2 Pedro 1:6 - Triqui de San Juan Copala

⁶ Ne̱ asa̱ꞌ queneꞌen sa̱ꞌ soj snana̱ Yaꞌanj, ga̱a ne̱ te̱rquee̱ soj gu̱un soj síí tumé sa̱ꞌ man maꞌa̱n da̱j quiꞌya̱j maꞌa̱n soj á. Ne̱ asa̱ꞌ quisíj tumé sa̱ꞌ soj man maꞌa̱n soj, ga̱a ne̱ te̱rquee̱ soj gu̱un nucua̱j nimán soj rihaan sayuun á. Ne̱ asa̱ꞌ quisíj guun nucua̱j nimán soj rihaan sayuun, ga̱a ne̱ te̱rquee̱ soj quiꞌya̱j soj nda̱a vaa me rá Yaꞌanj quiꞌya̱j soj á.

2 Pedro 1:6 ပူးပေါင်းရင်းမြစ်များ

San Lucas 21:19

ꞌO̱ se cheꞌé se noco̱ꞌ xraan soj manj roꞌ, cheꞌé dan ꞌo̱ ga̱a̱ iꞌna̱ꞌ nimán soj nu̱ꞌ cavii nu̱ꞌ caꞌanj ado̱nj.

San Lucas 8:15

Ne̱ ꞌó taꞌa̱j nij síí uno snana̱ Yaꞌanj me se ase vaa ꞌnúú cayuu rihaan yoꞌóó sa̱ꞌ ne̱ sa̱ꞌ uxrá cachij yoꞌ roꞌ, da̱nj vaa síí sa̱ꞌ uno snana̱ Yaꞌanj a. ꞌO̱ se sa̱ꞌ uxrá vaa nij soꞌ, ne̱ veꞌé nanó xre̱j nij soꞌ snana̱ Yaꞌanj, ne̱ nocoꞌ xraan nij soꞌ snana̱ Yaꞌanj, ne̱ ina̱nj se sa̱ꞌ ꞌyaj nij soꞌ, ne̱ ne aꞌneꞌ rá nij soꞌ ga̱ snana̱ Yaꞌanj maꞌ ―taj Jesús rihaan nij síí tucuꞌyón snana̱ soꞌ a.

Hechos 24:25

Dan me se cataj xnaꞌanj Pabló rihaan Félix se vaa no̱ xcúún níꞌ cunu̱u sa̱ꞌ níꞌ rihaan Yaꞌanj ne̱ no̱ xcúún níꞌ tu̱mé níꞌ man maꞌa̱n níꞌ se vaa veꞌé ina̱nj quiꞌya̱j níꞌ a. Ne̱ caꞌmii soꞌ cheꞌé güii caꞌne̱ꞌ Yaꞌanj cacunꞌ cheꞌé yuvii̱ a. Ga̱a ne̱ cuchuꞌviꞌ ndoꞌo Félix, ne̱ cataj soꞌ a: ―Cuano̱ nihánj me se caꞌa̱nj so̱ꞌ ya̱j, tza̱j ne̱ asa̱ꞌ vaa yaꞌnúj rihanj, ne̱ canacu̱nj uún ꞌu̱nj mán so̱ꞌ á ―taj soꞌ rihaan Pabló a.

Romanos 15:4

Ga̱a naá me se cachrón nii nana̱ rihaan Danj Yaꞌanj yan nari̱ꞌ maꞌa̱n níꞌ da̱j quiꞌya̱j níꞌ ga̱a ne̱ gu̱un nucua̱j níꞌ quiꞌya̱j canaán níꞌ rihaan sayuun ne̱ nari̱ꞌ nucuaj nimán níꞌ ga̱a ne̱ caꞌve̱e gu̱un ya̱ rá níꞌ se vaa vaa güii cavi̱i̱ sa̱ꞌ níꞌ a.

Romanos 2:7

Dan me se taꞌa̱j yuvii̱ racuíj man tuviꞌ nij soꞌ, ne̱ ina̱nj ꞌyaj nij soꞌ se sa̱ꞌ cheꞌé tuviꞌ nij soꞌ, cheꞌé rej niꞌndaj ya̱ sa̱ꞌ quiꞌya̱j Yaꞌanj ga̱ nij soꞌ ne̱ caꞌmi̱i̱ cochro̱j Yaꞌanj cheꞌé nij soꞌ a. Me rá nij soꞌ ca̱yáán nij soꞌ ga̱ Yaꞌanj nu̱ꞌ cavii nu̱ꞌ caꞌanj, ne̱ ya̱ uxrá da̱nj ga̱a̱ quiꞌya̱j Yaꞌanj á.

Romanos 8:25

Ne neꞌen níꞌ da̱j quiꞌya̱j Yaꞌanj cheꞌé níꞌ maꞌ. Ma̱an se nucua̱j rá níꞌ man Yaꞌanj, ne̱ cheꞌé dan se̱ gaa raꞌya̱nj nimán níꞌ maꞌ. Ma̱an se ga̱a̱ ina̱j nimán níꞌ, ne̱ na̱ꞌvi̱j níꞌ nda̱a se cavi̱i̱ sa̱ꞌ níꞌ quiꞌya̱j Yaꞌanj ado̱nj.

1 Corintios 9:25

Dan me se síí me rá quiꞌya̱j canaán ga̱a tico nii roꞌ, tumé uxrá soꞌ man maꞌa̱n soꞌ da̱j quiꞌya̱j soꞌ, ne̱ se̱ náj quiꞌya̱j rmaꞌa̱n soꞌ maꞌ. ꞌO̱ se me rá soꞌ gu̱un nucua̱j soꞌ quiꞌya̱j canaán soꞌ ꞌo̱ cachriin coj cu̱nuû raa̱ soꞌ, tza̱j ne̱ vaa güii canaco̱o̱ yoꞌ na̱nj ado̱nj. Tza̱j ne̱ se rque̱ Yaꞌanj man níꞌ roꞌ, ꞌo̱ ga̱a̱ yoꞌ nu̱ꞌ cavii nu̱ꞌ caꞌanj, ne̱ cheꞌé dan tu̱mé uxrá níꞌ man maꞌa̱n níꞌ na̱nj á.

2 Corintios 6:4

ꞌO̱ se me rá núj ni̱ꞌyaj nii man núj ne̱ cata̱j nii se vaa ya̱ ya̱ si̱j ꞌyaj se‑su̱u̱n Yaꞌanj me núj, ne̱ cheꞌé dan nda̱ꞌ se ranꞌ núj sayuun, tza̱j ne̱ vaa ina̱j nimán núj na̱nj ado̱nj. Dan me se ranꞌ núj sayuun, ne̱ achiin rasu̱u̱n man núj, ne̱ chuꞌviꞌ nimán núj, ne̱ oꞌ nii cuartá xráá núj, ne̱ axríj nii tagaꞌ man núj, ne̱ nuu chre̱ꞌ nii quiꞌya̱j nii sayuun man núj a. Ne̱ ꞌyaj suun ndoꞌo núj cheꞌé yan quiꞌya̱j canaán núj cha̱ núj, ne̱ vaa güii narii ndoꞌo núj nej, ne̱ vaa güii, ne̱ ne vaa yaꞌnúj rihaan núj cha̱ núj, tza̱j ne̱ vaa ina̱j nimán núj, ne̱ ne aꞌneꞌ rá núj a̱ maꞌ.

Gálatas 5:23

síí niꞌya̱nj aꞌmii gu̱un níꞌ do̱ꞌ, síí nica̱j raa̱ gu̱un níꞌ do̱ꞌ, quiꞌya̱j Nimán Yaꞌanj á. Ina̱nj da̱nj ga̱a̱ níꞌ sese veꞌé cuno̱ níꞌ rihaan Nimán Yaꞌanj na̱nj ado̱nj. Ne̱ taj cacunꞌ quita̱j xráá níꞌ quiꞌya̱j nana̱ nihánj a̱ maꞌ.

Colosenses 1:11

Yaꞌanj me síí nucua̱j uxrá, ne̱ achíín niꞌya̱j núj se vaa caꞌne̱j ndoꞌo Yaꞌanj se nucua̱j nimán soj, ga̱a ne̱ caꞌve̱e ga̱a̱ sca̱ꞌ rá soj rihaan sayuun quiꞌya̱j yuvii̱ man soj, ne̱ ga̱a̱ ina̱j nimán soj, ne̱ ga̱a̱ niha̱ꞌ nimán soj,

1 Tesalonicenses 1:3

Dan me se ꞌo̱ nuû rá núj rihaan Rej níꞌ Yaꞌanj se vaa caꞌnéé uxrá nimán soj cuchuma̱n rá soj ni̱ꞌyaj soj man Jesucristó do̱ꞌ, se vaa ꞌo̱ ꞌyaj soj se‑su̱u̱n Jesucristó cheꞌé se ꞌe̱e̱ ya̱ rá soj man yuvii̱ do̱ꞌ, se vaa ꞌo̱ xraan naꞌvi̱j soj cavi̱i̱ sa̱ꞌ soj quiꞌya̱j Jesucristó Si̱j ꞌNi̱j Raꞌa man níꞌ do̱ꞌ ado̱nj.

2 Tesalonicenses 1:4

Dan me se ꞌo̱ sca̱ꞌ nataꞌ núj rihaan nij xꞌneꞌ yuvii̱ noco̱ꞌ man Yaꞌanj ya̱nj queꞌe̱e̱ chumanꞌ se vaa veꞌé ꞌyaj soj a. Ne̱ dan me se taj núj se vaa ꞌyaj ndoꞌo nii sayuun man soj, tza̱j ne̱ ꞌo̱ amán rá soj niꞌya̱j soj man Yaꞌanj, ne̱ ꞌo̱ vaa sca̱ꞌ rá soj rihaan sayuun, ne̱ ꞌo̱ nocoꞌ xraan soj man Yaꞌanj ado̱nj.

2 Tesalonicenses 3:5

Ne̱ me rá núj se vaa ra̱cuíj Síí ꞌNi̱j Raꞌa man níꞌ man maꞌa̱n soj da̱j quiꞌya̱j soj, cara̱a̱ cochro̱j soj rihaan Yaꞌanj, ne̱ ꞌo̱ canoco̱ꞌ soj man Yaꞌanj nda̱a vaa quiꞌyaj maꞌa̱n Cristó, ne̱ se̱ caꞌneꞌ rá soj ga̱ suun ꞌyaj da̱nj maꞌ.

1 Timoteo 2:10

Tana̱nj quiꞌya̱j noꞌ suun sa̱ꞌ ra̱cuíj noꞌ man yuvii̱, ne̱ ase vaa yatzíj veꞌé vaa roꞌ, da̱nj ga̱a̱ suun sa̱ꞌ yoꞌ a. Da̱nj quiꞌya̱j chana̱, ne̱ queneꞌe̱n yuvii̱ se vaa ya̱ vaa nana̱ aꞌmii noꞌ se vaa níí noco̱ꞌ man Yaꞌanj me noꞌ ado̱nj.

1 Timoteo 2:2

Ne̱ cachi̱nj niꞌya̱j soj cheꞌé cunuda̱nj nij síí nica̱j suun, ga̱a ne̱ ga̱a̱ dínj ca̱yáán níꞌ rihaan chumii̱ nihánj, ne̱ veꞌé quiꞌya̱j níꞌ, canoco̱ꞌ níꞌ man Yaꞌanj á.

1 Timoteo 3:16

Neꞌen cunuda̱nj níꞌ se vaa noco̱o uxrá vaa nana̱ sa̱ꞌ yuve̱ tihaa̱n naca̱ Yaꞌanj man níꞌ nana̱ canocoꞌ níꞌ, ne̱ nihánj me nana̱ yoꞌ a: Curiha̱nj Yaꞌanj rihaan chumii̱, ne̱ guun soꞌ yuvii̱ a. Veꞌé ndoꞌo quiꞌyaj soꞌ, cataj Nimán Yaꞌanj a. Queneꞌen nij se‑mo̱zó Yaꞌanj man soꞌ a. Nataꞌ nii cheꞌé soꞌ rihaan nij yuvii̱ yaníj a. Cuchumán rá taꞌa̱j nij síí ma̱n rihaan chumii̱ nihánj niꞌya̱j nij soꞌ man soꞌ a. Quinanꞌ soꞌ xta̱ꞌ, ne̱ niꞌndaj ya̱ veꞌé nacaj nij síí ma̱n xta̱ꞌ man soꞌ a. Yoꞌ me nana̱ noco̱ꞌ níꞌ a.

1 Timoteo 6:11

Tza̱j ne̱ so̱ꞌ si̱j noco̱ꞌ man Yaꞌanj me se se̱ guun rá so̱ꞌ quiꞌya̱j canaán so̱ꞌ noco̱o saꞌanj maꞌ. Tana̱nj nano̱ꞌ so̱ꞌ naquiꞌya̱j nica̱ so̱ꞌ man yuvii̱ do̱ꞌ, canoco̱ꞌ xraan so̱ꞌ man Yaꞌanj do̱ꞌ, cuchuma̱n uxrá rá so̱ꞌ man Yaꞌanj do̱ꞌ, ga̱a̱ ꞌe̱e̱ rá so̱ꞌ man yuvii̱ do̱ꞌ, ga̱a̱ nucua̱j nimán so̱ꞌ rihaan sayuun do̱ꞌ, ga̱a̱ naj nimán so̱ꞌ do̱ꞌ á.

1 Timoteo 6:3

Sese tucuꞌyón ꞌo̱ soꞌ tucuáán ne̱, ne̱ ne aꞌneꞌ rá soꞌ ga̱ tucuáán ya̱ cuchruj Jesucristó Si̱j ꞌNi̱j Raꞌa man níꞌ do̱ꞌ, ga̱ tucuáán aranꞌ rá Yaꞌanj cuno̱ níꞌ do̱ꞌ,

1 Timoteo 6:6

Dan me se ya̱ uxrá da̱nj vaa, ne̱ si̱j quiri̱ꞌ uxrá ya̱ se sa̱ꞌ me níꞌ, tza̱j ne̱ ꞌo̱ ga̱a̱ xe̱j nimán níꞌ canoco̱ꞌ níꞌ Yaꞌanj, ga̱a ne̱ caꞌve̱e gu̱un níꞌ síí cavi̱i̱ sa̱ꞌ uxrá ado̱nj.

2 Timoteo 3:5

Ase vaa yuvii̱ noco̱ꞌ man Yaꞌanj roꞌ, da̱nj ga̱a̱ nij soꞌ, tza̱j ne̱ daj chiha̱a̱ míj se̱ caꞌvej rá nij soꞌ naquiꞌya̱j sa̱ꞌ Yaꞌanj nimán nij soꞌ maꞌ. Naxu̱u̱n yaníj so̱ꞌ mán so̱ꞌ rihaan nij síí vaa da̱nj á.

Tito 1:1

ꞌU̱nj roꞌ, me síí cuꞌna̱j Pabló nu̱u̱ rihaan Yaꞌanj, ne̱ cuneꞌ Jesucristó mán ꞌu̱nj caꞌa̱nj nata̱ꞌ ꞌu̱nj rihaan nij yuvii̱ narii Yaꞌanj cheꞌé rej nari̱ꞌ nij soꞌ stucua̱nj Cristó, ne̱ nari̱ꞌ nij soꞌ snana̱ Yaꞌanj nana̱ ya̱, ne̱ veꞌé uxrá canoco̱ꞌ nij soꞌ man Yaꞌanj, quiꞌya̱j nana̱ ya̱ yoꞌ a.

Tito 1:8

Tana̱nj nari̱i̱ so̱ꞌ man síí niha̱ꞌ rá cara̱nꞌ yuvii̱ avii ꞌó chumanꞌ tucuá soꞌ do̱ꞌ, síí niha̱ꞌ rá quiꞌya̱j se sa̱ꞌ do̱ꞌ, síí veꞌé acaj cuentá do̱ꞌ, síí nica̱ rá do̱ꞌ, síí nica̱j xraan man Yaꞌanj do̱ꞌ, síí tumé sa̱ꞌ man maꞌa̱n do̱ꞌ ado̱nj.

Tito 2:2

Cata̱j xnaꞌanj so̱ꞌ rihaan nij chii nga̱ se vaa síí na̱j nimán gu̱un nij soꞌ á. Ga̱a̱ chij rá nij soꞌ á. Xca̱j nij soꞌ cuentá da̱j quiꞌya̱j maꞌa̱n nij soꞌ á. ꞌO̱ cuchuma̱n rá nij soꞌ ni̱ꞌyaj nij soꞌ man Yaꞌanj, ne̱ ga̱a̱ ꞌe̱e̱ rá nij soꞌ tuviꞌ nij soꞌ, ne̱ nda̱ꞌ se ranꞌ nij soꞌ sayuun, tza̱j ne̱ ꞌo̱ xraan canoco̱ꞌ nij soꞌ man Cristó a.

Hebreos 10:36

ꞌO̱ se vaa cheꞌé ga̱a̱ ina̱j nimán soj, ne̱ ꞌo̱ quiꞌya̱j soj se vaa me rá Yaꞌanj quiꞌya̱j soj, ne̱ vaa güii naca̱j soj nu̱ꞌ se vaa cataꞌ tuꞌva Yaꞌanj naca̱j soj chugua̱nj.

Hebreos 12:1

Ri̱i̱ uxrá nij síí amán rá niꞌya̱j man Yaꞌanj, nij síí ma̱n ga̱a naá, ne̱ nicu̱nꞌ nij soꞌ nu̱ꞌ anica̱j rej ma̱n níꞌ tihaa̱n nij soꞌ man níꞌ suun noco̱ꞌ xraan man Yaꞌanj a. Cheꞌé dan ta̱náj xco̱ níꞌ nu̱ꞌ se vaa ca̱ráán chrej rihaan níꞌ, ne̱ ta̱náj xco̱ níꞌ nu̱ꞌ chrej chiꞌi̱i̱ na̱nj á. ꞌO̱ se sayu̱u̱n ndoꞌo vaa ta̱náj xco̱ níꞌ chrej chiꞌi̱i̱ yoꞌ ado̱nj. Ne̱ dan me se ꞌo̱ quiꞌya̱j níꞌ nu̱ꞌ suun vaa rihaan níꞌ á. Dan me se ase vaa síí unánj tico tuviꞌ roꞌ, da̱nj ga̱a̱ níꞌ, ne̱ se̱ caꞌneꞌ rá níꞌ caꞌa̱nj níꞌ rej rihaan níꞌ maꞌ.

Hebreos 6:12

Ne̱ se̱ gaa rmi̱i̱ soj maꞌ. Ma̱an se veꞌé xca̱j soj cuentá da̱j ꞌyaj nij síí amán sa̱ꞌ rá niꞌya̱j man Yaꞌanj, ne̱ ase vaa ꞌyaj nij soꞌ roꞌ, da̱nj quiꞌya̱j uún soj chugua̱nj. Dan me se nij síí amán sa̱ꞌ rá me se ne aꞌneꞌ rá nij soꞌ maꞌ. ꞌO̱ se ꞌo̱ nocoꞌ nij soꞌ man Cristó, ga̱a ne̱ vaa güii naca̱j nij soꞌ nu̱ꞌ se sa̱ꞌ cataꞌ tuꞌva Yaꞌanj se vaa rque̱ Yaꞌanj man níꞌ si̱j noco̱ꞌ man Yaꞌanj ado̱nj.

Hebreos 6:15

Ne̱ ya̱ da̱nj quiranꞌ síí cuꞌna̱j Abraham, gaa ina̱j nimán soꞌ, ꞌo̱ nocoꞌ soꞌ man Yaꞌanj, ne̱ cavii sa̱ꞌ uxrá ya̱ soꞌ, nda̱a vaa cataꞌ tuꞌva Yaꞌanj rihaan soꞌ na̱nj ado̱nj.

2 Pedro 1:3

Dan me se niꞌndaj ya̱ veꞌé vaa Yaꞌanj ne̱ niꞌndaj ya̱ sa̱ꞌ rá soꞌ, ne̱ cheꞌé dan canacúún ya̱ soꞌ man níꞌ canoco̱ꞌ níꞌ man soꞌ a. Ne̱ cheꞌé se neꞌen ya̱ níꞌ man soꞌ, ne̱ racuíj snucua̱j soꞌ man níꞌ ca̱yáán sa̱ꞌ níꞌ ga̱ soꞌ, ne̱ veꞌé canoco̱ꞌ níꞌ man soꞌ ado̱nj.

2 Pedro 3:11

Cheꞌé se caꞌa̱nj niꞌya̱ chumii̱, cheꞌé dan se̱ guun nano̱ rá soj cheꞌé rasu̱u̱n ma̱n rihaan chumii̱ nihánj maꞌ. Tana̱nj xca̱j soj cuentá cheꞌé da̱j quiꞌya̱j soj canoco̱ꞌ xraan soj man Yaꞌanj á.

Apocalipsis 1:9

ꞌU̱nj si̱j cuꞌna̱j Juan roꞌ, tinúú soj mé ꞌu̱nj, ne̱ cheꞌé se nuu rcuꞌa̱a̱n níꞌ ga̱ Jesús roꞌ, síí ranꞌ sayuun ga̱ soj mé ꞌu̱nj, ne̱ síí uun chij Yaꞌanj rihaan mej ga̱ soj, ne̱ síí nucua̱j nimán rihaan sayuun mej ga̱ soj ado̱nj. Dan me se yáán ꞌu̱nj yoꞌóó ta̱j rihaan na yaꞌa̱nj yoꞌóó cuꞌna̱j Patmos, ne̱ yoꞌ me rej caꞌnéé nii manj cheꞌé se si̱j nataꞌ snana̱ Yaꞌanj mej ne̱ si̱j taj xnaꞌanj nana̱ cheꞌé Jesús mej a.

Apocalipsis 13:10

Dan me se síí taꞌaa man ꞌó yuvii̱ gu̱un yuvii̱ mozó siꞌyaj soꞌ roꞌ, vaa güii ta̱ꞌaa nii man soꞌ gu̱un soꞌ mozó siꞌyaj ꞌó yuvii̱ uún na̱nj ado̱nj. Ne̱ síí oꞌ neê espadá man tuviꞌ me se cavi̱ꞌ ya̱ maꞌa̱n soꞌ, quiꞌya̱j neê espadá na̱nj ado̱nj. Nihánj me se xca̱j níꞌ cuentá cheꞌé nij síí noco̱ꞌ man Yaꞌanj, se vaa ꞌo̱ ga̱a̱ nucua̱j rá nij soꞌ niꞌya̱j nij soꞌ Yaꞌanj, ne̱ ꞌo̱ cuchuma̱n rá nij soꞌ ni̱ꞌyaj nij soꞌ Yaꞌanj, ne̱ ꞌo̱ ga̱a̱ nucua̱j nimán nij soꞌ rihaan sayuun ado̱nj.

Apocalipsis 14:12

Ne̱ nihánj me rej xca̱j níꞌ cuentá cheꞌé nij síí noco̱ꞌ man Yaꞌanj, se vaa ꞌo̱ vaa nucua̱j nimán nij soꞌ rihaan sayuun ado̱nj. ꞌO̱ se nij soꞌ me síí ꞌo̱ uno nij suun caꞌneꞌ Yaꞌanj rihaan níꞌ, ne̱ ꞌo̱ amán rá nij soꞌ niꞌya̱j nij soꞌ Jesús a.

Apocalipsis 2:2

A̱j neꞌén ꞌu̱nj da̱j ꞌyaj soj se vaa ꞌyaj uxrá soj se‑su̱u̱n ꞌu̱nj ne̱ nucua̱j ndoꞌo vaa nimán soj rihaan sayuun ado̱nj. Ne̱ a̱j neꞌenj se vaa naꞌvej uxrá rá soj ni̱ꞌyaj soj man nij síí chiꞌi̱i̱ maꞌ. Ne̱ xa̱ꞌ nij síí tihaꞌ yuꞌunj tuꞌva rmaꞌa̱n se vaa si̱j ata̱ suun caꞌa̱nj nata̱ꞌ snana̱ Jesucristó me nij soꞌ, tza̱j ne̱ a̱j nuchruj ra̱a̱ soj cheꞌé nij soꞌ, ne̱ a̱j xcaj soj cuentá se vaa né si̱j aꞌmii ya̱ me nij soꞌ a̱ maan ado̱nj.