2 Pedro 2:21 - Triqui de San Juan Copala

²¹ Cavi̱i̱ sa̱ꞌ nij soꞌ doj sese ne queneꞌe̱n nij soꞌ stucua̱nj Yaꞌanj tucuáán nica̱ se vaa ya̱j queneꞌen nij soꞌ stucua̱nj Yaꞌanj, ga̱a ne̱ nanica̱j uún nij soꞌ tanáj nij soꞌ tucuáán gue̱e̱ nagoꞌ Yaꞌanj man nij soꞌ tza̱j ado̱nj.

2 Pedro 2:21 ပူးပေါင်းရင်းမြစ်များ

San Mateo 21:32

ꞌO̱ se cuchiꞌ Juan rihaan nij soj, ne̱ tucuꞌyón soꞌ rihaan nij soj da̱j quiꞌya̱j soj cuno̱ sa̱ꞌ soj rihaan Yaꞌanj, tza̱j ne̱ ne cuchuma̱n rá nij soj nana̱ caꞌmii soꞌ maꞌ. Tza̱j ne̱ nij síí tihaꞌ yuꞌunj man yuvii̱ cheꞌé impuestó do̱ꞌ, nij chana̱ niha̱ꞌ rá ga̱ chii do̱ꞌ, cuchumán rá nana̱ caꞌmii Juan na̱nj ado̱nj. Ne̱ queneꞌen soj se vaa cuchumán rá nij soꞌ, tza̱j ne̱ ne nuchra̱nꞌ nimán soj, ne̱ ne cuchuma̱n rá maꞌa̱n soj maꞌ.

San Lucas 12:47

’Dan me se xa̱ꞌ mozó neꞌen da̱j me rá se‑ruꞌve̱e̱ soꞌ quiꞌya̱j soꞌ, tza̱j ne̱ sese se̱ quiꞌyaj soꞌ da̱nj, ne̱ ꞌyaj soꞌ ina̱nj se vaa rii nimán maꞌa̱n soꞌ quiꞌya̱j soꞌ, ne̱ cayu̱u̱n uxrá soꞌ vaa güii ado̱nj.

San Juan 15:22

’Sese ne caꞌna̱ꞌ ꞌu̱nj, ne̱ sese ne caꞌmi̱j ga̱ nij soꞌ, ne̱ taj va̱j cacunꞌ tumé nij soꞌ tza̱j maꞌ. Tza̱j ne̱ cuano̱ nihánj me se natáꞌ ꞌu̱nj snana̱ Yaꞌanj rihaan nij soꞌ, ne̱ se̱ caꞌvee cata̱j nij soꞌ se vaa né si̱j ta̱j riꞌyunj man Yaꞌanj me nij soꞌ maꞌ.

San Juan 9:41

Ga̱a ne̱ cataj Jesús rihaan nij soꞌ a: ―Sese si̱j ne neꞌen me soj, ne̱ taj va̱j cacunꞌ tumé soj maꞌ. Tza̱j ne̱ cuano̱ nihánj me se taj soj se vaa a̱j neꞌen soj a. Cheꞌé dan ꞌo̱ tumé soj cacunꞌ ado̱nj ―taj Jesús rihaan nij síí fariseo yoꞌ a.

Romanos 7:12

Dan me se gue̱e̱ uxrá stucua̱nj Moisés, ne̱ gue̱e̱ do̱ꞌ, nica̱ do̱ꞌ, cuna̱j uxrá do̱ꞌ, vaa ꞌo̱ ꞌo̱ suun caꞌneꞌ soꞌ na̱nj á.

Gálatas 6:2

Dan me se caꞌve̱e se me maꞌa̱n sayuun ranꞌ tinúú soj, tza̱j ne̱ ra̱cuíj soj man soꞌ á. Sese da̱nj quiꞌya̱j soj, ne̱ síí ꞌyaj nda̱a vaa taj stucua̱nj Cristó me soj ga̱a na̱nj chugua̱nj.

1 Tesalonicenses 4:2

ꞌO̱ se a̱j neꞌen soj me nana̱ cataj xnaꞌanj núj rihaan soj cheꞌé Jesús Si̱j ꞌNi̱j Raꞌa man níꞌ na̱nj á.

1 Timoteo 6:14

Dan me se ꞌo̱ cu̱nó so̱ꞌ nu̱ꞌ suun nihánj, ne̱ qui̱ꞌyáá so̱ꞌ nda̱a vaa taj yoꞌ, ne̱ tu̱mé so̱ꞌ man ma̱ꞌán so̱ꞌ se̱ quiꞌyáá so̱ꞌ cacunꞌ maꞌ. Da̱nj qui̱ꞌyáá so̱ꞌ nda̱a güii caꞌna̱ꞌ uún Jesucristó Si̱j ꞌNi̱j Raꞌa man níꞌ rihaan chumii̱ nihánj á.

Hebreos 10:26

ꞌO̱ se sese a̱j canocoꞌ níꞌ nana̱ ya̱ nana̱ nariꞌ níꞌ, ga̱a ne̱ sese quiri̱i̱ nimán níꞌ quiꞌya̱j níꞌ cacunꞌ, ne̱ taj va̱j ꞌó se vaa quiꞌya̱j níꞌ ga̱a ne̱ tinavi̱j uún Yaꞌanj cacunꞌ tumé níꞌ a̱ maꞌ.

Santiago 4:17

Tza̱j ne̱ sese neꞌen níꞌ da̱j me rá Yaꞌanj quiꞌya̱j níꞌ, ne̱ ne ꞌyaj níꞌ da̱nj, ga̱a ne̱ gu̱un níꞌ síí tumé ndoꞌo cacunꞌ na̱nj ado̱nj.

2 Pedro 3:2

Me raj ninu̱j rá soj nana̱ caꞌmii nij síí sa̱ꞌ síí nataꞌ snana̱ Yaꞌanj ga̱a naá, ne̱ me raj ninu̱j rá soj suun caꞌneꞌ Jesucristó Si̱j ꞌNi̱j Raꞌa man níꞌ, Si̱j Tinanii man níꞌ rihaan Sayuun, suun narqué núj si̱j cuneꞌ soꞌ caꞌa̱nj nata̱ꞌ snana̱ soꞌ rihaan soj a.

Judas 1:3

Tinu̱j, nocoj, guun ndoꞌo raj cachro̱nj nana̱ rihaan yanj caꞌne̱j ꞌu̱nj rihaan soj cheꞌé da̱j vaa nanii ta̱ranꞌ níꞌ rihaan chrej chiꞌi̱i̱ do̱ꞌ, rihaan sayuun do̱ꞌ, ꞌyaj Yaꞌanj ado̱nj. Tza̱j ne̱ ya̱j me se no̱ xcúnj cachro̱nj ꞌó nana̱ rihaan yanj, ne̱ cata̱j xnaꞌanj ꞌu̱nj rihaan soj se vaa te̱rquee̱ ndoꞌo soj canoco̱ꞌ xraan soj stucua̱nj Yaꞌanj tucuáán tacuachén nij síí caꞌmii natáj nana̱ sa̱ꞌ cheꞌé Cristó rihaan soj si̱j noco̱ꞌ man Yaꞌanj a.