2 Corintios 13:6 - Triqui de San Juan Copala

⁶ ꞌO̱ se amán ya̱ raj, ne̱ me raj queneꞌe̱n soj se vaa né si̱j tihaꞌ yuꞌunj me núj maan chugua̱nj.

2 Corintios 13:6 ပူးပေါင်းရင်းမြစ်များ

Romanos 1:28

Ne caꞌve̱j rá nij yuvii̱ queneꞌe̱n nij yuvii̱ da̱j vaa Yaꞌanj a̱ maꞌ. Cheꞌé dan caꞌneꞌ rá Yaꞌanj ga̱ nij yuvii̱, ne̱ navij raa̱ nij yuvii̱ quiriꞌ na̱nj á. Nda̱a síj, ga̱a ne̱ ina̱nj se nij ꞌyaj nij yuvii̱, ne̱ dan me se ꞌyaj nij soꞌ ina̱nj se naꞌvej rá Yaꞌanj quiꞌya̱j nij soꞌ na̱nj ado̱nj.

2 Corintios 12:20

ꞌO̱ se chuꞌvíꞌ ꞌu̱nj do̱j tzínꞌ se vaa cuchi̱ꞌ ꞌu̱nj chiháán soj ne̱ que̱neꞌenj se vaa ne ꞌyaj soj nda̱a vaa no̱ xcúún soj quiꞌya̱j soj, ne̱ cata̱j soj se vaa ne ꞌyáá ꞌu̱nj nda̱a vaa me rá soj qui̱ꞌyáá ꞌu̱nj a. Chuꞌvíꞌ ꞌu̱nj se vaa que̱neꞌén ꞌu̱nj se vaa aꞌmii unuꞌ soj ga̱ tinúú soj do̱ꞌ, se vaa uun xco̱j ruva̱a̱ rá soj niꞌya̱j soj tinúú soj do̱ꞌ, se vaa aꞌmaan rá soj niꞌya̱j soj tinúú soj do̱ꞌ, se vaa uxraꞌ taꞌa̱j soj man maꞌa̱n soj ne̱ uun rá soj cunu̱ꞌ soj do̱ꞌ, se vaa nanó soj cuentó ne̱ cheꞌé tinúú soj do̱ꞌ, se vaa aꞌmii soj nana̱ nij cheꞌé tinúú soj do̱ꞌ, se vaa aꞌmii xta̱ꞌ soj do̱ꞌ, se vaa vaa sayuun scaꞌnúj soj do̱ꞌ chugua̱nj.

2 Corintios 13:10

Cheꞌé dan cuano̱ nihánj me se cachrón ꞌu̱nj nana̱ nihánj rihaan yanj cartá naya̱a̱ soj a. Dan me se nda̱ꞌ se nuvíꞌ ꞌu̱nj yáán ga̱ soj cuano̱, tza̱j ne̱ cachrón ꞌu̱nj nana̱ nihánj, ga̱a ne̱ güii cuchi̱ꞌ ꞌu̱nj rihaan soj me se se̱ gaa suun rihanj quiꞌya̱j ndoꞌoj sayuun man soj a̱ maꞌ. Dan me se caꞌneꞌ Síí ꞌNi̱j Raꞌa man níꞌ suun rihanj cu̱tumej man soj, ne̱ dan me se naꞌvej rá soꞌ quiri̱ꞌ soj qui̱ꞌyáj a̱ maꞌ. ꞌO̱ se me rá soꞌ ra̱cuíj ꞌu̱nj man soj yan canoco̱ꞌ sa̱ꞌ soj man soꞌ ado̱nj.

2 Corintios 13:5

Xca̱j maꞌa̱n soj cuentá sese ya̱ ya̱ amán rá soj niꞌya̱j soj man Cristó á. Neꞌen soj se vaa ya̱nj Cristó ga̱ soj naꞌ. Ase ne neꞌen soj xa̱ꞌ. Ya̱ ne Cristó ga̱ soj, sese né si̱j tihaꞌ yuꞌunj me soj chugua̱nj.

2 Corintios 13:7

ꞌO̱ se achíín niꞌya̱j núj rihaan Yaꞌanj se vaa a̱ ꞌó se chiꞌi̱i̱ se̱ quiꞌyaj soj maꞌ. Né cheꞌe̱ se me rá núj cata̱j yuvii̱ se vaa sa̱ꞌ quiꞌyaj núj me achíín niꞌya̱j núj da̱nj maꞌ. Tana̱nj cheꞌé se me rá núj sa̱ꞌ ina̱nj quiꞌya̱j soj, cheꞌé dan achíín niꞌya̱j núj da̱nj rihaan Yaꞌanj ado̱nj. Caꞌve̱e se cata̱j yuvii̱ se vaa síí tihaꞌ yuꞌunj me maꞌa̱n núj, tza̱j ne̱ ꞌo̱ sa̱ꞌ quiꞌya̱j soj na̱nj á.