2 Corintios 8:12 - Triqui de San Juan Copala

¹² Sese ya̱ ya̱ rii nimán soj rque̱ soj saꞌanj yoꞌ, ne̱ cara̱nꞌ rá Yaꞌanj ga̱ saꞌanj gu̱un nucua̱j soj rque̱ soj a. Se̱ cataj Yaꞌanj rque̱ soj doj saꞌanj, sese se̱ guun nucua̱j soj quiꞌya̱j soj da̱nj maꞌ.

2 Corintios 8:12 ပူးပေါင်းရင်းမြစ်များ

San Mateo 25:17

Ne̱ ase vaa quiꞌyaj soꞌ roꞌ, da̱nj vaa quiꞌyaj síí nica̱j vi̱j nanj saꞌanj uún, ne̱ quiꞌyaj canaán soꞌ yavíj nanj saꞌanj uún a.

San Mateo 25:22

’Ga̱a ne̱ cuchiꞌ síí quiriꞌ vi̱j nanj saꞌanj uún, ne̱ cataj soꞌ a: “Rqué so̱ꞌ vi̱j nanj saꞌanj rihanj, señor. Ne̱ ya̱j, ne̱ nuu yoꞌ caꞌa̱nj nanj saꞌanj, quiꞌyáj na̱nj á”, taj soꞌ a.

San Lucas 16:10

’ꞌO̱ se síí veꞌé tumé do̱j tzínꞌ rasu̱u̱n roꞌ, soꞌ me síí gu̱un nucua̱j tu̱mé noco̱o doj rasu̱u̱n, ne̱ síí ꞌyaj nij ga̱ do̱j rasu̱u̱n roꞌ, nij doj quiꞌya̱j soꞌ ga̱ noco̱o doj rasu̱u̱n na̱nj ado̱nj.

2 Corintios 8:11

tinavi̱j soj suun guun cheꞌe̱ soj á. Dan me se ase vaa ya̱ ya̱ guun niha̱ꞌ rá soj ra̱cuíj soj asi̱j tacoo ga̱a guun cheꞌe̱ soj roꞌ, veé da̱nj gu̱un rá soj tinavi̱j soj nu̱ꞌ suun yoꞌ, ne̱ rque̱ soj saꞌanj gu̱un nucua̱j soj man nij síí nique̱ á.

2 Corintios 8:13

Né cheꞌe̱ se me rá núj cunu̱u nique̱ soj ne̱ cunu̱u ruꞌve̱e̱ ꞌó yuvii̱ me aꞌmii núj da̱nj maꞌ. ꞌO̱ se me rá núj cuya̱a̱n ga̱a̱ nu̱ꞌ nij tinu̱j níꞌ ado̱nj.

2 Corintios 8:19

Ne̱ caꞌneꞌ nij xꞌneꞌ nij síí noco̱ꞌ man Cristó suun rihaan soꞌ caꞌa̱nj soꞌ ga̱ núj ra̱cuíj soꞌ man núj ta̱cuachén núj saꞌanj yoꞌ rihaan nij síí nique̱ yoꞌ, ga̱a ne̱ uxrá veꞌé caꞌmi̱i̱ yuvii̱ cheꞌé Síí ꞌNi̱j Raꞌa man níꞌ, ne̱ gu̱un niha̱ꞌ doj rá maꞌa̱n núj quiꞌya̱j núj suun yoꞌ chugua̱nj.

2 Corintios 9:7

Nuchru̱j ra̱a̱ ꞌo̱ ꞌo̱ soj me daj saꞌanj rque̱ ꞌo̱ soj, ne̱ se̱ quinanó rá soj cheꞌé saꞌanj rque̱ soj maꞌ. Se̱ cataj soj se vaa ma̱an cheꞌé se no̱ xcúún soj rque̱ soj saꞌanj, cheꞌé dan rque̱ soj maꞌ. Cheꞌé dan ina̱nj saꞌanj rii nimán soj roꞌ, rque̱ soj á. ꞌO̱ se síí niha̱ꞌ rá rque̱ saꞌanj rihaan tinúú roꞌ, ꞌe̱e̱ rá Yaꞌanj man soꞌ ado̱nj.

1 Pedro 4:10

Dan me se quiꞌyaj Yaꞌanj se lu̱j ga̱ ꞌo̱ ꞌo̱ níꞌ, rqué Yaꞌanj suun rihaan ꞌo̱ ꞌo̱ níꞌ quiꞌya̱j níꞌ cheꞌé tinúú níꞌ, ne̱ ino̱ doj vaa suun ꞌyaj ꞌo̱ ꞌo̱ níꞌ cheꞌé tinúú níꞌ, ne̱ cheꞌé dan no̱ xcúún soj ra̱cuíj soj man tinúú soj, nda̱a vaa uun nucua̱j soj chugua̱nj.