2 Corintios 1:9 - Triqui de San Juan Copala

⁹ Dan me se ꞌo̱ sayuun noco̱o ya̱ ya̱ me yoꞌ, ne̱ rá se vaa síí nataꞌ se‑cacu̱nꞌ cavi̱ꞌ roꞌ, da̱nj vaa guun rá núj na̱nj ado̱nj. Tza̱j ne̱ ꞌo̱ se cuna̱j uxrá quiranꞌ núj da̱nj, ga̱a ne̱ yu̱u̱n cheꞌe̱ se̱ gaa nucua̱j rá núj man maꞌa̱n núj maꞌ. ꞌO̱ se vaa cheꞌé ga̱a̱ nucua̱j ya̱ rá núj man Yaꞌanj síí naquiꞌyaj iꞌna̱ꞌ man yuvii̱ caviꞌ na̱nj ado̱nj.

2 Corintios 1:9 ပူးပေါင်းရင်းမြစ်များ

San Lucas 18:9

Ga̱a ne̱ nanó Jesús cuentó nihánj rihaan taꞌa̱j yuvii̱ guun rá se vaa si̱j sa̱ꞌ ina̱nj me maꞌa̱n nij soꞌ ne̱ nachriꞌ nij soꞌ niꞌya̱j nij soꞌ man ꞌó yuvii̱ a:

Romanos 8:36

No̱ nana̱ rihaan Danj Yaꞌanj taj se vaa cheꞌé se noco̱ꞌ níꞌ man Yaꞌanj, cheꞌé dan me rá yuvii̱ ticavi̱ꞌ yuvii̱ man níꞌ da̱j a̱ orá, ne̱ ase vaa ticaviꞌ nii man matzinj roꞌ, da̱nj me rá nii ticavi̱ꞌ nii man níꞌ, taj Danj Yaꞌanj a.

2 Corintios 1:10

Dan me se da̱j doj se caviꞌ núj, tza̱j ne̱ Yaꞌanj me síí tinanii man núj rihaan sayuun yoꞌ, ne̱ soꞌ me síí ti̱nanii man núj rihaan sayuun quira̱nꞌ núj rej riha̱a̱n, ne̱ nucua̱j rá núj man soꞌ, ne̱ ya̱ ya̱ ti̱nanii soꞌ man núj rihaan sayuun na̱nj ado̱nj.

2 Corintios 1:8

Me rá núj nanu̱j rá soj se vaa quiranꞌ núj sayuun estadó Asia, tinu̱j, nocoj. Ne̱ me rá núj queneꞌe̱n soj se vaa ya̱ uxrá quiranꞌ núj sayuun, ne̱ guun rá núj se vaa se̱ guun nucua̱j núj a̱ maꞌ. Ne̱ da̱j doj se caviꞌ ya̱ núj, rá núj na̱nj ado̱nj.

2 Corintios 3:5

Dan me se ne nó xcúún núj cata̱j núj se vaa uun nucua̱j núj quiꞌya̱j núj se‑su̱u̱n Yaꞌanj maꞌ. ꞌO̱ se maꞌa̱n Yaꞌanj me síí ꞌyaj uun nucua̱j núj quiꞌya̱j núj se‑su̱u̱n soꞌ ado̱nj.

2 Corintios 4:7

Dan me se nu̱u̱ nu̱ꞌ rasu̱u̱n sa̱ꞌ yoꞌ nimán núj, tza̱j ne̱ ase vaa ꞌo̱ xruj yoꞌóó niquii u̱u̱n vaa núj, ne̱ cheꞌé dan neꞌen ya̱ níꞌ se vaa nu̱ꞌ se sa̱ꞌ nucua̱j yoꞌ ꞌnaꞌ ꞌyaj Yaꞌanj ado̱nj. Ne̱ né maꞌa̱n núj ꞌyaj veé ꞌnaꞌ se sa̱ꞌ yoꞌ maꞌ.

Hebreos 11:19

Ne̱ nda̱ꞌ se guun ndoꞌo rá Abraham caꞌnga̱a̱ taꞌníí taꞌnij siꞌno̱ soꞌ, tza̱j ne̱ caꞌvej rá soꞌ ticavi̱ꞌ soꞌ man Isaac rihaan Yaꞌanj na̱nj chugua̱nj. ꞌO̱ se guun rá soꞌ se vaa gu̱un nucua̱j Yaꞌanj cunu̱u iꞌna̱ꞌ uún yuvii̱ quiꞌya̱j Yaꞌanj asa̱ꞌ caviꞌ yuvii̱ a. Dan me se ya̱ uxrá, ne̱ da̱j doj se caviꞌ Isaac, quiꞌyaj Abraham, tza̱j ne̱ caráán Yaꞌanj rihaan soꞌ, ne̱ tanáj uún Yaꞌanj man Isaac rihaan Abraham a.