2 Corintios 6:2 - Triqui de San Juan Copala

² ꞌO̱ se nana̱ nihánj me nana̱ caꞌmii Yaꞌanj ado̱nj: Güii no̱ xcúún cu̱nó ꞌu̱nj me se cunó ꞌu̱nj nana̱ cachíín niꞌya̱j soj rihaan ꞌu̱nj a. Güii nanii yuvii̱ me se racuíj ꞌu̱nj man soj cavi̱i̱ sa̱ꞌ soj a. Da̱nj cataj Yaꞌanj ga̱a naá a. Xca̱j soj cuentá á. Cuano̱ nihánj me güii cunuu ꞌe̱e̱ rá Yaꞌanj man soj, ne̱ cuano̱ nihánj me güii caꞌve̱e cavi̱i̱ sa̱ꞌ soj chugua̱nj.

2 Corintios 6:2 ပူးပေါင်းရင်းမြစ်များ

San Lucas 18:37

Ga̱a ne̱ cataj xnaꞌanj nii rihaan soꞌ se vaa Jesús síí cavii chumanꞌ Nazaret me síí achén rej ya̱nj nij soꞌ a.

San Lucas 4:19

Caꞌnéé Yaꞌanj manj cata̱j xnaꞌanj ꞌu̱nj se vaa ya̱j roꞌ, me rá Yaꞌanj cavi̱i̱ sa̱ꞌ nij síí noco̱ꞌ man soꞌ quiꞌya̱j soꞌ ado̱nj. Nu̱ꞌ nihánj me nana̱ nayaa Jesús a.

Hebreos 3:13

Tana̱nj a̱ nago̱ꞌ soj chrej nucua̱j man tinúú soj da̱j a̱ güii ga̱a vaa yaꞌnúj rihaan soj á. Da̱nj quiꞌya̱j soj, se̱ gaa na̱nj gu̱un nichra̱j rá tinúú soj quiꞌya̱j nana̱ ne̱ chiꞌi̱i̱ a.

Hebreos 3:7

Cheꞌé dan cuno̱ níꞌ nana̱ nihánj nana̱ caꞌmii Nimán Yaꞌanj á: Cuanꞌ roꞌ, sese ya̱ cuno soj nana̱ caꞌmii Yaꞌanj,

Hebreos 4:7

Cheꞌé dan cachrón uún Yaꞌanj ꞌó güii canoco̱ꞌ yuvii̱ man soꞌ, ne̱ cuano̱ nihánj me güii yoꞌ ado̱nj. Ne̱ maꞌa̱n rey cuꞌna̱j David caꞌmii snana̱ Yaꞌanj nana̱ yoꞌ nana̱ a̱j cachrón ꞌu̱nj rihaan yanj nihánj, cataj soꞌ a: Cuanꞌ roꞌ, sese ya̱ cuno soj nana̱ caꞌmii Yaꞌanj, ne̱ se̱ naquiꞌyaj nichra̱j soj nimán soj maꞌ, taj David a.