1 Timoteo 5:2 - Triqui de San Juan Copala

² Ase aꞌmii so̱ꞌ ga̱ nií so̱ꞌ roꞌ, da̱nj caꞌmi̱i̱ so̱ꞌ ga̱ nij vichij uún a. Ase aꞌmii so̱ꞌ ga̱ raꞌvij so̱ꞌ roꞌ, da̱nj caꞌmi̱i̱ so̱ꞌ ga̱ nij chana̱ tachru̱u̱ á. Se̱ caꞌmii so̱ꞌ a̱ doj nana̱ chiꞌi̱i̱ ga̱ nij noꞌ maꞌ.

1 Timoteo 5:2 ပူးပေါင်းရင်းမြစ်များ

San Mateo 12:50

ꞌO̱ se yuvii̱ uno rihaan Réé ꞌu̱nj síí nicu̱nꞌ xta̱ꞌ roꞌ, ase vaa tinúú ꞌu̱nj do̱ꞌ, ase vaa raꞌvij ꞌu̱nj do̱ꞌ, ase vaa nií ꞌu̱nj do̱ꞌ, vaa nij soꞌ rihanj ado̱nj ―taj Jesús a.

Filipenses 4:8

Dan me se ina̱nj cheꞌé se ya̱ do̱ꞌ, cheꞌé se sa̱ꞌ do̱ꞌ, cheꞌé tucuáán sa̱ꞌ do̱ꞌ, cheꞌé se lu̱j do̱ꞌ, cheꞌé se nica̱ vaa nimán do̱ꞌ, cheꞌé se niꞌya̱nj do̱ꞌ, nuchru̱j ra̱a̱ soj, tinu̱j, nocoj. Dan me se sese veꞌé vaa se ꞌyaj ꞌo̱ soꞌ rá soj, ne̱ xca̱j soj cuentá, ne̱ nuchru̱j ra̱a̱ soj da̱j ꞌyaj soꞌ á.

1 Tesalonicenses 5:22

Ne̱ se̱ caꞌvej rá soj quiꞌya̱j soj da̱j a̱ se nij maꞌ.

1 Timoteo 4:12

ꞌO̱ se xnii mé so̱ꞌ, ne̱ ataa cachi̱j so̱ꞌ, tza̱j ne̱ taj se ꞌyaj yoꞌ maꞌ. Se̱ guun cata̱j yuvii̱ se vaa taj se uún so̱ꞌ maꞌ. Ma̱an se veꞌé qui̱ꞌyáá so̱ꞌ nu̱ꞌ tucuáán noco̱ꞌ níꞌ, se vaa veꞌé caꞌmi̱i̱ so̱ꞌ do̱ꞌ, veꞌé qui̱ꞌyáá so̱ꞌ do̱ꞌ, ga̱a̱ ꞌe̱e̱ rá so̱ꞌ man tinúú so̱ꞌ do̱ꞌ, ga̱a̱ nucua̱j rá so̱ꞌ man Yaꞌanj do̱ꞌ, tu̱mé so̱ꞌ mán so̱ꞌ se̱ quiꞌyáá so̱ꞌ cacunꞌ do̱ꞌ, ga̱a ne̱ xca̱j nij síí noco̱ꞌ man Yaꞌanj cuentá da̱j no̱ xcúún nij soꞌ quiꞌya̱j nij soꞌ uún ado̱nj.

1 Timoteo 5:1

Se̱ caxríj yuva̱a̱ so̱ꞌ man nij chii nga̱ maꞌ. Tana̱nj veꞌé caꞌmi̱i̱ so̱ꞌ rihaan nij soꞌ narque̱ so̱ꞌ chrej sa̱ꞌ man nij soꞌ á. Da̱j se aꞌmii so̱ꞌ ga̱ réé so̱ꞌ roꞌ, da̱nj caꞌmi̱i̱ so̱ꞌ ga̱ nij chii nga̱ á. Ase aꞌmii so̱ꞌ ga̱ tinúú so̱ꞌ roꞌ, da̱nj caꞌmi̱i̱ so̱ꞌ ga̱ nij síí tachru̱u̱ uún a.

1 Timoteo 5:3

Cara̱a̱ co̱chróó so̱ꞌ man nij chana̱ caviꞌ nica̱ á. Rque̱ so̱ꞌ rasu̱u̱n achiin man nij noꞌ, sese nuviꞌ tuviꞌ chana̱ racuíj man chana̱ a.

2 Timoteo 2:22

Tza̱j ne̱ se̱ caꞌvej rá so̱ꞌ qui̱ꞌyáá so̱ꞌ nda̱a vaa me rá nij síí tachru̱u̱ quiꞌya̱j nij soꞌ maꞌ. ꞌO̱ gu̱un rá so̱ꞌ qui̱ꞌyáá so̱ꞌ se sa̱ꞌ ni̱ꞌyaj Yaꞌanj á. Ga̱a̱ nucua̱j rá so̱ꞌ man soꞌ á. Ga̱a̱ ꞌe̱e̱ rá so̱ꞌ tuvíꞌ so̱ꞌ á. Dínj ca̱yáán so̱ꞌ ga̱ ꞌó nij síí sa̱ꞌ nimán nij síí achíín niꞌya̱j rihaan Síí ꞌNi̱j Raꞌa man níꞌ á.