2 Corintios 12:3 - Triqui de San Juan Copala

^3-4 Ne̱ neꞌén ꞌu̱nj se vaa cavii ꞌu̱nj nda̱a rej niꞌndaj ya̱ veꞌé ndoꞌo vaa rej ya̱nj maꞌa̱n Yaꞌanj, quiꞌyaj Yaꞌanj, ne̱ cunó ꞌu̱nj nana̱ sa̱ꞌ ndoꞌo nana̱ ne nó xcúún yuvii̱ caꞌmi̱i̱ yuvii̱ a. Tza̱j ne̱ ne neꞌenj sese ina̱nj nimanj cavii caꞌanj niꞌ, ase nu̱ꞌ nee̱ manj cavii caꞌanj niꞌ, ne neꞌen yaj a̱ maꞌ. O̱rúnꞌ Yaꞌanj me síí neꞌen da̱j vaa ꞌu̱nj ga̱a cavii ꞌu̱nj caꞌanj ꞌu̱nj ado̱nj.

2 Corintios 12:3 ပူးပေါင်းရင်းမြစ်များ

San Lucas 23:43

Ga̱a ne̱ cataj Jesús rihaan soꞌ a: ―Ya̱ ya̱ cata̱j xnaꞌanj ꞌu̱nj rihaan so̱ꞌ cuano̱ se vaa güii cuanꞌ me se ca̱yáán so̱ꞌ ga̱ ꞌu̱nj rej niꞌndaj ya̱ veꞌé vaa ado̱nj ―taj Jesús rihaan soꞌ a.

2 Corintios 11:11

Me cheꞌé tuꞌvaj da̱nj, rá soj ga̱. Da̱nj tuꞌvaj cheꞌé se ne ꞌe̱e̱ raj man soj, rá soj naꞌ. Taj maꞌ. ꞌO̱ se neꞌen Yaꞌanj se vaa ya̱ ya̱ ꞌe̱e̱ rá ꞌu̱nj man soj ado̱nj.

2 Corintios 12:2

Dan me se neꞌenj man ꞌo̱ síí noco̱ꞌ man Cristó a. Ne̱ quisíj xcaꞌa̱nj yoꞌ nica̱j Yaꞌanj man soꞌ, cavii soꞌ caꞌanj soꞌ rej xta̱ꞌ doj nda̱a rej ya̱nj maꞌa̱n Yaꞌanj a. Dan me se ma̱ꞌanj me síí yoꞌ ado̱nj. Tza̱j ne̱ ne neꞌenj sese ina̱nj nimanj cavii caꞌanj niꞌ, ase nu̱ꞌ nee̱ manj cavii caꞌanj niꞌ, ne neꞌen uxraj maꞌ. O̱rúnꞌ Yaꞌanj me síí neꞌen da̱j vaa ꞌu̱nj ga̱a cavii ꞌu̱nj caꞌanj ꞌu̱nj a.