2 Corintios 10:16 - Triqui de San Juan Copala

¹⁶ Ga̱a ne̱ nda̱a gu̱un nucua̱j núj cata̱j xnaꞌanj núj nana̱ sa̱ꞌ cheꞌé Cristó rihaan nij yuvii̱ ma̱n ꞌó chumanꞌ ga̱nꞌ doj uún a. Tza̱j ne̱ taj cheꞌé caꞌa̱nj núj rej a̱j ꞌyaj ꞌó yuvii̱ se‑su̱u̱n Yaꞌanj ne̱ cata̱j núj se vaa maꞌa̱n núj me síí quiꞌyaj se vaa quiꞌyaj ꞌó soꞌ a̱ maꞌ.

2 Corintios 10:16 ပူးပေါင်းရင်းမြစ်များ

Hechos 19:21

Veé dan ga̱a ne̱ caꞌnéé nimán Pabló cache̱n soꞌ estadó cuꞌna̱j Macedonia ga̱ Acaya ne̱ caꞌa̱nj soꞌ nda̱a chumanꞌ Jerusalén a. Ne̱ cataj soꞌ se vaa asa̱ꞌ quisíj caꞌanj soꞌ nda̱a chumanꞌ Jerusalén, ne̱ no̱ xcúún soꞌ caꞌa̱nj ni̱ꞌyaj soꞌ nda̱a chumanꞌ Romá, taj soꞌ a.

Romanos 15:20

ꞌO̱ se ina̱nj me raj caꞌmi̱i̱ natáj ꞌu̱nj nana̱ sa̱ꞌ cheꞌé Cristó rihaan yuvii̱ ataa queneꞌe̱n cheꞌé soꞌ, ne̱ se̱ tucuꞌyonj man yuvii̱ a̱j caꞌmii natáj ꞌó yuvii̱ rihaan cheꞌé soꞌ maꞌ.

2 Corintios 11:7

Neꞌen soj se vaa ne caꞌne̱e̱ ꞌu̱nj saꞌanj man soj ga̱a caꞌmii natáj ꞌu̱nj snana̱ Yaꞌanj nana̱ sa̱ꞌ cheꞌé Cristó rihaan soj maꞌ. Ne̱ dan me se nuu ni̱qué ꞌu̱nj doj, tza̱j ne̱ cavii sa̱ꞌ soj doj ado̱nj. Cheꞌé dan nij quiꞌyáá ꞌu̱nj, rá soj naꞌ.