2 Corintios 7:15 - Triqui de San Juan Copala

¹⁵ Ne̱ nu̱u̱ rá Titó se vaa veꞌé uxrá cuno soj nana̱ cataj xnaꞌanj soꞌ rihaan soj, ne̱ uxrá caráj cochro̱j soj rihaan soꞌ asi̱j cuchiꞌ soꞌ rihaan soj, ne̱ cuchuꞌviꞌ soj caxri̱i̱ yuva̱a̱ soꞌ man soj a. Cheꞌé dan uxrá doj ꞌe̱e̱ rá soꞌ man soj chugua̱nj.

2 Corintios 7:15 ပူးပေါင်းရင်းမြစ်များ

San Juan 16:21

Dan me se veꞌee̱ ndoꞌo rque chana̱ ga̱a síj orá cuchru̱j noꞌ neꞌej, tza̱j ne̱ ga̱a quisíj caꞌngaa neꞌej, ne̱ niꞌyón noꞌ nu̱ꞌ sayuun quiranꞌ noꞌ na̱nj ado̱nj. ꞌO̱ se uun niha̱ꞌ ndoꞌo rá noꞌ cheꞌé se caꞌngaa yuvii̱ rihaan chumii̱ nihánj na̱nj ado̱nj.

Hechos 16:29

Ga̱a ne̱ canacúún síí tumé tagaꞌ se vaa caꞌna̱ꞌ ni̱caj nii yaꞌan chugu̱u̱n rihaan soꞌ a. Ne̱ yo̱o ndoꞌo catúj soꞌ rá tagaꞌ, ne̱ riꞌíj ndoꞌo man soꞌ cheꞌé se chuꞌviꞌ soꞌ, ne̱ cayáán ru̱j soꞌ nda̱a canó tuꞌva soꞌ rihaan yoꞌóó rihaan Pabló ga̱ Silas a.

1 Corintios 2:3

Dan me se ga̱a cuchíꞌ ꞌu̱nj rihaan soj, ne̱ guun naꞌa̱j ꞌu̱nj caꞌmi̱i̱ ꞌu̱nj, ne̱ cuchuꞌviꞌ nimanj, ne̱ quiriꞌíj ndoꞌo manj na̱nj á.

2 Corintios 2:9

Ga̱a quiꞌyáj yanj cartá caꞌnéj rihaan soj ga̱a rque̱, ne̱ caꞌnéꞌ ꞌu̱nj suun rihaan soj se vaa quiꞌya̱j soj sayuun man síí quiꞌyaj cacunꞌ yoꞌ, cheꞌé se me rá ꞌu̱nj xca̱j ꞌu̱nj cuentá sese si̱j uno nu̱ꞌ nana̱ aꞌmij rihaan me soj a.

2 Corintios 6:12

Nda̱ꞌ se ꞌe̱e̱ rá núj man soj, tza̱j ne̱ ne ꞌe̱e̱ rá soj man núj maꞌ.

Efesios 6:5

Ne̱ mozó roꞌ, veꞌé cuno̱ soꞌ rihaan se‑ruꞌve̱e̱ soꞌ, ne̱ ga̱a̱ niꞌya̱nj nimán mozó, ne̱ cara̱a̱ cochro̱j uxrá mozó rihaan se‑ruꞌve̱e̱ mozó á. Ase vaa ꞌyaj mozó rihaan maꞌa̱n Cristó roꞌ, da̱nj quiꞌya̱j mozó rihaan se‑ruꞌve̱e̱ mozó uún á.

Filipenses 1:8

Ne̱ Yaꞌanj me síí neꞌen ya̱ se vaa ase vaa ꞌe̱e̱ rá Cristó Jesús man nij soj roꞌ, veé da̱nj ꞌe̱e̱ gue̱e̱ rá ma̱ꞌanj man cunuda̱nj nij soj chugua̱nj.

Filipenses 2:12

Cheꞌé dan cuno̱ soj si̱j ꞌe̱e̱ rá ꞌu̱nj niꞌya̱j ꞌu̱nj man caꞌmi̱j á. Ga̱a cayáán ꞌu̱nj ga̱ soj, ne̱ ꞌo̱ cuno soj nu̱ꞌ nana̱ caꞌmij a. Cuano̱ nihánj me se nda̱ꞌ se nuvíꞌ ꞌu̱nj yáán ga̱ soj, tza̱j ne̱ me rá ꞌu̱nj doj a̱ cuno̱ soj á. Ase ꞌyaj xnii ga̱a aráyaꞌa̱nj xnii ne̱ aráj cochro̱j xnii niꞌya̱j xnii rej xnii roꞌ, da̱nj ga̱a̱ quiꞌya̱j soj ni̱ꞌyaj soj Yaꞌanj, ne̱ doj a̱ rquee̱ soj cheꞌé rej navi̱j nu̱ꞌ chrej chiꞌi̱i̱ uun chij nimán soj á.

Colosenses 3:12

Dan me se narii Yaꞌanj man soj canoco̱ꞌ soj man soꞌ, ne̱ cunuu sa̱ꞌ nimán soj rihaan Yaꞌanj, ne̱ ꞌe̱e̱ rá Yaꞌanj man soj, ne̱ cheꞌé dan cunu̱u ꞌe̱e̱ rá soj tuviꞌ soj chugua̱nj. Dan me se ga̱a̱ sa̱ꞌ nimán soj, ne̱ ga̱a̱ nica̱ꞌ nimán soj, ne̱ se̱ guun yuva̱a̱ soj man tuviꞌ soj maꞌ. Tana̱nj ga̱a̱ ina̱j nimán soj na̱nj á.

2 Tesalonicenses 3:14

Sese ꞌo̱ tuviꞌ soj naꞌvej rá cuno̱ nana̱ cachrón núj rihaan yanj nihánj, ne̱ xca̱j soj cuentá me síí naꞌvej rá cuno̱ nana̱, ne̱ se̱ nica̱j tuviꞌ rcuaꞌa̱a̱n soj ga̱ soꞌ maꞌ. Nda̱a síj, ga̱a ne̱ gu̱un naꞌa̱j soꞌ a.

1 Juan 3:17

Dan me se sese vaa ndoꞌo rasu̱u̱n ma̱n rihaan chumii̱ nihánj ni̱caj ꞌo̱ soꞌ, ne̱ nda̱ꞌ se neꞌen soꞌ se vaa achiin ndoꞌo rasu̱u̱n man tinúú soꞌ tza̱j ne̱ naꞌvej rá soꞌ ra̱cuíj soꞌ man tinúú soꞌ, ne̱ né si̱j ꞌe̱e̱ rá man tuviꞌ nda̱a vaa ꞌe̱e̱ rá Yaꞌanj man níꞌ me soꞌ a̱ maan ado̱nj.