2 Corintios 6:4 - Triqui de San Juan Copala

^4-5 ꞌO̱ se me rá núj ni̱ꞌyaj nii man núj ne̱ cata̱j nii se vaa ya̱ ya̱ si̱j ꞌyaj se‑su̱u̱n Yaꞌanj me núj, ne̱ cheꞌé dan nda̱ꞌ se ranꞌ núj sayuun, tza̱j ne̱ vaa ina̱j nimán núj na̱nj ado̱nj. Dan me se ranꞌ núj sayuun, ne̱ achiin rasu̱u̱n man núj, ne̱ chuꞌviꞌ nimán núj, ne̱ oꞌ nii cuartá xráá núj, ne̱ axríj nii tagaꞌ man núj, ne̱ nuu chre̱ꞌ nii quiꞌya̱j nii sayuun man núj a. Ne̱ ꞌyaj suun ndoꞌo núj cheꞌé yan quiꞌya̱j canaán núj cha̱ núj, ne̱ vaa güii narii ndoꞌo núj nej, ne̱ vaa güii, ne̱ ne vaa yaꞌnúj rihaan núj cha̱ núj, tza̱j ne̱ vaa ina̱j nimán núj, ne̱ ne aꞌneꞌ rá núj a̱ maꞌ.

2 Corintios 6:4 ပူးပေါင်းရင်းမြစ်များ

San Lucas 21:19

ꞌO̱ se cheꞌé se noco̱ꞌ xraan soj manj roꞌ, cheꞌé dan ꞌo̱ ga̱a̱ iꞌna̱ꞌ nimán soj nu̱ꞌ cavii nu̱ꞌ caꞌanj ado̱nj.

San Juan 16:33

Nu̱ꞌ nana̱ nihánj caꞌmij rihaan soj, cheꞌé se me raj ga̱a̱ xe̱j nimán soj cheꞌé se noco̱ꞌ soj manj a. Quira̱nꞌ soj sayuun rihaan chumii̱ nihánj, tza̱j ne̱ vaa cheꞌé gu̱un niha̱ꞌ rá soj, ne̱ gu̱un ya̱ ya̱ rá soj se vaa ꞌu̱nj nihánj quiꞌyaj canaán ya̱ rihaan chumii̱ nihánj na̱nj ado̱nj ―taj Jesús rihaan nij síí tucuꞌyón snana̱ soꞌ a.

Hechos 2:22

’Ne̱ cuano̱ nihánj me se cuno̱ soj si̱j israelitá nana̱ nihánj á. Dan me se a̱j queneꞌen nij soj da̱j quiꞌyaj Jesús síí cavii chumanꞌ Nazaret, se vaa guun nucua̱j soꞌ quiꞌyaj ndoꞌo soꞌ da̱j a̱ nij suun sa̱ꞌ noco̱o tihaa̱n se vaa ya̱ Síí Caꞌnéé Yaꞌanj me soꞌ ado̱nj.

Hechos 20:34

Ne̱ a̱j neꞌen maꞌa̱n soj se vaa ma̱ꞌanj raꞌaj nihánj quiꞌyaj suun cheꞌé rej caꞌvee quiri̱ꞌ ꞌu̱nj nij rasu̱u̱n achiin manj do̱ꞌ, achiin man nij síí chéé ga̱j do̱ꞌ a.

Hechos 9:16

ꞌO̱ se ꞌu̱nj me síí cata̱j xnaꞌanj rihaan soꞌ cheꞌé nu̱ꞌ sayuun no̱ xcúún soꞌ quira̱nꞌ soꞌ, cheꞌé yan nata̱ꞌ soꞌ rihaan yuvii̱ cheꞌé se‑chu̱vií ꞌu̱nj ado̱nj ―taj Jesús Si̱j ꞌNi̱j Raꞌa man níꞌ rihaan Ananías a.

Romanos 14:18

Dan me se nij síí ꞌyaj da̱nj roꞌ, ya̱ si̱j noco̱ꞌ man Cristó me nij soꞌ, ne̱ gu̱un niha̱ꞌ rá Yaꞌanj ni̱ꞌyaj Yaꞌanj man nij soꞌ, ne̱ cata̱j yuvii̱ ne nocoꞌ man Cristó se vaa veꞌé ꞌyaj nij soꞌ a.

Romanos 16:10

Ne̱ cata̱j soj rihaan síí cuꞌna̱j Apeles se vaa veꞌé ca̱yáán soꞌ, raj á. Neꞌen níꞌ se vaa síí noco̱ꞌ xraan man Cristó me soꞌ a. Cata̱j soj rihaan nij tucua̱ síí cuꞌna̱j Aristóbulo se vaa veꞌé cuma̱n nij soꞌ, raj á.

Romanos 3:5

Vaa taꞌa̱j yuvii̱ ne acaj sa̱ꞌ cuentá cata̱j a: “Ga̱a ꞌyaj núj se chiꞌi̱i̱, ne̱ doj a̱ neꞌen yuvii̱ se vaa síí nica̱ ina̱nj rá me Yaꞌanj a. Sese da̱nj vaa, ne̱ ne nó xcúún Yaꞌanj quiꞌya̱j Yaꞌanj sayuun man núj cheꞌé se chiꞌi̱i̱ ꞌyaj núj maꞌ”, taj nij yuvii̱ yoꞌ a.

Romanos 5:8

Xa̱ꞌ Yaꞌanj, tza̱j ne̱ nda̱ꞌ se tumé níꞌ cacunꞌ, tza̱j ne̱ caviꞌ Cristó cheꞌé níꞌ, ne̱ nayón soꞌ rihaan níꞌ, quiꞌyaj Yaꞌanj, ne̱ veé dan me se tihaa̱n Yaꞌanj rihaan níꞌ se vaa ꞌe̱e̱ ndoꞌo rá Yaꞌanj man níꞌ ado̱nj.

1 Corintios 3:5

Da̱j si̱j me síí cuꞌna̱j Apolos, ne̱ da̱j si̱j mej, rá soj ga̱. Ma̱an se síí ꞌyaj u̱u̱n se‑su̱u̱n Síí ꞌNi̱j Raꞌa man níꞌ me rój, ne̱ ino̱ vaa suun ata̱ ꞌo̱ ꞌo̱ rój, quiꞌyaj soꞌ, ne̱ cheꞌé suun quiꞌyaj rój roꞌ, cheꞌé dan amán rá soj niꞌya̱j soj man Síí ꞌNi̱j Raꞌa man níꞌ a.

1 Corintios 4:1

Dan me se me rá núj xca̱j cunuda̱nj yuvii̱ cuentá se vaa si̱j nu̱u̱ rihaan Cristó me núj, ne̱ no̱ xcúún núj nata̱ꞌ núj nana̱ sa̱ꞌ yuve̱ me rá Yaꞌanj ti̱haa̱n naca̱ Yaꞌanj man yuvii̱ na̱nj á.

1 Corintios 9:11

Ne̱ ase vaa síí ꞌyaj suun yoꞌóó roꞌ, da̱nj vaa núj cheꞌé soj, ne̱ dan me se caxríj núj snana̱ Yaꞌanj nimán soj, ne̱ cavi̱i̱ sa̱ꞌ nij soj nu̱ꞌ cavii nu̱ꞌ caꞌanj, ne̱ cheꞌé dan, sese rque̱ soj do̱j se chá ma̱n rihaan chumii̱ nihánj rihaan núj, ne̱ né se yaꞌa̱nj tihaꞌ me yoꞌ rihaan núj maꞌ.

2 Corintios 11:23

ꞌYaj nij soꞌ se‑su̱u̱n Cristó, taj nij soꞌ naꞌ. ꞌO̱ se nihánj me nana̱ snu̱j cata̱j ꞌu̱nj rihaan soj se vaa ꞌu̱nj me síí ꞌyaj doj se‑su̱u̱n Cristó rihaan nij soꞌ na̱nj ado̱nj. Dan me se ꞌu̱nj nihánj roꞌ, me síí quiꞌnij doj tagaꞌ cheꞌé Cristó rihaan nij soꞌ do̱ꞌ, uxrá goꞌ nii cuartá xráá ꞌu̱nj cheꞌé Cristó do̱ꞌ, queꞌe̱e̱ güii da̱j doj se cavíꞌ ꞌu̱nj cheꞌé Cristó do̱ꞌ,

2 Corintios 11:27

Dan me se a̱j su̱u̱n ndoꞌo quiránꞌ ꞌu̱nj rihaan nij sayuun, ne̱ queꞌe̱e̱ yanꞌ ne caꞌve̱e coto̱j, ne̱ taꞌa̱j güii me se quinaꞌaan ndoꞌo rquej, ne̱ ꞌó taꞌa̱j güii canacoo̱ ndoꞌoj na, ne̱ quisíj queꞌe̱e̱ ndoꞌo ne quiri̱j se chá cha̱j, ne̱ taꞌa̱j güii me se goꞌ ndoꞌo ya̱ nuvij xráj, ne̱ ꞌó taꞌa̱j güii me se ne quiri̱ꞌ yá ꞌu̱nj yatzíj ca̱ráán xráá ꞌu̱nj uún, ne̱ dan me se vaa ca̱nj yá ꞌu̱nj ta̱ꞌ asuun na̱nj á.

2 Corintios 11:9

Ne̱ ga̱a cayáán ꞌu̱nj ga̱ soj, ne̱ ga̱a cachiin rasu̱u̱n mán ꞌu̱nj, ne̱ a̱ ꞌó rasu̱u̱n ne cachi̱nj ꞌu̱nj man soj a̱ maꞌ. Ma̱an se nij tinúú níꞌ nij síí caꞌnaꞌ estadó Macedonia roꞌ, rqué nij soꞌ nu̱ꞌ se vaa cachiin manj, ne̱ dan me se ne cara̱a̱ chrúú ꞌu̱nj a̱ doj rihaan soj a̱ maꞌ. Dan me se veé da̱nj qui̱ꞌyáj rej riha̱a̱n, ne̱ se̱ caráj chrúj rihaan soj, raj maan ado̱nj.

2 Corintios 12:10

Dan me se cheꞌé se ninaj ꞌu̱nj do̱ꞌ, cheꞌé se uun naꞌa̱j ꞌu̱nj do̱ꞌ, cheꞌé se ránꞌ ꞌu̱nj sayuun do̱ꞌ, cheꞌé se ꞌyaj ndoꞌo nii sayuun manj do̱ꞌ, cheꞌé nu̱ꞌ se ránꞌ ꞌu̱nj cheꞌé Cristó do̱ꞌ, cheꞌé dan uun niha̱ꞌ ndoꞌo raj chugua̱nj. ꞌO̱ se cheꞌé se síí ninaj mej roꞌ, cheꞌé dan gu̱un nu̱cuáj na̱nj ado̱nj.

2 Corintios 12:12

ꞌO̱ se da̱j a̱ nij suun sa̱ꞌ noco̱o ꞌyaj nij síí cuneꞌ Jesucristó roꞌ, quiꞌyáj niꞌya̱j soj, ne̱ dan me se naquiꞌyaj na̱j ndoꞌo ꞌu̱nj nimanj, ne̱ ne caꞌne̱ꞌ raj ga̱ suun ꞌyaj nij suun sa̱ꞌ noco̱o yoꞌ maꞌ.

2 Corintios 2:17

ꞌO̱ se núj me se ne ꞌyaj núj nda̱a vaa ꞌyaj taꞌa̱j nij síí aꞌmii natáj snana̱ Yaꞌanj a̱ maꞌ. ꞌO̱ se taꞌa̱j nij soꞌ me síí me ina̱nj rá quiꞌya̱j canaán saꞌanj cheꞌé snana̱ Yaꞌanj, ne̱ xa̱ꞌ núj, tza̱j ne̱ ina̱nj nana̱ ya̱ me rá núj caꞌmi̱i̱ núj, ne̱ naꞌvej rá núj caꞌne̱e̱ núj saꞌanj cheꞌé snana̱ Yaꞌanj rihaan yuvii̱ maꞌ. ꞌO̱ se Yaꞌanj me síí caꞌneꞌ suun rihaan núj caꞌmi̱i̱ natáj núj, ne̱ tumé Yaꞌanj man núj da̱j caꞌmi̱i̱ núj, ne̱ síí noco̱ꞌ man Cristó me núj ado̱nj.

2 Corintios 3:6

Ne̱ Yaꞌanj me síí quiꞌyaj guun nucua̱j núj cataj xnaꞌanj núj cheꞌé tucuáán naca̱ cuchruj Yaꞌanj cheꞌé yuvii̱ ado̱nj. Ne̱ xa̱ꞌ tucuáán naca̱ yoꞌ, tza̱j ne̱ né ina̱nj tucuáán no̱ rihaan yanj da̱j vaa no̱ xcúún níꞌ canoco̱ꞌ níꞌ me tucuáán naca̱ yoꞌ maꞌ. ꞌO̱ se se̱ guun nucua̱j níꞌ canoco̱ꞌ níꞌ tucuáán no̱ rihaan yanj maꞌ. Xa̱ꞌ tucuáán no̱ rihaan yanj, tza̱j ne̱ cavi̱ꞌ nimán níꞌ, quiꞌya̱j tucuáán vaa da̱nj na̱nj á. Dan me se xa̱ꞌ tucuáán naca̱ cuchruj Yaꞌanj cheꞌé níꞌ, tza̱j ne̱ tana̱nj a̱ cunu̱u iꞌna̱ꞌ nimán níꞌ quiꞌya̱j Nimán Yaꞌanj cheꞌé tucuáán naca̱ yoꞌ na̱nj ado̱nj.

2 Corintios 4:17

Cuano̱ ya̱j me se vaa do̱j sayuun ranꞌ núj, tza̱j ne̱ raꞌya̱nj cache̱n nu̱ꞌ sayuun yoꞌ, ne̱ cheꞌé sayuun roꞌ, cavi̱i̱ sa̱ꞌ uxrá núj nu̱ꞌ cavii nu̱ꞌ caꞌanj na̱nj á.

2 Corintios 4:2

Tana̱nj a̱ ꞌo̱ tanáj xco̱ núj nu̱ꞌ nij rasu̱u̱n naꞌa̱j chiꞌi̱i̱ ꞌyaj yuve̱ nii ado̱nj. Ne aꞌmii núj nana̱ tihaꞌ yuꞌunj maꞌ. Ne aꞌmii ne̱ núj cheꞌé snana̱ Yaꞌanj maꞌ. Ina̱nj nana̱ ya̱ aꞌmii núj cuno̱ cunuda̱nj yuvii̱, ne̱ xca̱j maꞌa̱n nij yuvii̱ cuentá se vaa ya̱ vaa nana̱ aꞌmii núj, ne̱ Yaꞌanj me síí uno nu̱ꞌ nana̱ aꞌmii núj na̱nj á.

2 Corintios 4:8

Dan me se me rej maꞌa̱n va̱j núj, ne̱ ꞌyaj nii sayuun man núj, tza̱j ne̱ rqué Yaꞌanj rej nani̱i̱ núj rihaan sayuun yoꞌ a. Chuꞌviꞌ nimán núj, tza̱j ne̱ ne riꞌ nimán núj maꞌ.

2 Corintios 7:11

ꞌO̱ se xca̱j soj cuentá se vaa veꞌé ndoꞌo quiꞌyaj soj, cheꞌé se quinanó rá soj cheꞌé cacunꞌ quiꞌyaj soj, quiꞌyaj Yaꞌanj á. ꞌO̱ se cuna̱j caꞌmii soj cheꞌé nana̱ caꞌmii núj do̱ꞌ, nachriꞌ soj niꞌya̱j soj cacunꞌ tumé yuvii̱ ꞌni̱j scaꞌnúj soj do̱ꞌ, caráj cochro̱j ndoꞌo soj niꞌya̱j soj Yaꞌanj do̱ꞌ, guun rá soj queneꞌe̱n soj man núj do̱ꞌ, guun niha̱ꞌ rá soj quiꞌya̱j soj sayuun man síí quiꞌyaj cacunꞌ do̱ꞌ a. Nu̱ꞌ nihánj quiꞌyaj soj, tihaa̱n soj se vaa né si̱j tumé cacunꞌ me maꞌa̱n soj maꞌ.

Colosenses 1:11

Yaꞌanj me síí nucua̱j uxrá, ne̱ achíín niꞌya̱j núj se vaa caꞌne̱j ndoꞌo Yaꞌanj se nucua̱j nimán soj, ga̱a ne̱ caꞌve̱e ga̱a̱ sca̱ꞌ rá soj rihaan sayuun quiꞌya̱j yuvii̱ man soj, ne̱ ga̱a̱ ina̱j nimán soj, ne̱ ga̱a̱ niha̱ꞌ nimán soj,

Colosenses 1:24

A̱j quiránꞌ ꞌu̱nj sayuun cheꞌé nij soj, ne̱ nihánj me guun niha̱ꞌ raj cheꞌé sayuun ránꞌ ꞌu̱nj á. Dan me se ase vaa sayuun quiranꞌ Cristó cheꞌé nij síí noco̱ꞌ man soꞌ roꞌ, da̱nj vaa sayuun ranꞌ ma̱ꞌán ꞌu̱nj cheꞌé xꞌneꞌ yuvii̱ noco̱ꞌ man soꞌ a.

1 Tesalonicenses 3:7

Nda̱ꞌ se ranꞌ ndoꞌo núj sayuun, tza̱j ne̱ cuano̱ nihánj me guun niha̱ꞌ uxrá rá núj ga̱a cuno núj se vaa veꞌé uxrá amán rá soj niꞌya̱j soj man Cristó, tinu̱j, nocoj.

1 Tesalonicenses 5:14

Ne̱ cuano̱ nihánj me rquee̱ núj man soj se vaa nago̱ꞌ soj chrej nucua̱j man nij síí rmi̱i̱ se vaa quiꞌya̱j suun nij soꞌ, tinu̱j, nocoj. Sese vaa síí chuꞌviꞌ nimán, ne̱ caꞌmi̱i̱ soj nana̱ sa̱ꞌ rihaan soꞌ, ne̱ nari̱ꞌ nucuaj nimán soꞌ, quiꞌya̱j soj á. Ra̱cuíj soj man nij yuvii̱ ninaj nimán, ne̱ ga̱a̱ ina̱j nimán soj ni̱ꞌyaj soj man cunuda̱nj yuvii̱ á.

1 Timoteo 2:15

Tza̱j ne̱ cavi̱i̱ sa̱ꞌ nij chana̱ ga̱a cuchru̱j chana̱ neꞌej, sese ꞌo̱ cuchuma̱n rá chana̱ ni̱ꞌyaj chana̱ man Yaꞌanj do̱ꞌ, sese ꞌo̱ cunu̱u ꞌe̱e̱ rá chana̱ tuviꞌ chana̱ do̱ꞌ, sese ꞌo̱ cunu̱u sa̱ꞌ nimán chana̱ rihaan Yaꞌanj do̱ꞌ, ne̱ veꞌé tu̱mé chana̱ man maꞌa̱n chana̱ da̱j quiꞌya̱j noꞌ ado̱nj.

1 Timoteo 4:6

Sese tu̱cuꞌyón so̱ꞌ tucuáán nihánj rihaan ꞌó nij tinúú níꞌ síí noco̱ꞌ man Cristó, ne̱ síí veꞌé ꞌyaj se‑su̱u̱n Cristó Jesús mé so̱ꞌ chugua̱nj. ꞌO̱ se tucuꞌyón nii tucuáán sa̱ꞌ yoꞌ rihaan so̱ꞌ, ne̱ cuchumán rá so̱ꞌ, ne̱ canocóꞌ so̱ꞌ tucuáán yoꞌ a.

1 Timoteo 6:11

Tza̱j ne̱ so̱ꞌ si̱j noco̱ꞌ man Yaꞌanj me se se̱ guun rá so̱ꞌ quiꞌya̱j canaán so̱ꞌ noco̱o saꞌanj maꞌ. Tana̱nj nano̱ꞌ so̱ꞌ naquiꞌya̱j nica̱ so̱ꞌ man yuvii̱ do̱ꞌ, canoco̱ꞌ xraan so̱ꞌ man Yaꞌanj do̱ꞌ, cuchuma̱n uxrá rá so̱ꞌ man Yaꞌanj do̱ꞌ, ga̱a̱ ꞌe̱e̱ rá so̱ꞌ man yuvii̱ do̱ꞌ, ga̱a̱ nucua̱j nimán so̱ꞌ rihaan sayuun do̱ꞌ, ga̱a̱ naj nimán so̱ꞌ do̱ꞌ á.

2 Timoteo 1:8

Cheꞌé dan se̱ guun naꞌa̱j so̱ꞌ nata̱ꞌ so̱ꞌ rihaan yuvii̱ cheꞌé Síí ꞌNi̱j Raꞌa man níꞌ maꞌ. Ne̱ se̱ guun naꞌa̱j so̱ꞌ cheꞌé se ꞌni̱j ꞌu̱nj tagaꞌ maꞌ. Se̱ cuchuꞌvíꞌ so̱ꞌ qui̱ránꞌ so̱ꞌ sayuun maꞌ. Ra̱cuíj so̱ꞌ manj caꞌmi̱i̱ natáj níꞌ nana̱ sa̱ꞌ cheꞌé Cristó, ne̱ Yaꞌanj me síí quiꞌya̱j gu̱un nucua̱j níꞌ ado̱nj.

2 Timoteo 2:24

Ne nó xcúún síí ꞌyaj se‑su̱u̱n Síí ꞌNi̱j Raꞌa man níꞌ cano̱ tuviꞌ soꞌ da̱nj maꞌ. Tana̱nj veꞌé quiꞌya̱j soꞌ cheꞌé cunuda̱nj yuvii̱, ne̱ veꞌé tu̱cuꞌyón soꞌ, ne̱ na̱j ga̱a̱ nimán soꞌ,

2 Timoteo 4:5

Tza̱j ne̱ so̱ꞌ me se caꞌne̱j sa̱ꞌ ina̱nj so̱ꞌ tucuáán sa̱ꞌ, ne̱ ga̱a̱ ina̱j nimán so̱ꞌ ga̱a ránꞌ so̱ꞌ sayuun, ne̱ ꞌo̱ qui̱ꞌyáá so̱ꞌ suun caꞌmi̱i̱ natáj so̱ꞌ nana̱ sa̱ꞌ cheꞌé Cristó rihaan nij síí ataa cuchuma̱n rá na̱nj á. Dan me se quiꞌyáá so̱ꞌ nu̱ꞌ suun caꞌneꞌ Yaꞌanj rihaan so̱ꞌ á.

Hebreos 12:1

Ri̱i̱ uxrá nij síí amán rá niꞌya̱j man Yaꞌanj, nij síí ma̱n ga̱a naá, ne̱ nicu̱nꞌ nij soꞌ nu̱ꞌ anica̱j rej ma̱n níꞌ tihaa̱n nij soꞌ man níꞌ suun noco̱ꞌ xraan man Yaꞌanj a. Cheꞌé dan ta̱náj xco̱ níꞌ nu̱ꞌ se vaa ca̱ráán chrej rihaan níꞌ, ne̱ ta̱náj xco̱ níꞌ nu̱ꞌ chrej chiꞌi̱i̱ na̱nj á. ꞌO̱ se sayu̱u̱n ndoꞌo vaa ta̱náj xco̱ níꞌ chrej chiꞌi̱i̱ yoꞌ ado̱nj. Ne̱ dan me se ꞌo̱ quiꞌya̱j níꞌ nu̱ꞌ suun vaa rihaan níꞌ á. Dan me se ase vaa síí unánj tico tuviꞌ roꞌ, da̱nj ga̱a̱ níꞌ, ne̱ se̱ caꞌneꞌ rá níꞌ caꞌa̱nj níꞌ rej rihaan níꞌ maꞌ.

Apocalipsis 1:9

ꞌU̱nj si̱j cuꞌna̱j Juan roꞌ, tinúú soj mé ꞌu̱nj, ne̱ cheꞌé se nuu rcuꞌa̱a̱n níꞌ ga̱ Jesús roꞌ, síí ranꞌ sayuun ga̱ soj mé ꞌu̱nj, ne̱ síí uun chij Yaꞌanj rihaan mej ga̱ soj, ne̱ síí nucua̱j nimán rihaan sayuun mej ga̱ soj ado̱nj. Dan me se yáán ꞌu̱nj yoꞌóó ta̱j rihaan na yaꞌa̱nj yoꞌóó cuꞌna̱j Patmos, ne̱ yoꞌ me rej caꞌnéé nii manj cheꞌé se si̱j nataꞌ snana̱ Yaꞌanj mej ne̱ si̱j taj xnaꞌanj nana̱ cheꞌé Jesús mej a.

Apocalipsis 3:10

Cheꞌé se a̱j quiꞌyaj soj nu̱ꞌ nda̱a vaa taj snana̱j nana̱ taj se vaa no̱ xcúún soj ga̱a̱ nucua̱j nimán soj rihaan sayuun roꞌ, cheꞌé dan ti̱nanii ꞌu̱nj man soj rihaan sayuun caꞌna̱ꞌ rihaan nu̱ꞌ chumii̱ nihánj vaa güii, asa̱ꞌ xca̱j ꞌu̱nj cuentá da̱j vaa nimán cunuda̱nj nij yuvii̱ ma̱n rihaan chumii̱ ado̱nj.