2 Corintios 1:10 - Triqui de San Juan Copala

¹⁰ Dan me se da̱j doj se caviꞌ núj, tza̱j ne̱ Yaꞌanj me síí tinanii man núj rihaan sayuun yoꞌ, ne̱ soꞌ me síí ti̱nanii man núj rihaan sayuun quira̱nꞌ núj rej riha̱a̱n, ne̱ nucua̱j rá núj man soꞌ, ne̱ ya̱ ya̱ ti̱nanii soꞌ man núj rihaan sayuun na̱nj ado̱nj.

2 Corintios 1:10 ပူးပေါင်းရင်းမြစ်များ

Hechos 26:21

Cheꞌé dan taꞌaa nij yuvii̱ israelitá mán ꞌu̱nj rej ya̱nj nuvií noco̱o, ne̱ guun rá nij soꞌ ticavi̱ꞌ nij soꞌ manj a.

Romanos 15:31

Cachi̱nj niꞌya̱j soj se vaa nani̱j rihaan sayuun me rá nij síí israelitá ya̱nj estadó Judea síí ne nocoꞌ man Cristó quiꞌya̱j nij soꞌ mán ꞌu̱nj a. Cachi̱nj niꞌya̱j nij soj se vaa veꞌé naca̱j nij síí noco̱ꞌ man Cristó ya̱nj chumanꞌ Jerusalén saꞌanj raꞌaj nago̱j man nij soꞌ saꞌanj rqué nij yuvii̱ yaníj a.

2 Corintios 1:9

Dan me se ꞌo̱ sayuun noco̱o ya̱ ya̱ me yoꞌ, ne̱ rá se vaa síí nataꞌ se‑cacu̱nꞌ cavi̱ꞌ roꞌ, da̱nj vaa guun rá núj na̱nj ado̱nj. Tza̱j ne̱ ꞌo̱ se cuna̱j uxrá quiranꞌ núj da̱nj, ga̱a ne̱ yu̱u̱n cheꞌe̱ se̱ gaa nucua̱j rá núj man maꞌa̱n núj maꞌ. ꞌO̱ se vaa cheꞌé ga̱a̱ nucua̱j ya̱ rá núj man Yaꞌanj síí naquiꞌyaj iꞌna̱ꞌ man yuvii̱ caviꞌ na̱nj ado̱nj.

2 Corintios 6:9

Ne̱ taj se uun núj, taj uún nii, tza̱j ne̱ si̱j neꞌen uxrá yuvii̱ man me núj a. Ne̱ taj uún nii se vaa da̱j doj cavi̱ꞌ núj, tza̱j ne̱ neꞌen soj se vaa vaa nucua̱j núj a. Ne̱ aꞌvej rá maꞌa̱n Yaꞌanj quira̱nꞌ núj sayuun cheꞌé rej nari̱ꞌ núj cuno̱ núj doj rihaan Yaꞌanj, tza̱j ne̱ ne aviꞌ núj, ꞌyaj Yaꞌanj maꞌ.

1 Timoteo 4:10

Dan me se ꞌyaj uxrá níꞌ se‑su̱u̱n Yaꞌanj, ne̱ ne chuꞌviꞌ níꞌ caꞌmi̱i̱ yuvii̱ nana̱ nij cheꞌé níꞌ a̱ maꞌ. Da̱nj ꞌyaj níꞌ cheꞌé se naꞌvi̱j níꞌ cavi̱i̱ sa̱ꞌ níꞌ quiꞌya̱j Yaꞌanj si̱j vaa iꞌna̱ꞌ, ne̱ soꞌ me Síí Ti̱nanii rihaan Sayuun man cunuda̱nj yuvii̱ sese amán rá nij soꞌ niꞌya̱j nij soꞌ man soꞌ a.

2 Timoteo 4:17

ꞌO̱ se canicunꞌ Síí ꞌNi̱j Raꞌa man níꞌ ga̱ ꞌu̱nj, ne̱ soꞌ me síí quiꞌyaj guun nu̱cuáá ꞌu̱nj natáꞌ ꞌu̱nj nu̱ꞌ snana̱ Yaꞌanj cuno cunuda̱nj nij yuvii̱ yaníj, ne̱ tinanii soꞌ manj rihaan sayuun noco̱o a.

2 Pedro 2:9

Tza̱j ne̱ Síí ꞌNi̱j Raꞌa man níꞌ me se nacaj soꞌ man nij síí noco̱ꞌ man soꞌ, ne̱ ti̱nanii soꞌ man nij soꞌ rihaan sayuun, ne̱ veé da̱nj gu̱un nucua̱j soꞌ tu̱mé soꞌ man nij síí chiꞌi̱i̱, ne̱ ꞌo̱ quira̱nꞌ nij síí chiꞌi̱i̱ yoꞌ sayuun nda̱a se quisi̱j güii caꞌne̱ꞌ soꞌ cacunꞌ cheꞌé nij soꞌ ado̱nj.