2 Timoteo 2:1 - Triqui de San Juan Copala

¹ Ase vaa ꞌo̱ taꞌníj, da̱nj vaa so̱ꞌ rihanj, tinu̱j. Ne̱ me rá ꞌu̱nj caꞌve̱j rá so̱ꞌ nari̱ꞌ nucuaj nimán so̱ꞌ, quiꞌya̱j Cristó Jesús síí ꞌyaj ndoꞌo se lu̱j cheꞌé níꞌ a.

2 Timoteo 2:1 ပူးပေါင်းရင်းမြစ်များ

1 Corintios 16:13

ꞌO̱ tu̱mé soj man soj á. Raan canoco̱ꞌ soj man Jesucristó á. Ga̱a̱ nucua̱j nimán soj, ne̱ ꞌo̱ caꞌne̱j nimán soj quiꞌya̱j soj se‑su̱u̱n Yaꞌanj á.

Efesios 6:10

Da̱j ꞌó nana̱ cata̱j xnaꞌanj ꞌu̱nj rihaan soj a. ꞌO̱ ga̱a̱ chre̱ꞌ soj ga̱ Yaꞌanj Si̱j ꞌNi̱j Raꞌa man níꞌ á. Caꞌve̱j soj caꞌne̱j Síí ꞌNi̱j Raꞌa man níꞌ se nucua̱j nimán soj, ne̱ da̱j se vaa se nucua̱j nica̱j maꞌa̱n soꞌ roꞌ, da̱nj ga̱a̱ se nucua̱j ni̱caj maꞌa̱n soj, quiꞌya̱j soꞌ chugua̱nj.

Filipenses 4:13

Cheꞌé se rqué ndoꞌo Cristó se nucua̱j manj roꞌ, cheꞌé dan uun nu̱cuáj rihaan me maꞌa̱n rasu̱u̱n ado̱nj.

1 Timoteo 1:18

Timoteo, ase vaa taꞌníí ya̱ ma̱ꞌanj vaa yá so̱ꞌ ado̱nj. Dan me se aꞌneꞌ yá ꞌu̱nj suun rihaan so̱ꞌ ꞌo̱ caꞌmi̱i̱ cunu̱ꞌ sa̱ꞌ yá so̱ꞌ cheꞌé tucuáán sa̱ꞌ ya̱ nihánj á. ꞌO̱ ga̱a̱ nica̱ nimán so̱ꞌ, ne̱ ꞌo̱ ga̱a̱ nucua̱j rá so̱ꞌ cuchuma̱n rá so̱ꞌ, ga̱a ne̱ quisi̱j ya̱ nda̱a vaa ya̱ nataꞌ nij síí caꞌmii Yaꞌanj rihaan cheꞌé so̱ꞌ na̱nj á. Dan me se vaa taꞌa̱j nij síí quiriꞌ rá, ne̱ ne cuchuma̱n ya̱ rá nij soꞌ maꞌ.

1 Timoteo 1:2

ꞌYáá ꞌu̱nj yanj cartá nihánj caꞌne̱j ꞌu̱nj rihaan so̱ꞌ si̱j cuꞌna̱j Timoteo a. Dan me se tihaán ꞌu̱nj snana̱ Yaꞌanj rihaan so̱ꞌ, ne̱ cuchumán rá so̱ꞌ nana̱ yoꞌ, ne̱ cheꞌé dan ase vaa ꞌo̱ taꞌníj roꞌ, da̱nj vaa yá so̱ꞌ rihanj ado̱nj. Me rá ꞌu̱nj se vaa Rej níꞌ Yaꞌanj ga̱ Cristó Jesús Si̱j ꞌNi̱j Raꞌa man níꞌ quiꞌya̱j ndoꞌo se lu̱j cheꞌé so̱ꞌ, ne̱ ga̱a̱ ꞌe̱e̱ rá ro̱j soꞌ mán so̱ꞌ, ne̱ ga̱a̱ xe̱j nimán so̱ꞌ, quiꞌya̱j ro̱j soꞌ, raj a.

2 Timoteo 1:1

ꞌU̱nj nihánj me síí cuꞌna̱j Pabló, ne̱ cuneꞌ Cristó Jesús mán ꞌu̱nj caꞌa̱nj nata̱ꞌ ꞌu̱nj rihaan yuvii̱ se vaa ga̱a̱ iꞌna̱ꞌ níꞌ nu̱ꞌ cavii nu̱ꞌ caꞌanj quiꞌya̱j Cristó Jesús, nda̱a vaa cataꞌ tuꞌva Yaꞌanj, ne̱ yoꞌ me suun me rá Yaꞌanj qui̱ꞌyáj ado̱nj.

2 Timoteo 1:2

ꞌYáá ꞌu̱nj yanj nihánj caꞌne̱j ꞌu̱nj rihaan so̱ꞌ si̱j cuꞌna̱j Timoteo a. ꞌE̱e̱ rá ꞌu̱nj mán so̱ꞌ, tinu̱j. Ase vaa ꞌo̱ taꞌníí ꞌu̱nj, da̱nj vaa so̱ꞌ rihanj á. Me rá ꞌu̱nj quiꞌya̱j ndoꞌo Yaꞌanj Rej níꞌ do̱ꞌ, Cristó Jesús Si̱j ꞌNi̱j Raꞌa man níꞌ do̱ꞌ, se lu̱j cheꞌé so̱ꞌ, ne̱ me rá ꞌu̱nj ga̱a̱ ꞌe̱e̱ rá ro̱j soꞌ mán so̱ꞌ, ne̱ ga̱a̱ xe̱j nimán so̱ꞌ, quiꞌya̱j ro̱j soꞌ a.

2 Timoteo 1:7

ꞌO̱ se né si̱j chuꞌviꞌ nimán me níꞌ, quiꞌyaj Yaꞌanj maꞌ. Tana̱nj nariꞌ nucuaj nimán níꞌ, ne̱ nuu ꞌe̱e̱ rá níꞌ tuviꞌ níꞌ, ne̱ tumé níꞌ man níꞌ me da̱j ꞌyaj níꞌ, ꞌyaj Yaꞌanj ado̱nj.

2 Timoteo 2:10

Cheꞌé dan uun nu̱cuáá ꞌu̱nj rihaan me maꞌa̱n sayuun cheꞌé se ꞌe̱e̱ rá ꞌu̱nj man nij síí narii Yaꞌanj man a. ꞌO̱ se da̱nj ga̱a̱ qui̱ránꞌ ꞌu̱nj, ga̱a ne̱ caꞌve̱e nani̱i̱ nij soꞌ ga̱ ꞌu̱nj rihaan sayuun cheꞌé se vaa quiꞌyaj Cristó Jesús cheꞌé níꞌ, ne̱ niꞌndaj ya̱ veꞌé ga̱a̱ níꞌ ga̱ Yaꞌanj nu̱ꞌ cavii nu̱ꞌ caꞌanj na̱nj ado̱nj.

2 Timoteo 4:17

ꞌO̱ se canicunꞌ Síí ꞌNi̱j Raꞌa man níꞌ ga̱ ꞌu̱nj, ne̱ soꞌ me síí quiꞌyaj guun nu̱cuáá ꞌu̱nj natáꞌ ꞌu̱nj nu̱ꞌ snana̱ Yaꞌanj cuno cunuda̱nj nij yuvii̱ yaníj, ne̱ tinanii soꞌ manj rihaan sayuun noco̱o a.

2 Pedro 3:18

Cheꞌé dan ꞌo̱ gu̱un rá soj ni̱ꞌyaj soj se lu̱j quiꞌyaj Yaꞌanj ga̱ soj, ne̱ ꞌo̱ gu̱un rá soj xca̱j soj cuentá sa̱ꞌ doj cheꞌé Jesucristó Si̱j ꞌNi̱j Raꞌa man níꞌ, Si̱j Tinanii man níꞌ rihaan Sayuun ado̱nj. Cata̱j níꞌ se vaa niꞌndaj ya̱ sa̱ꞌ veꞌé vaa soꞌ cuano̱ do̱ꞌ, nu̱ꞌ cavii nu̱ꞌ caꞌanj do̱ꞌ á. Veé da̱nj ga̱a̱ ya̱ ado̱nj.