2 Corintios 2:16 - Triqui de San Juan Copala

¹⁶ Ne̱ xa̱ꞌ nij síí caꞌa̱nj rihaan yaꞌan, tza̱j ne̱ nda̱ꞌ rá se vaa gunꞌ squíí xlá rihaan nij yuvii̱ caviꞌ roꞌ, da̱nj vaa snana̱ Yaꞌanj rihaan nij soꞌ a. Tza̱j ne̱ xa̱ꞌ nij síí nani̱i̱ rihaan sayuun me se nda̱ꞌ rá se uun ráꞌ ga̱a sa̱ꞌ uxrá gunꞌ squíí xlá roꞌ, da̱nj uun rá nij soꞌ ga̱a uno nij soꞌ snana̱ Yaꞌanj ado̱nj. Tza̱j ne̱ a̱ me síí uun nucua̱j ꞌyaj da̱nj, rá soj ga̱.

2 Corintios 2:16 ပူးပေါင်းရင်းမြစ်များ

San Lucas 2:34

ne̱ cachíín niꞌya̱j Simeón rihaan Yaꞌanj se vaa quiꞌya̱j Yaꞌanj se lu̱j ga̱ ro̱j ni̱ca̱ José a. Ga̱a ne̱ cataj soꞌ rihaan Mariá a: ―Ni̱ꞌyaj so̱ꞌ á. Cuneꞌ Yaꞌanj man neꞌej nihánj cheꞌé rej cavi̱i̱ sa̱ꞌ uxrá queꞌe̱e̱ tuviꞌ níꞌ si̱j israelitá, quiꞌya̱j soꞌ, tza̱j ne̱ queꞌe̱e̱ tuviꞌ níꞌ tuna̱, quiꞌya̱j uún soꞌ ado̱nj. Dan me se caꞌnéé Yaꞌanj man soꞌ cheꞌé rej xca̱j yuvii̱ cuentá cheꞌé Yaꞌanj, tza̱j ne̱ caꞌmi̱i̱ chiꞌi̱i̱ nii ni̱ꞌyaj nii man soꞌ ado̱nj.

San Juan 9:39

Ga̱a ne̱ cataj Jesús a: ―Caꞌnáꞌ ꞌu̱nj rihaan chumii̱ nihánj cheꞌé se no̱ xcúún ꞌu̱nj caꞌne̱ꞌ ꞌu̱nj cacunꞌ cheꞌé yuvii̱ ado̱nj. Dan me se xa̱ꞌ nij síí ne neꞌen, tza̱j ne̱ queneꞌe̱n nij soꞌ, qui̱ꞌyáj a. Ne̱ xa̱ꞌ nij síí guun rá se vaa a̱j quisíj xcaj nij soꞌ cuentá, tza̱j ne̱ ase vaa síí aráán rihaan roꞌ, da̱nj ga̱a̱ nij soꞌ, ne̱ se̱ caꞌvee xca̱j nij soꞌ cuentá maꞌ ―taj Jesús a.

1 Corintios 15:10

Tza̱j ne̱ quiꞌyaj uxrá Yaꞌanj se lu̱j cheꞌej, ne̱ racuíj maꞌa̱n Yaꞌanj manj, ne̱ cheꞌé dan mej síí ata̱ suun caꞌa̱nj nata̱ꞌ snana̱ Jesucristó cuano̱ ado̱nj. Né se quiꞌyaj rmaꞌa̱n Yaꞌanj da̱nj ga̱ ꞌu̱nj maꞌ. ꞌO̱ se ꞌu̱nj nihánj roꞌ, me síí ꞌyaj doj se‑su̱u̱n Yaꞌanj rihaan ꞌó da̱nj nij síí ata̱ suun caꞌa̱nj nata̱ꞌ snana̱ Jesucristó, tza̱j ne̱ né ma̱ꞌanj ꞌyaj se‑su̱u̱n Yaꞌanj maꞌ. ꞌO̱ se cheꞌé se racuíj Yaꞌanj manj roꞌ, cheꞌé dan ꞌyáj da̱nj ado̱nj.

2 Corintios 12:11

Dan me se nda̱ꞌ rá se tuꞌva ꞌo̱ síí snúú tuꞌvaj, tza̱j ne̱ maꞌa̱n soj quiꞌyaj dan tuꞌvaj da̱nj caꞌmii snu̱j ꞌu̱nj do̱j ado̱nj. ꞌO̱ se maꞌa̱n soj me síí no̱ xcúún cata̱j se vaa sa̱ꞌ ꞌyáj na̱nj ado̱nj. Nda̱ꞌ se taj yuꞌvee nó ꞌu̱nj, tza̱j ne̱ né si̱j sa̱ꞌ doj me ꞌó nij soꞌ rihanj maꞌ. Dan me se si̱j sa̱ꞌ uxrá me nij soꞌ, ne̱ maꞌa̱n nij síí cuneꞌ ya̱ maꞌa̱n Jesucristó caꞌa̱nj nata̱ꞌ snana̱ soꞌ me nij soꞌ, rá soj, tza̱j ne̱ né si̱j sa̱ꞌ doj me nij soꞌ rihanj maꞌ.