2 Corintios 6:14 - Triqui de San Juan Copala

¹⁴ Se̱ guun gu̱un tuvi̱ꞌ soj ga̱ nij síí ne nocoꞌ man Cristó maꞌ. Se̱ guun quiꞌya̱j soj nda̱a vaa ꞌyaj nij soꞌ maꞌ. Asa̱ꞌ caꞌve̱e cuya̱a̱n ga̱a̱ rej ranga̱ꞌ ga̱ rej rmi̱ꞌ, rá soj ga̱. Cheꞌé dan, asa̱ꞌ caꞌve̱e gu̱un tuvi̱ꞌ síí me rá quiꞌya̱j sa̱ꞌ ga̱ síí me rá quiꞌya̱j cacunꞌ, rá soj ga̱.

2 Corintios 6:14 ပူးပေါင်းရင်းမြစ်များ

San Juan 7:7

Taj cheꞌé quita̱j riꞌyunj nij síí ma̱n rihaan chumii̱ nihánj man soj maꞌ. ꞌU̱nj roꞌ, vaa cheꞌé quita̱j riꞌyunj nij soꞌ, ese ꞌu̱nj me síí taj xnaꞌanj rihaan nij soꞌ se vaa chiꞌi̱i̱ ndoꞌo vaa ꞌyaj nij soꞌ ado̱nj.

Hechos 4:23

Dan me se naꞌnéé nii man Pedró ga̱ Juan, ne̱ cuchiꞌ ro̱j soꞌ rihaan tinúú ro̱j soꞌ, ga̱a ne̱ nataꞌ ro̱j soꞌ nu̱ꞌ nana̱ cataj nij xrej ata̱ suun noco̱o do̱ꞌ, nij síí uun chij do̱ꞌ, rihaan ro̱j soꞌ a.

1 Corintios 10:21

Sese coꞌo̱ soj na vinó cheꞌé Síí ꞌNi̱j Raꞌa man níꞌ, ne̱ se̱ caꞌvee ca̱nica̱j soj coꞌo̱ soj na vinó cheꞌé nij nana̱ chre̱e maꞌ. Sese cha̱ soj rihaan Síí ꞌNi̱j Raꞌa man níꞌ, ne̱ se̱ caꞌvee ca̱nica̱j soj cha̱ soj rihaan nij nana̱ chre̱e maꞌ.

1 Corintios 15:33

Caꞌne̱ꞌ rá soj ga̱ suun tihaꞌ yuꞌunj man maꞌa̱n na̱nj á. Nda̱ꞌ se sa̱ꞌ vaa nimán soj, tza̱j ne̱ sese cache̱e̱ soj ga̱ síí chiꞌi̱i̱, ne̱ nu̱u chiꞌi̱i̱ nimán soj, quiꞌya̱j nij soꞌ ado̱nj.

1 Corintios 5:9

A̱j caꞌnéé ꞌu̱nj nana̱ rihaan soj rihaan ꞌó yanj se vaa se̱ cunuu chre̱ꞌ soj ga̱ nij síí otoj ga̱ ꞌó yuvii̱ sese né ni̱ca̱ nij soꞌ me maꞌ.

1 Corintios 6:6

Tza̱j ne̱ nuveé, ma̱an se ina̱nj anó tuviꞌ soj ga̱ tinúú soj maꞌ. Nda̱a ꞌanj soj uchruj soj cacunꞌ ꞌyaj tinúú soj rihaan nij síí ne nocoꞌ man Cristó, ne̱ nij uxrá vaa ꞌyaj soj ado̱nj.

1 Corintios 7:39

No̱ xcúún chana̱ ca̱yáán chana̱ ga̱ nica̱ chana̱ nda̱a se cavi̱ꞌ soꞌ, tza̱j ne̱ sese caviꞌ nica̱ chana̱, ne̱ caꞌve̱e xca̱j chana̱ man na̱j guun snóꞌo me rá maꞌa̱n noꞌ xca̱j noꞌ, tza̱j ne̱ no̱ xcúún noꞌ xca̱j noꞌ man síí noco̱ꞌ man Síí ꞌNi̱j Raꞌa man níꞌ a.

Filipenses 2:15

Ne̱ gu̱un soj síí sa̱ꞌ, ne̱ taj cacunꞌ tu̱mé soj rihaan Yaꞌanj maꞌ. Ne̱ nda̱ꞌ se chéé soj ga̱ yuvii̱ vaa qui̱j nimán ma̱n rihaan chumii̱ nihánj cuano̱, tza̱j ne̱ veꞌé cuno̱ soj rihaan Yaꞌanj, ne̱ ꞌo̱ ya̱ gu̱un taꞌni̱j Yaꞌanj man soj chugua̱nj. Dan me se ase vaa veꞌé ndoꞌo vaa chuguu̱n nij yatiꞌ rej xta̱ꞌ roꞌ, da̱nj veꞌé uxrá curuvi̱ꞌ soj scaꞌnúj nij yuvii̱ ma̱n rihaan chumii̱ nihánj, ne̱

Santiago 4:4

Ne̱ ase vaa chana̱ otoj ga̱ ꞌó snóꞌo roꞌ, da̱nj vaa soj, ne̱ ne nocoꞌ ya̱ nimán soj man Yaꞌanj a̱ maꞌ. Xca̱j soj cuentá se vaa síí me rá cavi̱i̱ sa̱ꞌ ina̱nj rihaan chumii̱ nihánj roꞌ, soꞌ me síí ta̱j riꞌyunj man Yaꞌanj ado̱nj. Ya̱ uxrá á.