2 Tesalonicenses 2:12 - Triqui de San Juan Copala

¹² Ga̱a ne̱ cata̱j Yaꞌanj se vaa ya̱ síí tumé cacunꞌ me cunuda̱nj nij yuvii̱ ne cuchuma̱n rá nana̱ ya̱, ne̱ ina̱nj chrej chiꞌi̱i̱ niha̱ꞌ rá nij soꞌ canoco̱ꞌ nij soꞌ ado̱nj.

2 Tesalonicenses 2:12 ပူးပေါင်းရင်းမြစ်များ

San Marcos 14:11

Ne̱ ga̱a cuno nij xrej ata̱ suun noco̱o, ne̱ guun niha̱ꞌ uxrá rá nij soꞌ, ne̱ cataꞌ tuꞌva nij soꞌ se vaa rque̱ nij soꞌ saꞌanj man Judas a. Ga̱a ne̱ guun cheꞌe̱ Judas nuchruj ra̱a̱ soꞌ aman caꞌve̱e ra̱cuíj soꞌ man nij soꞌ ta̱ꞌaa nij soꞌ man Jesús a.

San Marcos 16:16

Ne̱ me maꞌa̱n ꞌo̱ síí cuchuma̱n rá snana̱ soj ne̱ cata̱ꞌ ne, ne̱ soꞌ me síí nani̱i̱ rihaan sayuun ne̱ cavi̱i̱ sa̱ꞌ quiꞌya̱j Yaꞌanj, tza̱j ne̱ síí naꞌvej rá cuchuma̱n rá snana̱ soj me se quiꞌya̱j Yaꞌanj sayuun man soꞌ cheꞌé cacunꞌ tumé soꞌ ado̱nj.

San Juan 3:36

Síí amán rá niꞌya̱j man Taꞌníí Yaꞌanj roꞌ, soꞌ me síí veꞌé ca̱yáán ga̱ Yaꞌanj nu̱ꞌ cavii nu̱ꞌ caꞌanj a. Tza̱j ne̱ síí naꞌvej rá cuchuma̱n rá ni̱ꞌyaj man Taꞌníí Yaꞌanj roꞌ, daj chiha̱a̱ míj se̱ cayáán soꞌ ga̱ Yaꞌanj maꞌ. Tana̱nj ꞌo̱ caꞌma̱an rá Yaꞌanj ni̱ꞌyaj Yaꞌanj man soꞌ, ne̱ ꞌo̱ quira̱nꞌ soꞌ sayuun, quiꞌya̱j Yaꞌanj ado̱nj.

Romanos 1:32

Neꞌen nij soꞌ se vaa quira̱nꞌ nij soꞌ sayuun, quiꞌya̱j Yaꞌanj, tza̱j ne̱ ne acaj nij soꞌ cuentá niꞌya̱j nij soꞌ nana̱ aꞌmii Yaꞌanj a̱ maꞌ. Ma̱an se ina̱nj cacunꞌ ꞌyaj nij soꞌ, ne̱ nda̱a niha̱ꞌ rá nij soꞌ niꞌya̱j nij soꞌ man ꞌó yuvii̱ ꞌyaj nij cacunꞌ yoꞌ ado̱nj.

Romanos 12:9

Se̱ cataj soj se vaa ꞌe̱e̱ rá soj man tinúú soj, sese ne ya̱ ꞌe̱e̱ rá soj tinúú soj maꞌ. Se̱ tuꞌva rmaꞌa̱n soj da̱nj maꞌ. Tana̱nj ya̱ ga̱a̱ ꞌe̱e̱ rá soj tinúú soj á. Nachri̱ꞌ soj ni̱ꞌyaj soj se chiꞌi̱i̱, ne̱ ina̱nj se sa̱ꞌ canoco̱ꞌ xraan soj á.

Romanos 2:8

Xco̱j ruva̱a̱ ndoꞌo rá ꞌó taꞌa̱j yuvii̱, ne̱ ne uno nij soꞌ nana̱ ya̱ maꞌ. Tana̱nj tucuáán chiꞌi̱i̱ ina̱nj nocoꞌ nij soꞌ, ne̱ cheꞌé dan cuya̱nj rá Yaꞌanj ni̱ꞌyaj Yaꞌanj man nij soꞌ a.

1 Corintios 13:6

Né si̱j niha̱ꞌ rá neꞌen man yuvii̱ ꞌyaj cacunꞌ me soꞌ maꞌ. Tza̱j ne̱ niha̱ꞌ rá soꞌ neꞌen soꞌ se vaa uno yuvii̱ nana̱ ya̱ a.

1 Tesalonicenses 5:9

Né cheꞌe̱ se me rá Yaꞌanj quiꞌya̱j Yaꞌanj sayuun man níꞌ me cataj Yaꞌanj se vaa canoco̱ꞌ níꞌ man soꞌ maꞌ. ꞌO̱ se cataj Yaꞌanj da̱nj cheꞌé se me rá Yaꞌanj nani̱i̱ níꞌ rihaan sayuun ne̱ cavi̱i̱ sa̱ꞌ níꞌ cheꞌé Jesucristó Si̱j ꞌNi̱j Raꞌa man níꞌ ado̱nj.

2 Tesalonicenses 2:10

Ne̱ nu̱ꞌ se chiꞌi̱i̱ ndoꞌo quiꞌya̱j soꞌ, tiha̱ꞌ yuꞌunj soꞌ man nij yuvii̱ caꞌa̱nj caca̱a̱ nu̱ꞌ cavii nu̱ꞌ caꞌanj a. Ne̱ nij yuvii̱ yoꞌ me se né yuvi̱i̱ aranꞌ rá cuno̱ nana̱ ya̱ nana̱ quiꞌya̱j nani̱i̱ nij soꞌ rihaan sayuun me nij soꞌ maꞌ.

2 Pedro 2:3

Gu̱un rá nij síí narque̱ tucuáán ne̱ yoꞌ quiꞌya̱j canaán ndoꞌo nij soꞌ saꞌanj, ne̱ cheꞌé dan nano̱ꞌ nij soꞌ nana̱ ne̱ caꞌmi̱i̱ nij soꞌ rihaan nij soj cheꞌé yan rque̱ soj saꞌanj man nij soꞌ a. Tza̱j ne̱ asi̱j naá cataj Yaꞌanj se vaa quira̱nꞌ ndoꞌo nij síí vaa da̱nj sayuun vaa güii, ne̱ ya̱ uxrá quira̱nꞌ nij soꞌ sayuun ado̱nj.

3 Juan 1:11

Tinu̱j, se̱ guun qui̱ꞌyáá so̱ꞌ nda̱a vaa ꞌyaj nij síí chiꞌi̱i̱ maꞌ. Tana̱nj qui̱ꞌyáá so̱ꞌ nda̱a vaa ꞌyaj nij síí sa̱ꞌ á. ꞌO̱ se síí ꞌyaj se sa̱ꞌ roꞌ, Yaꞌanj ya̱ me Taꞌanj soꞌ ado̱nj. Ne̱ síí ꞌyaj se chiꞌi̱i̱ roꞌ, ne neꞌen soꞌ man Yaꞌanj a̱ maꞌ.