2 Corintios 8:18 - Triqui de San Juan Copala

¹⁸ Ne̱ cuchi̱ꞌ ꞌó tinúú níꞌ ga̱ Titó, ne̱ ꞌó soꞌ roꞌ, me síí aꞌmii natáj ndoꞌo nana̱ sa̱ꞌ cheꞌé Cristó, ne̱ cheꞌé dan veꞌé aꞌmii ta̱ranꞌ nij xꞌneꞌ nij síí noco̱ꞌ man Cristó niꞌya̱j nij soꞌ man soꞌ a.

2 Corintios 8:18 ပူးပေါင်းရင်းမြစ်များ

Romanos 16:4

Dan me se caꞌnéé nimán ro̱j soꞌ cavi̱ꞌ ro̱j soꞌ cheꞌej, ne̱ cheꞌé dan taj ꞌu̱nj guun niꞌya̱j níꞌ rihaan ro̱j soꞌ, ne̱ taj núj ga̱ ta̱ranꞌ nij xꞌneꞌ nij síí yaníj noco̱ꞌ man Cristó guun niꞌya̱j níꞌ rihaan ro̱j soꞌ a.

1 Corintios 16:3

Asa̱ꞌ cuchíꞌ ꞌu̱nj rihaan soj, ne̱ caxri̱i̱ soj saꞌanj naquiꞌyaj chre̱ꞌ soj ston tinúú soj síí narii soj ni̱caj saꞌanj yoꞌ a. Ne̱ caꞌa̱nj ni̱caj nij soꞌ saꞌanj yoꞌ nda̱a chumanꞌ Jerusalén a. Ne̱ me raj ni̱caj nij soꞌ yanj cartá cata̱j xnaꞌanj rihaan nij síí ma̱n Jerusalén se vaa va̱j saꞌanj yoꞌ rihaan nij soꞌ, ꞌyaj nij tinúú níꞌ a.

1 Corintios 4:17

Cheꞌé dan caꞌne̱j ꞌu̱nj man síí cuꞌna̱j Timoteo cuchi̱ꞌ soꞌ rihaan soj, ne̱ síí noco̱ꞌ man Síí ꞌNi̱j Raꞌa man níꞌ me soꞌ ga̱ ꞌu̱nj, ne̱ cheꞌé dan ase vaa taꞌníj vaa soꞌ a. ꞌE̱e̱ raj man soꞌ, ne̱ nucua̱j raj man soꞌ na̱nj ado̱nj. Cata̱j xnaꞌanj uún soꞌ rihaan soj nu̱ꞌ tucuáán noco̱ꞌ ꞌu̱nj cheꞌé Cristó Jesús, ne̱ ꞌo̱ cuya̱a̱n vaa nana̱ tu̱cuꞌyón soꞌ ga̱ nana̱ tucuꞌyón ꞌu̱nj rihaan cunuda̱nj nij xꞌneꞌ nij síí noco̱ꞌ man Cristó ma̱n cunuda̱nj nij chumanꞌ rej va̱j ꞌu̱nj a.

1 Corintios 7:17

Veé nda̱a se vaa ꞌo̱ ꞌo̱ níꞌ ga̱a canacúún Yaꞌanj man níꞌ caꞌna̱ꞌ níꞌ se‑chre̱j soꞌ roꞌ, veé da̱nj ga̱a̱ níꞌ na̱nj á. ꞌO̱ se nihánj me chrej narqué ꞌu̱nj man da̱j a̱ nij xꞌneꞌ nij síí noco̱ꞌ man Cristó ma̱n da̱j a̱ chumanꞌ a.

2 Corintios 12:18

Dan me se ya̱ rqueé ꞌu̱nj man Titó se vaa cuchi̱ꞌ soꞌ rihaan soj, ne̱ caꞌnéé ꞌu̱nj ꞌó tinúú níꞌ caꞌanj ga̱ soꞌ a. Tihaꞌ yuꞌunj síí cuꞌna̱j Titó man soj naꞌ. Taj maꞌ. ꞌO̱ se veé o̱rúnꞌ Nimán Yaꞌanj nocoꞌ núj ga̱ soꞌ, ne̱ cuya̱a̱n quiꞌyaj soꞌ ga̱ ꞌu̱nj na̱nj ado̱nj.

2 Corintios 2:12

Dan me se caꞌanj ꞌu̱nj chumanꞌ cuꞌna̱j Troas caꞌmi̱i̱ natáj ꞌu̱nj nana̱ sa̱ꞌ cheꞌé Cristó, ne̱ dan me se vaa yaꞌnúj rihaan ꞌu̱nj caꞌmi̱i̱ natáj ꞌu̱nj nana̱ sa̱ꞌ, quiꞌyaj Síí ꞌNi̱j Raꞌa man níꞌ,

2 Corintios 8:19

Ne̱ caꞌneꞌ nij xꞌneꞌ nij síí noco̱ꞌ man Cristó suun rihaan soꞌ caꞌa̱nj soꞌ ga̱ núj ra̱cuíj soꞌ man núj ta̱cuachén núj saꞌanj yoꞌ rihaan nij síí nique̱ yoꞌ, ga̱a ne̱ uxrá veꞌé caꞌmi̱i̱ yuvii̱ cheꞌé Síí ꞌNi̱j Raꞌa man níꞌ, ne̱ gu̱un niha̱ꞌ doj rá maꞌa̱n núj quiꞌya̱j núj suun yoꞌ chugua̱nj.