2 Corintios 4:15 - Triqui de San Juan Copala

¹⁵ ꞌO̱ se ina̱nj cheꞌé soj ranꞌ núj nu̱ꞌ se vaa ranꞌ núj, cheꞌé yan ni̱caj queꞌe̱e̱ ndoꞌo soj se lu̱j quiꞌya̱j Yaꞌanj, ga̱a ne̱ gu̱un ri̱i̱ doj níꞌ si̱j cata̱j guun niꞌya̱j níꞌ rihaan Yaꞌanj, ne̱ gu̱un ri̱i̱ doj níꞌ si̱j veꞌé aꞌmii cheꞌé Yaꞌanj ado̱nj.

2 Corintios 4:15 ပူးပေါင်းရင်းမြစ်များ

Romanos 8:28

Dan me se neꞌen níꞌ se vaa racuíj ndoꞌo Yaꞌanj man níꞌ si̱j aráj cochro̱j rihaan soꞌ na̱nj á. ꞌO̱ se canacúún Yaꞌanj man níꞌ ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj, ne̱ cheꞌé dan me nu̱ꞌ se ranꞌ níꞌ rihaan chumii̱ nihánj roꞌ, ꞌyaj yoꞌ se vaa sa̱ꞌ doj cavi̱i̱ níꞌ nu̱ꞌ cavii nu̱ꞌ caꞌanj ado̱nj.

1 Corintios 9:19

Né mo̱zó mej rihaan yuvii̱ maꞌ. A̱ ꞌó yuvii̱ se̱ guun nucua̱j quiri̱i̱ taꞌngaꞌ rihanj, tza̱j ne̱ naquiꞌyaj yá ꞌu̱nj mozó manj rihaan cunuda̱nj yuvii̱, cheꞌé se me raj gu̱un ri̱i̱ ndoꞌo yuvii̱ canoco̱ꞌ man Cristó ado̱nj.

2 Corintios 1:11

Ne̱ racuíj ndoꞌo soj man núj achíín niꞌya̱j soj rihaan Yaꞌanj cheꞌé núj a. Dan me se uno Yaꞌanj se vaa achíín niꞌya̱j queꞌe̱e̱ yuvii̱ rihaan soꞌ cheꞌé núj, ne̱ quiꞌya̱j soꞌ se lu̱j cheꞌé núj ti̱nanii soꞌ man núj rihaan sayuun ado̱nj. Ne̱ cata̱j queꞌe̱e̱ níꞌ guun niꞌya̱j níꞌ rihaan Yaꞌanj cheꞌé se vaa tinanii soꞌ man núj rihaan sayuun á.

2 Corintios 8:19

Ne̱ caꞌneꞌ nij xꞌneꞌ nij síí noco̱ꞌ man Cristó suun rihaan soꞌ caꞌa̱nj soꞌ ga̱ núj ra̱cuíj soꞌ man núj ta̱cuachén núj saꞌanj yoꞌ rihaan nij síí nique̱ yoꞌ, ga̱a ne̱ uxrá veꞌé caꞌmi̱i̱ yuvii̱ cheꞌé Síí ꞌNi̱j Raꞌa man níꞌ, ne̱ gu̱un niha̱ꞌ doj rá maꞌa̱n núj quiꞌya̱j núj suun yoꞌ chugua̱nj.

Gálatas 1:24

Dan me se caráyaꞌa̱nj ndoꞌo nij soꞌ, ne̱ cataj nij soꞌ se vaa sa̱ꞌ uxrá quiꞌyaj Yaꞌanj ga̱ ꞌu̱nj ado̱nj.

Colosenses 1:24

A̱j quiránꞌ ꞌu̱nj sayuun cheꞌé nij soj, ne̱ nihánj me guun niha̱ꞌ raj cheꞌé sayuun ránꞌ ꞌu̱nj á. Dan me se ase vaa sayuun quiranꞌ Cristó cheꞌé nij síí noco̱ꞌ man soꞌ roꞌ, da̱nj vaa sayuun ranꞌ ma̱ꞌán ꞌu̱nj cheꞌé xꞌneꞌ yuvii̱ noco̱ꞌ man soꞌ a.

1 Timoteo 1:14

Tana̱nj quiꞌyaj uxrá Cristó Jesús Si̱j ꞌNi̱j Raꞌa man níꞌ se lu̱j ga̱ ꞌu̱nj, se vaa cuchumán rá ꞌu̱nj niꞌya̱j ꞌu̱nj man soꞌ, ne̱ cunuu ꞌe̱e̱ raj tuvij, quiꞌyaj soꞌ ado̱nj.

2 Timoteo 2:10

Cheꞌé dan uun nu̱cuáá ꞌu̱nj rihaan me maꞌa̱n sayuun cheꞌé se ꞌe̱e̱ rá ꞌu̱nj man nij síí narii Yaꞌanj man a. ꞌO̱ se da̱nj ga̱a̱ qui̱ránꞌ ꞌu̱nj, ga̱a ne̱ caꞌve̱e nani̱i̱ nij soꞌ ga̱ ꞌu̱nj rihaan sayuun cheꞌé se vaa quiꞌyaj Cristó Jesús cheꞌé níꞌ, ne̱ niꞌndaj ya̱ veꞌé ga̱a̱ níꞌ ga̱ Yaꞌanj nu̱ꞌ cavii nu̱ꞌ caꞌanj na̱nj ado̱nj.

1 Pedro 2:9

Xa̱ꞌ soj, tza̱j ne̱ si̱j narii Yaꞌanj me soj, ne̱ xrej uun chij ya̱ nu̱u̱ rihaan Yaꞌanj me soj, ne̱ xꞌneꞌ nij síí cunuu sa̱ꞌ nimán uun chij Yaꞌanj rihaan me soj ado̱nj. Cheꞌé se me rá Yaꞌanj nata̱ꞌ soj cheꞌé se sa̱ꞌ uxrá quiꞌyaj soꞌ roꞌ, cheꞌé dan narii soꞌ man soj ado̱nj. Dan me se si̱j noco̱ꞌ tucuáán rmi̱ꞌ me soj ga̱a naá, tza̱j ne̱ canacúún Yaꞌanj man soj xca̱j soj cuentá, ne̱ cuna̱j uxrá vaa stucua̱nj Yaꞌanj tucuáán noco̱ꞌ soj cuano̱ na̱nj á.

1 Pedro 4:11

Sese caꞌmi̱i̱ natáj ꞌo̱ tuviꞌ soj, ne̱ ꞌo̱ cu̱nuû rá soꞌ se vaa snana̱ Yaꞌanj me nij nana̱ aꞌmii natáj soꞌ á. Sese ra̱cuíj ꞌo̱ tuviꞌ soj man soj, ne̱ quiꞌya̱j soꞌ nu̱ꞌ nda̱a vaa gu̱un nucua̱j soꞌ quiꞌya̱j soꞌ quiꞌya̱j Yaꞌanj á. Ga̱a ne̱ caꞌve̱e caꞌmi̱i̱ sa̱ꞌ yuvii̱ cheꞌé Yaꞌanj ni̱ꞌyaj nij yuvii̱ man soj si̱j noco̱ꞌ man Cristó chugua̱nj. Ne̱ Yaꞌanj me se nu̱ꞌ cavii nu̱ꞌ caꞌanj veꞌé uxrá caꞌmi̱i̱ níꞌ cheꞌé soꞌ, ne̱ gu̱un chij ndoꞌo soꞌ ado̱nj. Veé da̱nj ga̱a̱ ya̱ ado̱nj.