2 Corintios 9:6 - Triqui de San Juan Copala

⁶ Dan me se neꞌen soj se vaa síí unô do̱j tzínꞌ ꞌnúú roꞌ, do̱j ꞌnúú quiri̱i̱ soꞌ, ne̱ síí unô noco̱o uxrá ꞌnúú roꞌ, noco̱o uxrá ꞌnúú quiri̱i̱ soꞌ, ne̱ ase vaa ranꞌ síí unô ꞌnúú roꞌ, da̱nj quira̱nꞌ soj cheꞌé saꞌanj rque̱ soj vaa ado̱nj.

2 Corintios 9:6 ပူးပေါင်းရင်းမြစ်များ

San Lucas 6:38

Rque̱ soj rasu̱u̱n man tuviꞌ soj, ne̱ Yaꞌanj me síí narque̱ rasu̱u̱n rihaan soj uún ado̱nj. Soꞌ me síí sa̱ꞌ ndoꞌo rá, ne̱ adi̱ꞌ se ꞌyaj síí sa̱ꞌ rá tuꞌvéj ꞌnúú ne̱ araa navii soꞌ rihaan tane̱j roꞌ, da̱nj quiꞌya̱j gue̱e̱ Yaꞌanj ga̱ soj, ne̱ doj a̱ narque̱ Yaꞌanj rasu̱u̱n sa̱ꞌ man soj ado̱nj. Ase vaa ꞌyaj gue̱e̱ soj ga̱ tuviꞌ soj roꞌ, da̱nj quiꞌya̱j gue̱e̱ Yaꞌanj ga̱ soj uún ado̱nj ―da̱nj cataj Jesús rihaan nij síí tucuꞌyón snana̱ soꞌ a.

1 Corintios 1:12

Dan me se taꞌa̱j nij soj taj a: “ꞌU̱nj me síí noco̱ꞌ man síí cuꞌna̱j Pabló a.” ꞌÓ taꞌa̱j nij soj taj a: “ꞌU̱nj me síí noco̱ꞌ man síí cuꞌna̱j Apolos a.” ꞌÓ taꞌa̱j nij soj taj a: “ꞌU̱nj me síí noco̱ꞌ man síí cuꞌna̱j Cefas a.” ꞌÓ taꞌa̱j nij soj taj a: “ꞌU̱nj me síí noco̱ꞌ man Cristó a.” Dan me se da̱nj vaa ꞌo̱ ꞌo̱ taꞌa̱j soj a.

1 Corintios 15:20

Tza̱j ne̱, taj maꞌ. ꞌO̱ se ya̱ uxrá cunuu iꞌna̱ꞌ uún Cristó ga̱a caviꞌ soꞌ ado̱nj. Cheꞌé se cunuu iꞌna̱ꞌ uún soꞌ roꞌ, cheꞌé dan neꞌen ya̱ níꞌ se vaa cunu̱u iꞌna̱ꞌ uún nij síí caviꞌ noco̱ꞌ man soꞌ ado̱nj.

1 Corintios 7:29

Dan me se me raj cuno̱ soj ꞌo̱ nana̱, tinu̱j, nocoj: Nichrunꞌ quisi̱j tiempó nihánj, ne̱ cheꞌé dan me se̱ nica̱j xraan níꞌ man rasu̱u̱n ma̱n rihaan chumii̱ nihánj maꞌ. Dan me se síí vaa nica̱ roꞌ, ase vaa síí ya̱a̱n roꞌ, da̱nj ga̱a̱ soꞌ ca̱yáán soꞌ á.

2 Corintios 9:10

Dan me se Yaꞌanj me síí rqué ꞌnúú rihaan síí unô naa̱, ne̱ Yaꞌanj me síí rqué se chá rihaan síí naꞌaan rque a. Ne̱ cavi̱i̱ sa̱ꞌ uxrá nij tinúú níꞌ cheꞌé se sa̱ꞌ quiꞌya̱j soj, quiꞌya̱j uún Yaꞌanj ado̱nj.

2 Corintios 9:5

Cheꞌé dan guun rá núj se vaa caꞌne̱j núj man nij tinúú níꞌ cuchi̱ꞌ nij soꞌ rihaan soj chugua̱nj. Dan me se asino ya̱a̱n cuchi̱ꞌ nij tinúú níꞌ, ne̱ ra̱cuíj nij soꞌ man soj naquiꞌya̱j chre̱ꞌ soj saꞌanj yoꞌ, ne̱ asa̱ꞌ cuchiꞌ núj, ga̱a ne̱ a̱j cunuu chre̱ꞌ saꞌanj yoꞌ a. ꞌO̱ se da̱nj quiꞌya̱j soj, ga̱a ne̱ se̱ guun rá nij síí ma̱n Macedonia se vaa naꞌvej rá soj quiꞌya̱j soj se vaa cataj soj a. ꞌO̱ se queneꞌe̱n nij soꞌ se vaa ya̱ me rá soj quiꞌya̱j soj nu̱ꞌ suun yoꞌ ado̱nj.

Gálatas 3:17

Ne̱ ina̱nj nihánj me nana̱ me rá ꞌu̱nj cata̱j xnaꞌanj ꞌu̱nj rihaan soj á: Dan me se Yaꞌanj cataꞌ tuꞌva rihaan Abraham da̱j quiꞌya̱j Yaꞌanj cheꞌé Abraham do̱ꞌ, cheꞌé taꞌníí taꞌnij siꞌno̱ Abraham do̱ꞌ, ne̱ cachén ꞌó caꞌa̱nj cientó táá ico̱ chi̱ꞌ (430) yoꞌ, ga̱a ne̱ caꞌnaꞌ stucua̱nj Moisés, tza̱j ne̱ ne quiri̱ꞌ nana̱ cataꞌ tuꞌva Yaꞌanj quiꞌya̱j Yaꞌanj cheꞌé Abraham quiꞌyaj stucua̱nj Moisés maꞌ. ꞌO̱ se ya̱ quiꞌya̱j soꞌ nda̱a vaa cataj soꞌ ado̱nj.

Gálatas 5:16

Cata̱j xnaꞌanj ꞌu̱nj ꞌo̱ nana̱ rihaan soj á: ꞌO̱ cuno̱ soj aꞌmii Nimán Yaꞌanj, ne̱ sese ina̱nj da̱nj quiꞌya̱j soj, ne̱ daj chiha̱a̱ míj se̱ guun quiꞌya̱j soj se vaa me rá nee̱ man maꞌa̱n soj quiꞌya̱j soj maꞌ.

Efesios 4:17

Cheꞌé dan me cata̱j xnaꞌanj yá ꞌu̱nj ꞌo̱ nana̱ rihaan soj, cheꞌé se noco̱ꞌ níꞌ man Síí ꞌNi̱j Raꞌa man níꞌ a. Dan me se quisíj quiꞌyaj soj se vaa ꞌyaj ꞌó nij síí yaníj nij síí ne nocoꞌ man Cristó na̱nj á. Nij síí yaníj yoꞌ me se noco̱ꞌ nij soꞌ nana̱ snúú rmaꞌa̱n nana̱ avii raa̱ maꞌa̱n nij soꞌ,

Colosenses 2:4

Nana̱ nihánj me taj xnaꞌanj ꞌu̱nj rihaan nij soj cheꞌé se naꞌvej rá ꞌu̱nj tiha̱ꞌ yuꞌunj yuvii̱ veꞌé aꞌmii astuꞌva man soj maꞌ.

Hebreos 6:10

ꞌO̱ se né si̱j chiꞌi̱i̱ me Yaꞌanj maꞌ. Si̱j vaa nica̱ rá me Yaꞌanj, ne̱ ꞌo̱ cu̱nuû rá Yaꞌanj ta̱ranꞌ nij suun sa̱ꞌ quiꞌyaj soj ga̱a canocoꞌ soj man soꞌ na̱nj á. Ne̱ ꞌo̱ cu̱nuû rá Yaꞌanj se vaa ꞌyaj soj cheꞌé se aráj cochro̱j soj rihaan soꞌ na̱nj chugua̱nj. Dan me se quiꞌyaj uxrá soj suun racuíj man nij síí noco̱ꞌ man Cristó ga̱a rque̱, ne̱ ꞌo̱ da̱nj ꞌyaj ya̱ soj na̱nj ado̱nj.