2 Pedro 1:16 - Triqui de San Juan Copala

¹⁶ ꞌO̱ se ga̱a cataj xnaꞌanj núj rihaan soj se vaa caꞌna̱ꞌ uún Jesucristó Si̱j ꞌNi̱j Raꞌa man níꞌ rihaan chumii̱ nihánj ne̱ ga̱a̱ nucua̱j ndoꞌo soꞌ asa̱ꞌ caꞌnaꞌ soꞌ, ne̱ né cue̱ntó avii raa̱ maꞌa̱n núj me yoꞌ maꞌ. Rihaan maꞌa̱n núj queneꞌen núj se vaa niꞌndaj ya̱ veꞌé vaa soꞌ ado̱nj.

2 Pedro 1:16 ပူးပေါင်းရင်းမြစ်များ

San Mateo 16:27

’ꞌO̱ se ya̱ ya̱ caꞌna̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, ne̱ niꞌndaj ya̱ sa̱ꞌ veꞌé ga̱a̱ ꞌu̱nj, quiꞌya̱j Réé ꞌu̱nj, ne̱ caꞌna̱ꞌ nij se‑mo̱zó soꞌ ga̱ ꞌu̱nj na̱nj ado̱nj. Ga̱a ne̱ na̱ruꞌvee ꞌu̱nj rihaan ꞌo̱ ꞌo̱ soꞌ cheꞌé se vaa quiꞌyaj ꞌo̱ ꞌo̱ soꞌ na̱nj ado̱nj.

San Mateo 16:28

Ya̱ ya̱ cata̱j xnaꞌanj ꞌu̱nj rihaan soj cuano̱ se vaa xa̱ꞌ taꞌa̱j soj si̱j nicu̱nꞌ nihánj cuano̱ me se ga̱a ataa a̱ cavi̱ꞌ taꞌa̱j soj, ne̱ ya̱ queneꞌe̱n taꞌa̱j soj asa̱ꞌ caꞌnáꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ gu̱un chij ꞌu̱nj rihaan chumii̱ nihánj ado̱nj ―taj Jesús rihaan nij síí tucuꞌyón snana̱ soꞌ a.

San Mateo 17:1

Cachén vata̱nꞌ güii, ga̱a ne̱ nica̱j Jesús man síí cuꞌna̱j Pedró do̱ꞌ, síí cuꞌna̱j Jacobo do̱ꞌ, tinúú Jacobo síí cuꞌna̱j Juan do̱ꞌ, caꞌanj soꞌ raa̱ ꞌo̱ quij xca̱a̱n rej taj va̱j a̱ ꞌó yuvii̱ a.

San Mateo 24:27

Dan me se nda̱a rá se uun ga̱a raa̱n rej síj güii ne̱ ꞌo̱ chuguu̱n nu̱ꞌ xta̱ꞌ nda̱a rej ataꞌ güii roꞌ, ne̱ neꞌen cunuda̱nj yuvii̱ se vaa raa̱n rihaan chumii̱ a. Ne̱ ase uun rá soj neꞌen soj ga̱a raa̱n roꞌ, da̱nj gu̱un rá soj asa̱ꞌ caꞌnáꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ ado̱nj.

San Mateo 24:3

Dan me se caꞌanj ca̱yáán Jesús raa̱ tacaan cuꞌna̱j Tacaan ma̱n Chruun Olivó, ne̱ cuchiꞌ o̱rúnꞌ nij síí tucuꞌyón snana̱ soꞌ rihaan soꞌ, ne̱ cataj nij soꞌ a: ―Cata̱j xnaꞌanj so̱ꞌ rihaan núj aman cane̱e̱ nu̱ꞌ nuvií noco̱o yoꞌ do̱ꞌ, a̱ me suun noco̱o caꞌna̱ꞌ qui̱ꞌyáá so̱ꞌ asa̱ꞌ quisíj caꞌna̱ꞌ so̱ꞌ queneꞌe̱n núj ne̱ navi̱j nu̱ꞌ chumii̱ nihánj do̱ꞌ, ga̱a maestro̱ꞌ ―taj nij soꞌ, xnáꞌanj nij soꞌ man Jesús a.

San Mateo 28:18

Ga̱a ne̱ cuchiꞌ Jesús rihaan nij soꞌ, ne̱ cataj soꞌ rihaan nij soꞌ a: ―Ya̱j me se ꞌu̱nj me síí uun chij xta̱ꞌ do̱ꞌ, nu̱ꞌ rihaan yoꞌóó do̱ꞌ, quiꞌyaj Yaꞌanj ado̱nj.

San Marcos 13:26

Ga̱a ne̱ queneꞌe̱n nii mán ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ á. Dan me se rque ngaa caꞌna̱ꞌ ꞌu̱nj, ne̱ gu̱un nucua̱j ndoꞌoj quiri̱i̱ taꞌngaj, ne̱ niꞌndaj ya̱ sa̱ꞌ veꞌé curuvi̱ꞌ ꞌu̱nj caꞌna̱j a.

San Marcos 14:62

Ga̱a ne̱ cataj Jesús rihaan soꞌ a: ―Veé da̱nj vaa ya̱ na̱nj ado̱nj. Ne̱ queneꞌe̱n soj se vaa quita̱j ꞌu̱nj rej nuva̱ꞌ Yaꞌanj ne̱ ni̱caj ꞌu̱nj se‑nucua̱j soꞌ gu̱un chij ꞌu̱nj á. Ne̱ queneꞌe̱n uún soj se vaa caꞌna̱ꞌ uún ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱ rihaan chumii̱ nihánj, ne̱ quita̱j ꞌu̱nj xráá ngaa xta̱ꞌ caꞌna̱j ado̱nj ―taj Jesús a.

San Lucas 1:2

Dan me se cachrón nij soꞌ nana̱ cataj xnaꞌanj nij síí queneꞌen cunuda̱nj se vaa guun asi̱j guun cheꞌe̱ Jesús cayáán soꞌ rihaan chumii̱ nihánj, ne̱ nij síí queneꞌen roꞌ, me síí ata̱ suun nata̱ꞌ nana̱ yoꞌ rihaan nu̱ꞌ yuvii̱ a.

San Lucas 9:43

Ga̱a ne̱ queneꞌen nij yuvii̱ se vaa nucua̱j ndoꞌo Yaꞌanj síí quiꞌyaj suun sa̱ꞌ noco̱o yoꞌ, ne̱ caráyaꞌa̱nj nu̱ꞌ nij soꞌ a. Dan me se caráyaꞌa̱nj cunuda̱nj nij yuvii̱ se vaa quiꞌyaj Jesús a. Ga̱a ne̱ cataj Jesús rihaan nij síí tucuꞌyón snana̱ soꞌ a:

San Juan 1:14

Ga̱a ne̱ guun snana̱ Yaꞌanj yoꞌ yuvii̱, ne̱ cayáán soꞌ scaꞌnúj níꞌ, ne̱ queneꞌen núj se vaa niꞌndaj ya̱ sa̱ꞌ veꞌé vaa soꞌ, cheꞌé se o̱rúnꞌ Taꞌníí Rej soꞌ Yaꞌanj me soꞌ a. Ne̱ soꞌ me se uxrá ꞌyaj soꞌ se lu̱j do̱ꞌ, aꞌmii soꞌ nana̱ ya̱ do̱ꞌ ado̱nj.

San Juan 17:2

cheꞌé se uun chij ꞌu̱nj rihaan cunuda̱nj yuvii̱, quiꞌyáá so̱ꞌ a. Ne̱ cheꞌé dan nu̱ꞌ nij síí rqué so̱ꞌ manj me se ga̱a̱ iꞌna̱ꞌ nij soꞌ nu̱ꞌ cavii nu̱ꞌ caꞌanj, qui̱ꞌyáj a.

Romanos 1:4

Da̱nj ina̱nj uún ne̱ tihaa̱n Nimán Yaꞌanj síí sa̱ꞌ ina̱nj se vaa ya̱ Taꞌníí Yaꞌanj me Jesucristó cheꞌé se cunuu iꞌna̱ꞌ uún soꞌ scaꞌnúj nij síí caviꞌ quiꞌyaj se‑nucua̱j Yaꞌanj a.

1 Corintios 1:17

ꞌO̱ se nuviꞌ suun cuta̱ꞌ ne yuvii̱ ataj maꞌ. ꞌO̱ se caꞌnéé xa̱ꞌ Cristó manj nata̱j nana̱ sa̱ꞌ cheꞌé soꞌ rihaan yuvii̱, tza̱j ne̱ naꞌvej rá soꞌ cavi̱i̱ raá ꞌu̱nj nana̱ cu̱u nachranꞌ caꞌmi̱i̱ ꞌu̱nj maꞌ. Ma̱an se nana̱ nica̱ ina̱nj caꞌmi̱i̱ ꞌu̱nj, ga̱a ne̱ caꞌve̱e xca̱j yuvii̱ cuentá se vaa né na̱na̱ avii raa̱ yuvii̱ me nana̱ yoꞌ maꞌ. Dan me se ya̱ xca̱j nij yuvii̱ cuentá se vaa ya̱ caviꞌ Cristó rihaan rcutze̱ cheꞌé nij soꞌ, ne̱ caꞌve̱e cuchuma̱n rá nij yuvii̱ cuno̱ nij yuvii̱ nana̱ nica̱ caꞌmi̱i̱ ꞌu̱nj ado̱nj.

1 Corintios 1:23

Tza̱j ne̱ aꞌmii natáj núj nana̱ se vaa caviꞌ Cristó rihaan rcutze̱ cheꞌé yuvii̱, ne̱ naꞌa̱j nij yuvii̱ israelitá cuno̱ nij soꞌ nana̱ yoꞌ, ne̱ nij yuvii̱ yaníj taj se vaa nana̱ snúú rmaꞌa̱n me nana̱ yoꞌ ado̱nj.

1 Corintios 1:7

Ne̱ a̱ ꞌó suun sa̱ꞌ rqué Nimán Yaꞌanj man níꞌ ni̱caj ꞌo̱ ꞌo̱ níꞌ ne achiin man soj a̱ maꞌ. ꞌO̱ se a̱j vaa nu̱ꞌ yoꞌ rihaan soj, ne̱ naꞌvi̱j ndoꞌo soj caꞌna̱ꞌ uún Jesucristó Si̱j ꞌNi̱j Raꞌa man níꞌ rihaan chumii̱ nihánj na̱nj ado̱nj.

1 Corintios 2:1

Neꞌen nij soj se vaa ga̱a cuchíꞌ ꞌu̱nj chiháán soj, ne̱ natáꞌ ꞌu̱nj snana̱ Yaꞌanj rihaan soj, ne̱ ne gu̱un rá ꞌu̱nj caꞌmi̱i̱ ꞌu̱nj nana̱ nachranꞌ ndoꞌo rihaan soj, maan tinu̱j, maan nocoj. ꞌO̱ se ne gu̱un rá ꞌu̱nj cata̱j soj se vaa avii ndoꞌo raá ꞌu̱nj maꞌ.

1 Corintios 2:4

Ne̱ xa̱ꞌ nana̱ caꞌmii ꞌu̱nj ga̱ nij soj do̱ꞌ, nana̱ natáꞌ ꞌu̱nj rihaan nij soj do̱ꞌ, tza̱j ne̱ né na̱na̱ cu̱u cavii raa̱ yuvii̱ cheꞌé yan gu̱un ya̱ rá soj me nana̱ yoꞌ maꞌ. Tza̱j ne̱ cuno nij soj nana̱, ne̱ guun ya̱ rá soj se vaa Nimán Yaꞌanj rqué nana̱ yoꞌ manj, ne̱ guun ya̱ rá soj se vaa maꞌa̱n Yaꞌanj rqué se nucua̱j manj ado̱nj.

2 Corintios 2:17

ꞌO̱ se núj me se ne ꞌyaj núj nda̱a vaa ꞌyaj taꞌa̱j nij síí aꞌmii natáj snana̱ Yaꞌanj a̱ maꞌ. ꞌO̱ se taꞌa̱j nij soꞌ me síí me ina̱nj rá quiꞌya̱j canaán saꞌanj cheꞌé snana̱ Yaꞌanj, ne̱ xa̱ꞌ núj, tza̱j ne̱ ina̱nj nana̱ ya̱ me rá núj caꞌmi̱i̱ núj, ne̱ naꞌvej rá núj caꞌne̱e̱ núj saꞌanj cheꞌé snana̱ Yaꞌanj rihaan yuvii̱ maꞌ. ꞌO̱ se Yaꞌanj me síí caꞌneꞌ suun rihaan núj caꞌmi̱i̱ natáj núj, ne̱ tumé Yaꞌanj man núj da̱j caꞌmi̱i̱ núj, ne̱ síí noco̱ꞌ man Cristó me núj ado̱nj.

2 Corintios 4:2

Tana̱nj a̱ ꞌo̱ tanáj xco̱ núj nu̱ꞌ nij rasu̱u̱n naꞌa̱j chiꞌi̱i̱ ꞌyaj yuve̱ nii ado̱nj. Ne aꞌmii núj nana̱ tihaꞌ yuꞌunj maꞌ. Ne aꞌmii ne̱ núj cheꞌé snana̱ Yaꞌanj maꞌ. Ina̱nj nana̱ ya̱ aꞌmii núj cuno̱ cunuda̱nj yuvii̱, ne̱ xca̱j maꞌa̱n nij yuvii̱ cuentá se vaa ya̱ vaa nana̱ aꞌmii núj, ne̱ Yaꞌanj me síí uno nu̱ꞌ nana̱ aꞌmii núj na̱nj á.

Efesios 4:14

Tza̱j ne̱ cuano̱ roꞌ, ase vaa xnii vaa níꞌ, ne̱ vaa yuvii̱ tihaꞌ yuꞌunj ndoꞌo man níꞌ, ne̱ dan me se nuchruj ra̱a̱ ndoꞌo nij yuvii̱ da̱j quiꞌya̱j nij soꞌ, ne̱ tihaꞌ yuꞌunj nij soꞌ man níꞌ a. Ne̱ tucuꞌyón ndoꞌo nij síí tihaꞌ yuꞌunj nana̱ naca̱ man níꞌ, ne̱ amán rá níꞌ uno níꞌ náá guun nana̱ tihaꞌ yuꞌunj yoꞌ, ꞌyaj nij soꞌ a. Tza̱j ne̱ asa̱ꞌ quisíj cunuu chij rá níꞌ, ne̱ se̱ cuno níꞌ nana̱ tihaꞌ yuꞌunj yoꞌ a̱ maꞌ.

Filipenses 3:21

ne̱ ni̱caj soꞌ man níꞌ, ne̱ nda̱ꞌ se ninaj uxrá nee̱ man níꞌ cuano̱, tza̱j ne̱ natuna̱ soꞌ man yoꞌ, ne̱ ase vaa nee̱ man soꞌ nee̱ niꞌndaj ya̱ sa̱ꞌ roꞌ, da̱nj ina̱nj ga̱a̱ nee̱ man níꞌ, quiꞌya̱j soꞌ ado̱nj. Dan me se cheꞌé se me soꞌ síí gu̱un nucua̱j quiꞌya̱j canaán rihaan cunuda̱nj rasu̱u̱n, ne̱ quiri̱i̱ taꞌngaꞌ soꞌ rihaan cunuda̱nj rasu̱u̱n roꞌ, cheꞌé dan neꞌen níꞌ se vaa gu̱un nucua̱j soꞌ natuna̱ soꞌ man nee̱ man níꞌ ado̱nj.

1 Tesalonicenses 2:19

Dan me se asa̱ꞌ caꞌnaꞌ uún Jesús Si̱j ꞌNi̱j Raꞌa man níꞌ rihaan chumii̱ nihánj ne̱ gu̱un niha̱ꞌ uxrá rá núj cheꞌé soj, ne̱ nata̱ꞌ núj rihaan Jesús se vaa veꞌé canocoꞌ soj man soꞌ quiꞌyaj núj, ne̱ cavi̱i̱ sa̱ꞌ núj rihaan soꞌ cheꞌé soj á. ꞌO̱ se o̱rúnꞌ ya̱ soj me síí ꞌyaj da̱nj ado̱nj.

2 Tesalonicenses 2:9

Síí Chre̱e me síí quiꞌya̱j caꞌna̱ꞌ síí chiꞌi̱i̱ yoꞌ, ne̱ maꞌa̱n Síí Chre̱e quiꞌya̱j gu̱un nucua̱j síí chiꞌi̱i̱ yoꞌ quiꞌya̱j soꞌ da̱j a̱ suun noco̱o ni̱ꞌyaj yuvii̱, cheꞌé yan tiha̱ꞌ yuꞌunj soꞌ man nij yuvii̱ se vaa ya̱ Yaꞌanj me soꞌ a.

1 Timoteo 1:4

Dan me se cata̱j so̱ꞌ rihaan nij tinúú níꞌ, ne̱ a̱ se̱ nanó xre̱j nij soꞌ cuentó ma̱n ga̱a naá do̱ꞌ, cuentó cheꞌé da̱j vaa da̱j a̱ xi̱i nij soꞌ síí ma̱n ga̱a naá do̱ꞌ maꞌ. ꞌO̱ se aꞌmii unuꞌ uxrá yuvii̱ cheꞌé nana̱ yoꞌ, tza̱j ne̱ ne racuíj nana̱ yoꞌ man níꞌ sa̱ꞌ doj canoco̱ꞌ níꞌ man Yaꞌanj maꞌ. ꞌO̱ se me rá Yaꞌanj ga̱a̱ nucua̱j rá níꞌ man maꞌa̱n Yaꞌanj ado̱nj.

1 Timoteo 4:7

Se̱ cunó so̱ꞌ cuentó nataꞌ yuvii̱ cuentó snúú rmaꞌa̱n ne aꞌmii ya̱ cheꞌé Yaꞌanj maꞌ. Tu̱cuꞌyón so̱ꞌ da̱j qui̱ꞌyáá so̱ꞌ, ne̱ veꞌé doj ca̱nocóꞌ so̱ꞌ stucua̱nj Yaꞌanj á.

Tito 1:14

Dan me se da̱nj qui̱ꞌyáá so̱ꞌ, ga̱a ne̱ se̱ gaa na̱nj xca̱j nij soꞌ cuentá cheꞌé nij cuentó u̱u̱n nanó nij yuvii̱ israelitá á. Ne̱ se̱ cuno nij soꞌ suun caꞌneꞌ nij síí naꞌvej rá canoco̱ꞌ tucuáán ya̱ rihaan nij soꞌ maꞌ.

2 Pedro 2:3

Gu̱un rá nij síí narque̱ tucuáán ne̱ yoꞌ quiꞌya̱j canaán ndoꞌo nij soꞌ saꞌanj, ne̱ cheꞌé dan nano̱ꞌ nij soꞌ nana̱ ne̱ caꞌmi̱i̱ nij soꞌ rihaan nij soj cheꞌé yan rque̱ soj saꞌanj man nij soꞌ a. Tza̱j ne̱ asi̱j naá cataj Yaꞌanj se vaa quira̱nꞌ ndoꞌo nij síí vaa da̱nj sayuun vaa güii, ne̱ ya̱ uxrá quira̱nꞌ nij soꞌ sayuun ado̱nj.

1 Juan 4:14

Ne̱ a̱j neꞌen núj se vaa caꞌnéé Rej níꞌ Yaꞌanj man Taꞌníí soꞌ rihaan chumii̱ nihánj cheꞌé rej gu̱un soꞌ Síí Ti̱nanii rihaan Sayuun man nij síí ma̱n rihaan chumii̱ nihánj, ne̱ a̱j nataꞌ núj nana̱ yoꞌ rihaan yuvii̱ ado̱nj.

Judas 1:14

Síí cuꞌna̱j Enoc síí cayáán ga̱a naá me se a̱j síj vata̱nꞌ xi̱i soꞌ cachén, ne̱ dan me se taꞌníí taꞌnij siꞌno̱ síí cuꞌna̱j Adán me soꞌ a. Dan me se nataꞌ soꞌ cheꞌé nij síí narque̱ tucuáán ne̱ rihaan soj cuano̱, ne̱ cataj síí cuꞌna̱j Enoc a: “Cuno̱ soj á. Caꞌna̱ꞌ Yaꞌanj Si̱j ꞌNi̱j Raꞌa man níꞌ ga̱ queꞌe̱e̱ míj nij se‑mo̱zó soꞌ nij síí gue̱e̱ a.

Apocalipsis 1:7

Ni̱ꞌyaj soj se vaa ꞌnaꞌ soꞌ xráá ngaa, ne̱ queneꞌe̱n cunuda̱nj nij yuvii̱ man soꞌ, ne̱ nda̱a nij síí choꞌoj chruun siha̱a̱ raa̱ xꞌnúú soꞌ queneꞌe̱n man soꞌ, ne̱ go̱ꞌ cunuda̱nj nij xꞌneꞌ yuvii̱ ma̱n rihaan chumii̱ cuxruꞌ nimán nij soꞌ, cheꞌé se nano̱ ndoꞌo rá nij soꞌ cheꞌé cacunꞌ tumé nij soꞌ ado̱nj. Veé da̱nj ga̱a̱ ya̱ ado̱nj.