2 Corintios 6:15 - Triqui de San Juan Copala

¹⁵ Asa̱ꞌ caꞌve̱e cuya̱a̱n ga̱a̱ rá Cristó ga̱ Síí Chre̱e, rá soj ga̱. Ne̱ caꞌve̱e cuya̱a̱n ga̱a̱ rá síí noco̱ꞌ man Cristó ga̱ síí naꞌvej rá canoco̱ꞌ man Cristó, rá soj naꞌ. Taj maꞌ.

2 Corintios 6:15 ပူးပေါင်းရင်းမြစ်များ

San Marcos 16:16

Ne̱ me maꞌa̱n ꞌo̱ síí cuchuma̱n rá snana̱ soj ne̱ cata̱ꞌ ne, ne̱ soꞌ me síí nani̱i̱ rihaan sayuun ne̱ cavi̱i̱ sa̱ꞌ quiꞌya̱j Yaꞌanj, tza̱j ne̱ síí naꞌvej rá cuchuma̱n rá snana̱ soj me se quiꞌya̱j Yaꞌanj sayuun man soꞌ cheꞌé cacunꞌ tumé soꞌ ado̱nj.

Hechos 5:14

Cuchumán rá queꞌe̱e̱ ndoꞌo nij snóꞌo do̱ꞌ, nij chana̱ do̱ꞌ, niꞌya̱j nij soꞌ man Jesús Si̱j ꞌNi̱j Raꞌa man níꞌ, ne̱ cheꞌé dan guun ri̱i̱ doj nij yuvii̱ noco̱ꞌ man soꞌ a.

Hechos 8:20

Ga̱a ne̱ cataj Pedró rihaan soꞌ a: ―Ta̱dó so̱ꞌ se̱ cacaa so̱ꞌ rihaan yaꞌan ga̱ se‑saꞌa̱nj so̱ꞌ á. Me cheꞌé guun rá so̱ꞌ se vaa aneꞌ se rqué u̱u̱n Yaꞌanj ga̱.

1 Corintios 6:6

Tza̱j ne̱ nuveé, ma̱an se ina̱nj anó tuviꞌ soj ga̱ tinúú soj maꞌ. Nda̱a ꞌanj soj uchruj soj cacunꞌ ꞌyaj tinúú soj rihaan nij síí ne nocoꞌ man Cristó, ne̱ nij uxrá vaa ꞌyaj soj ado̱nj.

1 Timoteo 5:8

Sese vaa yuvii̱ ne taj yaꞌanj man tuviꞌ yuvii̱ do̱ꞌ, man nij tucua̱ yuvii̱ do̱ꞌ, ne̱ né yuvi̱i̱ noco̱ꞌ stucua̱nj níꞌ si̱j noco̱ꞌ man Yaꞌanj me nij soꞌ maꞌ. Nij doj ꞌyaj yuvii̱ yoꞌ rihaan nij yuvii̱ ne nocoꞌ man Yaꞌanj ado̱nj.

1 Pedro 1:21

Ne̱ cheꞌé se vaa quiꞌyaj Cristó cheꞌé soj roꞌ, cheꞌé dan amán rá soj niꞌya̱j soj man Yaꞌanj cheꞌé se soꞌ me síí naquiꞌyaj iꞌna̱ꞌ man Cristó, ne̱ soꞌ me síí quiꞌyaj se vaa taj yuvii̱ se vaa niꞌndaj ya̱ sa̱ꞌ cavii Cristó a. Ne̱ cheꞌé se da̱nj quiꞌyaj Yaꞌanj roꞌ, cheꞌé dan amán rá soj niꞌya̱j soj man Yaꞌanj, ne̱ naꞌvi̱j soj quisi̱j güii cavi̱i̱ sa̱ꞌ ndoꞌo soj quiꞌya̱j soꞌ a.