2 Pedro 2:7 - Triqui de San Juan Copala

⁷ Tza̱j ne̱ tinanii Yaꞌanj man síí cuꞌna̱j Lot rihaan sayuun yoꞌ, cheꞌé se síí nica̱ nimán me Lot, ne̱ quiriꞌ rá Lot cheꞌé se chiꞌi̱i̱ uxrá quiꞌyaj nij síí tucuáá rihaan Yaꞌanj nij síí cumán ro̱j chumanꞌ yoꞌ a.

2 Pedro 2:7 ပူးပေါင်းရင်းမြစ်များ

1 Corintios 10:13

Xca̱j soj cuentá se vaa ga̱a avii raa̱ soj quiꞌya̱j soj me maꞌa̱n se chiꞌi̱i̱, ne̱ cuya̱a̱n ranꞌ ꞌó da̱nj yuvii̱ uún na̱nj á. Tza̱j ne̱ vaa cheꞌé ga̱a̱ nucua̱j rá soj man Yaꞌanj, cheꞌé se asa̱ꞌ cavii raa̱ soj quiꞌya̱j soj se chiꞌi̱i̱, ne̱ ra̱cuíj Yaꞌanj man soj da̱j ga̱a̱ quiꞌya̱j soj, ga̱a ne̱ nani̱i̱ soj rihaan se chiꞌi̱i̱, ne̱ se̱ quiꞌyaj soj cacunꞌ maꞌ. Dan ga̱a ne̱ se̱ guun nucua̱j se chiꞌi̱i̱ yoꞌ quiꞌya̱j canaán yoꞌ rihaan soj maꞌ.

2 Pedro 2:18

Dan me se aꞌmii xta̱ꞌ ndoꞌo nij soꞌ nana̱ nij rmaꞌa̱n, ne̱ uno nij síí tiha̱j uun yaníj rihaan nij síí ne acaj cuentá ma̱n rihaan chumii̱ nihánj, tza̱j ne̱ nanica̱j nij soꞌ, ne̱ tanáj nij soꞌ chrej sa̱ꞌ, ne̱ ꞌyaj uún nij soꞌ se chiꞌi̱i̱ nda̱a vaa me rá maꞌa̱n nij soꞌ quiꞌya̱j nij soꞌ a.

2 Pedro 2:2

Tza̱j ne̱ canoco̱ꞌ queꞌe̱e̱ ndoꞌo nij síí amán rá niꞌya̱j man Cristó man nij síí ne̱ yoꞌ, ne̱ quiꞌya̱j ndoꞌo nij soꞌ nu̱ꞌ tucuáán chiꞌi̱i̱ uún, ne̱ cheꞌé tucuáán chiꞌi̱i̱ ꞌyaj nij soꞌ roꞌ, cheꞌé dan caꞌmi̱i̱ nij síí ne nocoꞌ man Yaꞌanj nana̱ qui̱j cheꞌé stucua̱nj Yaꞌanj tucuáán ya̱ ado̱nj.

2 Pedro 3:17

A̱j cataj xnaꞌanj ꞌu̱nj rihaan soj cheꞌé nij síí narqué tucuáán ne̱ caꞌna̱ꞌ rihaan soj vaa güii, tinu̱j, nocoj. Cheꞌé dan ta̱dó uxrá soj se̱ gaa na̱nj canoco̱ꞌ soj tucuáán ne̱ narque̱ nij síí naꞌvej rá cuno̱ rihaan Yaꞌanj yoꞌ á. Sese canoco̱ꞌ soj snana̱ nij soꞌ, ne̱ gu̱un vi̱j rá soj, quiꞌya̱j nij soꞌ ado̱nj.

Judas 1:4

ꞌO̱ se a̱j catúj yuve̱ do̱j nij síí narqué tucuáán ne̱ scaꞌnúj soj, ne̱ asi̱j naá ndoꞌo nó nana̱ rihaan Danj Yaꞌanj cheꞌé nij soꞌ se vaa vaa güii quira̱nꞌ nij soꞌ sayuun, quiꞌya̱j Yaꞌanj ado̱nj. Si̱j naꞌvej rá cuno̱ rihaan Yaꞌanj me nij soꞌ, ne̱ a̱j nariꞌ nij soꞌ nana̱ se vaa me rá Yaꞌanj caꞌne̱e̱ Yaꞌanj cacunꞌ xráá nij soꞌ, ne̱ cheꞌé dan taj nij soꞌ se vaa caꞌve̱e quiꞌya̱j nij soꞌ me maꞌa̱n se nij a. Dan me se o̱rúnꞌ Yaꞌanj me síí uun chij rihaan níꞌ, tza̱j ne taj cheꞌé cuno̱ nij soꞌ rihaan soꞌ do̱ꞌ, rihaan Jesucristó Si̱j ꞌNi̱j Raꞌa man níꞌ do̱ꞌ, rá nij soꞌ maꞌ.