2 Corintios 1:17 - Triqui de San Juan Copala

¹⁷ Ga̱a guun rá ꞌu̱nj cache̱n ꞌu̱nj chiháán soj roꞌ, uun vi̱j rá ꞌu̱nj do̱ꞌ, aꞌmii rma̱ꞌán ꞌu̱nj do̱ꞌ, da̱j se vaa ꞌyaj nij síí ma̱n rihaan chumii̱ nihánj, rá soj naꞌ. Taj maꞌ.

2 Corintios 1:17 ပူးပေါင်းရင်းမြစ်များ

San Mateo 1:19

Dan me se José me síí xca̱j man Mariá, ne̱ xcaj soꞌ cuentá se vaa a̱j nuû rque noꞌ neꞌej a. Dan me se síí nica̱ nimán me José, ne̱ ne caꞌve̱j rá soꞌ cuta̱ꞌ soꞌ cacunꞌ xráá Mariá rihaan nij síí nica̱j suun a. Cheꞌé dan nuchruj ra̱a̱ soꞌ, ne̱ ta̱náj yuve̱ soꞌ man noꞌ, rá soꞌ a.

San Mateo 5:37

Veé dan ga̱a aꞌmii soj, ne̱ ase cata̱j soj “Ya̱ a”, ase cata̱j soj “Taj maꞌ”, ꞌo̱ na̱nj da̱nj cata̱j soj á. Sese nano̱ꞌ soj ꞌó nana̱, ne̱ chiꞌi̱i̱ vaa nimán soj na̱nj ado̱nj.

San Juan 8:15

Xa̱ꞌ soj, tza̱j ne̱ aꞌneꞌ soj cacunꞌ cheꞌé ina̱nj se vaa ruviꞌ rihaan soj na̱nj ado̱nj. Tza̱j ne̱ ꞌu̱nj me se ne aꞌnéꞌ ꞌu̱nj cacunꞌ cheꞌé da̱j ꞌyaj a̱ ꞌó yuvii̱ maꞌ.

2 Corintios 1:12

Niha̱ꞌ ndoꞌo rá núj, cheꞌé se neꞌen núj se vaa nuviꞌ cacunꞌ tumé núj a. ꞌO̱ se veꞌé quiꞌyaj núj ga̱ soj ga̱a chéé núj rihaan chumii̱ nihánj, ne̱ ne tiha̱ꞌ yuꞌunj núj man soj maꞌ. Ma̱an se cuno núj rihaan Yaꞌanj, ne̱ caꞌmii chij núj rihaan soj, ne̱ ne quiꞌya̱j núj ina̱nj se vaa cavii raa̱ maꞌa̱n núj maꞌ. ꞌO̱ se maꞌa̱n Yaꞌanj racuíj man núj, ne̱ quiꞌyaj núj ina̱nj se vaa me rá Yaꞌanj quiꞌya̱j núj na̱nj ado̱nj.

2 Corintios 11:18

Dan me se cheꞌé se queꞌe̱e̱ yuvii̱ aꞌmii xta̱ꞌ cheꞌé se vaa quiꞌyaj maꞌa̱n nij soꞌ roꞌ, cheꞌé dan caꞌmi̱i̱ xta̱ꞌ ma̱ꞌán ꞌu̱nj do̱j cheꞌé ꞌu̱nj rihaan soj ga̱a na̱nj á.

Gálatas 1:16

ne̱ tihaa̱n soꞌ Taꞌníí soꞌ Jesucristó rihanj, cheꞌé se me rá soꞌ caꞌa̱nj ꞌu̱nj nata̱ꞌ ꞌu̱nj snana̱ soꞌ nana̱ sa̱ꞌ rihaan nij yuvii̱ yaníj na̱nj ado̱nj. Tza̱j ne̱ ꞌu̱nj me se a̱ doj ne caꞌa̱nj ꞌu̱nj xna̱ꞌanj ꞌu̱nj man yuvii̱ da̱j qui̱ꞌyáj ca̱nocoj man Yaꞌanj maꞌ.

Gálatas 2:2

Dan me se caꞌanj ꞌu̱nj chumanꞌ Jerusalén, cheꞌé se queneꞌén ꞌu̱nj quiꞌyaj Yaꞌanj se vaa me rá Yaꞌanj caꞌa̱nj ꞌu̱nj chumanꞌ Jerusalén a. Ne̱ quirii yaníj ꞌu̱nj man nij síí uun chij doj rihaan tinúú níꞌ síí israelitá, ne̱ natáꞌ ꞌu̱nj rihaan maꞌa̱n ina̱nj nij soꞌ cheꞌé snana̱ Yaꞌanj nana̱ sa̱ꞌ aꞌmii natáj ꞌu̱nj rihaan nij soj si̱j yaníj, cheꞌé rej cata̱j nij soꞌ se vaa cuna̱j ꞌyáá ꞌu̱nj, ne̱ se̱ quiriꞌ suun a̱j quiꞌyáj do̱ꞌ, suun ꞌyáj cuano̱ do̱ꞌ maꞌ.

1 Tesalonicenses 2:18

Ne̱ cheꞌé dan guun rá núj cuchi̱ꞌ núj rihaan soj, ne̱ xa̱ꞌ ꞌu̱nj si̱j cuꞌna̱j Pabló me se guun queꞌe̱e̱ ndoꞌo me raj cuchi̱j rej ma̱n soj, tza̱j ne̱ caráán Síí Chre̱e chrej rihaan núj cuchi̱ꞌ núj rihaan soj ado̱nj.

Santiago 5:12

Dan me se nana̱ nihánj me nana̱ noco̱o doj rihaan nu̱ꞌ nij nana̱, tinu̱j, nocoj. Ga̱a caꞌmi̱i̱ soj, ne̱ se̱ cutaꞌ soj raa̱ xta̱ꞌ do̱ꞌ, raa̱ chumii̱ do̱ꞌ, raa̱ me maꞌa̱n ꞌó rasu̱u̱n do̱ꞌ maꞌ. Sese caꞌve̱e quiꞌya̱j soj, rá soj, ne̱ “Caꞌve̱e á”, cata̱j u̱u̱n soj, ne̱ sese se̱ caꞌvee quiꞌya̱j soj, rá soj, ne̱ “Se̱ caꞌvee maꞌ”, cata̱j u̱u̱n soj, ga̱a ne̱ se̱ cutaꞌ Yaꞌanj cacunꞌ xráá soj maan chugua̱nj.