2 Corintios 6:16 - Triqui de San Juan Copala

¹⁶ Ne̱ xa̱ꞌ níꞌ si̱j noco̱ꞌ man Yaꞌanj, tza̱j ne̱ asa̱ꞌ caꞌve̱e cunu̱u chre̱ꞌ níꞌ ga̱ yaꞌanj quiꞌyaj maꞌa̱n yuvii̱, rá soj ga̱. Ne̱ xa̱ꞌ Yaꞌanj, tza̱j ne̱ síí vaa iꞌna̱ꞌ me soꞌ, ne̱ ya̱nj soꞌ nimán níꞌ ado̱nj. ꞌO̱ cuya̱a̱n vaa nana̱ nihánj ga̱ nana̱ caꞌmii Yaꞌanj ga̱a naá ga̱a cataj Yaꞌanj a: Ca̱yáán ꞌu̱nj ga̱ nij soꞌ, ne̱ cache̱e̱ ꞌu̱nj ga̱ nij soꞌ, ne̱ guún ꞌu̱nj Taꞌanj nij soꞌ, ne̱ gu̱un nij soꞌ se‑chuma̱nꞌ ꞌu̱nj a, taj Yaꞌanj ga̱a naá a.

2 Corintios 6:16 ပူးပေါင်းရင်းမြစ်များ

San Mateo 16:16

Ga̱a ne̱ cataj síí cuꞌna̱j Simón Pedró a: ―Síí Caꞌnéé Yaꞌanj Ti̱nanii man Yuvii̱ rihaan Sayuun mé so̱ꞌ, ne̱ Taꞌni̱j Yaꞌanj si̱j vaa iꞌna̱ꞌ ya̱ mé so̱ꞌ na̱nj ado̱nj ―taj soꞌ rihaan Jesús a.

San Mateo 6:24

’Taj va̱j síí gu̱un nucua̱j quiꞌya̱j suun sa̱ꞌ rihaan vi̱j ruꞌvee maꞌ. Sese quiꞌya̱j suun ꞌo̱ soꞌ rihaan vi̱j ruꞌvee, ne̱ nachri̱ꞌ soꞌ ni̱ꞌyaj soꞌ man ꞌo̱ ruꞌvee yoꞌ, ne̱ cara̱nꞌ rá soꞌ ni̱ꞌyaj soꞌ man ꞌó ruꞌvee yoꞌ a. Se̱ guun nucua̱j soꞌ cara̱nꞌ rá soꞌ ni̱ꞌyaj soꞌ man vi̱j ruꞌvee maꞌ. Ne̱ xa̱ꞌ soj, tza̱j ne̱ se̱ caꞌvee quiꞌya̱j soj se‑su̱u̱n Yaꞌanj ne̱ quiꞌya̱j suun soj cheꞌé rej gu̱un ruꞌvee soj rihaan chumii̱ nihánj a̱ maꞌ.

San Lucas 5:36

Ga̱a ne̱ caꞌmii Jesús ꞌó nana̱ rihaan nij soꞌ, cataj soꞌ a: ―Ase vaa yatzíj sinꞌ vaa tucuáán nga̱ noco̱ꞌ soj, ne̱ se̱ guun cutzi̱nꞌ níꞌ yatzíj naca̱ ne̱ naꞌne̱j níꞌ man yatzíj nga̱ maꞌ. Sese da̱nj quiꞌya̱j níꞌ, ga̱a ne̱ quiri̱ꞌ nu̱ꞌ yatzíj naca̱ yoꞌ na̱nj ado̱nj. Ga̱a ne̱ ino̱ uxrá ga̱a̱ yatzíj naca̱ rihaan yatzíj nga̱ yoꞌ na̱nj ado̱nj.

San Juan 14:23

Ga̱a ne̱ cataj Jesús rihaan soꞌ a: ―Síí aráj cochro̱j rihanj me se cuno̱ soꞌ snana̱j, ne̱ cunu̱u ꞌe̱e̱ rá Réj Yaꞌanj man soꞌ, ga̱a ne̱ cuchi̱ꞌ rój rihaan soꞌ, ne̱ ꞌo̱ ca̱yáán rój ga̱ soꞌ ado̱nj.

San Juan 6:56

Ne̱ síí chá nee̱ manj ne̱ coꞌo ton manj me se ꞌo̱ ca̱yáán soꞌ ga̱ ꞌu̱nj, ne̱ ꞌo̱ ca̱yáán ꞌu̱nj ga̱ soꞌ chugua̱nj.

Romanos 8:11

Ne̱ neꞌen soj se vaa cunuu iꞌna̱ꞌ uún Jesús ga̱a caviꞌ soꞌ, quiꞌyaj Yaꞌanj, ne̱ maꞌa̱n Nimán Yaꞌanj nuû nimán soj, ne̱ cheꞌé dan asa̱ꞌ caviꞌ soj, ne̱ cunu̱u naca̱ nee̱ man soj vaa güii, quiꞌya̱j uún Yaꞌanj a.

Romanos 8:9

Tza̱j ne̱ ino̱ uxrá vaa nij soj sese ya̱ ya̱nj Nimán Yaꞌanj nimán soj á. Cheꞌé dan ne ꞌyaj soj nda̱a vaa me rá nee̱ man soj quiꞌya̱j soj maꞌ. Tana̱nj ina̱nj rihaan Nimán Yaꞌanj uno soj, ne̱ dan me se sese nuviꞌ Nimán Cristó yáán nimán ꞌo̱ soꞌ, ne̱ né si̱j ꞌni̱j raꞌa Cristó man me soꞌ maꞌ.

Romanos 9:26

Dan me se ma̱an rej nicu̱nꞌ ꞌu̱nj ga̱a cataj ꞌu̱nj se vaa né se‑chuma̱nꞌ ꞌu̱nj me nij yuvii̱ roꞌ, ma̱an dan ca̱nicúnꞌ ꞌu̱nj cata̱j ꞌu̱nj se vaa taꞌni̱j ma̱ꞌanj me nij soꞌ a. ꞌO̱ se Yaꞌanj vaa iꞌna̱ꞌ mej ado̱nj. Da̱nj caꞌmii Yaꞌanj ga̱a naá a.

1 Corintios 10:21

Sese coꞌo̱ soj na vinó cheꞌé Síí ꞌNi̱j Raꞌa man níꞌ, ne̱ se̱ caꞌvee ca̱nica̱j soj coꞌo̱ soj na vinó cheꞌé nij nana̱ chre̱e maꞌ. Sese cha̱ soj rihaan Síí ꞌNi̱j Raꞌa man níꞌ, ne̱ se̱ caꞌvee ca̱nica̱j soj cha̱ soj rihaan nij nana̱ chre̱e maꞌ.

1 Corintios 6:19

Ne̱ ne neꞌen soj se vaa ase vaa nuvií sa̱ꞌ ndoꞌo vaa nee̱ man soj, ne̱ rej ya̱nj Nimán Yaꞌanj me yoꞌ a̱ naꞌ. Dan me se Yaꞌanj me síí rqué nee̱ man soj rihaan soj, ne̱ né siꞌya̱j maꞌa̱n soj me nee̱ man soj a̱ maan ado̱nj.

Efesios 2:20

Xa̱ꞌ tucuáán noco̱ꞌ ta̱ranꞌ níꞌ cuano̱ roꞌ, ase vaa ꞌo̱ veꞌ sa̱ꞌ ꞌyaj nii xráá yuvej sa̱ꞌ ina̱nj roꞌ, da̱nj vaa níꞌ a. Ne̱ nij yuvej sa̱ꞌ yoꞌ me nana̱ caꞌmii natáj núj si̱j cuneꞌ Jesucristó do̱ꞌ, nana̱ caꞌmii natáj nij síí nataꞌ snana̱ Yaꞌanj do̱ꞌ, ne̱ yuvej sa̱ꞌ doj rihaan ta̱ranꞌ nij yuvej na̱j tacóó veꞌ yoꞌ me se maꞌa̱n ya̱ Cristó Jesús me yoꞌ vaa na̱nj chugua̱nj.

Efesios 2:22

Ne̱ maꞌa̱n nij soj me se cheꞌé se noco̱ꞌ soj man Síí ꞌNi̱j Raꞌa man níꞌ, cheꞌé dan cunuu rcuaꞌa̱a̱n soj ga̱ ꞌó nij síí guun nuvií, ne̱ nihánj me se maꞌa̱n ya̱ Nimán Yaꞌanj yáán scaꞌnúj ta̱ranꞌ níꞌ ado̱nj.

Efesios 3:17

Ne̱ achíín ni̱ꞌyáj se vaa cuchuma̱n doj rá soj ni̱ꞌyaj soj man Cristó, ne̱ ꞌo̱ natu̱u̱ Cristó nimán soj quiꞌya̱j Yaꞌanj, ga̱a ne̱ ꞌo̱ cunu̱u ꞌe̱e̱ rá soj man ta̱ranꞌ tinúú soj ado̱nj.

1 Timoteo 3:15

Tza̱j ne̱ sese se̱ cuchiꞌ raꞌya̱nj ꞌu̱nj, ne̱ taj se ꞌyaj maꞌ. A̱j neꞌén so̱ꞌ da̱j quiꞌya̱j soj si̱j noco̱ꞌ man Yaꞌanj ga̱a yáán soj ga̱ tinúú soj ado̱nj. ꞌO̱ se tucuá Yaꞌanj me xꞌneꞌ cunuda̱nj soj síí noco̱ꞌ man Yaꞌanj si̱j vaa iꞌna̱ꞌ ya̱ na̱nj á. Cheꞌé maꞌa̱n soj me se acaj yuvii̱ cuentá se vaa ya̱ vaa snana̱ Yaꞌanj ne̱ maꞌa̱n soj me síí nica̱j nana̱ ya̱ ado̱nj.

2 Timoteo 1:14

Ne̱ Nimán Yaꞌanj nu̱u̱ nimán so̱ꞌ roꞌ, ra̱cuíj mán so̱ꞌ se vaa ꞌo̱ qui̱ꞌyáá so̱ꞌ suun sa̱ꞌ caꞌneꞌ Yaꞌanj rihaan so̱ꞌ qui̱ꞌyáá so̱ꞌ á. Ne̱ veꞌé ni̱caj so̱ꞌ tucuáán sa̱ꞌ naríꞌ so̱ꞌ á.

Hebreos 3:6

Tza̱j ne̱ Cristó me se né mo̱zó me soꞌ maꞌ. Tana̱nj taꞌníí síí tucua̱ ya̱ veꞌ me soꞌ ado̱nj. Ne̱ veé da̱nj ꞌyaj soꞌ nu̱ꞌ suun vaa rihaan soꞌ rá veꞌ, ne̱ dan me se maꞌa̱n ya̱ níꞌ me veꞌ yoꞌ, sese ꞌo̱ gu̱un ya̱ rá níꞌ se vaa cavi̱i̱ sa̱ꞌ níꞌ, quiꞌya̱j Yaꞌanj, ne̱ sese gu̱un niha̱ꞌ rá níꞌ cata̱j xnaꞌanj níꞌ cheꞌé yoꞌ rihaan tuviꞌ níꞌ, ne̱ sese se̱ cuchuꞌviꞌ níꞌ canoco̱ꞌ níꞌ man Yaꞌanj ado̱nj.

Hebreos 8:10

Dan me se ino̱ doj ga̱a̱ nana̱ naca̱ nana̱ tu̱cuꞌyonj rihaan nij taꞌníí taꞌnij siꞌno̱ síí cuꞌna̱j Israel asa̱ꞌ quisíj güii yoꞌ ado̱nj, taj Síí ꞌNi̱j Raꞌa man níꞌ a. ꞌO̱ se caꞌne̱j ꞌu̱nj snana̱j nimán nij soꞌ, ne̱ queneꞌe̱n maꞌa̱n nij soꞌ da̱j me rá ꞌu̱nj quiꞌya̱j nij soꞌ ado̱nj. Ne̱ guún ꞌu̱nj Taꞌanj nij soꞌ, ne̱ gu̱un nij soꞌ se‑chuma̱nꞌ ꞌu̱nj ado̱nj.

Santiago 4:5

Ne̱ xca̱j soj cuentá se vaa ne tuꞌva rmaꞌa̱n nana̱ nihánj nana̱ aꞌmii Danj Yaꞌanj maꞌ: “Yaꞌanj quiꞌyaj nimán níꞌ, ne̱ me uxrá rá Yaꞌanj canoco̱ꞌ nimán níꞌ man o̱rúnꞌ soꞌ a”, taj Danj Yaꞌanj ado̱nj.

1 Pedro 2:5

Ne̱ ase vaa nij yuvej leꞌe̱j nii nataꞌ xráá yuvej xi̱j roꞌ, da̱nj vaa ta̱ranꞌ soj, sese canoco̱ꞌ xraan soj man Jesucristó, ne̱ veꞌé cuma̱n rcuaꞌa̱a̱n soj, quiꞌya̱j Jesucristó a. Ga̱a ne̱ cunu̱u sa̱ꞌ nimán soj, ga̱a ne̱ ase vaa xrej narii Yaꞌanj cu̱nuû rihaan soꞌ roꞌ, da̱nj ga̱a̱ soj rihaan Yaꞌanj a. Ne̱ ase vaa se sa̱ꞌ rqué nij xrej rihaan Yaꞌanj roꞌ, da̱nj ga̱a̱ se sa̱ꞌ quiꞌya̱j soj cheꞌé Jesucristó, ga̱a ne̱ cara̱nꞌ rá Yaꞌanj se vaa ꞌyaj soj ado̱nj.

1 Juan 4:12

A̱ doj yuvii̱ ne queneꞌe̱n rihaan man maꞌa̱n Yaꞌanj nu̱ꞌ cavii nu̱ꞌ caꞌnaꞌ maꞌ. Tza̱j ne̱ sese ga̱a̱ ꞌe̱e̱ rá níꞌ man tuviꞌ níꞌ, ne̱ ya̱ ya̱nj Yaꞌanj nimán níꞌ, ne̱ a̱j cunuu sa̱ꞌ nimán níꞌ nda̱a vaa guun rá Yaꞌanj ga̱a cunuu ꞌe̱e̱ rá Yaꞌanj man níꞌ a.

1 Juan 4:15

Ne̱ síí taj rihaan tuviꞌ se vaa Taꞌníí Yaꞌanj me Jesús roꞌ, soꞌ me síí ꞌo̱ nocoꞌ man Yaꞌanj, ne̱ ꞌo̱ ne Yaꞌanj ga̱ soꞌ chugua̱nj.

Apocalipsis 2:1

Ga̱a ne̱ cataj soꞌ rihanj a: ―Nana̱ nihánj me nana̱ cachro̱n so̱ꞌ caꞌne̱j so̱ꞌ rihaan síí caꞌnéé Yaꞌanj ni̱caj yuꞌunj man xꞌneꞌ nij síí noco̱ꞌ manj ya̱nj chumanꞌ Éfeso á: “Dan me se nihánj me nana̱ aꞌmii ꞌu̱nj si̱j nica̱j chi̱j yatiꞌ raꞌa rej nuva̱ꞌ ado̱nj. Ne̱ si̱j va̱j scaꞌnúj chi̱j nij agaꞌ oró míí ta̱j agaꞌ yaꞌan mej ado̱nj.

Apocalipsis 21:3

Ga̱a ne̱ cunó ꞌu̱nj nana̱ caꞌmii síí ta̱j chruun xlá sa̱ꞌ, cataj soꞌ a: ―Ni̱ꞌyaj soj á. Nihánj me tucuá Yaꞌanj ca̱yáán rej ya̱nj yuvii̱, ne̱ ca̱yáán rcuaꞌa̱a̱n Yaꞌanj ga̱ nij soꞌ, ne̱ Taꞌanj nij soꞌ gu̱un soꞌ na̱nj ado̱nj.

Apocalipsis 21:7

Ne̱ síí ꞌyaj canaán roꞌ, gu̱un soꞌ síí ni̱caj cunuda̱nj rasu̱u̱n siꞌyáá ꞌu̱nj, ne̱ ꞌu̱nj roꞌ, gu̱un Taꞌanj nij soꞌ, ne̱ nij soꞌ roꞌ, gu̱un taꞌníj ado̱nj.