2 Tesalonicenses 2:8 - Triqui de San Juan Copala

⁸ Ga̱a ne̱ caꞌna̱ꞌ síí chiꞌi̱i̱ yoꞌ síí naꞌvej rá cuno̱ rihaan Yaꞌanj, ga̱a ne̱ queneꞌe̱n níꞌ da̱j gu̱un ado̱nj. Tza̱j ne̱ asa̱ꞌ caꞌnaꞌ Jesús Si̱j ꞌNi̱j Raꞌa man níꞌ, ne̱ niꞌndaj ya̱ veꞌé chugu̱u̱n soꞌ, ne̱ caꞌya̱nj u̱u̱n soꞌ man síí chiꞌi̱i̱ yoꞌ, ne̱ quiri̱ꞌ nu̱ꞌ síí chiꞌi̱i̱ yoꞌ ado̱nj.

2 Tesalonicenses 2:8 ပူးပေါင်းရင်းမြစ်များ

San Mateo 13:19

Cunuda̱nj yuvii̱ uno nana̱ cheꞌé da̱j vaa uun chij Yaꞌanj roꞌ, sese ne acaj sa̱ꞌ nij soꞌ cuentá, ne̱ ꞌnaꞌ Síí Chre̱e, ne̱ aꞌnéj Síí Chre̱e nana̱ yoꞌ nimán yuvii̱ yoꞌ a. Dan me se ase vaa ꞌnúú trigó cayuu rá chrej chéé yuvii̱ vaa yuvii̱ yoꞌ a.

San Mateo 13:38

ne̱ ase vaa chumii̱ nihánj vaa yoꞌóó yoꞌ, ne̱ ꞌnúú trigó sa̱ꞌ roꞌ, ase vaa nij síí uun chij Yaꞌanj nimán vaa yoꞌ, ne̱ ase vaa coj chiꞌi̱i̱ yoꞌ roꞌ, vaa nij síí noco̱ꞌ man Síí Chre̱e a.

San Mateo 16:27

’ꞌO̱ se ya̱ ya̱ caꞌna̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, ne̱ niꞌndaj ya̱ sa̱ꞌ veꞌé ga̱a̱ ꞌu̱nj, quiꞌya̱j Réé ꞌu̱nj, ne̱ caꞌna̱ꞌ nij se‑mo̱zó soꞌ ga̱ ꞌu̱nj na̱nj ado̱nj. Ga̱a ne̱ na̱ruꞌvee ꞌu̱nj rihaan ꞌo̱ ꞌo̱ soꞌ cheꞌé se vaa quiꞌyaj ꞌo̱ ꞌo̱ soꞌ na̱nj ado̱nj.

San Mateo 16:28

Ya̱ ya̱ cata̱j xnaꞌanj ꞌu̱nj rihaan soj cuano̱ se vaa xa̱ꞌ taꞌa̱j soj si̱j nicu̱nꞌ nihánj cuano̱ me se ga̱a ataa a̱ cavi̱ꞌ taꞌa̱j soj, ne̱ ya̱ queneꞌe̱n taꞌa̱j soj asa̱ꞌ caꞌnáꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ gu̱un chij ꞌu̱nj rihaan chumii̱ nihánj ado̱nj ―taj Jesús rihaan nij síí tucuꞌyón snana̱ soꞌ a.

1 Corintios 1:28

Ne̱ taj se gúnꞌ ne̱ taj yuꞌvee nó nij síí narii Yaꞌanj man maꞌ, taj nij yuvii̱ ma̱n rihaan chumii̱ nihánj, tza̱j ne̱ nacaj Yaꞌanj man nij soꞌ, ne̱ quiꞌya̱j canaán nij soꞌ rihaan nij síí guun chij doj ma̱n rihaan chumii̱ nihánj ado̱nj.

2 Tesalonicenses 2:3

Dan me se naꞌvej uxrá raj tiha̱ꞌ yuꞌunj nii a̱ doj man soj a̱ maꞌ. Dan me se asino tucua̱j ndoꞌo yuvii̱ rihaan Yaꞌanj, ne̱ caꞌna̱ꞌ ꞌo̱ síí chiꞌi̱i̱ uxrá rihaan chumii̱, ne̱ síí se̱ caꞌvej rá cuno̱ rihaan Yaꞌanj gu̱un soꞌ a. Dan me se xa̱ꞌ soꞌ, tza̱j ne̱ si̱j a̱j caca̱a̱ gu̱un soꞌ vaa güii ado̱nj.

1 Timoteo 6:14

Dan me se ꞌo̱ cu̱nó so̱ꞌ nu̱ꞌ suun nihánj, ne̱ qui̱ꞌyáá so̱ꞌ nda̱a vaa taj yoꞌ, ne̱ tu̱mé so̱ꞌ man ma̱ꞌán so̱ꞌ se̱ quiꞌyáá so̱ꞌ cacunꞌ maꞌ. Da̱nj qui̱ꞌyáá so̱ꞌ nda̱a güii caꞌna̱ꞌ uún Jesucristó Si̱j ꞌNi̱j Raꞌa man níꞌ rihaan chumii̱ nihánj á.

2 Timoteo 1:10

Ne̱ ya̱j me se tihaa̱n Yaꞌanj rihaan níꞌ nu̱ꞌ se sa̱ꞌ nu̱u̱ nimán soꞌ, se vaa caꞌnaꞌ Cristó Jesús Si̱j Tinanii man níꞌ rihaan Sayuun, quiꞌyaj Yaꞌanj a. Ya̱j me se cheꞌé se vaa quiꞌyaj Cristó me se se̱ caꞌvee cavi̱ꞌ níꞌ maꞌ. Tana̱nj ꞌo̱ ga̱a̱ iꞌna̱ꞌ nimán níꞌ ga̱ Yaꞌanj nu̱ꞌ cavii nu̱ꞌ caꞌanj, quiꞌyaj soꞌ, taj nana̱ sa̱ꞌ cheꞌé soꞌ ado̱nj.

2 Timoteo 4:1

Cuano̱ nihánj me se me rá ꞌu̱nj cuno̱ Yaꞌanj cuno̱ Cristó Jesús si̱j caꞌna̱ꞌ uún gu̱un chij rihaan chumii̱ nihánj síí caꞌne̱ꞌ cacunꞌ cheꞌé síí vaa iꞌna̱ꞌ do̱ꞌ, cheꞌé síí caviꞌ do̱ꞌ, se vaa caꞌne̱ꞌ yá ꞌu̱nj suun rihaan so̱ꞌ

2 Timoteo 4:8

Ne̱ cuano̱ nihánj me se ma̱an se naꞌvi̱j ꞌu̱nj quisi̱j güii caꞌna̱ꞌ uún Síí ꞌNi̱j Raꞌa man níꞌ rihaan chumii̱ nihánj, ne̱ rque̱ soꞌ ꞌo̱ cachriin yâj cu̱nuû raá ꞌu̱nj, ne̱ cata̱j soꞌ se vaa nuviꞌ cacunꞌ ta̱j xráj a. Dan me se cuese̱ nica̱ nimán ya̱ me Síí ꞌNi̱j Raꞌa man níꞌ, ne̱ né cheꞌe̱ ina̱nj ma̱ꞌán ꞌu̱nj me quiꞌya̱j soꞌ da̱nj maꞌ. Ne̱ veé da̱nj quiꞌya̱j soꞌ cheꞌé cunuda̱nj nij yuvii̱ me ndoꞌo rá caꞌna̱ꞌ uún soꞌ rihaan chumii̱ nihánj na̱nj ado̱nj.

Tito 2:13

Ne̱ na̱ꞌvi̱j ndoꞌo níꞌ caꞌna̱ꞌ uún Taꞌanj níꞌ síí uun chij ndoꞌo Síí Tinanii man níꞌ rihaan Sayuun, Jesucristó Si̱j Caꞌnéé Yaꞌanj, ne̱ dan me se uun niha̱ꞌ uxrá rá níꞌ cheꞌé se uun ya̱ rá níꞌ se vaa caꞌna̱ꞌ uún soꞌ a. Ne̱ xa̱ꞌ soꞌ, tza̱j ne̱ queneꞌe̱n níꞌ se vaa niꞌndaj ya̱ sa̱ꞌ veꞌé vaa soꞌ ado̱nj.

Hebreos 10:27

Dan me se nique̱ níꞌ, ne̱ vaa güii caꞌne̱ꞌ Yaꞌanj cacunꞌ cheꞌé níꞌ, ne̱ ga̱a̱ ꞌo̱ yaꞌan, ne̱ gu̱un niha̱ꞌ uxrá rá yaꞌan yoꞌ cha̱ yaꞌan yoꞌ man nij síí ta̱j riꞌyunj man Yaꞌanj na̱nj ado̱nj.

1 Juan 2:13

Achrón ꞌu̱nj nu̱ꞌ nana̱ nihánj naya̱a̱ soj si̱j vaa taꞌníí, cheꞌé se a̱j neꞌen soj man síí cayáán ga̱ Yaꞌanj asi̱j tacóó chumii̱ a. Achrón ꞌu̱nj nu̱ꞌ nana̱ nihánj naya̱a̱ soj si̱j tachru̱u̱, cheꞌé se a̱j quiꞌyaj canaán soj rihaan Síí Chre̱e ado̱nj. Achrón ꞌu̱nj nu̱ꞌ nana̱ nihánj naya̱a̱ soj xni̱i, cheꞌé se a̱j neꞌen soj man Rej níꞌ Yaꞌanj ado̱nj.

1 Juan 3:12

Dan me se se̱ quiꞌyaj níꞌ nda̱a vaa quiꞌyaj síí cuꞌna̱j Caín ga̱a naá maꞌ. ꞌO̱ se si̱j noco̱ꞌ stucua̱nj Síí Chre̱e me soꞌ, ne̱ ticaviꞌ ya̱ soꞌ tinúú soꞌ ado̱nj. Ne̱ me cheꞌé quiꞌyaj soꞌ da̱nj, rá soj ga̱. ꞌO̱ se nu̱ꞌ rasu̱u̱n quiꞌyaj soꞌ me se ina̱nj chiꞌi̱i̱ ndoꞌo quiꞌyaj maꞌa̱n soꞌ, ne̱ tinúú soꞌ me se sa̱ꞌ ina̱nj vaa rasu̱u̱n quiꞌyaj tinúú soꞌ, ne̱ cheꞌé dan guun xco̱j ruva̱a̱ rá soꞌ niꞌya̱j soꞌ tinúú soꞌ ado̱nj.

1 Juan 5:18

Dan me se neꞌen níꞌ se vaa nu̱ꞌ nij síí caꞌngaa naca̱ nimán quiꞌyaj Yaꞌanj roꞌ, ne ꞌyaj nij soꞌ cacunꞌ a̱ maan ado̱nj. ꞌO̱ se tumé Taꞌníí Yaꞌanj man nij soꞌ, ne̱ se̱ caꞌvee quiꞌya̱j chiꞌi̱i̱ Síí Chre̱e man nij soꞌ a̱ maꞌ.

Apocalipsis 1:16

Ne̱ raꞌa soꞌ rej nuva̱ꞌ soꞌ roꞌ, coro̱ꞌ soꞌ chi̱j yatiꞌ, ne̱ neê espadá siha̱a̱ nu̱ꞌ niha̱ rihaan curiha̱nj tuꞌva soꞌ, ne̱ ase vaa nucua̱j ndoꞌo chuguu̱n güii ga̱a caxu̱j roꞌ, da̱nj vaa chuguu̱n rihaan soꞌ niꞌya̱j ꞌu̱nj man soꞌ a.

Apocalipsis 13:5

Ga̱a ne̱ caꞌvej rá Yaꞌanj gu̱un nucua̱j xcuu yuva̱a̱ yoꞌ caꞌmi̱i̱ xta̱ꞌ ndoꞌo soꞌ nda̱a nana̱ qui̱j rihaan maꞌa̱n Yaꞌanj a. Ne̱ caꞌvej rá Yaꞌanj gu̱un chij soꞌ vi̱j chiha̱a̱ vi̱j (42) yavii a.

Apocalipsis 19:15

Ne̱ ꞌni̱j tuꞌva soꞌ neê espadá siha̱a̱, ne̱ yoꞌ me se go̱ꞌ soꞌ xráá nij yuvii̱ ma̱n rihaan chumii̱, ne̱ nica̱j soꞌ vará aga̱ꞌ, ne̱ gu̱un chij soꞌ rihaan nij yuvii̱ a. Ne̱ maꞌa̱n soꞌ me síí caꞌne̱ꞌ cacunꞌ cheꞌé yuvii̱, ne̱ quiri̱i̱ soꞌ nu̱ꞌ cacunꞌ ata̱ yuvii̱, ne̱ nda̱ꞌ rá se vaa ruꞌmaan cheꞌé nii chruj uvá ne̱ rii nii nu̱ꞌ na uvá roꞌ, veé da̱nj ga̱a̱ gue̱e̱ quiꞌya̱j soꞌ, ne̱ cavi̱i̱ nu̱ꞌ cacunꞌ ata̱ yuvii̱, quiꞌya̱j soꞌ a. Dan me se racuíj soꞌ man Yaꞌanj Si̱j Uun Nucua̱j ꞌYaj Cunuda̱nj cheꞌé yan quiꞌya̱j Yaꞌanj sayuun man nij síí tumé cacunꞌ a.

Apocalipsis 2:16

’Cheꞌé dan ca̱nica̱j nimán soj, ta̱náj soj chrej chiꞌi̱i̱ yoꞌ á. Se taj, ne̱ raꞌya̱nj cuchi̱ꞌ ꞌu̱nj rihaan soj, ne̱ ni̱caj ꞌu̱nj neê espadá avii tuꞌvaj cunu̱ꞌ ꞌu̱nj ga̱ nij soj ado̱nj.

Apocalipsis 20:10

Ga̱a ne̱ Síí Chre̱e síí tihaꞌ yuꞌunj man nij soꞌ roꞌ, quiriꞌíj nii man soꞌ rque laguaná rej acaa ndoꞌo yoꞌóó azufré, ne̱ yoꞌ me rej nu̱u̱ xcuu yuva̱a̱ do̱ꞌ, síí nataꞌ nana̱ ne̱ do̱ꞌ a. Ga̱a ne̱ nuvi̱i niga̱nꞌ quira̱nꞌ ndoꞌo nij soꞌ sayuun nu̱ꞌ cavii nu̱ꞌ caꞌanj na̱nj ado̱nj.