2 Pedro 1:12 - Triqui de San Juan Copala

¹² Cheꞌé dan nda̱ꞌ se a̱j neꞌen soj nana̱ nihánj, ne̱ nda̱ꞌ se a̱j xraan canocoꞌ soj snana̱ Yaꞌanj nana̱ ya̱ vaa rihaan soj, tza̱j ne̱ nano̱ niga̱nj ꞌu̱nj nana̱ nihánj rihaan soj se̱ gaa na̱nj niꞌyo̱n soj ado̱nj.

2 Pedro 1:12 ပူးပေါင်းရင်းမြစ်များ

Hechos 16:5

Ne̱ xa̱ꞌ nij xꞌneꞌ nij síí noco̱ꞌ man Jesucristó, tza̱j ne̱ doj a̱ canocoꞌ nij soꞌ stucua̱nj Jesucristó, ne̱ doj a̱ cunuu ri̱i̱ nij xꞌneꞌ da̱j a̱ güii a.

Filipenses 3:1

Dan me se ga̱a̱ niha̱ꞌ ya̱ rá nimán soj ni̱ꞌyaj soj man Síí ꞌNi̱j Raꞌa man níꞌ, tinu̱j, nocoj. Né sayu̱u̱n vaa achrón uún ꞌu̱nj nana̱ nihánj naya̱a̱ soj maꞌ. Ne̱ cavi̱i̱ sa̱ꞌ doj soj, sese cuno̱ soj nana̱ nihánj chugua̱nj.

Colosenses 1:5

Da̱nj vaa rá soj cuano̱, cheꞌé se cuno soj nana̱ sa̱ꞌ cheꞌé Cristó nana̱ ya̱, ne̱ uun ya̱ rá soj se vaa ma̱n ndoꞌo se sa̱ꞌ rej xta̱ꞌ quiri̱ꞌ soj vaa güii ado̱nj.

Colosenses 2:7

Dan me se ꞌo̱ gu̱un xe̱j soj rihaan soꞌ, ne̱ ꞌo̱ canicu̱nꞌ xraan soj rihaan soꞌ, ne̱ ꞌo̱ cuno̱ soj rihaan soꞌ, ne̱ ꞌo̱ ca̱yáán soj nda̱a vaa taj tucuáán tucuꞌyón núj man soj, ne̱ o̱rúnꞌ soꞌ cuchuma̱n rá soj ni̱ꞌyaj soj, ne̱ cata̱j uxrá soj guun niꞌya̱j níꞌ rihaan Yaꞌanj á.

1 Timoteo 4:6

Sese tu̱cuꞌyón so̱ꞌ tucuáán nihánj rihaan ꞌó nij tinúú níꞌ síí noco̱ꞌ man Cristó, ne̱ síí veꞌé ꞌyaj se‑su̱u̱n Cristó Jesús mé so̱ꞌ chugua̱nj. ꞌO̱ se tucuꞌyón nii tucuáán sa̱ꞌ yoꞌ rihaan so̱ꞌ, ne̱ cuchumán rá so̱ꞌ, ne̱ canocóꞌ so̱ꞌ tucuáán yoꞌ a.

2 Timoteo 1:6

Cheꞌé dan narqué ꞌu̱nj chrej mán so̱ꞌ se vaa yu̱u̱n cheꞌe̱ caꞌne̱j nimán so̱ꞌ qui̱ꞌyáá so̱ꞌ se‑su̱u̱n Yaꞌanj, nda̱a vaa rqué Yaꞌanj se nucua̱j mán so̱ꞌ, ga̱a cutaj raꞌaj raá so̱ꞌ á.

Hebreos 10:32

Dan me se cu̱nuû rá soj da̱j quiꞌyaj soj ga̱a guun cheꞌe̱ soj canocoꞌ soj man Cristó á. ꞌO̱ se síí xcaj cuentá me soj, ne̱ guun nucua̱j soj quiranꞌ soj sayuun, ne̱ ꞌo̱ xraan canocoꞌ soj man Cristó chugua̱nj.

Hebreos 13:9

Se̱ caꞌvej soj tiha̱ꞌ yuꞌunj nii man soj ga̱ me maꞌa̱n ꞌó tucuáán naca̱ maꞌ. ꞌO̱ se a̱j sa̱ꞌ uxrá vaa sese nari̱ꞌ nucuaj nimán soj cheꞌé se lu̱j quiꞌyaj Cristó ga̱ níꞌ ado̱nj. Tza̱j ne̱ se̱ nariꞌ nucuaj nimán soj quiꞌya̱j tucuáán cheꞌé se chá maꞌ. ꞌO̱ se se̱ cavii sa̱ꞌ nij síí noco̱ꞌ tucuáán yoꞌ maꞌ.

1 Pedro 5:10

Dan me se Yaꞌanj roꞌ, me síí ꞌyaj da̱j a̱ se lu̱j cheꞌé soj, ne̱ soꞌ me síí canacúún man soj cavi̱i̱ sa̱ꞌ uxrá soj ga̱ soꞌ nu̱ꞌ cavii nu̱ꞌ caꞌanj cheꞌé Cristó ado̱nj. Asa̱ꞌ quisíj quiranꞌ soj sayuun do̱j güii rihaan chumii̱ nihánj, ga̱a ne̱ naquiꞌya̱j sa̱ꞌ Yaꞌanj man soj, ne̱ naquiꞌya̱j sca̱ꞌ soꞌ man soj, ne̱ ga̱a̱ nucua̱j ina̱nj rá soj, quiꞌya̱j soꞌ, ne̱ cune̱ꞌ sa̱ꞌ soꞌ man soj ado̱nj.

1 Pedro 5:12

Veé da̱nj síj natáꞌ ꞌu̱nj do̱j nij nana̱ no̱ rihaan yanj nihánj, ne̱ tinúꞌ Silvano me síí cachrón snana̱j rihaan yanj nihánj, ne̱ dan me se tinúú níꞌ síí nucua̱j rá níꞌ man me soꞌ a. Dan me se nana̱ nihánj me se narquej chrej nucua̱j rihaan soj, ne̱ cataj xnaꞌanj ꞌu̱nj rihaan soj se vaa tucuáán noco̱ꞌ níꞌ roꞌ, maꞌa̱n ya̱ tucuáán yoꞌ me rej ꞌyaj Yaꞌanj se lu̱j cheꞌé níꞌ chugua̱nj. Raan canoco̱ꞌ soj tucuáán yoꞌ á.

2 Pedro 1:13

Vaa cheꞌé ndoꞌo nano̱j nana̱ nihánj rihaan soj ya̱j ga̱a vaa iꞌna̱ꞌ ꞌu̱nj rihaan chumii̱ nihánj, raj chugua̱nj.

2 Pedro 1:15

ne̱ cheꞌé dan ꞌo̱ qui̱ꞌyáj nda̱a da̱j a̱ caꞌve̱e maꞌa̱n, ga̱a ne̱ nda̱ꞌ se cavi̱ꞌ ꞌu̱nj, tza̱j ne̱ ꞌo̱ cu̱nuû rá soj nana̱ sa̱ꞌ nihánj ado̱nj.

2 Pedro 3:1

Nihánj me yanj vi̱j caꞌne̱j ꞌu̱nj rihaan soj, tinu̱j, nocoj. Rihaan ro̱j yanj nihánj tinanuj rá ꞌu̱nj snana̱ Yaꞌanj rihaan soj cheꞌé se me raj xca̱j soj cuentá cheꞌé chrej sa̱ꞌ ado̱nj.

2 Pedro 3:17

A̱j cataj xnaꞌanj ꞌu̱nj rihaan soj cheꞌé nij síí narqué tucuáán ne̱ caꞌna̱ꞌ rihaan soj vaa güii, tinu̱j, nocoj. Cheꞌé dan ta̱dó uxrá soj se̱ gaa na̱nj canoco̱ꞌ soj tucuáán ne̱ narque̱ nij síí naꞌvej rá cuno̱ rihaan Yaꞌanj yoꞌ á. Sese canoco̱ꞌ soj snana̱ nij soꞌ, ne̱ gu̱un vi̱j rá soj, quiꞌya̱j nij soꞌ ado̱nj.

1 Juan 2:21

Né cheꞌe̱ se ne neꞌen soj nana̱ ya̱ me cachrón ꞌu̱nj nana̱ nihánj naya̱a̱ soj maꞌ. Tana̱nj achrón ꞌu̱nj nana̱ nihánj cheꞌé se si̱j neꞌen nij nana̱ ya̱ me soj, ne̱ a̱j neꞌen soj se vaa ino̱ doj vaa nana̱ ne̱ ga̱ nana̱ ya̱ nana̱ noco̱ꞌ níꞌ ado̱nj.

2 Juan 1:2

ꞌE̱e̱ rá núj man soj cheꞌé se nu̱u̱ nana̱ ya̱ nimán níꞌ, ne̱ ꞌo̱ cu̱nuû nana̱ ya̱ yoꞌ nimán níꞌ nu̱ꞌ cavii nu̱ꞌ caꞌanj chugua̱nj.

Judas 1:17

Tza̱j ne̱ soj roꞌ, ꞌo̱ cu̱nuû rá soj nana̱ cataj xnaꞌanj nij síí cuneꞌ Jesucristó Si̱j ꞌNi̱j Raꞌa man níꞌ caꞌa̱nj nata̱ꞌ rihaan yuvii̱ cheꞌé soꞌ, tinu̱j, nocoj.

Judas 1:3

Tinu̱j, nocoj, guun ndoꞌo raj cachro̱nj nana̱ rihaan yanj caꞌne̱j ꞌu̱nj rihaan soj cheꞌé da̱j vaa nanii ta̱ranꞌ níꞌ rihaan chrej chiꞌi̱i̱ do̱ꞌ, rihaan sayuun do̱ꞌ, ꞌyaj Yaꞌanj ado̱nj. Tza̱j ne̱ ya̱j me se no̱ xcúnj cachro̱nj ꞌó nana̱ rihaan yanj, ne̱ cata̱j xnaꞌanj ꞌu̱nj rihaan soj se vaa te̱rquee̱ ndoꞌo soj canoco̱ꞌ xraan soj stucua̱nj Yaꞌanj tucuáán tacuachén nij síí caꞌmii natáj nana̱ sa̱ꞌ cheꞌé Cristó rihaan soj si̱j noco̱ꞌ man Yaꞌanj a.

Judas 1:5

Nda̱ꞌ se a̱j neꞌen soj nu̱ꞌ nana̱ no̱ rihaan Danj Yaꞌanj, tza̱j ne̱ naꞌvej raj quiniꞌyo̱n soj nana̱ yoꞌ, ne̱ cheꞌé dan noná uún ꞌu̱nj nana̱ nihánj xréé soj a. ꞌO̱ se Síí ꞌNi̱j Raꞌa man níꞌ roꞌ, tinanii soꞌ man ta̱ranꞌ nij síí israelitá rihaan nij síí ma̱n yoꞌóó noco̱o cuꞌna̱j Egiptó ga̱a naá, tza̱j ne̱ taꞌa̱j nij soꞌ roꞌ, ne cuchuma̱n rá ni̱ꞌyaj man Yaꞌanj, ne̱ cheꞌé dan cachén do̱j yoꞌ, ga̱a ne̱ caviꞌ nij soꞌ, quiꞌyaj Yaꞌanj a.