2 Corintios 5:19 - Triqui de San Juan Copala

¹⁹ Dan me se maꞌa̱n Yaꞌanj caꞌnéé man Cristó rihaan chumii̱ nihánj, ne̱ cheꞌé se vaa quiꞌyaj Cristó roꞌ, cheꞌé dan caꞌve̱e naꞌmi̱i̱ sa̱ꞌ yuvii̱ ga̱ Yaꞌanj, quiꞌya̱j Yaꞌanj, ne̱ tiri̱ꞌ Yaꞌanj cuentá cheꞌé cacunꞌ tumé nij yuvii̱ a. Ne̱ Cristó me síí rqué nana̱ nihánj man núj cata̱j xnaꞌanj núj nana̱ nihánj rihaan yuvii̱, quiꞌyaj uún Yaꞌanj na̱nj á.

2 Corintios 5:19 ပူးပေါင်းရင်းမြစ်များ

San Mateo 1:23

Ni̱ꞌyaj soj á. Nari̱ꞌ ꞌo̱ chana̱ ya̱a̱n neꞌej, ne̱ cuchru̱j noꞌ neꞌej sno̱ꞌo, ne̱ Emanuel cuꞌna̱j neꞌej ado̱nj, da̱nj caꞌmii Yaꞌanj Si̱j ꞌNi̱j Raꞌa man níꞌ ga̱a naá rihaan síí nataꞌ snana̱ Yaꞌanj, ne̱ nana̱ Emanuel me raj cata̱a se vaa ca̱yáán maꞌa̱n Yaꞌanj ga̱ níꞌ ado̱nj.

San Juan 14:20

’Asa̱ꞌ queneꞌen soj manj ne̱ queneꞌe̱n soj se vaa cuya̱a̱n vaa rá ꞌu̱nj ga̱ Réj, ne̱ cuya̱a̱n ga̱a̱ rá soj ga̱ ꞌu̱nj, ne̱ cuya̱a̱n ga̱a̱ rá ꞌu̱nj ga̱ soj na̱nj ado̱nj.

San Juan 17:23

Dan me se ca̱yáán ꞌu̱nj ga̱ nij soꞌ nda̱a vaa yáán so̱ꞌ ga̱ ꞌu̱nj, cheꞌé rej ga̱a̱ cuya̱a̱n nu̱ꞌ nimán ta̱ranꞌ nij soꞌ á. Nda̱a síj, ga̱a ne̱ queneꞌe̱n nij síí noco̱ꞌ se‑chre̱j chumii̱ nihánj se vaa ma̱ꞌán so̱ꞌ caꞌnéé mán ꞌu̱nj, ne̱ queneꞌe̱n nij soꞌ se vaa ꞌe̱e̱ rá so̱ꞌ man nij síí rqué so̱ꞌ mán ꞌu̱nj da̱j se vaa ꞌe̱e̱ rá so̱ꞌ mán ꞌu̱nj ado̱nj.

Romanos 11:15

Ga̱a quiriꞌíj yaníj Yaꞌanj man nij yuvii̱ israelitá, ne̱ cunuu rcuaꞌa̱a̱n ꞌó nij yuvii̱ ma̱n rihaan chumii̱ ga̱ Yaꞌanj, ne̱ asa̱ꞌ nacaj uún Yaꞌanj man nij yuvii̱ israelitá, ne̱ ase vaa síí naꞌnúj roꞌ, da̱nj ga̱a̱ nij soꞌ, cavi̱i̱ sa̱ꞌ uxrá nij soꞌ na̱nj á.

1 Corintios 13:5

Síí ꞌe̱e̱ rá man tuviꞌ roꞌ, ina̱nj veꞌé ꞌyaj soꞌ rihaan tuviꞌ soꞌ, ne̱ ne aráyaꞌa̱nj soꞌ ina̱nj maꞌa̱n soꞌ maꞌ. ꞌO̱ se aráyaꞌa̱nj soꞌ tuviꞌ soꞌ a. Ne raꞌya̱nj rá soꞌ caꞌma̱an rá soꞌ maꞌ. Ne nuû rá soꞌ sayuun quiꞌyaj yuvii̱ man soꞌ ga̱a rque̱ maꞌ.

Colosenses 2:9

ꞌO̱ se ase vaa maꞌa̱n Yaꞌanj roꞌ, da̱nj vaa Cristó, tza̱j ne̱ vaa nee̱ man Cristó, ne̱ cheꞌé dan ruviꞌ Cristó rihaan níꞌ, ne̱ xcaj níꞌ cuentá da̱j vaa maꞌa̱n Yaꞌanj uún chugua̱nj.

1 Timoteo 3:16

Neꞌen cunuda̱nj níꞌ se vaa noco̱o uxrá vaa nana̱ sa̱ꞌ yuve̱ tihaa̱n naca̱ Yaꞌanj man níꞌ nana̱ canocoꞌ níꞌ, ne̱ nihánj me nana̱ yoꞌ a: Curiha̱nj Yaꞌanj rihaan chumii̱, ne̱ guun soꞌ yuvii̱ a. Veꞌé ndoꞌo quiꞌyaj soꞌ, cataj Nimán Yaꞌanj a. Queneꞌen nij se‑mo̱zó Yaꞌanj man soꞌ a. Nataꞌ nii cheꞌé soꞌ rihaan nij yuvii̱ yaníj a. Cuchumán rá taꞌa̱j nij síí ma̱n rihaan chumii̱ nihánj niꞌya̱j nij soꞌ man soꞌ a. Quinanꞌ soꞌ xta̱ꞌ, ne̱ niꞌndaj ya̱ veꞌé nacaj nij síí ma̱n xta̱ꞌ man soꞌ a. Yoꞌ me nana̱ noco̱ꞌ níꞌ a.

1 Juan 4:10

Ne̱ vaa cheꞌé xca̱j níꞌ cuentá se vaa ne cara̱a̱ cochro̱j níꞌ rihaan Yaꞌanj asino ya̱a̱n maꞌ. Tana̱nj asino ya̱a̱n me se cunuu ꞌe̱e̱ rá Yaꞌanj niꞌya̱j Yaꞌanj man níꞌ, ga̱a ne̱ caꞌnéé soꞌ man Taꞌníí soꞌ cheꞌé rej cavi̱ꞌ Taꞌníí soꞌ yan tinavi̱j Taꞌníí soꞌ cacunꞌ tumé níꞌ a.