2 Corintios 8:9 - Triqui de San Juan Copala

⁹ ꞌO̱ se a̱j neꞌen soj se vaa quiꞌyaj ndoꞌo Jesucristó Si̱j ꞌNi̱j Raꞌa man níꞌ se lu̱j ga̱ níꞌ á. Dan me se ruꞌve̱e̱ ndoꞌo soꞌ ga̱a cayáán soꞌ rej xta̱ꞌ, tza̱j ne̱ naquiꞌyaj nique̱ soꞌ man soꞌ ne̱ caꞌnaꞌ soꞌ rihaan chumii̱ nihánj cheꞌé níꞌ, ga̱a ne̱ cheꞌé se da̱nj quiꞌyaj soꞌ roꞌ, cheꞌé dan cavi̱i̱ sa̱ꞌ níꞌ doj na̱nj ado̱nj.

2 Corintios 8:9 ပူးပေါင်းရင်းမြစ်များ

San Mateo 17:27

Tza̱j ne̱ se̱ guun caꞌma̱an rá nij síí aꞌnéj impuestó cheꞌé nuvií noco̱o, quiꞌya̱j níꞌ maꞌ. Cheꞌé dan caꞌa̱nj so̱ꞌ tuꞌva na laguaná, ne̱ ta̱güéj so̱ꞌ ꞌo̱ agaꞌ taꞌaa xcuaj rque na, ne̱ ta̱ꞌaa so̱ꞌ xcuaj cano̱ agaꞌ asino ya̱a̱n á. Ga̱a ne̱ nuxra̱ꞌ so̱ꞌ tuꞌva xcuaj yoꞌ, ne̱ quiri̱ꞌ so̱ꞌ saꞌanj aga̱ꞌ vaa tuꞌvee yuvii̱ ꞌyaj suun caꞌa̱nj güii tuꞌva xcuaj yoꞌ, ne̱ go̱ꞌ so̱ꞌ saꞌanj yoꞌ cheꞌé ro̱ꞌ rihaan nij síí aꞌnéj impuestó á ―taj Jesús a.

San Mateo 20:28

Dan me se nda̱ꞌ se Si̱j Caꞌnéé Yaꞌanj Ni̱caj Yuꞌunj man Yuvii̱ mej, tza̱j ne̱ ne caꞌna̱ꞌ ꞌu̱nj ne̱ gu̱un nij yuvii̱ mozó rihanj maꞌ. ꞌO̱ se caꞌnáꞌ ꞌu̱nj ra̱cuíj man nij yuvii̱ na̱nj ado̱nj. Ne̱ caꞌnáꞌ ꞌu̱nj nayo̱n ma̱ꞌanj rihaan yuvii̱ ne̱ cavi̱ꞌ ꞌu̱nj cheꞌé cacunꞌ ata̱ nij soꞌ, ga̱a ne̱ nani̱i̱ nij soꞌ rihaan sayuun, qui̱ꞌyáj na̱nj ado̱nj ―taj Jesús a.

San Mateo 8:20

Ga̱a ne̱ cataj Jesús rihaan soꞌ a: ―ꞌO̱ se nij chunee roꞌ, otoj sa̱ꞌ nij xoꞌ rá yuꞌuj ta̱j rque yoꞌóó, ne̱ nij xtâj chéé xta̱ꞌ roꞌ, vaa saca̱ꞌ nij xoꞌ a. Ne̱ xa̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, tza̱j ne̱ taj a̱ ꞌó rej qui̱náá ꞌu̱nj coto̱j ꞌu̱nj a̱ maꞌ ―taj Jesús rihaan soꞌ a.

San Marcos 6:3

Né si̱j acój chruun me soꞌ naꞌ. Ne̱ taꞌníí Mariá me soꞌ á. Ne̱ tinúú síí cuꞌna̱j Jacobo do̱ꞌ, José do̱ꞌ, Judas do̱ꞌ, Simón do̱ꞌ, me soꞌ á. Ne̱ nij raꞌvij soꞌ me chana̱ ya̱nj chiháán níꞌ á ―taj nij síí ma̱n chiháán Jesús rihaan tuviꞌ nij soꞌ, ne̱ guun naco̱o̱ rá nij soꞌ niꞌya̱j nij soꞌ man Jesús a.

San Lucas 16:11

Cheꞌé dan sese ne gu̱un nucua̱j soj tu̱mé sa̱ꞌ soj nij rasu̱u̱n ma̱n rihaan chumii̱ nihánj, ga̱a ne̱ me síí gu̱un rá rque̱ nij rasu̱u̱n ya̱ rihaan soj tu̱mé soj, rá soj ga̱.

San Lucas 2:7

Taj yan vaa yaꞌnúj cara̱nꞌ ro̱j soꞌ caꞌnga̱a̱ neꞌej a̱ maꞌ. Dan me se da̱j doj rej ma̱n scúj vaa yaꞌnúj cara̱nꞌ ro̱j soꞌ a. Ne̱ cuchruj noꞌ neꞌej sno̱ꞌo taꞌníí noꞌ síí chava̱ꞌ a. Quiꞌyaj yanu̱ꞌ noꞌ man neꞌej, ne̱ caꞌnéé noꞌ man neꞌej rá rihoo yan nu̱u̱ coꞌyo̱o̱ chá scúj a.

San Lucas 8:3

Ne̱ ꞌó noꞌ roꞌ, me níí cuꞌna̱j Juaná, ne̱ nica̱ noꞌ roꞌ, me síí cuꞌna̱j Chuza síí nicu̱nꞌ rihaan síí nica̱j suun rey cuꞌna̱j Herodes a. Ne̱ ꞌó chana̱ caꞌanj ga̱ Jesús roꞌ, me níí cuꞌna̱j Susana a. Ne̱ vaa queꞌe̱e̱ doj nij chana̱ caꞌanj ga̱ nij soꞌ a. Nu̱ꞌ nij chana̱ nihánj roꞌ, me níí racuíj man nij tuvi̱ꞌ Jesús se vaa rqué nij noꞌ rasu̱u̱n siꞌyaj nij noꞌ se vaa cachiin man nij tuvi̱ꞌ Jesús a.

San Lucas 9:58

Ga̱a ne̱ cataj ya̱ Jesús se vaa ranꞌ soꞌ chéé soꞌ a: ―ꞌO̱ se nij chunee roꞌ, otoj sa̱ꞌ nij xoꞌ rá yuꞌuj ta̱j rque yoꞌóó, ne̱ nij xtâj chéé xta̱ꞌ roꞌ, vaa saca̱ꞌ nij xoꞌ a. Tza̱j ne̱ xa̱ꞌ ꞌu̱nj Si̱j Caꞌnéé Yaꞌanj Ni̱caj Yuꞌunj man Yuvii̱, tza̱j ne̱ taj a̱ doj rej qui̱náá ꞌu̱nj coto̱j ꞌu̱nj a̱ maꞌ ―taj Jesús rihaan soꞌ a.

San Juan 1:10

ne̱ cayáán soꞌ rihaan chumii̱ nihánj, ne̱ maꞌa̱n soꞌ me síí quiꞌyaj chumii̱ nihánj, quiꞌyaj Yaꞌanj, tza̱j ne̱ ne xca̱j nij síí ma̱n rihaan chumii̱ nihánj cuentá me síí me soꞌ a̱ maꞌ.

San Juan 1:14

Ga̱a ne̱ guun snana̱ Yaꞌanj yoꞌ yuvii̱, ne̱ cayáán soꞌ scaꞌnúj níꞌ, ne̱ queneꞌen núj se vaa niꞌndaj ya̱ sa̱ꞌ veꞌé vaa soꞌ, cheꞌé se o̱rúnꞌ Taꞌníí Rej soꞌ Yaꞌanj me soꞌ a. Ne̱ soꞌ me se uxrá ꞌyaj soꞌ se lu̱j do̱ꞌ, aꞌmii soꞌ nana̱ ya̱ do̱ꞌ ado̱nj.

San Juan 1:17

ꞌO̱ se rqué Yaꞌanj stucua̱nj Moisés rihaan xi̱i níꞌ ga̱a naá, tza̱j ne̱ Jesús Si̱j Caꞌnéé Yaꞌanj Ti̱nanii man Yuvii̱ rihaan Sayuun me síí tacuachén se lu̱j do̱ꞌ, nana̱ ya̱ do̱ꞌ, rihaan níꞌ a.

San Juan 12:30

Ga̱a ne̱ cataj Jesús rihaan nij yuvii̱ a: ―Né cheꞌe̱ ꞌu̱nj me caꞌmii Yaꞌanj nana̱ yoꞌ maꞌ. ꞌO̱ se caꞌmii Yaꞌanj nana̱ yoꞌ cheꞌé rej xca̱j soj cuentá ado̱nj.

San Juan 16:15

Nu̱ꞌ nana̱ ya̱ vaa rihaan Réj Yaꞌanj cheꞌé ꞌu̱nj roꞌ, snana̱ ꞌu̱nj me yoꞌ a. Cheꞌé dan cataj ꞌu̱nj se vaa ni̱caj Nimán Yaꞌanj nana̱ ya̱ cheꞌej, ne̱ ti̱haa̱n soꞌ rihaan soj a ―taj Jesús rihaan nij síí tucuꞌyón snana̱ soꞌ a.

San Juan 17:19

Ne̱ cheꞌé nij soꞌ me se nagóꞌ ꞌu̱nj man ma̱ꞌán ꞌu̱nj rihaan so̱ꞌ cheꞌé rej cunu̱u sa̱ꞌ ya̱ nimán nij soꞌ rihaan so̱ꞌ ado̱nj.

Romanos 11:12

Ga̱a ne̱ nuchra̱nꞌ nimán nij yuvii̱ israelitá, ne̱ canoco̱ꞌ nij soꞌ Yaꞌanj ado̱nj. Dan me se cheꞌé se quiriꞌ nij soꞌ rihaan Yaꞌanj, ne̱ cheꞌé dan cavii sa̱ꞌ nij yuvii̱ ma̱n rihaan chumii̱, ne̱ nda̱a nij yuvii̱ yaníj cavii sa̱ꞌ, tza̱j ne̱ asa̱ꞌ nuu sa̱ꞌ nij yuvii̱ israelitá rihaan Yaꞌanj, ne̱ doj a̱ cavi̱i̱ sa̱ꞌ uún nij yuvii̱ ma̱n rihaan chumii̱ ado̱nj.

Romanos 15:3

ꞌO̱ se ne quiꞌya̱j Cristó se me rá maꞌa̱n Cristó quiꞌya̱j soꞌ maꞌ. ꞌO̱ se Danj Yaꞌanj taj se vaa nana̱ nij caꞌmii yuvii̱ cheꞌé Yaꞌanj roꞌ, caꞌmii uún yuvii̱ cheꞌé Cristó, ne̱ caꞌvej rá Cristó caꞌmi̱i̱ nij yuvii̱ nana̱ nij cheꞌé maꞌa̱n soꞌ a. Da̱nj aꞌmii Danj Yaꞌanj cheꞌé maꞌa̱n Cristó a.

Romanos 5:8

Xa̱ꞌ Yaꞌanj, tza̱j ne̱ nda̱ꞌ se tumé níꞌ cacunꞌ, tza̱j ne̱ caviꞌ Cristó cheꞌé níꞌ, ne̱ nayón soꞌ rihaan níꞌ, quiꞌyaj Yaꞌanj, ne̱ veé dan me se tihaa̱n Yaꞌanj rihaan níꞌ se vaa ꞌe̱e̱ ndoꞌo rá Yaꞌanj man níꞌ ado̱nj.

Romanos 8:32

ꞌO̱ se ne cuchuꞌvi̱ꞌ Yaꞌanj rque̱ Yaꞌanj maꞌa̱n Taꞌníí Yaꞌanj cavi̱ꞌ cheꞌé níꞌ, ne̱ cheꞌé dan guun ya̱ rá níꞌ se vaa rque̱ Yaꞌanj nu̱ꞌ se sa̱ꞌ rihaan níꞌ, ne̱ cavi̱i̱ sa̱ꞌ níꞌ ado̱nj.

1 Corintios 1:4

Niga̱nj taj ꞌu̱nj guun niꞌya̱j níꞌ rihaan Yaꞌanj cheꞌé nij soj cheꞌé se lu̱j quiꞌyaj Yaꞌanj cheꞌé soj cheꞌé se noco̱ꞌ soj man Cristó Jesús ado̱nj.

1 Corintios 15:47

Xa̱ꞌ snóꞌo quiꞌyaj Yaꞌanj asino ya̱a̱n, tza̱j ne̱ yoꞌóó u̱u̱n guun soꞌ, tza̱j ne̱ xa̱ꞌ ꞌó snóꞌo, tza̱j ne̱ Cristó me soꞌ, ne̱ soꞌ me síí cavii rej xta̱ꞌ caꞌnaꞌ rihaan níꞌ ado̱nj.

2 Corintios 13:14

Dan me se me rá núj quiꞌya̱j ndoꞌo Jesucristó Si̱j ꞌNi̱j Raꞌa man níꞌ se lu̱j ga̱ cunuda̱nj soj, ne̱ me rá núj ga̱a̱ ꞌe̱e̱ rá Yaꞌanj ni̱ꞌyaj Yaꞌanj man cunuda̱nj soj, ne̱ me rá núj ꞌo̱ veꞌé caꞌmi̱i̱ cunuda̱nj soj ga̱ tinúú soj quiꞌya̱j Nimán Yaꞌanj na̱nj ado̱nj.

2 Corintios 6:10

Ne̱ nanó rá núj cheꞌé sayuun, tza̱j ne̱ niha̱ꞌ rá núj rihaan Yaꞌanj uún a. Ne̱ síí nique̱ me núj, tza̱j ne̱ avii sa̱ꞌ doj queꞌe̱e̱ ndoꞌo yuvii̱, ꞌyaj núj a. Ne̱ taj siꞌyaj núj, tza̱j ne̱ cunuda̱nj chumii̱ nihánj me siꞌyaj núj a.

Efesios 2:7

Nda̱a síj, ga̱a ne̱ nu̱ꞌ cavii nu̱ꞌ caꞌanj ti̱haa̱n Yaꞌanj man nij yuvii̱ se vaa quiꞌyaj ndoꞌo Yaꞌanj se lu̱j cheꞌé níꞌ, ne̱ dan me se queneꞌe̱n nij yuvii̱ se vaa cunuu ꞌe̱e̱ ndoꞌo rá Yaꞌanj man níꞌ cheꞌé se síí noco̱ꞌ man Cristó Jesús me níꞌ na̱nj ado̱nj.

Efesios 3:8

Nda̱ꞌ se síí nica̱ꞌ doj rihaan ta̱ranꞌ nij síí noco̱ꞌ man Yaꞌanj mej, tza̱j ne̱ quiꞌyaj Yaꞌanj se lu̱j yoꞌ rihanj, ne̱ caꞌneꞌ soꞌ suun rihanj nata̱j nana̱ sa̱ꞌ rihaan nij soj si̱j yaníj se vaa niꞌndaj uxrá ya̱ se sa̱ꞌ vaa quiꞌyaj Cristó cheꞌé níꞌ ado̱nj.

Colosenses 1:24

A̱j quiránꞌ ꞌu̱nj sayuun cheꞌé nij soj, ne̱ nihánj me guun niha̱ꞌ raj cheꞌé sayuun ránꞌ ꞌu̱nj á. Dan me se ase vaa sayuun quiranꞌ Cristó cheꞌé nij síí noco̱ꞌ man soꞌ roꞌ, da̱nj vaa sayuun ranꞌ ma̱ꞌán ꞌu̱nj cheꞌé xꞌneꞌ yuvii̱ noco̱ꞌ man soꞌ a.

1 Timoteo 6:18

Ma̱an se cata̱j xnaꞌanj so̱ꞌ rihaan nij síí ruꞌvee se vaa quiꞌya̱j nij soꞌ suun sa̱ꞌ, cheꞌé rej gu̱un ruꞌvee nij soꞌ rihaan Yaꞌanj, ne̱ veꞌé rque̱ nij soꞌ rasu̱u̱n achiin man tinúú nij soꞌ síí nique̱ á.

Hebreos 1:2

Tza̱j ne̱ ya̱j ga̱a nichrunꞌ caꞌa̱nj niꞌya̱ chumii̱ nihánj me se cataj xnaꞌanj maꞌa̱n ya̱ Taꞌníí Yaꞌanj snana̱ Yaꞌanj rihaan níꞌ, quiꞌyaj Yaꞌanj, ne̱ Taꞌníí Yaꞌanj me síí cuneꞌ Yaꞌanj man se vaa gu̱un siꞌya̱j soꞌ man cunuda̱nj rasu̱u̱n vaa güii, ne̱ soꞌ me síí quiꞌyaj nu̱ꞌ chumii̱ ga̱ xta̱ꞌ, quiꞌyaj Yaꞌanj ado̱nj.

Santiago 2:5

ꞌE̱e̱ raj man soj, tinu̱j, nocoj. Nano̱ xre̱j soj nana̱ caꞌmi̱j á. Narii Yaꞌanj man nij síí nique̱ gu̱un nij soꞌ síí amán uxrá rá niꞌya̱j man soꞌ ado̱nj. Nique̱ nij soꞌ rihaan yoꞌóó nihánj, tza̱j ne̱ ya̱ ca̱yáán nij soꞌ ga̱ Yaꞌanj asa̱ꞌ guun chij Yaꞌanj, nda̱a vaa cataꞌ tuꞌva Yaꞌanj quiꞌya̱j soꞌ ga̱ nij síí aráj cochro̱j rihaan soꞌ ado̱nj.

Apocalipsis 2:9

Neꞌén ꞌu̱nj da̱j vaa sayuun ranꞌ nij soj si̱j ma̱n chumanꞌ Esmirna, ne̱ neꞌén ꞌu̱nj se vaa nique̱ ndoꞌo soj ado̱nj. Tza̱j ne̱ rihaan Yaꞌanj me se síí ruꞌvee me ya̱ soj ado̱nj. Ne̱ vaa nij síí tuꞌva rmaꞌa̱n taj se vaa yuvii̱ israelitá me nij soꞌ, tza̱j ne̱ né si̱j israelitá me ya̱ nij soꞌ maꞌ. Ma̱an xꞌneꞌ síí tucuꞌyón snana̱ Síí Chre̱e me nij soꞌ na̱nj á. Ne̱ neꞌén ꞌu̱nj se vaa aꞌmii nij soꞌ nana̱ nij cheꞌé soj ado̱nj.

Apocalipsis 21:7

Ne̱ síí ꞌyaj canaán roꞌ, gu̱un soꞌ síí ni̱caj cunuda̱nj rasu̱u̱n siꞌyáá ꞌu̱nj, ne̱ ꞌu̱nj roꞌ, gu̱un Taꞌanj nij soꞌ, ne̱ nij soꞌ roꞌ, gu̱un taꞌníj ado̱nj.

Apocalipsis 3:18

’Cheꞌé dan narque̱j chrej nucua̱j man soj se vaa quira̱a̱n soj agaꞌ oró míí rihanj agaꞌ cachén yaꞌan ne̱ cunuu sa̱ꞌ ina̱nj, ga̱a ne̱ caꞌve̱e cunu̱u ruꞌve̱e̱ ya̱ ya̱ soj rihanj á. Ne̱ quira̱a̱n soj yatzíj catzi̱i̱ rihanj, ne̱ caꞌve̱e cu̱nuû soj, ne̱ se̱ queneꞌen yuvii̱ se vaa nuviꞌ saga̱nꞌ soj ne̱ se̱ guun naꞌa̱j soj se vaa nuviꞌ saga̱nꞌ soj maꞌ. Ne̱ quira̱a̱n soj rmedió sa̱ꞌ rihanj, ne̱ caxri̱i̱ soj rlij rihaan soj, ga̱a ne̱ caꞌve̱e queneꞌe̱n soj, ne̱ xca̱j sa̱ꞌ soj cuentá ado̱nj.