2 Corintios 10:6 - Triqui de San Juan Copala

⁶ Ne̱ asa̱ꞌ cuno maꞌa̱n soj rihaan Yaꞌanj, ne̱ gu̱un nucua̱j núj quiꞌya̱j núj sayuun man cunuda̱nj nij tuviꞌ soj síí naꞌvej rá cuno̱ rihaan Yaꞌanj ado̱nj.

2 Corintios 10:6 ပူးပေါင်းရင်းမြစ်များ

Romanos 2:23

Sa̱ꞌ uxrá ꞌyáá so̱ꞌ unó so̱ꞌ nu̱ꞌ stucua̱nj Moisés, taj so̱ꞌ, tza̱j ne̱ me cheꞌé ꞌyaj ndoꞌo so̱ꞌ cacunꞌ naꞌvej rá Yaꞌanj qui̱ꞌyáá so̱ꞌ ga̱an. Cheꞌé dan aꞌngaꞌ naco̱o̱ nij yuvii̱ niꞌya̱j nij yuvii̱ Yaꞌanj, ꞌyáá so̱ꞌ ado̱nj.

1 Corintios 4:21

Me se me rá soj qui̱ꞌyáj ga̱ soj asa̱ꞌ cuchíꞌ ꞌu̱nj rihaan soj ga̱. Me rá soj cayu̱u̱n soj qui̱ꞌyáj naꞌ. Ase me rá soj ga̱a̱ ꞌe̱e̱ rá ꞌu̱nj man soj ne̱ veꞌé caꞌmi̱j ga̱ soj xa̱ꞌ.

2 Corintios 13:10

Cheꞌé dan cuano̱ nihánj me se cachrón ꞌu̱nj nana̱ nihánj rihaan yanj cartá naya̱a̱ soj a. Dan me se nda̱ꞌ se nuvíꞌ ꞌu̱nj yáán ga̱ soj cuano̱, tza̱j ne̱ cachrón ꞌu̱nj nana̱ nihánj, ga̱a ne̱ güii cuchi̱ꞌ ꞌu̱nj rihaan soj me se se̱ gaa suun rihanj quiꞌya̱j ndoꞌoj sayuun man soj a̱ maꞌ. Dan me se caꞌneꞌ Síí ꞌNi̱j Raꞌa man níꞌ suun rihanj cu̱tumej man soj, ne̱ dan me se naꞌvej rá soꞌ quiri̱ꞌ soj qui̱ꞌyáj a̱ maꞌ. ꞌO̱ se me rá soꞌ ra̱cuíj ꞌu̱nj man soj yan canoco̱ꞌ sa̱ꞌ soj man soꞌ ado̱nj.

2 Corintios 13:2

Ga̱a quisíj vi̱j cuchíꞌ ꞌu̱nj rihaan soj, ne̱ cataj xnaꞌanj ꞌu̱nj rihaan soj se vaa sese cuchi̱ꞌ uún ꞌu̱nj rihaan soj, ne̱ se̱ caráj xꞌnaj ni̱ꞌyaj man síí veé da̱nj ꞌyaj cacunꞌ maꞌ. Ne̱ cuano̱ nihánj me se nuvíꞌ ꞌu̱nj yáán rej ma̱n soj, tza̱j ne̱ cata̱j xnaꞌanj uún ꞌu̱nj rihaan soj se vaa ya̱ ya̱ qui̱ꞌyáá ꞌu̱nj sayuun man cunuda̱nj nij síí tumé cacunꞌ yoꞌ a.

2 Corintios 2:9

Ga̱a quiꞌyáj yanj cartá caꞌnéj rihaan soj ga̱a rque̱, ne̱ caꞌnéꞌ ꞌu̱nj suun rihaan soj se vaa quiꞌya̱j soj sayuun man síí quiꞌyaj cacunꞌ yoꞌ, cheꞌé se me rá ꞌu̱nj xca̱j ꞌu̱nj cuentá sese si̱j uno nu̱ꞌ nana̱ aꞌmij rihaan me soj a.

2 Corintios 7:15

Ne̱ nu̱u̱ rá Titó se vaa veꞌé uxrá cuno soj nana̱ cataj xnaꞌanj soꞌ rihaan soj, ne̱ uxrá caráj cochro̱j soj rihaan soꞌ asi̱j cuchiꞌ soꞌ rihaan soj, ne̱ cuchuꞌviꞌ soj caxri̱i̱ yuva̱a̱ soꞌ man soj a. Cheꞌé dan uxrá doj ꞌe̱e̱ rá soꞌ man soj chugua̱nj.

1 Timoteo 1:20

Dan me se vi̱j nij soꞌ me ro̱j síí cuꞌna̱j Himeneo ga̱ Alejandró síí caꞌmii qui̱j cheꞌé Yaꞌanj a. Dan me se nagoꞌ yá ꞌu̱nj man ro̱j soꞌ raꞌa Síí Chre̱e, ga̱a ne̱ xca̱j ro̱j soꞌ cuentá, ne̱ se̱ caꞌmii qui̱j ro̱j soꞌ cheꞌé Yaꞌanj maꞌ.

3 Juan 1:10

Cheꞌé dan, sese cuchi̱ꞌ uún ꞌu̱nj, ne̱ cata̱j xnaꞌanj ꞌu̱nj cheꞌé se nij ꞌyaj Diótrefes ga̱a aꞌmii soꞌ nana̱ nij cheꞌé núj ado̱nj. Ne̱ né ina̱nj nana̱ nij aꞌmii soꞌ maꞌ. Dan me se ga̱a uchiꞌ nij tinúú níꞌ, ne̱ ne aꞌmii soꞌ ga̱ nij tinúú níꞌ maꞌ. Da̱nj na̱nj uún, ne̱ me maꞌa̱n síí me rá veꞌé caꞌmi̱i̱ ga̱ tinúú níꞌ, ne̱ aráán soꞌ chrej rihaan nij yuvii̱ se̱ gaa na̱nj veꞌé caꞌmi̱i̱ nij yuvii̱ ga̱ tinúú níꞌ, ne̱ nda̱a rii soꞌ man nij yuvii̱ scaꞌnúj xꞌneꞌ nij síí noco̱ꞌ man Cristó chugua̱nj.