2 Pedro 1:4 - Triqui de San Juan Copala

⁴ Ne̱ cheꞌé dan cataꞌ tuꞌva soꞌ cheꞌé niꞌndaj ya̱ nij se lu̱j quiꞌya̱j ndoꞌo soꞌ ga̱ níꞌ, cheꞌé rej caꞌve̱e nani̱i̱ soj rihaan se chiꞌi̱i̱ nu̱u̱ nimán nij síí ma̱n rihaan chumii̱ nihánj, ne̱ ase vaa maꞌa̱n Yaꞌanj roꞌ, da̱nj ga̱a̱ soj a.

2 Pedro 1:4 ပူးပေါင်းရင်းမြစ်များ

Romanos 9:4

Dan me se yuvii̱ israelitá me nij soꞌ, ne̱ gu̱un taꞌni̱j Yaꞌanj man nij soꞌ, rá Yaꞌanj á. Queneꞌen nij soꞌ se vaa chuguu̱n ndoꞌo Yaꞌanj ga̱a canicunꞌ maꞌa̱n Yaꞌanj ga̱ nij soꞌ ga̱a naá, ne̱ cataꞌ tuꞌva Yaꞌanj rihaan nij soꞌ da̱j quiꞌya̱j Yaꞌanj cheꞌé nij soꞌ, ne̱ cataj xnaꞌanj Yaꞌanj rihaan nij soꞌ da̱j quiꞌya̱j maꞌa̱n nij soꞌ a. Tucuꞌyón Yaꞌanj man nij soꞌ da̱j quiꞌya̱j nij soꞌ ga̱a aráj gue̱e̱ nij soꞌ rihaan Yaꞌanj, ne̱ cataꞌ tuꞌva Yaꞌanj rihaan nij soꞌ se vaa ya̱ caꞌne̱j Yaꞌanj ꞌo̱ síí ti̱nanii man nij soꞌ rihaan sayuun a.

2 Corintios 1:20

Cunuda̱nj nij nana̱ cataꞌ tuꞌva Yaꞌanj cheꞌé níꞌ roꞌ, niꞌya̱j níꞌ man Cristó ne̱ xcaj níꞌ cuentá se vaa ya̱ vaa nu̱ꞌ nana̱ yoꞌ chugua̱nj. Ne̱ cheꞌé se si̱j noco̱ꞌ man Cristó me níꞌ, cheꞌé dan taj níꞌ “Ya̱ da̱nj vaa ado̱nj”, taj níꞌ rihaan Yaꞌanj, ne̱ sa̱ꞌ doj xcaj yuvii̱ cuentá se vaa veꞌé ndoꞌo ꞌyaj Yaꞌanj ado̱nj.

2 Corintios 3:18

Ne̱ taj se aráán rihaan ta̱ranꞌ níꞌ maꞌ. ꞌO̱ se uun nucua̱j níꞌ neꞌen níꞌ man Síí ꞌNi̱j Raꞌa man níꞌ, se vaa niꞌndaj ya̱ veꞌé vaa soꞌ, ne̱ ase vaa soꞌ roꞌ, da̱nj ga̱a̱ uún maꞌa̱n níꞌ, cheꞌé se niꞌya̱j níꞌ man soꞌ ado̱nj. Dan me se do̱ꞌ do̱ꞌ naquiꞌyaj sa̱ꞌ Nimán Yaꞌanj Si̱j ꞌNi̱j Raꞌa man níꞌ nimán níꞌ, ne̱ dan me se ne̱ soꞌ nimán níꞌ, ne̱ ase vaa maꞌa̱n soꞌ roꞌ, da̱nj ga̱a̱ ta̱ranꞌ níꞌ uún ado̱nj.

2 Corintios 6:17

Ne̱ cataj uún Yaꞌanj rihaan níꞌ si̱j noco̱ꞌ man soꞌ a: Cheꞌé dan gu̱un yaníj soj rihaan nij síí chiꞌi̱i̱ yoꞌ, ne̱ a̱ ꞌó se chiꞌi̱i̱ se̱ quiꞌyaj soj, ga̱a ne̱ naca̱j ꞌu̱nj man soj a.

Gálatas 3:16

Ne̱ dan me se taꞌngaꞌ da̱nj quiꞌyaj gue̱e̱ Yaꞌanj ga̱ Abraham, ne̱ dan me se cataꞌ tuꞌva ro̱j soꞌ nana̱ nda̱a vaa quiꞌya̱j Yaꞌanj ga̱ Abraham a. Dan me se cataj Yaꞌanj se vaa cavi̱i̱ sa̱ꞌ soꞌ do̱ꞌ, cavi̱i̱ sa̱ꞌ taꞌníí taꞌnij siꞌno̱ soꞌ do̱ꞌ a. Dan me se da̱nj aꞌmii Danj Yaꞌanj, tza̱j ne̱ ne cata̱j Yaꞌanj se vaa cavi̱i̱ sa̱ꞌ queꞌe̱e̱ taꞌníí taꞌnij siꞌno̱ síí cuꞌna̱j Abraham maꞌ. ꞌO̱ se cheꞌé o̱rúnꞌ taꞌníí taꞌnij siꞌno̱ Abraham caꞌmii Danj Yaꞌanj, ne̱ síí cuꞌna̱j Cristó me soꞌ na̱nj ado̱nj.

Gálatas 6:8

Sese quiꞌya̱j ꞌo̱ soꞌ ina̱nj se vaa me rá nee̱ man maꞌa̱n soꞌ quiꞌya̱j soꞌ, ne̱ nee̱ man soꞌ quiꞌya̱j quiri̱ꞌ nu̱ꞌ soꞌ na̱nj ado̱nj. Tza̱j ne̱ sese quiꞌya̱j ꞌo̱ soꞌ ina̱nj se vaa me rá Nimán Yaꞌanj quiꞌya̱j soꞌ, ne̱ Nimán Yaꞌanj quiꞌya̱j ga̱a̱ iꞌna̱ꞌ soꞌ ca̱yáán soꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.

Efesios 4:13

Ne̱ sa̱ꞌ doj cuchuma̱n rá níꞌ ni̱ꞌyaj níꞌ Taꞌníí Yaꞌanj, ne̱ sa̱ꞌ doj queneꞌe̱n níꞌ da̱j vaa soꞌ, ne̱ veꞌé cunu̱u rcuaꞌa̱a̱n ta̱ranꞌ níꞌ ado̱nj. Chij ina̱nj ga̱a̱ rá níꞌ, ga̱a ne̱ da̱j se sa̱ꞌ ndoꞌo vaa Cristó roꞌ, da̱nj ga̱a̱ sa̱ꞌ ta̱ranꞌ níꞌ na̱nj ado̱nj.

Colosenses 3:10

Cunuu sa̱ꞌ nimán soj, quiꞌyaj Yaꞌanj, ne̱ cheꞌé dan sa̱ꞌ doj namán nana̱ sa̱ꞌ cu̱u raa̱ soj ꞌo̱ ꞌo̱ güii ado̱nj. Neꞌen soj se vaa Yaꞌanj me síí quiꞌyaj man nimán soj se naca̱, ne̱ ase vaa maꞌa̱n Yaꞌanj roꞌ, da̱nj ga̱a̱ uún nimán soj ado̱nj.

Hebreos 12:10

Dan me se ga̱a me níꞌ xnii roꞌ, do̱j tiempó me yoꞌ, ne̱ tiempó yoꞌ me se tucuꞌyón rej níꞌ man níꞌ da̱j quiꞌya̱j níꞌ cavi̱i̱ sa̱ꞌ níꞌ, nda̱a vaa me rá maꞌa̱n soꞌ ga̱ níꞌ na̱nj á. Tza̱j ne̱ Yaꞌanj roꞌ, sa̱ꞌ uxrá doj cavi̱i̱ sa̱ꞌ níꞌ, quiꞌya̱j se‑chre̱j soꞌ chrej sa̱ꞌ chugua̱nj. Dan me se ase vaa Yaꞌanj, sa̱ꞌ ina̱nj vaa soꞌ roꞌ, da̱nj ga̱a̱ sa̱ꞌ nimán maꞌa̱n níꞌ, quiꞌya̱j Yaꞌanj ado̱nj.

Hebreos 9:15

Dan me se Cristó me se caviꞌ soꞌ cheꞌé se queneꞌen soꞌ se vaa ne gu̱un nucua̱j yuvii̱ canoco̱ꞌ nij yuvii̱ nu̱ꞌ tucuáán cuchruj Yaꞌanj asino ya̱a̱n rihaan síí cuꞌna̱j Moisés maꞌ. Cheꞌé dan Cristó me síí narqué tucuáán naca̱ cheꞌé níꞌ da̱j quiꞌya̱j níꞌ cavi̱i̱ sa̱ꞌ níꞌ rihaan Yaꞌanj a. Cheꞌé dan níꞌ si̱j canacúún Yaꞌanj man roꞌ, naca̱j níꞌ nu̱ꞌ se sa̱ꞌ cataꞌ tuꞌva Yaꞌanj se vaa rque̱ soꞌ rihaan níꞌ nu̱ꞌ cavii nu̱ꞌ caꞌanj ado̱nj.

Santiago 1:27

Cata̱j xnaꞌanj ꞌu̱nj rihaan soj me síí me síí noco̱ꞌ ya̱ man Rej níꞌ Yaꞌanj a. Síí racuíj man xnii nique̱ caviꞌ rej do̱ꞌ, síí racuíj man chana̱ nique̱ caviꞌ nica̱ do̱ꞌ, síí ne nocoꞌ man síí chiꞌi̱i̱ ma̱n rihaan chumii̱ nihánj do̱ꞌ roꞌ, soꞌ me síí noco̱ꞌ ya̱ man Yaꞌanj ado̱nj.

2 Pedro 1:1

ꞌU̱nj roꞌ, me síí cuꞌna̱j Simón Pedró, síí nu̱u̱ rihaan Jesucristó, ne̱ síí cuneꞌ soꞌ caꞌa̱nj nata̱ꞌ snana̱ soꞌ rihaan yuvii̱ mej, ne̱ qui̱ꞌyáá ꞌu̱nj yanj nihánj caꞌne̱j ꞌu̱nj rihaan soj si̱j noco̱ꞌ man Cristó, ne̱ dan me se cuya̱a̱n vaa yuꞌvee nó soj ga̱ núj rihaan Yaꞌanj ado̱nj. Dan me se síí nica̱ nimán me Jesucristó, ne̱ amán rá soj ga̱ núj niꞌya̱j soj man Yaꞌanj, ꞌyaj Jesucristó, ne̱ soꞌ roꞌ, me Taꞌanj níꞌ, ne̱ soꞌ me Síí Tinanii man níꞌ rihaan Sayuun ado̱nj.

2 Pedro 3:13

Tza̱j ne̱ a̱j cataꞌ tuꞌva Yaꞌanj se vaa ya̱ ga̱a̱ ꞌó chumii̱ naca̱, ne̱ ga̱a̱ ꞌó rej xta̱ꞌ naca̱, ne̱ ina̱nj se sa̱ꞌ quiꞌya̱j nij síí cuma̱n rej yoꞌ asa̱ꞌ quisíj ado̱nj. Dan me se naꞌvi̱j ndoꞌo níꞌ quisi̱j güii yoꞌ cuaj na̱nj á.

2 Pedro 3:9

Taꞌa̱j nij yuvii̱ me se gu̱un ra̱a̱n ndoꞌo Yaꞌanj quiꞌya̱j Yaꞌanj nda̱a vaa cataꞌ tuꞌva soꞌ ga̱a naá, rá nij soꞌ, tza̱j ne̱ se̱ guun ra̱a̱n Yaꞌanj maꞌ. Ma̱an se ina̱j nimán Yaꞌanj niꞌya̱j Yaꞌanj man soj, ne̱ naꞌvej rá Yaꞌanj cavi̱ꞌ nimán a̱ ꞌó tuviꞌ soj maꞌ. Tana̱nj me rá soꞌ nuchra̱nꞌ nimán ta̱ranꞌ soj ne̱ ta̱náj xco̱ soj tucuáán chiꞌi̱i̱ chugua̱nj.

1 Juan 2:25

Ne̱ nihánj me nana̱ cataꞌ tuꞌva maꞌa̱n Cristó rihaan níꞌ, se vaa caꞌve̱e ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ya̱ ado̱nj.

1 Juan 3:2

Tinu̱j, nocoj, cuano̱ nihánj me se taꞌni̱j Yaꞌanj me níꞌ, ne̱ ataa xca̱j níꞌ cuentá da̱j si̱j ga̱a̱ níꞌ quiꞌya̱j Yaꞌanj vaa güii ado̱nj. Ma̱an se neꞌen níꞌ se vaa asa̱ꞌ caꞌnaꞌ Cristó, ne̱ ase vaa soꞌ roꞌ, da̱nj ga̱a̱ maꞌa̱n níꞌ uún ado̱nj. ꞌO̱ se queneꞌe̱n níꞌ man soꞌ, ne̱ xca̱j ya̱ níꞌ cuentá da̱j vaa xa̱ꞌ soꞌ na̱nj ado̱nj.