2 Corintios 9:14 - Triqui de San Juan Copala

¹⁴ Ne̱ cunu̱u ꞌe̱e̱ rá maꞌa̱n nij tinúú níꞌ ma̱n chumanꞌ Jerusalén man soj, ne̱ cachi̱nj niꞌya̱j nij soꞌ rihaan Yaꞌanj cheꞌé soj, cheꞌé se uxrá racuíj Yaꞌanj man soj ra̱cuíj soj man nij soꞌ na̱nj á.

2 Corintios 9:14 ပူးပေါင်းရင်းမြစ်များ

San Lucas 16:9

’Ga̱a ne̱ cuano̱ nihánj me se cata̱j xnaꞌanj ꞌu̱nj rihaan soj se vaa, vaa cheꞌé ni̱caj soj siꞌyaj soj rasu̱u̱n ma̱n rihaan chumii̱ nihánj, ne̱ rque̱ soj man yuvii̱ ga̱a ne̱ gu̱un tuvi̱ꞌ soj ga̱ nij yuvii̱, quiꞌya̱j rasu̱u̱n yoꞌ a. Ne̱ güii navi̱j nu̱ꞌ rasu̱u̱n ma̱n rihaan chumii̱ nihánj me se veꞌé catu̱u̱ soj rej xta̱ꞌ rej ca̱yáán soj nu̱ꞌ cavii nu̱ꞌ caꞌanj ado̱nj.

Romanos 1:11

ne̱ me raj que̱neꞌenj man soj ne̱ narque̱j chrej nucua̱j man soj, cheꞌé rej nari̱ꞌ nucuaj nimán soj a.

2 Corintios 1:11

Ne̱ racuíj ndoꞌo soj man núj achíín niꞌya̱j soj rihaan Yaꞌanj cheꞌé núj a. Dan me se uno Yaꞌanj se vaa achíín niꞌya̱j queꞌe̱e̱ yuvii̱ rihaan soꞌ cheꞌé núj, ne̱ quiꞌya̱j soꞌ se lu̱j cheꞌé núj ti̱nanii soꞌ man núj rihaan sayuun ado̱nj. Ne̱ cata̱j queꞌe̱e̱ níꞌ guun niꞌya̱j níꞌ rihaan Yaꞌanj cheꞌé se vaa tinanii soꞌ man núj rihaan sayuun á.

2 Corintios 8:1

Ne̱ cata̱j xnaꞌanj núj rihaan soj cheꞌé se lu̱j quiꞌyaj Yaꞌanj ga̱ nij xꞌneꞌ nij síí noco̱ꞌ man Cristó ma̱n estadó Macedonia, tinu̱j, nocoj.

2 Corintios 9:13

Ne̱ queneꞌe̱n nij yuvii̱ se vaa ya̱ uno soj nana̱ sa̱ꞌ cheꞌé Cristó nana̱ sa̱ꞌ noco̱ꞌ níꞌ, ne̱ queneꞌe̱n nij yuvii̱ se vaa niha̱ꞌ rá soj rque̱ soj siꞌyaj soj man nij síí noco̱ꞌ man Cristó ya̱nj chumanꞌ Jerusalén do̱ꞌ, man ta̱ranꞌ nij tinúú níꞌ do̱ꞌ, ne̱ cheꞌé dan gu̱un ya̱ rá nij soꞌ se vaa ya̱ ya̱ si̱j noco̱ꞌ man Yaꞌanj me soj, ne̱ veꞌé uxrá caꞌmi̱i̱ nij soꞌ cheꞌé Yaꞌanj a.

2 Corintios 9:15

Cata̱j uxrá níꞌ guun niꞌya̱j níꞌ rihaan Yaꞌanj cheꞌé se veꞌé uxrá quiꞌyaj Yaꞌanj cheꞌé níꞌ, ne̱ daj chiha̱a̱ míj se̱ guun nucua̱j níꞌ cata̱j níꞌ nu̱ꞌ se vaa quiꞌyaj Yaꞌanj cheꞌé níꞌ a̱ maꞌ.

Filipenses 1:8

Ne̱ Yaꞌanj me síí neꞌen ya̱ se vaa ase vaa ꞌe̱e̱ rá Cristó Jesús man nij soj roꞌ, veé da̱nj ꞌe̱e̱ gue̱e̱ rá ma̱ꞌanj man cunuda̱nj nij soj chugua̱nj.

Filipenses 2:26

ne̱ me ndoꞌo rá soꞌ queneꞌe̱n uún soꞌ man nij soj na̱nj ado̱nj. Dan me se nanó rá soꞌ se vaa cuno soj nana̱ cheꞌé soꞌ se vaa canó chiꞌii̱ man soꞌ ado̱nj.

Filipenses 4:1

Dan me se ꞌe̱e̱ ndoꞌo raj man soj, ne̱ me uxrá raj ni̱ꞌyaj ꞌu̱nj man soj, tinu̱j, nocoj. Niha̱ꞌ ndoꞌo raj, ꞌyaj soj, ne̱ vaa güii cata̱j Yaꞌanj se vaa sa̱ꞌ uxrá quiꞌyáj, tucuꞌyón ꞌu̱nj man soj, ne̱ cheꞌé dan vaa cheꞌé cuno̱ soj nu̱ꞌ nana̱ nihánj, ne̱ xraan canoco̱ꞌ soj man Síí ꞌNi̱j Raꞌa man níꞌ, tinu̱j, nocoj.

1 Timoteo 1:14

Tana̱nj quiꞌyaj uxrá Cristó Jesús Si̱j ꞌNi̱j Raꞌa man níꞌ se lu̱j ga̱ ꞌu̱nj, se vaa cuchumán rá ꞌu̱nj niꞌya̱j ꞌu̱nj man soꞌ, ne̱ cunuu ꞌe̱e̱ raj tuvij, quiꞌyaj soꞌ ado̱nj.