2 Corintios 1:11 - Triqui de San Juan Copala

¹¹ Ne̱ racuíj ndoꞌo soj man núj achíín niꞌya̱j soj rihaan Yaꞌanj cheꞌé núj a. Dan me se uno Yaꞌanj se vaa achíín niꞌya̱j queꞌe̱e̱ yuvii̱ rihaan soꞌ cheꞌé núj, ne̱ quiꞌya̱j soꞌ se lu̱j cheꞌé núj ti̱nanii soꞌ man núj rihaan sayuun ado̱nj. Ne̱ cata̱j queꞌe̱e̱ níꞌ guun niꞌya̱j níꞌ rihaan Yaꞌanj cheꞌé se vaa tinanii soꞌ man núj rihaan sayuun á.

2 Corintios 1:11 ပူးပေါင်းရင်းမြစ်များ

Hechos 12:5

Dan me se Pedró roꞌ, ꞌni̱j soꞌ tagaꞌ rej tumé nij tanuu man soꞌ, tza̱j ne̱ ꞌo̱ na̱nj cachíín niꞌya̱j ndoꞌo xꞌneꞌ nij síí noco̱ꞌ man Jesucristó rihaan Yaꞌanj cheꞌé soꞌ a.

2 Corintios 4:15

ꞌO̱ se ina̱nj cheꞌé soj ranꞌ núj nu̱ꞌ se vaa ranꞌ núj, cheꞌé yan ni̱caj queꞌe̱e̱ ndoꞌo soj se lu̱j quiꞌya̱j Yaꞌanj, ga̱a ne̱ gu̱un ri̱i̱ doj níꞌ si̱j cata̱j guun niꞌya̱j níꞌ rihaan Yaꞌanj, ne̱ gu̱un ri̱i̱ doj níꞌ si̱j veꞌé aꞌmii cheꞌé Yaꞌanj ado̱nj.

2 Corintios 9:14

Ne̱ cunu̱u ꞌe̱e̱ rá maꞌa̱n nij tinúú níꞌ ma̱n chumanꞌ Jerusalén man soj, ne̱ cachi̱nj niꞌya̱j nij soꞌ rihaan Yaꞌanj cheꞌé soj, cheꞌé se uxrá racuíj Yaꞌanj man soj ra̱cuíj soj man nij soꞌ na̱nj á.

Filipenses 1:19

ꞌO̱ se neꞌén ꞌu̱nj se vaa cavi̱i̱ sa̱ꞌ ꞌu̱nj doj vaa güii, cheꞌé nu̱ꞌ se vaa ránꞌ ꞌu̱nj nihánj ado̱nj. Cavi̱i̱ sa̱ꞌ yá ꞌu̱nj doj cheꞌé se achíín niꞌya̱j soj rihaan Yaꞌanj cheꞌé ꞌu̱nj, ne̱ cheꞌé se racuíj ya̱ Nimán Jesucristó manj ado̱nj.

Colosenses 4:3

Dan me se cachi̱nj niꞌya̱j uún soj rihaan Yaꞌanj cheꞌé núj se vaa ga̱a̱ yaꞌnúj rihaan núj caꞌmi̱i̱ núj snana̱ Cristó nana̱ sa̱ꞌ yuve̱ tihaa̱n naca̱ Yaꞌanj rihaan níꞌ á. Cheꞌé nana̱ yoꞌ me ꞌnij ꞌu̱nj tagaꞌ nihánj cuano̱ ado̱nj.

1 Tesalonicenses 5:25

Ne̱ cachi̱nj niꞌya̱j soj rihaan Yaꞌanj cheꞌé núj, tinu̱j, nocoj.

2 Tesalonicenses 3:1

Dan me se vaa ꞌó nana̱ me rá núj caꞌne̱j núj rihaan soj, tinu̱j, nocoj. ꞌO̱ se me rá núj cachi̱nj niꞌya̱j soj rihaan Yaꞌanj se vaa xnaꞌa̱nj uxrá nij síí cuno̱ snana̱ Síí ꞌNi̱j Raꞌa man níꞌ, ne̱ cata̱j yuvii̱ se vaa sa̱ꞌ uxrá vaa nana̱ yoꞌ, nda̱a vaa cataj soj cheꞌé nana̱ yoꞌ ga̱a cuno maꞌa̱n soj a.

Filemón 1:22

Ne̱ me rá ꞌu̱nj naquiꞌya̱j chu̱vií so̱ꞌ veꞌ ca̱ránꞌ ꞌu̱nj do̱j ga̱ so̱ꞌ á. ꞌO̱ se guun ya̱ raj se vaa cheꞌé se achíín niꞌya̱j soj rihaan Yaꞌanj cheꞌej roꞌ, cheꞌé dan ra̱cuíj Yaꞌanj manj cuchi̱j rihaan soj, raj ado̱nj.

Hebreos 13:18

Cachi̱nj niꞌya̱j soj rihaan Yaꞌanj cheꞌé núj á. ꞌO̱ se guun ya̱ rá núj se vaa taj va̱j cacunꞌ tumé núj maꞌ. ꞌO̱ se ina̱nj me rá núj quiꞌya̱j sa̱ꞌ núj ga̱a yáán núj rihaan chumii̱ nihánj ado̱nj.