2 Corintios 4:10 - Triqui de San Juan Copala

¹⁰ Niga̱nj neꞌen ya̱ núj se vaa ase guun rá nii ga̱a ticaviꞌ nii man Jesús roꞌ, veé da̱nj me rá nii ticavi̱ꞌ nii man núj ado̱nj. Cheꞌé se ne cavi̱ꞌ núj, ga̱a ne̱ caráyaꞌa̱nj uxrá nij yuvii̱ ado̱nj. Ne̱ xca̱j nij yuvii̱ cuentá se vaa vaa iꞌna̱ꞌ núj cheꞌé se ya̱nj Jesús nimán núj ne̱ tumé soꞌ man núj ado̱nj.

2 Corintios 4:10 ပူးပေါင်းရင်းမြစ်များ

San Juan 14:19

Nichrunꞌ caꞌa̱nj ꞌu̱nj, ne̱ se̱ queneꞌen uún nij síí noco̱ꞌ se‑chre̱j chumii̱ nihánj manj maꞌ. Tza̱j ne̱ queneꞌe̱n maꞌa̱n soj manj, cheꞌé se ꞌo̱ vaa iꞌna̱ꞌ ꞌu̱nj, ne̱ ga̱a̱ iꞌna̱ꞌ nimán soj ado̱nj.

Romanos 6:5

Dan me se sese ya̱ ya̱ tanáj níꞌ chrej chiꞌi̱i̱ cheꞌé soꞌ, ga̱a ne̱ ya̱ ya̱ cunu̱u sa̱ꞌ nimán níꞌ cheꞌé soꞌ ado̱nj.

Romanos 6:8

Dan me se sese caviꞌ níꞌ ga̱ Cristó, ne̱ canocoꞌ níꞌ man soꞌ, ne̱ dan me se caviꞌ se chiꞌi̱i̱ ma̱n nimán níꞌ na̱nj ado̱nj. Ne̱ cunuu iꞌna̱ꞌ uún soꞌ, ne̱ cheꞌé dan amán rá níꞌ se vaa caꞌve̱e ca̱yáán sa̱ꞌ nimán níꞌ ga̱ soꞌ na̱nj ado̱nj.

Romanos 8:36

No̱ nana̱ rihaan Danj Yaꞌanj taj se vaa cheꞌé se noco̱ꞌ níꞌ man Yaꞌanj, cheꞌé dan me rá yuvii̱ ticavi̱ꞌ yuvii̱ man níꞌ da̱j a̱ orá, ne̱ ase vaa ticaviꞌ nii man matzinj roꞌ, da̱nj me rá nii ticavi̱ꞌ nii man níꞌ, taj Danj Yaꞌanj a.

2 Corintios 1:5

Dan me se nda̱ꞌ rá se vaa quiranꞌ uxrá Cristó sayuun roꞌ, da̱nj vaa ꞌnaꞌ uxrá sayuun xráá núj, ne̱ cheꞌé dan cunuu ꞌe̱e̱ uxrá rá Cristó man núj cheꞌé sayuun ranꞌ núj ado̱nj. Cheꞌé dan nariꞌ nucuaj rá núj cheꞌé Cristó, ꞌyaj Yaꞌanj a.

2 Corintios 1:9

Dan me se ꞌo̱ sayuun noco̱o ya̱ ya̱ me yoꞌ, ne̱ rá se vaa síí nataꞌ se‑cacu̱nꞌ cavi̱ꞌ roꞌ, da̱nj vaa guun rá núj na̱nj ado̱nj. Tza̱j ne̱ ꞌo̱ se cuna̱j uxrá quiranꞌ núj da̱nj, ga̱a ne̱ yu̱u̱n cheꞌe̱ se̱ gaa nucua̱j rá núj man maꞌa̱n núj maꞌ. ꞌO̱ se vaa cheꞌé ga̱a̱ nucua̱j ya̱ rá núj man Yaꞌanj síí naquiꞌyaj iꞌna̱ꞌ man yuvii̱ caviꞌ na̱nj ado̱nj.

2 Corintios 13:4

Dan me se caꞌvej rá Cristó gu̱un nucua̱j doj yuvii̱ rihaan soꞌ, ne̱ cachrón nii man soꞌ rihaan rcutze̱, tza̱j ne̱ guun nucua̱j soꞌ cunuu iꞌna̱ꞌ uún soꞌ, quiꞌyaj Yaꞌanj, ne̱ cheꞌé se noco̱ꞌ núj man Cristó roꞌ, cheꞌé dan ase vaa síí ninaj vaa maꞌa̱n núj rihaan chumii̱ nihánj, tza̱j ne̱ Yaꞌanj roꞌ, me síí rque̱ se nucua̱j man núj, ga̱a ne̱ gu̱un nucua̱j núj ga̱ Cristó quiꞌya̱j núj se‑su̱u̱n Yaꞌanj cheꞌé nij soj na̱nj ado̱nj.

2 Corintios 4:11

Dan me se vaa iꞌna̱ꞌ núj rihaan chumii̱ nihánj, tza̱j ne̱ niga̱nj neꞌen núj se vaa caꞌve̱e cavi̱ꞌ núj cheꞌé se noco̱ꞌ núj man Jesús, ne̱ neꞌen yuvii̱ se vaa caꞌve̱e cavi̱ꞌ núj, tza̱j ne̱ xcaj nij yuvii̱ cuentá se vaa vaa iꞌna̱ꞌ núj cheꞌé se ya̱nj Jesús nimán núj ne̱ racuíj ndoꞌo soꞌ man núj ado̱nj.

Gálatas 6:17

Dan me se a̱j ta̱j ndoꞌo yaa̱n mán ꞌu̱nj cheꞌé se quiranꞌ ndoꞌo ꞌu̱nj sayuun cheꞌé se natáꞌ ꞌu̱nj rihaan yuvii̱ cheꞌé Jesús, ne̱ cheꞌé dan naꞌvej rá ꞌu̱nj quiꞌya̱j soj doj sayuun mán ꞌu̱nj a̱ maꞌ.

Colosenses 1:24

A̱j quiránꞌ ꞌu̱nj sayuun cheꞌé nij soj, ne̱ nihánj me guun niha̱ꞌ raj cheꞌé sayuun ránꞌ ꞌu̱nj á. Dan me se ase vaa sayuun quiranꞌ Cristó cheꞌé nij síí noco̱ꞌ man soꞌ roꞌ, da̱nj vaa sayuun ranꞌ ma̱ꞌán ꞌu̱nj cheꞌé xꞌneꞌ yuvii̱ noco̱ꞌ man soꞌ a.

2 Timoteo 2:11

Ya̱ uxrá vaa nana̱ nihánj ado̱nj: Sese a̱j caviꞌ níꞌ ga̱ soꞌ, ne̱ ga̱a̱ iꞌna̱ꞌ níꞌ ga̱ soꞌ uún a.

1 Pedro 4:13

Ma̱an se gu̱un niha̱ꞌ rá nimán soj cheꞌé se ase quiranꞌ Cristó sayuun roꞌ, da̱nj vaa ranꞌ gue̱e̱ soj ga̱ soꞌ, ga̱a ne̱ caꞌve̱e gu̱un niha̱ꞌ doj rá nimán soj güii caꞌna̱ꞌ uún soꞌ rihaan chumii̱ nihánj, cheꞌé se niꞌndaj ya̱ sa̱ꞌ veꞌé ga̱a̱ soꞌ curuvi̱ꞌ soꞌ na̱nj ado̱nj.

1 Pedro 4:14

Sese nachri̱ꞌ yuvii̱ ni̱ꞌyaj yuvii̱ man soj cheꞌé se si̱j noco̱ꞌ man Cristó me soj, ne̱ vaa cheꞌé gu̱un niha̱ꞌ rá soj ado̱nj. ꞌO̱ se ya̱nj Nimán Yaꞌanj ga̱ soj, ne̱ niꞌndaj ya̱ sa̱ꞌ vaa Nimán Yaꞌanj ado̱nj. Ya̱ aꞌmii qui̱j yuvii̱ cheꞌé Nimán Yaꞌanj, tza̱j ne̱ soj me se aꞌmii sa̱ꞌ ndoꞌo soj cheꞌé soꞌ a.

Apocalipsis 1:17

Dan me se ga̱a queneꞌén ꞌu̱nj man soꞌ, ne̱ naxrúꞌ ꞌu̱nj caꞌanj qui̱náá ꞌu̱nj rihaan yoꞌóó tacóó soꞌ, ne̱ ase vaa síí caviꞌ roꞌ, da̱nj vaa ꞌu̱nj a. Dan me se cutaꞌ soꞌ raꞌa soꞌ rej nuva̱ꞌ soꞌ xráj, ne̱ cataj soꞌ a: ―Se̱ cuchuꞌvíꞌ so̱ꞌ maꞌ. ꞌU̱nj roꞌ, me síí táá ya̱a̱n rihaan cunuda̱nj, ne̱ veé ꞌu̱nj me síí noco̱ꞌ xco̱ rihaan cunuda̱nj ado̱nj.