yaꞌanj Ti̱nanii man Yuvii̱ rihaan Sayuun, ne̱ gu̱un chij soꞌ da̱j se vaa guun chij maꞌa̱n David a.

Romanos 16:25

Uun nucua̱j Yaꞌanj ra̱cuíj Yaꞌanj man soj nari̱ꞌ soj nu̱ꞌ nana̱ sa̱ꞌ caꞌmij rihaan soj a. Nana̱ sa̱ꞌ yuve̱ cheꞌé Jesucristó me nana̱ yoꞌ a. Ga̱a naá me se ne caꞌve̱e xca̱j yuvii̱ cuentá cheꞌé snana̱ Yaꞌanj maꞌ. Tza̱j ne̱ ya̱j roꞌ, tihaa̱n Yaꞌanj snana̱ Yaꞌanj rihaan níꞌ a.

Romanos 2:16

Ne̱ da̱nj ga̱a̱ caꞌne̱ꞌ Yaꞌanj cacunꞌ cheꞌé nij soꞌ güii caꞌne̱ꞌ Yaꞌanj cacunꞌ cheꞌé nimán yuvii̱ á. Da̱nj taj nana̱ sa̱ꞌ cheꞌé Cristó aꞌmii natáj ꞌu̱nj rihaan yuvii̱ na̱nj á.

1 Corintios 15:1

Ya̱j me se me raj nanu̱j rá soj nana̱ cataj xnaꞌanj ꞌu̱nj rihaan soj, tinu̱j, nocoj. Dan me se nana̱ sa̱ꞌ cheꞌé Cristó a̱j natáꞌ ꞌu̱nj rihaan soj asi̱j rque̱ me nana̱ nihánj, ne̱ cuno soj nana̱ nihánj, ne̱ xraan nocoꞌ soj man nana̱ nihánj a.

1 Corintios 15:4

Dan me se cachinꞌ nii man soꞌ, ga̱a ne̱ cachén vaꞌnu̱j güii, ne̱ cunuu iꞌna̱ꞌ uún soꞌ nda̱a vaa taj Danj Yaꞌanj a.

2 Tesalonicenses 2:14

Dan me se ga̱a nataꞌ núj nana̱ sa̱ꞌ cheꞌé Cristó rihaan soj, ne̱ canacúún Yaꞌanj man soj se vaa cavi̱i̱ sa̱ꞌ soj ga̱ soꞌ, ne̱ cheꞌé dan da̱j se niꞌndaj ya̱ veꞌé vaa Jesucristó Si̱j ꞌNi̱j Raꞌa man níꞌ roꞌ, da̱nj quisi̱j soj ga̱a̱ soj uún ado̱nj.

1 Timoteo 1:11

Ne̱ tucuáán ya̱ yoꞌ roꞌ, ꞌo̱ cuya̱a̱n aꞌmii yoꞌ ga̱ snana̱ Yaꞌanj si̱j sa̱ꞌ ndoꞌo, nana̱ niꞌndaj ya̱ sa̱ꞌ vaa, ne̱ nana̱ yoꞌ me se cuneꞌ Yaꞌanj mán ꞌu̱nj nata̱ꞌ ꞌu̱nj rihaan yuvii̱ ado̱nj.

1 Timoteo 2:7

Ne̱ cuneꞌ Yaꞌanj mán ꞌu̱nj caꞌmi̱i̱ natáj ꞌu̱nj do̱ꞌ, caꞌa̱nj nata̱ꞌ ꞌu̱nj snana̱ Cristó do̱ꞌ, tu̱cuꞌyón ꞌu̱nj man nij yuvii̱ yaníj da̱j cuchuma̱n rá nij soꞌ ni̱ꞌyaj nij soꞌ man Yaꞌanj ne̱ cuno̱ nij soꞌ nana̱ ya̱ caꞌmii Yaꞌanj do̱ꞌ a. Xa̱ꞌ nana̱ nihánj, tza̱j ne̱ nana̱ ya̱ uxrá me nana̱ nihánj, ne̱ ne aꞌmii ne̱ ꞌu̱nj maꞌ.

2 Timoteo 1:8

Cheꞌé dan se̱ guun naꞌa̱j so̱ꞌ nata̱ꞌ so̱ꞌ rihaan yuvii̱ cheꞌé Síí ꞌNi̱j Raꞌa man níꞌ maꞌ. Ne̱ se̱ guun naꞌa̱j so̱ꞌ cheꞌé se ꞌni̱j ꞌu̱nj tagaꞌ maꞌ. Se̱ cuchuꞌvíꞌ so̱ꞌ qui̱ránꞌ so̱ꞌ sayuun maꞌ. Ra̱cuíj so̱ꞌ manj caꞌmi̱i̱ natáj níꞌ nana̱ sa̱ꞌ cheꞌé Cristó, ne̱ Yaꞌanj me síí quiꞌya̱j gu̱un nucua̱j níꞌ ado̱nj.

2 Timoteo 2:7

Cu̱nó so̱ꞌ nana̱ nihánj, ne̱ ra̱cuíj Síí ꞌNi̱j Raꞌa man níꞌ mán so̱ꞌ nari̱ꞌ so̱ꞌ cunuda̱nj nij nana̱ chugua̱nj.

Apocalipsis 5:5

Ga̱a ne̱ ꞌo̱ nij síí uun chij cataj rihanj a: ―Se̱ taꞌveé so̱ꞌ maꞌ. Ni̱ꞌyaj so̱ꞌ á. A̱j quiꞌyaj canaán síí cuꞌna̱j Chuvaa̱ síí noco̱ꞌ xꞌneꞌ síí cuꞌna̱j Judá síí cayáán ga̱a naá, ne̱ ꞌo̱ taꞌníí taꞌnij siꞌno̱ rey cuꞌna̱j David me uún soꞌ, ne̱ cheꞌé dan caꞌve̱e caꞌne̱e̱ soꞌ chi̱j nij selló no̱ tuꞌva yanj ne̱ nuxra̱ꞌ soꞌ yanj yoꞌ na̱nj ado̱nj ―taj soꞌ rihanj a.