2 Corintios 13:7 - Triqui de San Juan Copala

⁷ ꞌO̱ se achíín niꞌya̱j núj rihaan Yaꞌanj se vaa a̱ ꞌó se chiꞌi̱i̱ se̱ quiꞌyaj soj maꞌ. Né cheꞌe̱ se me rá núj cata̱j yuvii̱ se vaa sa̱ꞌ quiꞌyaj núj me achíín niꞌya̱j núj da̱nj maꞌ. Tana̱nj cheꞌé se me rá núj sa̱ꞌ ina̱nj quiꞌya̱j soj, cheꞌé dan achíín niꞌya̱j núj da̱nj rihaan Yaꞌanj ado̱nj. Caꞌve̱e se cata̱j yuvii̱ se vaa síí tihaꞌ yuꞌunj me maꞌa̱n núj, tza̱j ne̱ ꞌo̱ sa̱ꞌ quiꞌya̱j soj na̱nj á.

2 Corintios 13:7 ပူးပေါင်းရင်းမြစ်များ

San Mateo 6:13

Ca̱ráán raꞌá so̱ꞌ xráá núj rihaan chrej chiꞌi̱i̱, ne̱ ti̱nanii so̱ꞌ man núj se̱ quiꞌyaj núj cacunꞌ, quiꞌya̱j Síí Chre̱e maꞌ. Ina̱nj da̱nj caꞌmi̱i̱ soj cachi̱nj niꞌya̱j soj rihaan Yaꞌanj ado̱nj.

San Juan 17:15

’ꞌO̱ se se̱ cachíín ni̱ꞌyáá ꞌu̱nj se vaa caꞌne̱e̱ so̱ꞌ man nij soꞌ rihaan chumii̱ nihánj maꞌ. Tana̱nj me rá ꞌu̱nj tu̱mé so̱ꞌ man nij soꞌ se̱ cunuu chiꞌi̱i̱ nimán nij soꞌ quiꞌya̱j Síí Chre̱e maꞌ.

Romanos 1:28

Ne caꞌve̱j rá nij yuvii̱ queneꞌe̱n nij yuvii̱ da̱j vaa Yaꞌanj a̱ maꞌ. Cheꞌé dan caꞌneꞌ rá Yaꞌanj ga̱ nij yuvii̱, ne̱ navij raa̱ nij yuvii̱ quiriꞌ na̱nj á. Nda̱a síj, ga̱a ne̱ ina̱nj se nij ꞌyaj nij yuvii̱, ne̱ dan me se ꞌyaj nij soꞌ ina̱nj se naꞌvej rá Yaꞌanj quiꞌya̱j nij soꞌ na̱nj ado̱nj.

Romanos 12:17

Sese quiꞌya̱j yuvii̱ se chiꞌi̱i̱ man soj, ne̱ se̱ guun rá soj quiꞌya̱j soj se chiꞌi̱i̱ man nij yuvii̱ maꞌ. Tana̱nj veꞌé quiꞌya̱j soj rihaan cunuda̱nj yuvii̱, ne̱ ina̱nj se sa̱ꞌ quiꞌya̱j soj ni̱ꞌyaj cunuda̱nj yuvii̱ á.

Romanos 13:13

Cheꞌé se cuchugu̱u̱n nimán níꞌ, cheꞌé dan ina̱nj veꞌé quiꞌya̱j níꞌ, ne̱ se̱ cachéé níꞌ chaꞌanj snúú rmaꞌa̱n do̱ꞌ, se̱ guun xno̱ níꞌ do̱ꞌ, se̱ cotoj níꞌ ga̱ ꞌó yuvii̱ né ni̱ca̱ níꞌ me do̱ꞌ, se̱ canó tuviꞌ níꞌ do̱ꞌ, se̱ guun xco̱j ruva̱a̱ rá níꞌ ni̱ꞌyaj níꞌ tuviꞌ níꞌ do̱ꞌ maꞌ.

Romanos 16:10

Ne̱ cata̱j soj rihaan síí cuꞌna̱j Apeles se vaa veꞌé ca̱yáán soꞌ, raj á. Neꞌen níꞌ se vaa síí noco̱ꞌ xraan man Cristó me soꞌ a. Cata̱j soj rihaan nij tucua̱ síí cuꞌna̱j Aristóbulo se vaa veꞌé cuma̱n nij soꞌ, raj á.

1 Corintios 11:19

ꞌO̱ se cuna̱j uxrá vaa cuxraꞌ taꞌa̱j soj man maꞌa̱n soj a̱ xe̱e̱. Ne̱ ya̱j me se xca̱j níꞌ cuentá ni̱ꞌyaj níꞌ me tuviꞌ soj me síí noco̱ꞌ ya̱ man Cristó raj ado̱nj.

2 Corintios 10:10

ꞌO̱ se neꞌen soj se vaa cataj taꞌa̱j nij síí ꞌni̱j scaꞌnúj soj se vaa nda̱ꞌ se nana̱ nucua̱j achrón ꞌu̱nj rihaan yanj cartá, tza̱j ne̱ ga̱a nicúnꞌ ꞌu̱nj rihaan soj, ne̱ ne gu̱un nu̱cuáá ꞌu̱nj caꞌmi̱i̱ sca̱ꞌ ꞌu̱nj rihaan soj, taj nij soꞌ a. Ma̱an se taj yuꞌvee nó nana̱ aꞌmii ꞌu̱nj rihaan soj ga̱a nicúnꞌ ꞌu̱nj rihaan soj, taj nij soꞌ a.

2 Corintios 10:18

ꞌO̱ se sese cata̱j ꞌo̱ soꞌ se vaa maꞌa̱n soꞌ quiꞌyaj se sa̱ꞌ, ne̱ taj se ꞌyaj maꞌ. Tza̱j ne̱ sese cata̱j Síí ꞌNi̱j Raꞌa man níꞌ se vaa sa̱ꞌ quiꞌyaj soꞌ, ne̱ ya̱ ya̱ sa̱ꞌ quiꞌyaj soꞌ chugua̱nj.

2 Corintios 13:6

ꞌO̱ se amán ya̱ raj, ne̱ me raj queneꞌe̱n soj se vaa né si̱j tihaꞌ yuꞌunj me núj maan chugua̱nj.

2 Corintios 13:8

ꞌO̱ se se̱ guun nucua̱j núj tiha̱ꞌ yuꞌunj núj man Yaꞌanj da̱j vaa nimán ꞌo̱ ꞌo̱ níꞌ maꞌ. Ma̱an se tana̱nj rquee̱ núj caꞌmi̱i̱ núj nana̱ ya̱ cheꞌé ꞌo̱ ꞌo̱ níꞌ a.

2 Corintios 13:9

Ne̱ caꞌve̱e se né si̱j nucua̱j me núj, tza̱j ne̱ uun niha̱ꞌ rá núj cheꞌé se si̱j nucua̱j me soj, ne̱ achíín niꞌya̱j núj rihaan Yaꞌanj se vaa rque̱ Yaꞌanj nu̱ꞌ se vaa achiin man nimán soj, ga̱a ne̱ quiꞌya̱j soj se‑su̱u̱n soꞌ a.

2 Corintios 6:4

ꞌO̱ se me rá núj ni̱ꞌyaj nii man núj ne̱ cata̱j nii se vaa ya̱ ya̱ si̱j ꞌyaj se‑su̱u̱n Yaꞌanj me núj, ne̱ cheꞌé dan nda̱ꞌ se ranꞌ núj sayuun, tza̱j ne̱ vaa ina̱j nimán núj na̱nj ado̱nj. Dan me se ranꞌ núj sayuun, ne̱ achiin rasu̱u̱n man núj, ne̱ chuꞌviꞌ nimán núj, ne̱ oꞌ nii cuartá xráá núj, ne̱ axríj nii tagaꞌ man núj, ne̱ nuu chre̱ꞌ nii quiꞌya̱j nii sayuun man núj a. Ne̱ ꞌyaj suun ndoꞌo núj cheꞌé yan quiꞌya̱j canaán núj cha̱ núj, ne̱ vaa güii narii ndoꞌo núj nej, ne̱ vaa güii, ne̱ ne vaa yaꞌnúj rihaan núj cha̱ núj, tza̱j ne̱ vaa ina̱j nimán núj, ne̱ ne aꞌneꞌ rá núj a̱ maꞌ.

2 Corintios 8:21

ꞌO̱ se nuchruj ra̱a̱ núj da̱j quiꞌya̱j núj ne̱ cara̱nꞌ rá Síí ꞌNi̱j Raꞌa man níꞌ ni̱ꞌyaj soꞌ man núj, ne̱ cara̱nꞌ rá yuvii̱ uún ni̱ꞌyaj nij yuvii̱ man núj ado̱nj.

Filipenses 4:8

Dan me se ina̱nj cheꞌé se ya̱ do̱ꞌ, cheꞌé se sa̱ꞌ do̱ꞌ, cheꞌé tucuáán sa̱ꞌ do̱ꞌ, cheꞌé se lu̱j do̱ꞌ, cheꞌé se nica̱ vaa nimán do̱ꞌ, cheꞌé se niꞌya̱nj do̱ꞌ, nuchru̱j ra̱a̱ soj, tinu̱j, nocoj. Dan me se sese veꞌé vaa se ꞌyaj ꞌo̱ soꞌ rá soj, ne̱ xca̱j soj cuentá, ne̱ nuchru̱j ra̱a̱ soj da̱j ꞌyaj soꞌ á.

1 Tesalonicenses 5:23

Yaꞌanj roꞌ, me síí naquiꞌyaj xe̱j nimán níꞌ, ne̱ me rá núj cunu̱u sa̱ꞌ ina̱nj nimán soj rihaan soꞌ, quiꞌya̱j maꞌa̱n soꞌ, ne̱ tu̱mé Yaꞌanj man maꞌa̱n soj nda̱a se quisi̱j güii caꞌna̱ꞌ uún Jesucristó Si̱j ꞌNi̱j Raꞌa man níꞌ a. Ne̱ dan me se me rá núj tu̱mé Yaꞌanj man nimán soj do̱ꞌ, man nee̱ man soj do̱ꞌ, ne̱ a̱ ꞌó cacunꞌ se̱ tumé soj a̱ maꞌ.

1 Timoteo 2:2

Ne̱ cachi̱nj niꞌya̱j soj cheꞌé cunuda̱nj nij síí nica̱j suun, ga̱a ne̱ ga̱a̱ dínj ca̱yáán níꞌ rihaan chumii̱ nihánj, ne̱ veꞌé quiꞌya̱j níꞌ, canoco̱ꞌ níꞌ man Yaꞌanj á.

2 Timoteo 2:15

Caꞌne̱j nucua̱j nimán so̱ꞌ, ga̱a ne̱ caꞌve̱e cata̱j Yaꞌanj se vaa síí veꞌé ꞌyaj se‑su̱u̱n soꞌ mé so̱ꞌ, ne̱ se̱ cunó chrej naꞌa̱j rihaan so̱ꞌ cheꞌé suun ꞌyáá so̱ꞌ maꞌ. Tana̱nj nata̱ꞌ nica̱ so̱ꞌ snana̱ Yaꞌanj nana̱ ya̱ ado̱nj.

2 Timoteo 4:18

Ne̱ Síí ꞌNi̱j Raꞌa man níꞌ me síí ti̱nanii manj rihaan da̱j a̱ se nij me rá nii quiꞌya̱j nii manj, ne̱ soꞌ me síí quiꞌya̱j cavi̱i̱ sa̱ꞌ ꞌu̱nj ca̱yáán ꞌu̱nj ga̱ soꞌ rej xta̱ꞌ rej uun chij soꞌ a. Cata̱j níꞌ se vaa niꞌndaj ya̱ sa̱ꞌ veꞌé vaa soꞌ nu̱ꞌ cavii nu̱ꞌ caꞌanj á. Veé da̱nj ga̱a̱ ya̱ ado̱nj.

Santiago 1:12

Síí nucua̱j nimán rihaan sayuun roꞌ, soꞌ me síí cavi̱i̱ sa̱ꞌ, ne̱ asa̱ꞌ quiꞌyaj canáán soꞌ rihaan sayuun, ne̱ rque̱ Yaꞌanj se sa̱ꞌ man soꞌ ase vaa rqué nii ꞌo̱ cachriin coroná sa̱ꞌ cu̱nuû raa̱ ꞌo̱ síí quiꞌyaj canaán a. Ne̱ se sa̱ꞌ yoꞌ me rej caꞌve̱e ca̱yáán so̱ꞌ ga̱ Yaꞌanj nu̱ꞌ cavii nu̱ꞌ caꞌanj, nda̱a vaa cataꞌ tuꞌva Yaꞌanj se vaa ya̱ quiꞌya̱j Yaꞌanj cheꞌé nij síí aráj cochro̱j rihaan soꞌ a.

1 Pedro 2:12

Ne̱ veꞌé ina̱nj quiꞌya̱j soj rej ya̱nj soj scaꞌnúj nij síí chiꞌi̱i̱ ma̱n rihaan chumii̱ nihánj, ga̱a ne̱ sese gu̱un rá nij soꞌ cuta̱ꞌ nij soꞌ cacunꞌ rmi̱ꞌ xráá soj se vaa nij ꞌyaj soj, ga̱a ne̱ xca̱j nij soꞌ cuentá se vaa veꞌé ina̱nj ꞌyaj soj ado̱nj. Ga̱a ne̱ güii caꞌna̱ꞌ Yaꞌanj rihaan chumii̱ nihánj caꞌne̱ꞌ soꞌ cacunꞌ cheꞌé yuvii̱ me se cata̱j nij soꞌ se vaa sa̱ꞌ uxrá vaa Yaꞌanj chugua̱nj.