2 Timoteo 1:5 - Triqui de San Juan Copala

⁵ Dan me se achíín ni̱ꞌyáá ꞌu̱nj cheꞌé so̱ꞌ cheꞌé se nuû rá ꞌu̱nj se vaa ya̱ nocóꞌ so̱ꞌ Yaꞌanj ne̱ ne tihaꞌ yuꞌunj so̱ꞌ maꞌ. Dan me se tucuáán nica̱j nií so̱ꞌ chana̱ cuꞌna̱j Eunice ga̱ xcua̱ꞌáán so̱ꞌ chana̱ cuꞌna̱j Loida roꞌ, nica̱j ma̱ꞌán so̱ꞌ uún, raj a.

2 Timoteo 1:5 ပူးပေါင်းရင်းမြစ်များ

San Juan 1:47

Veé dan, ne̱ queneꞌen Jesús se vaa caꞌnaꞌ Natanael rihaan soꞌ, ne̱ caꞌmii soꞌ ꞌo̱ nana̱ cheꞌé Natanael, cataj soꞌ a: ―Ni̱ꞌyaj soj á. Ya̱ si̱j israelitá me síí ꞌnaꞌ cuano̱ na̱nj á. Nica̱ aꞌmii soꞌ, ne̱ ne aꞌmii soꞌ nana̱ tihaꞌ yuꞌunj maꞌ ―taj Jesús niꞌya̱j soꞌ man Natanael a.

Hechos 16:1

Dan me se cuchiꞌ síí cuꞌna̱j Pabló ga̱ Silas chumanꞌ Derbe do̱ꞌ, chumanꞌ Listra do̱ꞌ a. Ne̱ chumanꞌ Listra roꞌ, yáán ꞌo̱ síí tucuꞌyón snana̱ Jesucristó, ne̱ Timoteo cuꞌna̱j soꞌ a. Nii Timoteo me chana̱ israelitá noco̱ꞌ man Jesucristó, tza̱j ne̱ rej Timoteo me síí yaníj aꞌmii xnaꞌánj griego a.

Hechos 26:26

ꞌO̱ se si̱j nica̱j suun rey me síí nihánj, ne̱ soꞌ me síí neꞌen da̱j vaa nu̱ꞌ rasu̱u̱n natáꞌ ꞌu̱nj rihaan nij soj cuano̱ á. Ne̱ ne chuꞌvíꞌ ꞌu̱nj nata̱ꞌ ꞌu̱nj nu̱ꞌ nana̱ nihánj rihaan soꞌ maꞌ. ꞌO̱ se a̱j xcaj rey cuꞌna̱j Agripa cuentá cheꞌé nu̱ꞌ rasu̱u̱n nihánj, rá ꞌu̱nj á. ꞌO̱ se né ra̱su̱u̱n ꞌni̱j yuve̱ me rasu̱u̱n nihánj a̱ maan ado̱nj ―taj Pabló rihaan Festo a.

Romanos 14:14

Cheꞌé se noco̱ꞌ ꞌu̱nj man Jesús Si̱j ꞌNi̱j Raꞌa man níꞌ, ne̱ guun ya̱ raj se vaa a̱ ꞌó rasu̱u̱n ne yuꞌva̱ꞌ ta̱ꞌaꞌ maꞌ. Tza̱j ne̱ sese vaa ꞌo̱ soꞌ uun rá se vaa cacu̱nꞌ cha̱ níꞌ ꞌo̱ rasu̱u̱n, ne̱ ya̱ uxrá cacu̱nꞌ cha̱ soꞌ a.

Romanos 14:5

Dan me se taꞌa̱j yuvii̱ taj se vaa gue̱e̱ taꞌa̱j güii, ne̱ ꞌó taꞌa̱j yuvii̱ taj se vaa ꞌo̱ cuya̱a̱n vaa nij güii, ne̱ taj güii gue̱e̱ rihaan ꞌó taꞌa̱j nij soꞌ a. Ino̱ vaa rá ꞌo̱ ꞌo̱ taꞌa̱j nij yuvii̱, ne̱ cheꞌé dan me xca̱j ꞌo̱ ꞌo̱ nij soj cuentá da̱j vaa rá soj, ne̱ gu̱un ya̱ rá soj da̱j vaa rá soj na̱nj á.

Romanos 15:14

Veé dan me se uun ya̱ raj se vaa síí sa̱ꞌ me maꞌa̱n soj, tinu̱j, nocoj. Xcaj ndoꞌo soj cuentá, ne̱ neꞌen soj nago̱ꞌ soj chrej sa̱ꞌ man tinúú soj ado̱nj.

Romanos 4:21

ne̱ amán ya̱ rá soꞌ se vaa gu̱un nucua̱j Yaꞌanj quiꞌya̱j Yaꞌanj cunuda̱nj se vaa cataꞌ tuꞌva Yaꞌanj a.

Romanos 8:38

Cheꞌé dan uun ya̱ rá ꞌu̱nj se vaa a̱ ꞌó rasu̱u̱n se̱ caꞌvee naquiꞌya̱j yaníj man níꞌ ga̱ Yaꞌanj maꞌ. Sese aviꞌ níꞌ do̱ꞌ, sese vaa iꞌna̱ꞌ níꞌ do̱ꞌ, nij se‑mo̱zó Yaꞌanj do̱ꞌ, nij nana̱ chre̱e uun chij do̱ꞌ, nij nana̱ chre̱e nucua̱j do̱ꞌ, sayuun ranꞌ níꞌ cuano̱ do̱ꞌ, sayuun quira̱nꞌ níꞌ rej riha̱a̱n do̱ꞌ,

2 Corintios 6:6

Ne̱ tumé núj man núj cheꞌé yan se̱ quiꞌyaj núj cacunꞌ maꞌ. Ne̱ aꞌnéé nimán núj quiꞌya̱j núj se‑su̱u̱n Yaꞌanj, ne̱ núj roꞌ, ne uun yuva̱a̱ núj man tuviꞌ núj maꞌ. Tana̱nj veꞌé ꞌyaj núj rihaan tuviꞌ núj, ne̱ noco̱ꞌ núj Nimán Yaꞌanj, ne̱ ya̱ ya̱ ꞌe̱e̱ rá núj man tuviꞌ núj ado̱nj.

1 Timoteo 1:5

ꞌO̱ se aꞌnéꞌ ꞌu̱nj suun yoꞌ rihaan so̱ꞌ cheꞌé se me rá ꞌu̱nj ga̱a̱ ꞌe̱e̱ rá níꞌ tuviꞌ níꞌ á. Sese naruvii nimán níꞌ, ne̱ sese taj cacunꞌ tumé níꞌ rá níꞌ, ne̱ sese amán ya̱ rá níꞌ niꞌya̱j níꞌ Yaꞌanj, ne̱ caꞌve̱e ga̱a̱ ꞌe̱e̱ rá níꞌ ni̱ꞌyaj níꞌ tuviꞌ níꞌ ado̱nj.

1 Timoteo 4:6

Sese tu̱cuꞌyón so̱ꞌ tucuáán nihánj rihaan ꞌó nij tinúú níꞌ síí noco̱ꞌ man Cristó, ne̱ síí veꞌé ꞌyaj se‑su̱u̱n Cristó Jesús mé so̱ꞌ chugua̱nj. ꞌO̱ se tucuꞌyón nii tucuáán sa̱ꞌ yoꞌ rihaan so̱ꞌ, ne̱ cuchumán rá so̱ꞌ, ne̱ canocóꞌ so̱ꞌ tucuáán yoꞌ a.

2 Timoteo 1:12

Ma̱an cheꞌé dan ránꞌ ꞌu̱nj sayuun nihánj cuano̱, tza̱j ne̱ ne naꞌa̱j ꞌu̱nj a̱ doj se vaa ránꞌ ꞌu̱nj maꞌ. ꞌO̱ se neꞌén ꞌu̱nj se vaa Yaꞌanj me síí cuchumán raj niꞌya̱j ꞌu̱nj man, ne̱ guun ya̱ raj se vaa uun nucua̱j soꞌ tu̱mé soꞌ manj qui̱ꞌyáj nu̱ꞌ suun caꞌneꞌ soꞌ rihanj a. Ne̱ da̱nj ina̱nj quiꞌya̱j soꞌ, ra̱cuíj soꞌ manj nda̱a güii caꞌna̱ꞌ uún Cristó ado̱nj.

2 Timoteo 3:15

Ne̱ a̱j neꞌén so̱ꞌ se vaa asi̱j neꞌej mé so̱ꞌ, ne̱ queneꞌén so̱ꞌ da̱j taj Danj Yaꞌanj Yanj Gue̱e̱, ne̱ yanj yoꞌ me se aꞌvee ꞌyaj mé so̱ꞌ síí cu̱u raa̱, ne̱ cheꞌé dan cuchumán rá so̱ꞌ niꞌya̱j so̱ꞌ man Cristó Jesús, ne̱ nani̱i̱ so̱ꞌ rihaan sayuun ne̱ cavi̱i̱ sa̱ꞌ so̱ꞌ na̱nj ado̱nj.

Hebreos 11:13

Dan me se ꞌo̱ amán rá ta̱ranꞌ nij soꞌ niꞌya̱j nij soꞌ Yaꞌanj nda̱a se caviꞌ ta̱ranꞌ nij soꞌ ado̱nj. Ne̱ ne quiri̱ꞌ maꞌa̱n nij soꞌ se vaa cataꞌ tuꞌva Yaꞌanj se vaa rque̱ Yaꞌanj rihaan nij tuvi̱ꞌ nij soꞌ maꞌ. Ma̱an se queneꞌen nij soꞌ se vaa vaa güii quiꞌya̱j Yaꞌanj cunuda̱nj yoꞌ, ne̱ cheꞌé dan guun niha̱ꞌ rá nij soꞌ na̱nj ado̱nj. Ne̱ cataj xnaꞌanj nij soꞌ se vaa né chiha̱nj nij soꞌ me chumii̱ nihánj maꞌ. Ma̱an se va̱j u̱u̱n nij soꞌ do̱j rihaan chumii̱ nihánj na̱nj ado̱nj.

Hebreos 6:9

Tinu̱j, nocoj, nda̱ꞌ se nana̱ nucua̱j caꞌmii ꞌu̱nj rihaan soj nihánj, tza̱j ne̱ guun ya̱ rá ꞌu̱nj se vaa sa̱ꞌ uxrá doj quiꞌya̱j soj, nda̱a vaa ꞌyaj nij síí a̱j nanii rihaan chrej chiꞌi̱i̱ uun chij nimán ado̱nj.

1 Pedro 1:22

Dan me se uno soj snana̱ Yaꞌanj nana̱ ya̱, ne̱ cheꞌé dan cunuu sa̱ꞌ nimán soj, ne̱ cheꞌé dan no̱ xcúún soj ga̱a̱ ꞌe̱e̱ rá soj man tuviꞌ soj ado̱nj. Se̱ cataj rmaꞌa̱n soj se vaa ꞌe̱e̱ rá soj man tuviꞌ soj maꞌ. Ya̱ ga̱a̱ ꞌe̱e̱ ndoꞌo rá soj man tuviꞌ soj á.