2 Corintios 9:7 - Triqui de San Juan Copala

⁷ Nuchru̱j ra̱a̱ ꞌo̱ ꞌo̱ soj me daj saꞌanj rque̱ ꞌo̱ soj, ne̱ se̱ quinanó rá soj cheꞌé saꞌanj rque̱ soj maꞌ. Se̱ cataj soj se vaa ma̱an cheꞌé se no̱ xcúún soj rque̱ soj saꞌanj, cheꞌé dan rque̱ soj maꞌ. Cheꞌé dan ina̱nj saꞌanj rii nimán soj roꞌ, rque̱ soj á. ꞌO̱ se síí niha̱ꞌ rá rque̱ saꞌanj rihaan tinúú roꞌ, ꞌe̱e̱ rá Yaꞌanj man soꞌ ado̱nj.

2 Corintios 9:7 ပူးပေါင်းရင်းမြစ်များ

Hechos 20:35

Cunuda̱nj quiꞌyaj suun ꞌu̱nj, cheꞌé se guun raj xca̱j soj cuentá se vaa no̱ xcúún soj quiꞌya̱j suun maꞌa̱n soj, cheꞌé rej caꞌve̱e ra̱cuíj soj man tinúú níꞌ síí achiin rasu̱u̱n man a. Ne̱ ꞌo̱ cu̱nuû rá soj nana̱ nihánj nana̱ caꞌmii maꞌa̱n Jesús Si̱j ꞌNi̱j Raꞌa man níꞌ a: “Síí rqué rasu̱u̱n rihaan tuviꞌ roꞌ, uun niha̱ꞌ rá soꞌ doj rihaan síí riꞌ rasu̱u̱n yoꞌ raꞌa tuviꞌ a”, taj Jesús a ―taj Pabló rihaan nij síí tumé sa̱ꞌ rihaan Yaꞌanj man xꞌneꞌ nij síí noco̱ꞌ man Cristó ya̱nj chumanꞌ Éfeso a.

Romanos 12:8

Sese vaa suun rihaan ꞌó níꞌ nago̱ꞌ níꞌ chrej nucua̱j, ne̱ da̱nj quiꞌya̱j níꞌ á. Sese vaa suun rihaan ꞌó níꞌ rque̱ níꞌ rasu̱u̱n rihaan nij síí nique̱, ne̱ gu̱un niha̱ꞌ rá níꞌ quiꞌya̱j níꞌ da̱nj á. Sese vaa suun rihaan ꞌó níꞌ gu̱un chij níꞌ rihaan tuviꞌ níꞌ, ne̱ quiꞌya̱j uxrá níꞌ suun ni̱caj yuꞌunj níꞌ man tuviꞌ níꞌ á. Sese vaa suun rihaan níꞌ cunu̱u ꞌe̱e̱ rá níꞌ tuviꞌ níꞌ do̱ꞌ, ra̱cuíj níꞌ tuviꞌ níꞌ do̱ꞌ, ne̱ ga̱a̱ niha̱ꞌ rá níꞌ quiꞌya̱j níꞌ da̱nj á.

2 Corintios 8:12

Sese ya̱ ya̱ rii nimán soj rque̱ soj saꞌanj yoꞌ, ne̱ cara̱nꞌ rá Yaꞌanj ga̱ saꞌanj gu̱un nucua̱j soj rque̱ soj a. Se̱ cataj Yaꞌanj rque̱ soj doj saꞌanj, sese se̱ guun nucua̱j soj quiꞌya̱j soj da̱nj maꞌ.

Filemón 1:14

Tza̱j ne̱ ne caꞌve̱j rá ꞌu̱nj quina̱j soꞌ rej nihánj, cheꞌé se nda̱a tuꞌva maꞌa̱n yá so̱ꞌ cavi̱i̱, ga̱a ne̱ quina̱j soꞌ, raj ado̱nj. ꞌO̱ se ne gu̱un raj rqueé ꞌu̱nj mán so̱ꞌ qui̱ꞌyáá so̱ꞌ se ndoꞌo cheꞌej maꞌ. Ma̱an se ina̱nj se rii nimán ma̱ꞌán so̱ꞌ qui̱ꞌyáá so̱ꞌ se ndoꞌo yoꞌ cheꞌej, raj na̱nj á.

Santiago 5:9

Se̱ caꞌmii soj nana̱ nij cheꞌé tuviꞌ soj, ga̱a ne̱ se̱ gaa na̱nj quita̱j cacunꞌ xráá maꞌa̱n soj, maan tinu̱j, maan nocoj. ꞌO̱ se a̱j nicunꞌ chru̱u̱n síí caꞌne̱ꞌ cacunꞌ cheꞌé níꞌ rej taꞌyaa na̱nj ado̱nj.

1 Pedro 4:9

Caꞌve̱j soj cara̱nꞌ tuviꞌ soj síí noco̱ꞌ man Cristó veꞌ tucuá soj, ne̱ rque̱ soj se chá cha̱ nij soꞌ, ne̱ se̱ guun cata̱j soj se vaa sayu̱u̱n uxrá vaa quiꞌya̱j soj da̱nj maꞌ.