2 Corintios 1:1 - Triqui de San Juan Copala

¹ ꞌU̱nj me síí cuꞌna̱j Pabló si̱j cuneꞌ Cristó Jesús caꞌa̱nj nata̱ꞌ snana̱ soꞌ rihaan yuvii̱, nda̱a vaa me rá maꞌa̱n Yaꞌanj qui̱ꞌyáj a. Ya̱nj tinúꞌ Timoteo ga̱j, ne̱ ꞌyaj rój yanj nihánj caꞌne̱j rój rihaan soj xꞌneꞌ nij síí noco̱ꞌ man Cristó ya̱nj chumanꞌ cuꞌna̱j Corinto, ga̱ cunuda̱nj ꞌó nij soj si̱j noco̱ꞌ man Cristó ya̱nj nu̱ꞌ estadó cuꞌna̱j Acaya uún a.

2 Corintios 1:1 ပူးပေါင်းရင်းမြစ်များ

Hechos 16:1

Dan me se cuchiꞌ síí cuꞌna̱j Pabló ga̱ Silas chumanꞌ Derbe do̱ꞌ, chumanꞌ Listra do̱ꞌ a. Ne̱ chumanꞌ Listra roꞌ, yáán ꞌo̱ síí tucuꞌyón snana̱ Jesucristó, ne̱ Timoteo cuꞌna̱j soꞌ a. Nii Timoteo me chana̱ israelitá noco̱ꞌ man Jesucristó, tza̱j ne̱ rej Timoteo me síí yaníj aꞌmii xnaꞌánj griego a.

Romanos 15:26

ꞌO̱ se nij síí noco̱ꞌ man Cristó ya̱nj estadó cuꞌna̱j Macedonia do̱ꞌ, estadó cuꞌna̱j Acaya do̱ꞌ, me se me ndoꞌo rá nij soꞌ caꞌne̱j nij soꞌ saꞌanj rihaan nij síí nique̱ noco̱ꞌ man Cristó ya̱nj chumanꞌ Jerusalén ado̱nj.

Romanos 16:21

Dan me se veꞌé cuma̱n nij soj, rá síí cuꞌna̱j Timoteo síí ꞌyaj se‑su̱u̱n Yaꞌanj ga̱j a. Ne̱ síí cuꞌna̱j Lucio do̱ꞌ, síí cuꞌna̱j Jasón do̱ꞌ, síí cuꞌna̱j Sosípater do̱ꞌ, nu̱ꞌ nij soꞌ me síí taj se vaa veꞌé cuma̱n soj, rá nij soꞌ a. Veé da̱nj yuvii̱ israelitá me nij soꞌ uún a.

Romanos 16:5

Cata̱j uún soj rihaan xꞌneꞌ yuvii̱ noco̱ꞌ man Cristó nuu chre̱ꞌ tucuá ro̱j soꞌ se vaa veꞌé cuma̱n nij soꞌ, raj á. Ne̱ da̱nj cata̱j uún soj rihaan síí cuꞌna̱j Epeneto á. ꞌO̱ se ꞌe̱e̱ raj man soꞌ, ne̱ soꞌ me síí cuchumán rá niꞌya̱j man Cristó asino ya̱a̱n rihaan cunuda̱nj nij yuvii̱ ma̱n estadó cuꞌna̱j Asia a.

1 Corintios 10:32

Da̱nj na̱nj uún, ne̱ se̱ quiꞌyaj soj se vaa gu̱un vi̱j rá nij yuvii̱ israelitá do̱ꞌ, nij yuvii̱ yaníj do̱ꞌ, xꞌneꞌ cunuda̱nj nij síí noco̱ꞌ man Yaꞌanj do̱ꞌ maꞌ.

1 Corintios 16:10

Tza̱j ne̱ sese cuchi̱ꞌ síí cuꞌna̱j Timoteo rihaan soj, ne̱ veꞌé caꞌmi̱i̱ soj ga̱ soꞌ, ga̱a ne̱ gu̱un niha̱ꞌ rá soꞌ ga̱ soj á. ꞌO̱ se ase vaa ꞌyáá ꞌu̱nj se‑su̱u̱n Síí ꞌNi̱j Raꞌa man níꞌ, taꞌngaꞌ da̱nj vaa ꞌyaj maꞌa̱n soꞌ ado̱nj.

1 Corintios 16:15

Neꞌen nij soj man nij tucua̱ tinúú níꞌ síí cuꞌna̱j Estéfanas se vaa nij soꞌ me síí cuchumán rá niꞌya̱j man Jesucristó asino ya̱a̱n rihaan cunuda̱nj nij yuvii̱ ma̱n estadó Acaya a. Ne̱ caꞌnéé nimán maꞌa̱n nij soꞌ quiꞌya̱j suun nij soꞌ ra̱cuíj nij soꞌ man nij síí noco̱ꞌ man Cristó ado̱nj. Cuano̱ nihánj me se cata̱j xnaꞌanj ꞌu̱nj rihaan soj se vaa veꞌé cuno̱ soj rihaan cunuda̱nj yuvii̱ ꞌyaj suun nda̱a vaa ꞌyaj suun nij soꞌ, tinu̱j, nocoj. Ne̱ cuno̱ uún soj rihaan cunuda̱nj nij síí aꞌnéé ndoꞌo nimán quiꞌya̱j suun ga̱ nij soꞌ na̱nj á.

1 Corintios 16:24

Ne̱ ꞌe̱e̱ rá ꞌu̱nj man ta̱ranꞌ soj si̱j noco̱ꞌ xraan man Cristó Jesús ado̱nj.

1 Corintios 6:11

Dan me se da̱nj ina̱nj quiꞌyaj taꞌa̱j soj ga̱a rque̱, tza̱j ne̱ ya̱j me se xꞌnéj cacunꞌ ta̱j xráá soj, ne̱ cunuu sa̱ꞌ nimán soj, ne̱ cunuu nica̱ nimán soj rihaan Yaꞌanj, cheꞌé se‑chuvi̱i Jesús Si̱j ꞌNi̱j Raꞌa man níꞌ do̱ꞌ, cheꞌé Nimán Yaꞌanj si̱j noco̱ꞌ níꞌ man do̱ꞌ, cuano̱ ado̱nj.

2 Corintios 1:19

Xa̱ꞌ Taꞌníí Yaꞌanj Jesucristó si̱j cheꞌe̱ caꞌmii natáj ꞌu̱nj ga̱ Silvano ga̱ Timoteo, tza̱j ne̱ né si̱j ataꞌ tuꞌva tza̱j ne̱ se̱ quisíj snana̱ me soꞌ maꞌ. Tana̱nj ataꞌ tuꞌva soꞌ, ne̱ síj ya̱ snana̱ soꞌ ado̱nj.

2 Corintios 1:23

Neꞌen Yaꞌanj nimanj, se vaa ya̱ vaa nana̱ aꞌmij rihaan soj cuano̱ nihánj, ne̱ cheꞌé se ne caꞌve̱j ya̱ raj qui̱ꞌyáj sayuun man soj, cheꞌé dan ne cuchi̱j chumanꞌ Corinto ado̱nj.

2 Corintios 11:10

Cheꞌé se ya̱nj Cristó ga̱ ꞌu̱nj, cheꞌé dan neꞌen soj se vaa ya̱ vaa nana̱ aꞌmii ꞌu̱nj rihaan soj, ne̱ cata̱j xnaꞌanj ꞌu̱nj rihaan soj cuano̱ se vaa se̱ guun daj chiha̱a̱ míj cata̱j yuvii̱ ma̱n estadó ma̱n soj se vaa quitaꞌaj se‑saꞌa̱nj soj maꞌ.

2 Corintios 9:2

ꞌO̱ se a̱j neꞌén ꞌu̱nj se vaa guun niha̱ꞌ rá soj rque̱ soj saꞌanj rihaan nij soꞌ, ne̱ veꞌé caꞌmii ꞌu̱nj rihaan nij tinúú níꞌ síí ma̱n estadó Macedonia cheꞌé soj, cataj ꞌu̱nj se vaa asi̱j goj a̱j guun cheꞌe̱ nij soj si̱j ma̱n estadó Acaya racuíj nij soj man nij síí noco̱ꞌ man Cristó, ga̱a ne̱ guun niha̱ꞌ doj rá noco̱o doj nij soꞌ rque̱ maꞌa̱n nij soꞌ saꞌanj a.

Gálatas 1:1

Síí cuꞌna̱j Pabló mej, ne̱ dan me se ga̱a caviꞌ Jesucristó, ne̱ cunuu iꞌna̱ꞌ uún soꞌ, quiꞌyaj Yaꞌanj, ne̱ Jesucristó do̱ꞌ, Rej níꞌ Yaꞌanj do̱ꞌ, me ro̱j síí cuneꞌ mán ꞌu̱nj guún ꞌu̱nj ꞌo̱ síí caꞌa̱nj nata̱ꞌ snana̱ Jesucristó a. Né ina̱nj yuvii̱ me síí cuneꞌ mán ꞌu̱nj maꞌ. Maꞌa̱n ya̱ Yaꞌanj cuneꞌ mán ꞌu̱nj ado̱nj.

Gálatas 3:26

Cheꞌé se amán rá nij soj niꞌya̱j soj man Cristó Jesús roꞌ, cheꞌé dan taꞌníí Yaꞌanj me ta̱ranꞌ soj cuano̱ na̱nj ado̱nj.

Efesios 1:1

Síí cuꞌna̱j Pabló mej, ne̱ cuneꞌ Cristó Jesús mán ꞌu̱nj caꞌa̱nj nata̱ꞌ ꞌu̱nj snana̱ soꞌ rihaan nij yuvii̱, cheꞌé se da̱nj me rá Yaꞌanj qui̱ꞌyáj a. ꞌYáá ꞌu̱nj yanj cartá nihánj caꞌne̱j ꞌu̱nj rihaan nij soj xꞌneꞌ yuvii̱ noco̱ꞌ man Yaꞌanj ya̱nj chumanꞌ Éfeso si̱j ꞌo̱ amán rá niꞌya̱j man Cristó Jesús a.

Filipenses 1:1

Síí cuꞌna̱j Pabló ga̱ síí cuꞌna̱j Timoteo me rój, ne̱ síí nu̱u̱ rihaan Cristó Jesús me rój, ne̱ nihánj me se ꞌyaj rój yanj cartá nihánj caꞌne̱j rój rihaan cunuda̱nj nij soj xꞌneꞌ yuvii̱ noco̱ꞌ man Cristó Jesús soj si̱j ya̱nj chumanꞌ Filipos a. Me rá rój naya̱a̱ nij soj do̱ꞌ, nij síí tumé sa̱ꞌ rihaan Yaꞌanj man soj do̱ꞌ, nij síí nica̱j suun rihaan Yaꞌanj ra̱cuíj man soj do̱ꞌ, yanj cartá nihánj a.

1 Tesalonicenses 1:1

Síí cuꞌna̱j Pabló do̱ꞌ, Silvano do̱ꞌ, Timoteo do̱ꞌ, me núj, ne̱ ꞌyaj núj yanj nihánj caꞌne̱j núj rihaan nij soj xꞌneꞌ yuvii̱ ya̱nj chumanꞌ Tesalónica noco̱ꞌ man Rej níꞌ Yaꞌanj do̱ꞌ, man Jesucristó Si̱j ꞌNi̱j Raꞌa man níꞌ do̱ꞌ a. Me rá núj quiꞌya̱j ndoꞌo Rej níꞌ Yaꞌanj ga̱ Jesucristó Si̱j ꞌNi̱j Raꞌa man níꞌ se lu̱j cheꞌé soj, ne̱ ga̱a̱ xe̱j nimán soj a.

1 Tesalonicenses 3:2

ne̱ dan me se caꞌnéé núj man tinúꞌ Timoteo cuchi̱ꞌ soꞌ rej ma̱n soj a. Dan me se soꞌ me síí ꞌyaj se‑su̱u̱n Yaꞌanj ga̱ núj suun nataꞌ nana̱ sa̱ꞌ cheꞌé Cristó a. Me rá núj ra̱cuíj soꞌ man soj, narque̱ soꞌ chrej nucua̱j man soj, ne̱ xraan doj canoco̱ꞌ soj man Cristó, quiꞌya̱j soꞌ a.

2 Tesalonicenses 1:1

Síí cuꞌna̱j Pabló do̱ꞌ, Silvano do̱ꞌ, Timoteo do̱ꞌ, me núj, ne̱ ꞌyaj núj yanj cartá nihánj caꞌne̱j núj rihaan nij soj xꞌneꞌ yuvii̱ ya̱nj chumanꞌ cuꞌna̱j Tesalónica si̱j noco̱ꞌ man Rej níꞌ Yaꞌanj do̱ꞌ, man Jesucristó Si̱j ꞌNi̱j Raꞌa man níꞌ do̱ꞌ a.

1 Timoteo 1:1

ꞌU̱nj nihánj me síí cuꞌna̱j Pabló síí cuneꞌ Cristó Jesús caꞌa̱nj nata̱ꞌ snana̱ soꞌ rihaan yuvii̱ a. Yoꞌ me suun caꞌneꞌ Yaꞌanj Si̱j Tinanii man níꞌ rihaan Sayuun do̱ꞌ, Cristó Jesús si̱j nucua̱j ya̱ rá níꞌ quiꞌya̱j cavi̱i̱ sa̱ꞌ níꞌ do̱ꞌ ado̱nj.

2 Timoteo 1:1

ꞌU̱nj nihánj me síí cuꞌna̱j Pabló, ne̱ cuneꞌ Cristó Jesús mán ꞌu̱nj caꞌa̱nj nata̱ꞌ ꞌu̱nj rihaan yuvii̱ se vaa ga̱a̱ iꞌna̱ꞌ níꞌ nu̱ꞌ cavii nu̱ꞌ caꞌanj quiꞌya̱j Cristó Jesús, nda̱a vaa cataꞌ tuꞌva Yaꞌanj, ne̱ yoꞌ me suun me rá Yaꞌanj qui̱ꞌyáj ado̱nj.

Tito 1:1

ꞌU̱nj roꞌ, me síí cuꞌna̱j Pabló nu̱u̱ rihaan Yaꞌanj, ne̱ cuneꞌ Jesucristó mán ꞌu̱nj caꞌa̱nj nata̱ꞌ ꞌu̱nj rihaan nij yuvii̱ narii Yaꞌanj cheꞌé rej nari̱ꞌ nij soꞌ stucua̱nj Cristó, ne̱ nari̱ꞌ nij soꞌ snana̱ Yaꞌanj nana̱ ya̱, ne̱ veꞌé uxrá canoco̱ꞌ nij soꞌ man Yaꞌanj, quiꞌya̱j nana̱ ya̱ yoꞌ a.

Filemón 1:1

ꞌU̱nj roꞌ, me síí cuꞌna̱j Pabló síí ꞌni̱j tagaꞌ cuano̱ cheꞌé se nocóꞌ ꞌu̱nj man Cristó Jesús, ne̱ nicu̱nꞌ tinúú níꞌ Timoteo ga̱ ꞌu̱nj cuano̱, ne̱ dan me se ꞌyáá ꞌu̱nj yanj nihánj caꞌne̱j ꞌu̱nj rihaan so̱ꞌ si̱j cuꞌna̱j Filemoó a. ꞌE̱e̱ rá ꞌu̱nj mán so̱ꞌ, ne̱ tuviꞌ níꞌ síí ꞌyaj se‑su̱u̱n Cristó ga̱ ꞌu̱nj mé so̱ꞌ,

Hebreos 13:23

Xca̱j soj cuentá se vaa curiha̱nj tinúꞌ Timoteo tagaꞌ, ne̱ sese raꞌya̱nj caꞌna̱ꞌ soꞌ rihanj, ne̱ cuchi̱ꞌ rój rihaan soj raꞌya̱nj na̱nj á.