2 Timoteo 2:23 - Triqui de San Juan Copala

²³ Se̱ caꞌvej rá so̱ꞌ cano̱ tuvíꞌ so̱ꞌ ga̱ yuvii̱ cheꞌé nana̱ snúú rmaꞌa̱n maꞌ. Ne acaj nij síí ꞌyaj da̱nj cuentá maꞌ. Si̱j ataa nari̱ꞌ sa̱ꞌ me nij soꞌ na̱nj ado̱nj. Ne̱ cheꞌé se vaa ꞌyaj nij soꞌ, cheꞌé dan anó tuviꞌ ndoꞌo nij soꞌ ado̱nj.

2 Timoteo 2:23 ပူးပေါင်းရင်းမြစ်များ

2 Timoteo 2:14

Dan me se cata̱j xnaꞌanj so̱ꞌ rihaan nij síí noco̱ꞌ man Yaꞌanj se vaa se̱ niꞌyón nij soꞌ nana̱ nihánj maꞌ. Ne̱ nago̱ꞌ so̱ꞌ chrej nucua̱j man nij soꞌ rihaan Yaꞌanj Si̱j ꞌNi̱j Raꞌa man níꞌ se vaa se̱ caꞌmii cano̱ tuviꞌ nij soꞌ cheꞌé nana̱ tucuꞌyón nij soꞌ maꞌ. ꞌO̱ se taj cheꞌé quiꞌya̱j nij soꞌ da̱nj maan ado̱nj. Ne̱ síí ataꞌ xre̱j snana̱ nij soꞌ roꞌ, quiri̱ꞌ rá nij soꞌ ado̱nj.

Tito 3:9

Tza̱j ne̱ se̱ canó tuvíꞌ so̱ꞌ ga̱ yuvii̱ maꞌ. Síí niꞌyo̱n me síí ꞌyaj da̱nj chugua̱nj. Se̱ nanó rá so̱ꞌ cheꞌé xií so̱ꞌ ga̱a naá da̱j si̱j me nij soꞌ maꞌ. Se̱ canó tuvíꞌ so̱ꞌ cheꞌé stucua̱nj Moisés maꞌ. ꞌO̱ se né se racuíj man yuvii̱ me nana̱ anó tuviꞌ yoꞌ maꞌ. Tana̱nj nana̱ snúú rmaꞌa̱n me yoꞌ ado̱nj.

2 Timoteo 2:16

Se̱ nanó xre̱j so̱ꞌ nana̱ nij do̱ꞌ, nana̱ u̱u̱n do̱ꞌ, aꞌmii aꞌmii rmaꞌa̱n taꞌa̱j yuvii̱ maꞌ. ꞌO̱ se nana̱ vaa da̱nj roꞌ ꞌyaj se vaa uun yaníj doj yuvii̱ ga̱ Yaꞌanj a.

1 Timoteo 4:7

Se̱ cunó so̱ꞌ cuentó nataꞌ yuvii̱ cuentó snúú rmaꞌa̱n ne aꞌmii ya̱ cheꞌé Yaꞌanj maꞌ. Tu̱cuꞌyón so̱ꞌ da̱j qui̱ꞌyáá so̱ꞌ, ne̱ veꞌé doj ca̱nocóꞌ so̱ꞌ stucua̱nj Yaꞌanj á.

1 Timoteo 1:4

Dan me se cata̱j so̱ꞌ rihaan nij tinúú níꞌ, ne̱ a̱ se̱ nanó xre̱j nij soꞌ cuentó ma̱n ga̱a naá do̱ꞌ, cuentó cheꞌé da̱j vaa da̱j a̱ xi̱i nij soꞌ síí ma̱n ga̱a naá do̱ꞌ maꞌ. ꞌO̱ se aꞌmii unuꞌ uxrá yuvii̱ cheꞌé nana̱ yoꞌ, tza̱j ne̱ ne racuíj nana̱ yoꞌ man níꞌ sa̱ꞌ doj canoco̱ꞌ níꞌ man Yaꞌanj maꞌ. ꞌO̱ se me rá Yaꞌanj ga̱a̱ nucua̱j rá níꞌ man maꞌa̱n Yaꞌanj ado̱nj.

Santiago 4:1

Me cheꞌé unuꞌ ndoꞌo nij soj ga̱ tuviꞌ soj, rá soj ga̱. Né cheꞌe̱ se me ndoꞌo rá soj ina̱nj quiꞌya̱j soj nda̱a vaa me rá nee̱ man soj, ne̱ cheꞌé dan naꞌvee ga̱a̱ xe̱j nimán soj a̱ naꞌ. Ne̱ né cheꞌe̱ dan unuꞌ soj ga̱ tuviꞌ soj a̱ naꞌ.