2 Corintios 1:21 - Triqui de San Juan Copala

²¹ Yaꞌanj me síí racuíj man núj nocoꞌ sa̱ꞌ núj man Cristó ga̱ soj, ne̱ soꞌ me síí cuneꞌ man núj quiꞌya̱j núj se‑su̱u̱n soꞌ a.

2 Corintios 1:21 ပူးပေါင်းရင်းမြစ်များ

San Juan 3:34

Síí caꞌnéé Yaꞌanj man roꞌ, me síí aꞌmii snana̱ Yaꞌanj á. ꞌO̱ se rqué uxrá Yaꞌanj Nimán Yaꞌanj man soꞌ ado̱nj.

Hechos 10:38

Ne̱ nana̱ yoꞌ taj se vaa cuneꞌ Yaꞌanj man Jesús síí cavii chumanꞌ Nazaret, ne̱ rqué ndoꞌo Yaꞌanj Nimán Yaꞌanj man soꞌ, ne̱ rqué ndoꞌo Yaꞌanj rej nucua̱j man soꞌ a. Ne̱ dan me se cachéé Jesús, ne̱ quiꞌyaj ndoꞌo soꞌ suun sa̱ꞌ, ne̱ cunuda̱nj nij síí ranꞌ sayuun ꞌyaj Síí Chre̱e cheꞌé se quirii taꞌngaꞌ Síí Chre̱e rihaan nij soꞌ roꞌ, nahuun sa̱ꞌ nij soꞌ, quiꞌyaj Jesús a. ꞌO̱ se Yaꞌanj roꞌ, racuíj ndoꞌo man Jesús ꞌyaj soꞌ da̱nj ado̱nj.

Romanos 16:25

Uun nucua̱j Yaꞌanj ra̱cuíj Yaꞌanj man soj nari̱ꞌ soj nu̱ꞌ nana̱ sa̱ꞌ caꞌmij rihaan soj a. Nana̱ sa̱ꞌ yuve̱ cheꞌé Jesucristó me nana̱ yoꞌ a. Ga̱a naá me se ne caꞌve̱e xca̱j yuvii̱ cuentá cheꞌé snana̱ Yaꞌanj maꞌ. Tza̱j ne̱ ya̱j roꞌ, tihaa̱n Yaꞌanj snana̱ Yaꞌanj rihaan níꞌ a.

Romanos 8:9

Tza̱j ne̱ ino̱ uxrá vaa nij soj sese ya̱ ya̱nj Nimán Yaꞌanj nimán soj á. Cheꞌé dan ne ꞌyaj soj nda̱a vaa me rá nee̱ man soj quiꞌya̱j soj maꞌ. Tana̱nj ina̱nj rihaan Nimán Yaꞌanj uno soj, ne̱ dan me se sese nuviꞌ Nimán Cristó yáán nimán ꞌo̱ soꞌ, ne̱ né si̱j ꞌni̱j raꞌa Cristó man me soꞌ maꞌ.

1 Corintios 1:8

Ne̱ soꞌ me síí ra̱cuíj ndoꞌo man soj, ne̱ gu̱un nucua̱j soj canoco̱ꞌ xraan soj man soꞌ nda̱a güii caꞌne̱ꞌ Jesucristó Si̱j ꞌNi̱j Raꞌa man níꞌ cacunꞌ cheꞌé yuvii̱, ne̱ se̱ tumé soj cacunꞌ, quiꞌya̱j soꞌ a̱ maꞌ.

2 Corintios 5:5

Ne̱ Yaꞌanj me síí ꞌyaj suun nimán núj yan caꞌve̱e cunu̱u naca̱ nee̱ man núj vaa güii, ne̱ rqué soꞌ Nimán soꞌ man núj, cheꞌé rej gu̱un ya̱ rá núj se vaa cunu̱u naca̱ ya̱ núj quiꞌya̱j Yaꞌanj ado̱nj.

Colosenses 2:7

Dan me se ꞌo̱ gu̱un xe̱j soj rihaan soꞌ, ne̱ ꞌo̱ canicu̱nꞌ xraan soj rihaan soꞌ, ne̱ ꞌo̱ cuno̱ soj rihaan soꞌ, ne̱ ꞌo̱ ca̱yáán soj nda̱a vaa taj tucuáán tucuꞌyón núj man soj, ne̱ o̱rúnꞌ soꞌ cuchuma̱n rá soj ni̱ꞌyaj soj, ne̱ cata̱j uxrá soj guun niꞌya̱j níꞌ rihaan Yaꞌanj á.

1 Tesalonicenses 3:13

Nda̱a síj, ga̱a ne̱ ꞌo̱ cunu̱u sa̱ꞌ nimán soj rihaan Rej níꞌ Yaꞌanj asa̱ꞌ quisíj güii caꞌna̱ꞌ uún Jesús Si̱j ꞌNi̱j Raꞌa man níꞌ rihaan chumii̱ nihánj ga̱ cunuda̱nj nij síí sa̱ꞌ noco̱ꞌ man soꞌ, ne̱ a̱ ꞌó cacunꞌ se̱ tumé soj ga̱a a̱ maꞌ.

2 Tesalonicenses 2:8

Ga̱a ne̱ caꞌna̱ꞌ síí chiꞌi̱i̱ yoꞌ síí naꞌvej rá cuno̱ rihaan Yaꞌanj, ga̱a ne̱ queneꞌe̱n níꞌ da̱j gu̱un ado̱nj. Tza̱j ne̱ asa̱ꞌ caꞌnaꞌ Jesús Si̱j ꞌNi̱j Raꞌa man níꞌ, ne̱ niꞌndaj ya̱ veꞌé chugu̱u̱n soꞌ, ne̱ caꞌya̱nj u̱u̱n soꞌ man síí chiꞌi̱i̱ yoꞌ, ne̱ quiri̱ꞌ nu̱ꞌ síí chiꞌi̱i̱ yoꞌ ado̱nj.

2 Tesalonicenses 3:3

ꞌO̱ se vaa cheꞌé ndoꞌo ga̱a̱ nucua̱j rá níꞌ man Síí ꞌNi̱j Raꞌa man níꞌ, ne̱ soꞌ me síí quiꞌya̱j nari̱ꞌ nucuaj rá soj, ne̱ tu̱mé soꞌ man soj se vaa se̱ quiꞌyaj canaán Síí Chre̱e man soj ado̱nj.

Hebreos 13:9

Se̱ caꞌvej soj tiha̱ꞌ yuꞌunj nii man soj ga̱ me maꞌa̱n ꞌó tucuáán naca̱ maꞌ. ꞌO̱ se a̱j sa̱ꞌ uxrá vaa sese nari̱ꞌ nucuaj nimán soj cheꞌé se lu̱j quiꞌyaj Cristó ga̱ níꞌ ado̱nj. Tza̱j ne̱ se̱ nariꞌ nucuaj nimán soj quiꞌya̱j tucuáán cheꞌé se chá maꞌ. ꞌO̱ se se̱ cavii sa̱ꞌ nij síí noco̱ꞌ tucuáán yoꞌ maꞌ.

1 Pedro 5:10

Dan me se Yaꞌanj roꞌ, me síí ꞌyaj da̱j a̱ se lu̱j cheꞌé soj, ne̱ soꞌ me síí canacúún man soj cavi̱i̱ sa̱ꞌ uxrá soj ga̱ soꞌ nu̱ꞌ cavii nu̱ꞌ caꞌanj cheꞌé Cristó ado̱nj. Asa̱ꞌ quisíj quiranꞌ soj sayuun do̱j güii rihaan chumii̱ nihánj, ga̱a ne̱ naquiꞌya̱j sa̱ꞌ Yaꞌanj man soj, ne̱ naquiꞌya̱j sca̱ꞌ soꞌ man soj, ne̱ ga̱a̱ nucua̱j ina̱nj rá soj, quiꞌya̱j soꞌ, ne̱ cune̱ꞌ sa̱ꞌ soꞌ man soj ado̱nj.

1 Juan 2:20

Ne̱ xa̱ꞌ soj, tza̱j ne̱ nu̱u̱ Nimán Yaꞌanj nimán soj, ne̱ xcaj soj cuentá ne̱ neꞌen cunuda̱nj soj nana̱ ya̱ ꞌyaj Nimán Yaꞌanj ado̱nj.

1 Juan 2:27

Ne̱ xa̱ꞌ soj, tza̱j ne̱ cheꞌé se nu̱u̱ Nimán Yaꞌanj nimán soj quiꞌyaj Cristó, ne̱ cheꞌé dan ꞌo̱ nocoꞌ soj man Cristó, ne̱ taj cheꞌé tu̱cuꞌyón nii doj nana̱ man soj a̱ maꞌ. Tana̱nj cheꞌé se nu̱u̱ Nimán Yaꞌanj nimán soj, cheꞌé dan a̱j nariꞌ soj nana̱ cheꞌé nu̱ꞌ rasu̱u̱n, ne̱ ina̱nj nana̱ ya̱ nariꞌ soj ado̱nj. Né na̱na̱ ne̱ me nana̱ nariꞌ soj, quiꞌyaj Nimán Yaꞌanj maꞌ. Dan me se ꞌo̱ canoco̱ꞌ soj man Cristó, nda̱a vaa tucuꞌyón ya̱ Nimán Yaꞌanj man soj ado̱nj.

Apocalipsis 1:6

Ne̱ cuneꞌ soꞌ man níꞌ gu̱un níꞌ síí nica̱j suun rey ne̱ gu̱un níꞌ xrej nu̱u̱ rihaan Rej soꞌ Yaꞌanj a. Ne̱ ꞌo̱ cata̱j yuvii̱ se vaa niꞌndaj ya̱ sa̱ꞌ veꞌé vaa soꞌ ne̱ veꞌé gu̱un chij soꞌ nu̱ꞌ cavii nu̱ꞌ caꞌanj ado̱nj. Veé da̱nj ga̱a̱ ya̱ ado̱nj.

Apocalipsis 3:18

’Cheꞌé dan narque̱j chrej nucua̱j man soj se vaa quira̱a̱n soj agaꞌ oró míí rihanj agaꞌ cachén yaꞌan ne̱ cunuu sa̱ꞌ ina̱nj, ga̱a ne̱ caꞌve̱e cunu̱u ruꞌve̱e̱ ya̱ ya̱ soj rihanj á. Ne̱ quira̱a̱n soj yatzíj catzi̱i̱ rihanj, ne̱ caꞌve̱e cu̱nuû soj, ne̱ se̱ queneꞌen yuvii̱ se vaa nuviꞌ saga̱nꞌ soj ne̱ se̱ guun naꞌa̱j soj se vaa nuviꞌ saga̱nꞌ soj maꞌ. Ne̱ quira̱a̱n soj rmedió sa̱ꞌ rihanj, ne̱ caxri̱i̱ soj rlij rihaan soj, ga̱a ne̱ caꞌve̱e queneꞌe̱n soj, ne̱ xca̱j sa̱ꞌ soj cuentá ado̱nj.