2 Pedro 3:16 - Triqui de San Juan Copala

¹⁶ Dan me se da̱j a̱ nij yanj cartá quiꞌyaj Pabló roꞌ, caꞌmii soꞌ cheꞌé rasu̱u̱n nihánj, ne̱ vaa do̱j nana̱ cu̱u sayu̱u̱n cu̱nóꞌ nó rihaan yanj quiꞌyaj soꞌ, ne̱ dan me se nij síí ne neꞌen do̱ꞌ, nij síí uun vi̱j rá me se natuná nij soꞌ snana̱ Pabló, taj nij soꞌ se vaa ino̱ vaa tucuáán tucuꞌyón soꞌ a. Ne̱ da̱nj ꞌyaj nij soꞌ ga̱ ꞌó nij nana̱ no̱ rihaan Danj Yaꞌanj uún, ne̱ cheꞌé dan quira̱nꞌ ndoꞌo nij soꞌ sayuun vaa güii ado̱nj.

2 Pedro 3:16 ပူးပေါင်းရင်းမြစ်များ

San Mateo 15:3

Ga̱a ne̱ cataj Jesús rihaan nij soꞌ a: ―Xa̱ꞌ maꞌa̱n soj, tza̱j ne̱ me cheꞌé ne uno maꞌa̱n soj stucua̱nj Yaꞌanj ꞌyaj maꞌa̱n tucuáán noco̱ꞌ soj ga̱.

San Mateo 15:6

ne̱ daj chiha̱a̱ míj ne nó xcúún soꞌ cara̱a̱ cochro̱j soꞌ ra̱cuíj soꞌ man rej soꞌ do̱ꞌ, man nii soꞌ do̱ꞌ, taj soj a. Dan me se da̱nj ina̱nj aꞌmii soj ga̱a tucuꞌyón soj stucua̱nj nij síí ma̱n ga̱a naá, ne̱ tiriꞌ soj suun caꞌneꞌ Yaꞌanj quiꞌya̱j yuvii̱ na̱nj ado̱nj.

San Mateo 22:29

Ga̱a ne̱ cataj Jesús rihaan nij soꞌ a: ―Ne neꞌen uxrá soj maꞌ. ꞌO̱ se ne neꞌen soj me taj Danj Yaꞌanj, ne̱ ne neꞌen soj se vaa nucua̱j ndoꞌo Yaꞌanj maꞌ.

Filipenses 3:19

Vaa güii caca̱a̱ ndoꞌo nij soꞌ na̱nj á. Ina̱nj nee̱ man nij soꞌ aráyaꞌa̱nj nij soꞌ, tza̱j ne̱ ne nocoꞌ nij soꞌ Yaꞌanj maꞌ. Nij ꞌyaj nij soꞌ, tza̱j ne̱ ne naꞌa̱j nij soꞌ maꞌ. Tana̱nj sa̱ꞌ uxrá ꞌyaj nij soꞌ, rá maꞌa̱n nij soꞌ chugua̱nj. Ina̱nj cheꞌé rasu̱u̱n ma̱n rihaan chumii̱ nihánj nanó rá nij soꞌ na̱nj ado̱nj.

Hebreos 5:11

Vaa uxrá ꞌó nana̱ me rá ꞌu̱nj cata̱j xnaꞌanj ꞌu̱nj rihaan soj cheꞌé síí cuꞌna̱j Melquisedec yoꞌ, ne̱ sayu̱u̱n uxrá vaa cata̱j xnaꞌanj ꞌu̱nj nana̱ yoꞌ rihaan soj, cheꞌé se né si̱j niha̱ꞌ rá cuno̱ raꞌya̱nj me soj maꞌ.

Santiago 1:8

ꞌO̱ se síí vi̱j vaa nimán me se ꞌo̱ chéé nuû nimán soꞌ na̱nj ado̱nj.

1 Pedro 1:1

ꞌU̱nj roꞌ, me síí cuꞌna̱j Pedró, ne̱ síí cuneꞌ Jesucristó caꞌa̱nj nata̱ꞌ snana̱ soꞌ rihaan nij yuvii̱ mej a. Ne̱ qui̱ꞌyáá ꞌu̱nj yanj nihánj caꞌne̱j ꞌu̱nj rihaan soj si̱j narii Yaꞌanj man canoco̱ꞌ man soꞌ, soj si̱j chaꞌnuu̱ caꞌanj nij estadó cuꞌna̱j Ponto do̱ꞌ, Galacia do̱ꞌ, Capadocia do̱ꞌ, Asia do̱ꞌ, Bitinia do̱ꞌ, cheꞌé sayuun quiranꞌ soj a.

1 Pedro 2:8

Ne̱ taj uún Danj Yaꞌanj a: Caco̱ꞌ cheꞌé yuvii̱, quiꞌya̱j yuvej yoꞌ, ne̱ naxru̱ꞌ yuvii̱ a, taj ꞌó nana̱ no̱ rihaan Danj Yaꞌanj a. Ne̱ nij síí ne amán rá niꞌya̱j man Cristó me se cheꞌé se ne cuno̱ nij soꞌ snana̱ Yaꞌanj roꞌ, cheꞌé dan naxru̱ꞌ nij soꞌ ne̱ quiri̱ꞌ nij soꞌ a. Dan me se caꞌnéé raꞌa Yaꞌanj man nij soꞌ quira̱nꞌ nij soꞌ da̱nj na̱nj ado̱nj.

2 Pedro 2:1

Tza̱j ne̱ cumán uxrá nij síí ne̱ nataꞌ snana̱ Yaꞌanj ga̱a naá rihaan nij síí israelitá, ne̱ nda̱a rá se vaa nij síí ne̱ ga̱a naá roꞌ, taꞌngaꞌ da̱nj vaa nij síí ne̱ cuchi̱ꞌ rihaan soj narque̱ yuve̱ tucuáán ne̱ rihaan soj ado̱nj. Ne̱ sese cuchuma̱n rá soj, ne̱ quiri̱ꞌ nimán soj a. Dan me se Síí ꞌNi̱j Raꞌa man níꞌ roꞌ, caviꞌ soꞌ cheꞌé rej caꞌve̱e nani̱i̱ nij soꞌ rihaan sayuun, tza̱j ne̱ maꞌa̱n nij soꞌ me se ina̱nj nana̱ ne̱ aꞌmii nij soꞌ cheꞌé Cristó, ne̱ cheꞌé dan quira̱nꞌ raꞌya̱nj ya̱ nij soꞌ sayuun, quiꞌya̱j Yaꞌanj a.

2 Pedro 2:14

Ina̱nj me rá nij síí narqué tucuáán ne̱ quiꞌya̱j nij soꞌ cacunꞌ ga̱ me maꞌa̱n chana̱ ni̱ꞌyaj nij soꞌ, ne̱ ne aꞌneꞌ rá nij soꞌ ga̱ suun ꞌyaj cacunꞌ a̱ maꞌ. Tihaꞌ yuꞌunj nij soꞌ man nij síí ne nica̱j xraan stucua̱nj Yaꞌanj, ne̱ ꞌo̱ vaa nimán nij soꞌ me rá nij soꞌ ga̱a̱ ndoꞌo rasu̱u̱n rihaan nij soꞌ ado̱nj. Ase vaa xnii mañá ndoꞌo roꞌ, da̱nj vaa nij soꞌ, ne̱ ya̱ quira̱nꞌ ndoꞌo nij soꞌ sayuun vaa güii chugua̱nj.

2 Pedro 3:14

Cheꞌé se naꞌvi̱j níꞌ güii yoꞌ roꞌ, cheꞌé dan doj a̱ te̱rquee̱ soj quiꞌya̱j soj se sa̱ꞌ ina̱nj rihaan Yaꞌanj, ne̱ se̱ gaa na̱nj tu̱mé soj cacunꞌ asa̱ꞌ caꞌnaꞌ uún Cristó na̱nj á. Ne̱ dínj ga̱a̱ nimán soj, tinu̱j, nocoj.

2 Pedro 3:2

Me raj ninu̱j rá soj nana̱ caꞌmii nij síí sa̱ꞌ síí nataꞌ snana̱ Yaꞌanj ga̱a naá, ne̱ me raj ninu̱j rá soj suun caꞌneꞌ Jesucristó Si̱j ꞌNi̱j Raꞌa man níꞌ, Si̱j Tinanii man níꞌ rihaan Sayuun, suun narqué núj si̱j cuneꞌ soꞌ caꞌa̱nj nata̱ꞌ snana̱ soꞌ rihaan soj a.

Judas 1:4

ꞌO̱ se a̱j catúj yuve̱ do̱j nij síí narqué tucuáán ne̱ scaꞌnúj soj, ne̱ asi̱j naá ndoꞌo nó nana̱ rihaan Danj Yaꞌanj cheꞌé nij soꞌ se vaa vaa güii quira̱nꞌ nij soꞌ sayuun, quiꞌya̱j Yaꞌanj ado̱nj. Si̱j naꞌvej rá cuno̱ rihaan Yaꞌanj me nij soꞌ, ne̱ a̱j nariꞌ nij soꞌ nana̱ se vaa me rá Yaꞌanj caꞌne̱e̱ Yaꞌanj cacunꞌ xráá nij soꞌ, ne̱ cheꞌé dan taj nij soꞌ se vaa caꞌve̱e quiꞌya̱j nij soꞌ me maꞌa̱n se nij a. Dan me se o̱rúnꞌ Yaꞌanj me síí uun chij rihaan níꞌ, tza̱j ne taj cheꞌé cuno̱ nij soꞌ rihaan soꞌ do̱ꞌ, rihaan Jesucristó Si̱j ꞌNi̱j Raꞌa man níꞌ do̱ꞌ, rá nij soꞌ maꞌ.