2 Corintios 7:13 - Triqui de San Juan Copala

¹³ Ne̱ cheꞌé se vaa quiꞌyaj soj roꞌ, cheꞌé dan guun niha̱ꞌ rá núj na̱nj ado̱nj. Ne̱ dan me se doj a̱ guun niha̱ꞌ rá núj cheꞌé se cunuu cui̱j rá síí cuꞌna̱j Titó ne̱ guun niha̱ꞌ rá soꞌ, quiꞌyaj soj a.

2 Corintios 7:13 ပူးပေါင်းရင်းမြစ်များ

Romanos 12:15

Gu̱un niha̱ꞌ rá soj ga̱ nij yuvii̱ uun niha̱ꞌ rá, ne̱ taꞌve̱e soj ga̱ síí taꞌvee,

Romanos 15:32

Ga̱a ne̱ gu̱un niha̱ꞌ uxrá raj asa̱ꞌ cuchij chiháán soj, ne̱ cuchi̱ꞌ yá ꞌu̱nj chiháán soj, sese caꞌve̱j rá Yaꞌanj, ga̱a ne̱ cunu̱u cui̱j rá nimán ta̱ranꞌ níꞌ na̱nj á.

1 Corintios 12:26

ne̱ sese ranꞌ chiꞌii̱ do̱j nee̱ man níꞌ, ne̱ aꞌngaj nu̱ꞌ nee̱ man níꞌ a. Ne̱ da̱nj ina̱nj uún, ne̱ sese aꞌmii cochro̱j nii cheꞌé do̱j nee̱ man níꞌ, ne̱ uun niha̱ꞌ rá nu̱ꞌ nee̱ man níꞌ uún a.

1 Corintios 16:13

ꞌO̱ tu̱mé soj man soj á. Raan canoco̱ꞌ soj man Jesucristó á. Ga̱a̱ nucua̱j nimán soj, ne̱ ꞌo̱ caꞌne̱j nimán soj quiꞌya̱j soj se‑su̱u̱n Yaꞌanj á.

1 Corintios 16:18

Dan me se nuu cui̱j nimanj, quiꞌyaj nij soꞌ, ne̱ dan me se nu̱u cui̱j nimán maꞌa̱n soj, quiꞌya̱j uún nij soꞌ a. ꞌO̱ se nij yuvii̱ vaa da̱nj me se no̱ xcúún ya̱ soj cara̱a̱ cochro̱j soj man nij soꞌ na̱nj ado̱nj.

2 Corintios 2:13

tza̱j ne̱ ne nari̱ꞌ ꞌu̱nj man tinúú níꞌ síí cuꞌna̱j Titó, ne̱ nanó ndoꞌo raj, ne̱ cheꞌé dan tanáj ꞌu̱nj man nij tinúú níꞌ síí ya̱nj chumanꞌ Troas yoꞌ, ne̱ cavii ꞌu̱nj caꞌnáꞌ ꞌu̱nj estadó Macedonia nihánj na̱nj ado̱nj.

2 Corintios 2:3

ꞌO̱ se cheꞌé dan quiꞌyáj yanj cartá yoꞌ, nda̱a vaa me rá ma̱ꞌanj, cheꞌé se ne caꞌve̱j raj cuchi̱j ne̱ nano̱ raj quiꞌya̱j soj ado̱nj. Tza̱j ne̱ ꞌo̱ se no̱ xcúún soj gu̱un niha̱ꞌ raj quiꞌya̱j soj, ne̱ nda̱a maꞌa̱n soj do̱ꞌ, gu̱un niha̱ꞌ rá ga̱a chugua̱nj.

2 Corintios 7:14

Dan me se caꞌmii ꞌu̱nj nana̱ sa̱ꞌ rihaan Titó cheꞌé soj, ne̱ quisíj ya̱ nu̱ꞌ nana̱ caꞌmii ꞌu̱nj rihaan soꞌ cheꞌé soj vaa ado̱nj. Dan me se ya̱ vaa nu̱ꞌ nana̱ caꞌmii núj rihaan soj, ne̱ ya̱ vaa nana̱ caꞌmii núj rihaan Titó, ne̱ cheꞌé dan taj a̱ ꞌó chrej naꞌa̱j nó rihaan ꞌu̱nj maꞌ.

2 Corintios 7:15

Ne̱ nu̱u̱ rá Titó se vaa veꞌé uxrá cuno soj nana̱ cataj xnaꞌanj soꞌ rihaan soj, ne̱ uxrá caráj cochro̱j soj rihaan soꞌ asi̱j cuchiꞌ soꞌ rihaan soj, ne̱ cuchuꞌviꞌ soj caxri̱i̱ yuva̱a̱ soꞌ man soj a. Cheꞌé dan uxrá doj ꞌe̱e̱ rá soꞌ man soj chugua̱nj.

2 Corintios 7:6

Tza̱j ne̱ Yaꞌanj me síí racuíj ndoꞌo man nij síí ranꞌ sayuun, ne̱ dan me se racuíj ndoꞌo Yaꞌanj man núj se vaa caꞌnaꞌ tinúꞌ Titó rihaan núj, ne̱ cunuu cui̱j rá núj, quiꞌyaj soꞌ a.

Filipenses 2:28

Cheꞌé dan raꞌya̱nj caꞌne̱j ꞌu̱nj man soꞌ cuchi̱ꞌ soꞌ rihaan soj, ne̱ gu̱un niha̱ꞌ rá soj queneꞌe̱n soj man soꞌ, ne̱ cheꞌé dan se̱ nanó rá ꞌu̱nj cheꞌé soj maꞌ.

2 Timoteo 1:16

Me rá ꞌu̱nj ga̱a̱ ꞌe̱e̱ rá Yaꞌanj man nij tucua̱ síí cuꞌna̱j Onesíforo a. ꞌO̱ se a̱j guun queꞌe̱e̱ ndoꞌo racuíj soꞌ manj, ne̱ nda̱a nuu cui̱j nimán ꞌu̱nj quiꞌyaj soꞌ, ne̱ ne gu̱un naꞌa̱j soꞌ se vaa ꞌni̱j ꞌu̱nj tagaꞌ maꞌ.

Filemón 1:20

Dan me se me ina̱nj rá ꞌu̱nj qui̱ꞌyáá so̱ꞌ se ndoꞌo cheꞌej, cheꞌé se si̱j noco̱ꞌ man Síí ꞌNi̱j Raꞌa man níꞌ me níꞌ, tinu̱j. ꞌO̱ se nda̱a cunu̱u cui̱j rá ꞌu̱nj, qui̱ꞌyáá so̱ꞌ cheꞌé Cristó ado̱nj.

Filemón 1:7

ꞌO̱ se guun niha̱ꞌ uxrá rá nimán ꞌu̱nj, ne̱ nariꞌ nucuaj nimán ꞌu̱nj, cheꞌé se ꞌe̱e̱ rá so̱ꞌ man nij tinúú so̱ꞌ ne̱ nuu cui̱j rá nimán nij síí noco̱ꞌ man Cristó ꞌyáá so̱ꞌ, tinu̱j.

1 Pedro 3:8

Da̱j ꞌó nana̱ cata̱j xnaꞌanj ꞌu̱nj rihaan soj, ne̱ dan me se cuya̱a̱n ga̱a̱ rá nimán ta̱ranꞌ soj ga̱ tuviꞌ soj, ne̱ dan me se ase ꞌe̱e̱ rá soj tinúú aꞌngaa soj roꞌ, da̱nj ga̱a̱ ꞌe̱e̱ rá soj man tuviꞌ soj ꞌó nij síí noco̱ꞌ man Cristó á. Ra̱cuíj soj man nij síí ranꞌ sayuun, ne̱ ga̱a̱ nica̱ꞌ nimán soj á.